اردو اشعار Urdu Ashaar

[intelligent086]

ایک زمانہ گزرا سورج نکلا تھا
مشرق سے اب اندھی صبحیں اٹھتی ہیں

[intelligent086]

غیر مقابل ہوں تو ہم بھی لڑ جائیں
ہم پر اپنوں کی تلواریں اٹھتی ہیں

[intelligent086]

لو آسی جی، پیار کے سوتے خشک ہوئے
پریم پریت کی ساری رسمیں اٹھتی ہیں

[intelligent086]

رات، اداسی، چاند ستمگر خاموشی
نیند سے بوجھل دیوار و در، خاموشی

[intelligent086]

سناٹے کا خوف، سسکتی آوازیں
سب آوازوں کا پس منظر خاموشی

[intelligent086]

خواب جزیرہ ہولے ہولے ڈوب گیا
اوڑھ چکا بے رحم سمندر خاموشی

[intelligent086]

میں نے کتنے ہونٹوں کو آوازیں دیں
لیکن میری ذات کے اندر خاموشی

[intelligent086]

آنسو، تارا، جگنو، شعلہ، بے تابی
سوچ سمندر کے ساحل پر خاموشی

[intelligent086]

بستر کانٹے جلتی آنکھیں آخرِ شب
مرتے ہیں پلکوں پر اختر، خاموشی

[intelligent086]

آسی کو کب کچھ کہنا راس آیا ہے
اپنا لی اس نے تنگ آ کر خاموشی

[intelligent086]

جب سر پھوٹا بات کھلی، پتھر تو پتھر رہتا ہے
بات نہ تھی جھٹلانے کی، پتھر تو پتھر رہتا ہے

[intelligent086]

دیوانے ہیں خود اصنام بنا کر پوجا کرتے ہیں
صورت ہو چاہے کیسی، پتھر تو پتھر رہتا ہے

[intelligent086]

پھول سے بچوں کو ہاتھوں میں سنگ اٹھائے دیکھا تو
اک بوڑھے نے خوب کہی، پتھر تو پتھر رہتا ہے

[intelligent086]

ہم نے انا کے بت کو توڑا بھی پر اس کو کیا کہئے
ٹکڑے ٹکڑے ہو کر بھی پتھر تو پتھر رہتا ہے

[intelligent086]

ایک زمانہ اس کے ساتھ گزارا سو مدہوشی میں
سپنا ٹوٹا، بات کھلی، پتھر تو پتھر رہتا ہے

[intelligent086]

اس میں خون نہیں دوڑے گا، یہ رگ ہے دکھلاوے کی
مان بھی جاؤ آسی جی! پتھر تو پتھر رہتا ہے

[intelligent086]

بوڑھی سوچیں ملیں مجھ کو عزمِ جواں ڈھوندتے ڈھونڈتے
سر لئے پھر رہا ہوں میں سنگِ گراں ڈھوندتے ڈھونڈتے

[intelligent086]

کیا خبر کیسی کیسی بہشتیں نظر میں بسا لائے تھے
مر گئے لوگ شہرِ بلا میں اماں ڈھوندتے ڈھونڈتے

[intelligent086]

میرے جذبوں کے بازو بھی لگتا ہے، جیسے کہ، شل ہو گئے
سرد لاشوں میں ٹھٹھری ہوئی بجلیاں ڈھوندتے ڈھونڈتے

[intelligent086]

یوں خیالوں کی تصویر قرطاس پر کیسے بن پائے گی
لفظ کھو جائیں گے فن کی باریکیاں ڈھوندتے ڈھونڈتے

[intelligent086]

ہم سا بے خانماں ہو کسی رنج میں مبتلا کس لئے
اپنا گھر ہی نہ تھا، تھک گئیں آندھیاں ڈھوندتے ڈھونڈتے

[intelligent086]

لو، کسی کوئے بے نام میں جا کے وہ بے خبر کھو گیا
روزناموں میں چھپتی ہوئی سرخیاں ڈھوندتے ڈھونڈتے

[intelligent086]

آدمی کیا ہے، یہ جان لینا تو آسی بڑی بات ہے
سوچ پتھرا گئی رشتۂ جسم و جاں ڈھوندتے ڈھونڈتے

[intelligent086]

جانے چلی ہے کیسی ہوا سارے شہر میں
سوچیں ہوئیں سروں سے جدا سارے شہر میں

[intelligent086]

میری ہر ایک عرض ہے نا معتبر یہاں
اس کا ہر ایک حکم روا سارے شہر میں

[intelligent086]

سرگوشیاں ہیں اور جھکے سر ہیں، خوف ہے
سہمی ہوئی ہے خلقِ خدا سارے شہر میں

[intelligent086]

بدلی مری نگاہ کہ چہرے بدل گئے
کوئی بھی معتبر نہ رہا سارے شہر میں

[intelligent086]

پندار، قیصری پہ جو ضرب اک لگی تو پھر
کندھوں پہ کوئی سر نہ رہا سارے شہر میں

[intelligent086]

خاموش ہو گئے ہیں مرے سارے ہم نوا
زندہ ہے ایک میری صدا سارے شہر میں

[intelligent086]

ابھی نظر کے بچھائے ہوئے سراب میں ہوں
سفر نصیب، مگر منزلوں کے خواب میں ہوں

[intelligent086]

بسیط قلزمِ ہستی سہی مگر میں تو
انا کی قید میں ہوں، ذات کے حباب میں ہوں

[intelligent086]

ترے دلائل و منطق پہ گنگ فرزانے
میں ایک شاعرِ دیوانہ کس حساب میں ہوں

[intelligent086]

فقیہِ شہر! مرا اصل مسئلہ یہ ہے
کسی سوال میں شامل نہ میں جواب میں ہوں

[intelligent086]

سروں کی خیر مناؤ، دراز قد لوگو!
وہ سنگ ہوں کہ نہاں سرمئی سحاب میں ہوں

[intelligent086]

پڑا جو دستِ ستم گر، تو خون اگلے گا
مثالِ خار چھپا پردۂ گلاب میں ہوں

[intelligent086]

خدائے عرش، مرے حال پر کرم فرما
نماز پڑھ کے بھی الجھا ہوا ثواب میں ہوں

[intelligent086]

تیرگی میں سجھائی کیا دے گا
روشنی کے پیام کیا کیا تھے

[intelligent086]

میں اسے دیکھتا تھا، وہ مجھ کو
خامشی میں کلام کیا کیا تھے

[intelligent086]

لوگ پہچانتے نہیں اب تو
آپ تھے تو سلام کیا کیا تھے

[intelligent086]

شہر میں ہم اداس رہتے ہیں
دشت میں شاد کام کیا کیا تھے

[intelligent086]

شام ہونے کو آئی تو سوچا
آج کرنے کے کام کیا کیا تھے

[intelligent086]

جو ستارے بجھا دئے تو نے
گردشِ صبح و شام! کیا کیا تھے!

[intelligent086]

اے میری آرزوؤں کے صیاد، سوچ لے
دم سے انہی کے تیری ہے بیداد، سوچ لے

[intelligent086]

تجھ کو نہیں فغاں سے اگر آج واسطہ
کوئی سنے گا تیری نہ فریاد، سوچ لے

[intelligent086]

تیری نگہ نے بھی نہ وفا کی گواہی دی
باتیں بھی ہیں مرقّع اضداد، سوچ لے

[intelligent086]

بازو پہ جس کو اپنے بھروسا نہ ہو اسے
ملتی نہیں کہیں سے بھی امداد، سوچ لے

[intelligent086]

خود نہر کا وجود بھی شیریں جمال ہے
اتنا ہی، میرے دور کا فرہاد سوچ لے

[intelligent086]

ہمیں اپنی خبر باقی نہیں ہے
کسی کے تن پہ سر باقی نہیں ہے

[intelligent086]

کہانی کیا سناؤں آدمی کی
وہ توقیرِ بشر باقی نہیں ہے

[intelligent086]

در و دیوار بھی ہیں، لوگ بھی ہیں
بھری بستی میں گھر باقی نہیں ہے

[intelligent086]

چلو سوچوں کے جگنو پالتے ہیں
کہ امیدِ سحر باقی نہیں ہے

[intelligent086]

خبر لو، ساکنانِ رہ گزر کی
کہیں گردِ سفر باقی نہیں ہے

[intelligent086]

وہی انداز ہیں فطرت کے لیکن
کوئی اہلِ نظر باقی نہیں ہے

[intelligent086]

خدا کی رحمتیں تو منتظر ہیں
دعاؤں میں اثر باقی نہیں ہے

[intelligent086]

بادل سوچوں کے، کس سے منسوب کروں
جلتے اندیشے کس سے منسوب کروں

[intelligent086]

اپنے گرد فصیل بنائی خود میں نے
غم تنہائی کے کس سے منسوب کروں

[intelligent086]

دور کہیں سے رونے کی آواز آئی
اے دل، یہ صدمے کس سے منسوب کروں

[intelligent086]

روشنیوں کا قاتل کس کو ٹھہراؤں
قاتل اندھیرے کس سے منسوب کروں

[intelligent086]

راتیں تو اکثر آنکھوں میں کٹتی ہیں
ان دیکھے سپنے کس سے منسوب کروں

[intelligent086]

کرچی کرچی ہونے کا دکھ اپنی جگہ
پتھر جو برسے، کس سے منسوب کروں

[intelligent086]

میری زباں سے پھوٹے ہیں، سو میرے ہیں
زہریلے کانٹے کس سے منسوب کروں

[intelligent086]

منافقت نے جلال چہروں پہ لکھ دیا ہے
وفا نے حزن و ملال چہروں پہ لکھ دیا ہے

[intelligent086]

اسی لئے تو میں کہہ رہا تھا کہ کچھ نہ کہنا
صدا نے اندر کا حال چہروں پہ لکھ دیا ہے

[intelligent086]

خلا میں کھوئی، خموش، خستہ خمار نظریں
کسی نے میرا خیال چہروں پہ لکھ دیا ہے

[intelligent086]

یقین و امید و بیم و خوف و گماں نے مل کے
جواب جیسا سوال چہروں پہ لکھ دیا ہے

[intelligent086]

ہوا کچھ ایسا کہ وسعتِ قلب کی کمی نے
منافرت کا ابال چہروں پہ لکھ دیا ہے

[intelligent086]

بے قراریِ جاں، جو تو نہ رہی
میں وہ گل ہوں کہ جس میں بو نہ رہی

[intelligent086]

ہو گیا بے نیازِ سینہ دل
جامے کو حاجتِ رفو نہ رہی

[intelligent086]

بجھ گئے شوق کے شرارے بھی
برقِ ناوک بھی تند خو نہ رہی

[intelligent086]

نا امیدی سی نا امیدی ہے
آرزو کی بھی آرزو نہ رہی

[intelligent086]

تو نہ ملتا، نہ تھی کچھ ایسی بات
دکھ تو یہ ہے کہ جستجو نہ رہی

[intelligent086]

وائے بے سمت قافلوں کا سفر
رہگزر کی بھی آبرو نہ رہی

[intelligent086]

اس کی سرمستئ نظر کے طفیل
حاجتِ ساغر و سبو نہ رہی

[intelligent086]

دشت میں وہ سکوں ملا آسی
کچھ تمنائے کاخ و کو نہ رہی

[intelligent086]

اپنے دشمن ہزار نکلے ہیں
ہاں مگر، با وقار نکلے ہیں

[intelligent086]

ہم بھی کیا بادہ خوار ہو جائیں
شیخ تو بادہ خوار نکلے ہیں

[intelligent086]

گھر کا رستہ نہ مل سکا ہم کو
گھر سے جو ایک بار نکلے ہیں

[intelligent086]

چاند بن چاندنی کہاں ہو گی
گو ستارے ہزار نکلے ہیں

[intelligent086]

خونِ دل دے کے جن کو سینچا تھا
نخل سب خاردار نکلے ہیں

[intelligent086]

بند کوچے کی دوسری جانب
راستے بے شمار نکلے ہیں

[intelligent086]

بعد اک عمر کی خموشی کے
مصرعے زور دار نکلے ہیں

[intelligent086]

ہم تو سمجھے تھے مست ہیں آسی
آپ بھی ہوشیار نکلے ہیں

[intelligent086]

کوئی کہتا تھا خوش ہیں آسی جی
وہ مگر دل فگار نکلے ہیں

[intelligent086]

دِن کے اثرات سرِ شب جو نمایاں ہوں گے
وصل کے خواب بھی آنکھوں سے گریزاں ہوں گے

[intelligent086]

ہاں مری یاد ستائے گی تجھے جانتا ہوں
تیری پلکوں پہ بھی کچھ اشک فروزاں ہوں گے

[intelligent086]

اے کہ لوہو کو مرے غازہ بنانے والو
یوں چھپانے سے یہ داغ اور نمایاں ہوں گے

[intelligent086]

وقت کے ہاتھ میں شمشیرِ حساب آئے گی
’نیم بسمل کئی ہوں گے کئی بے جاں ہوں گے‘

[intelligent086]

وقت کے ہاتھ میں شمشیرِ حساب آئے گی
’نیم بسمل کئی ہوں گے کئی بے جاں ہوں گے‘

[intelligent086]

گر جنوں طعمۂ منقارِ خِرَد یوں ہی رہا
کوئی فرحاں نہ رہے گا سبھی گریاں ہوں گے

[intelligent086]

دوستوں نے تیر جب دل میں ترازو کر دئے
ہم نے سب شکوے سپردِ شاخ آہو کر دئے

[intelligent086]

درد کے دریا میں غوطہ زن ہوا غوّاصِ شوق
موج خود کشتی بنی، گرداب چپو کر دئے

[intelligent086]

حُسن کی بے اعتنائی کو بس اتنا سا خراج؟
کیا کِیا قرباں اگر دو چار آنسو کر دئے

[intelligent086]

سایۂ دیوارِ جاناں ظلِ طوبیٰ سے سوا
اُس نے یہ کیا کہہ دیا، الفاظ خوشبو کر دئے

[intelligent086]

زندگی اک دم حسیں لگنے لگی مجذوب کو
اک نگاہِ ناز نے کیا کیا نہ جادو کر دئے

[intelligent086]

وقتِ رخصت پیش کرنے کے لئے کچھ بھی نہیں
اشک جتنے تھے ترے آنے پہ جگنو کر دئے

[intelligent086]

تھا وہ اک یعقوب آسی دفعتاً یاد آ گیا
میری گردن میں حمائل کس نے بازو کر دئے

[intelligent086]

گلی کوچے لہو سے اٹ گئے ہیں
بس اک جنگل کا رستہ رہ گیا ہے

[intelligent086]

بڑے تو بند ہو بیٹھے گھروں میں
گلی میں ایک بچہ رہ گیا ہے

[intelligent086]

ضمیرِ آدمیت سخت جاں تھا
ستم گر ہاتھ ملتا رہ گیا ہے

[intelligent086]

دمِ ہجرت کہا بچے نے رو کر
مرا ٹوٹا کھلونا رہ گیا ہے

[intelligent086]

ہوئیں اُن سے زمانے بھر کی باتیں
جو کہنا تھا وہ کہنا رہ گیا ہے

[intelligent086]

تُو ملے غیر سے شاید یہ گوارا ہو تجھے
میں ملوں غیر سے کیسے میں گوارا کر لوں

[intelligent086]

تُو اگر مجھ کو مسلمان نہ رہنے دے تو
ماں زمیں! تیری قسم، تجھ سے کنارا کر لوں

[intelligent086]

اہتمام آپ کے سواگت کا بھی کچھ ہو جائے
ٹھہرئیے، ایک ذرا اشک شرارہ کر لوں

[intelligent086]

آج پھر مائلِ چشمک ہیں فنا اور بقا
سامنے اپنے وجود اپنا صف آرا کر لوں

[intelligent086]

ہاں مجھے دیکھ مری ذات میں گم سا ہو کر
میں تری آنکھوں سے اپنا بھی نظارہ کر لوں

[intelligent086]

مری حیات کی لکھی گئی کتاب عجیب
متن غریب ہے اِس کا تو انتساب عجیب

[intelligent086]

کسی کے ہِجر نے کانٹے خیال میں بوئے
حصارِ خار میں مہکے مگر گلاب عجیب

[intelligent086]

ازل کے حبس کدوں میں چلی ہوا تازہ
نگاہِ ناز نے وا کر دئے ہیں باب عجیب

[intelligent086]

قدم تو کوچۂ جاناں کو اُٹھ گئے از خود
انا کی جان پہ ٹوٹے مگر عذاب عجیب

[intelligent086]

وفورِ شوق میں آنکھیں سوال ہوتی ہیں
لبوں پہ کانپتے رہتے ہیں اضطراب عجیب

[intelligent086]

فرازِ طور پہ لفظوں کو افتخار ملا
سوالِ شوخ سے بڑھ کر ملا جواب عجیب

[intelligent086]

گئے برس بھی یہاں آشتی کا قحط رہا
اور اب کے سال اٹھے خوف کے سحاب عجیب

[intelligent086]

رگِ حیات کہاں لامکاں کی بات کہاں
جنابِ شیخ نے پیدا کئے حجاب عجیب

[intelligent086]

غموں پر پھر جوانی آ گئی ہے
’طبیعت میں روانی آ گئی ہے‘

[intelligent086]

ابھی ’اَرِنِی ‘ بھی کہہ پایا نہ زاہد
صدائے ’لَن تَرَانِی ‘آ گئی ہے

[intelligent086]

نہ بن پائی کبھی جو بات ہم سے
وہ اب کچھ کچھ بنانی آ گئی ہے

[intelligent086]

ستارے ٹوٹنے گرنے لگے ہیں
یہ آفت ناگہانی آ گئی ہے

[intelligent086]

کہاں تک آہ و زاری کیجئے گا
وہ جو اک شے تھی آنی آ گئی ہے

[intelligent086]

جسے ہم نے چھپایا آپ سے بھی
وہ ہر لب پر کہانی آ گئی ہے

[intelligent086]

کہیں سے ڈھونڈ کر آسی کو لاؤ
فضا میں کچھ گرانی آ گئی ہے

[intelligent086]

تیری پلکوں کے ستاروں میں سمانا چاہوں
اپنے اشکوں کو کسی طور چھپانا چاہوں

[intelligent086]

تا کوئی حسرتِ تعمیر نہ باقی رہ جائے
آشیاں شانۂ طوفاں پہ بنانا چاہوں

[intelligent086]

کچھ نہ کچھ ہو تو سہی اپنے لہو کا حاصل
شب کے ماتھے پہ شفق رنگ سجانا چاہوں

[intelligent086]

شدّتِ ضبط سے بے طرح بکھر جاتا ہوں
نغمۂ درد جو محفل میں سنانا چاہوں

[intelligent086]

سوچتا ہوں تو ہنسی آتی ہے خود پر یارو
میں بھی کیا شخص ہوں روتوں کو ہنسانا چاہوں

[intelligent086]

دشتِ حسرت تو بسے گا ہی، اگر مر بھی گئیں
پھر تمناؤں کا اِک شہر بسانا چاہوں

[intelligent086]

فغانِ نا رسا کچھ اور کہتی ہے
صدا اندر صدا کچھ اور کہتی ہے

[intelligent086]

ارادوں کی ہوا کچھ اور کہتی ہے
مگر زنجیرِ پا کچھ اور کہتی ہے

[intelligent086]

فقیہِ شہر کے اپنے حواشی ہیں
’مگر خلقِ خدا کچھ اور کہتی ہے‘

[intelligent086]

شہرِ یعقوب ہے ویران بڑی مدت سے
ایک یوسف ہے جسے ڈھونڈ کے لانا چاہوں

[intelligent086]

سنا ہے شہر میں سب امن ہے، ہو گا!
یہ شورش جا بجا کچھ اور کہتی ہے

[intelligent086]

وہ جس کی مانگ اک بلوے میں اجڑی تھی
بہ اندازِ دعا کچھ اور کہتی ہے

[intelligent086]

گرانی در پئے پندار تھی اور اب
سرِ چاکِ قبا کچھ اور کہتی ہے

[intelligent086]

اگرچہ عام سے الفاظ ہیں لیکن
تری طرزِ ادا کچھ اور کہتی ہے

[intelligent086]

بھری محفل میں تنہا بولتا ہے
وہ اپنے قد سے اونچا بولتا ہے

[intelligent086]

وہ اپنی ذات کے زنداں کا قیدی
پسِ دیوار تنہا بولتا ہے

[intelligent086]

یہ ہونا تھا مآلِ گریہ بندی
سرِ مِژگاں ستارا بولتا ہے

[intelligent086]

مہِ کامل کو چُپ سی لگ گئی ہے
مرے گھر میں اندھیرا بولتا ہے

[intelligent086]

مرے افکار کی موجیں رواں ہیں
مرے لہجے میں دریا بولتا ہے

[intelligent086]

سنو، شاید اترنے کو ہے طوفاں
سمندر کا کنارا بولتا ہے

[intelligent086]

یہ کیا کم ہے کہ میں تنہا نہیں ہوں
یہاں کوئی تو مجھ سا بولتا ہے

[intelligent086]

پڑ گئی اوس کیسے پھولوں پر
رات محوِ بکا رہی ہو گی

[intelligent086]

وہ کسی طور بھی نہیں مائل
کوئی میری خطا رہی ہو گی

[intelligent086]

بات کرتا ہے یوں کہ بات نہ ہو
یہ بھی اس کی ادا رہی ہو گی

[intelligent086]

موت آساں گزر گئی آسی
میری ماں کی دعا رہی ہو گی

[intelligent086]

جھلملانے لگے ہیں پھر جگنو
تیرگی تلملا رہی ہو گی

[intelligent086]

بھیج ہی دوں چراغ اشکوں کے
رات بستی پہ چھا رہی ہو گی

[intelligent086]

سوچوں کی بھاری زنجیریں بھی اپنی
پلکوں پر لکھی تحریریں بھی اپنی

[intelligent086]

من پاگل جو ساری رات بناتا ہے
لے جاتا ہے دن تصویریں بھی اپنی

[intelligent086]

شکوہ ہے کوئی تو اپنی ذات سے ہے
تدبیریں اپنی تقدیریں بھی اپنی

[intelligent086]

ہم خود اپنے ارمانوں کے قاتل ہیں
ہم پر لگتی ہیں تعزیریں بھی اپنی

[intelligent086]

ہم نے اپنی قدروں کو پامال کیا
خاک بسر ہیں اب توقیریں بھی اپنی

[intelligent086]

غیروں کی خلعت سے بڑھ کر سجتی ہیں
اپنے تن پر ہوں گر لیریں بھی اپنی

[intelligent086]

آسی جی غم کی اک اپنی لذت ہے
درد کی ہوتی ہیں تاثیریں بھی اپنی

[intelligent086]

اس شہر کا کیا جانئے کیا ہوکے رہے گا
ہر شخص بضد ہے کہ خدا ہو کے رہے گا

[intelligent086]

شعلہ سا وہ لپکا ہے کہستاں میں مکرر
خاشاک کا فرعون فنا ہو کے رہے گا

[intelligent086]

آباد بڑی دیر سے ہے شہرِ تمنا
اک روز درِ شہر بھی وا ہو کے رہے گا

[intelligent086]

اِس شہر پنہ کا ہمیں سایہ ہی بہت ہے
سودائے وطن سر پہ ردا ہو کے رہے گا

[intelligent086]

پھر دشمنِ ایماں نے نئی چال چلی ہے
کہتا ہے کہ وہ بندہ مرا ہو کے رہے گا

[intelligent086]

وعدوں پہ ترے چھوڑ دیا ہم نے بہلنا
اب خونِ جگر رنگِ حنا ہو کے رہے گا

[intelligent086]

لکھنا ہے مجھے نوحۂ برگِ گلِ یابس
’یہ قرضِ محبت ہے ادا ہو کے رہے گا‘

[intelligent086]

پلکوں پر برسات اٹھائے پھرتا ہے
دل بھی کیا سوغات اٹھائے پھرتا ہے

[intelligent086]

لکھنا ہے مجھے نوحۂ برگِ گلِ یابس
’یہ قرضِ محبت ہے ادا ہو کے رہے گا‘

[intelligent086]

ہاتھی کی چنگھاڑ سنائی کیسے دے
پیرِ حرم سکرات اٹھائے پھرتا ہے

[intelligent086]

جس میں آنکھ اٹھانے کی بھی تاب نہیں
کندھوں پر دن رات اٹھائے پھرتا ہے

[intelligent086]

جس کا ماس اڑایا چیلوں کوّوں نے
مردہ ہاتھ نبات اٹھائے پھرتا ہے

[intelligent086]

اب کی بار وہ ہار سے یوں دو چار ہوا
سر پر دونوں ہاتھ اٹھائے پھرتا ہے

[intelligent086]

میرا دشمن کرتا ہے تشہیر مری
میری اک اک بات اٹھائے پھرتا ہے

[intelligent086]

چاند ستارے اک مدت سے ماند ہوئے
’جگنو سر پر رات اٹھائے پھرتا ہے‘

[intelligent086]

خود کو آئینے میں دیکھا میں نے
راز تکوین کا پایا میں نے

[intelligent086]

کتنے تاروں پہ قیامت ٹوٹی
اپنا دامن جو نچوڑا میں نے

[intelligent086]

وہ تو اُس شام سرِ شہر پنہ
شہر کا درد لکھا تھا میں نے

[intelligent086]

رہنما یوں بھی ہے برہم مجھ پر
راستہ اس سے نہ پوچھا میں نے

[intelligent086]

یوں ہی اک عالمِ مجبوری میں
جبر کو جبر کہا تھا میں نے

[intelligent086]

لے کے پلکوں سے ستارے ٹانکے
قریۂ جاں کو اجالا میں نے

[intelligent086]

کسی کو عشق نے کوئے بتاں میں ڈال دیا
کسی کو عقل نے وہم و گماں میں ڈال دیا

[intelligent086]

فکر بے نطق ملی تھی مجھ کو
اس کو لہجے سے نوازا میں نے

[intelligent086]

کسی کی دید نے جادو جگا دئے کیا کیا
جمال و حسنِ بہاراں خزاں میں ڈال دیا

[intelligent086]

خدا کے پیشِ نظر تھی حفاظتِ آدم
زمیں کو لے کے کفِ آسماں میں ڈال دیا

[intelligent086]

امیر سے کوئی پوچھے تو، کس لئے اس نے
سفر کا خوف دلِ کارواں میں ڈال دیا

[intelligent086]

چلے تو پیشِ نظر تھی یقین کی جنت
سوادِ رہ نے کوئے بے اماں میں ڈال دیا

[intelligent086]

ترے خیال نے لفظوں کا روپ کیا دھارا
بلا کا سوز لبِ نغمہ خواں میں ڈال دیا

[intelligent086]

ہماری فکر کی تاریکیوں کا پرتو ہے
جو دستِ چرخ نے سیارگاں میں ڈال دیا

[intelligent086]

مرے کہے پہ کہ بہتر ہے آزما لینا
’مجھی کو اس نے کڑے امتحاں میں ڈال دیا‘

[intelligent086]

غم ہزاروں دلِ حزیں تنہا
بوجھ کتنے ہیں اور زمیں تنہا

[intelligent086]

بس گئے یار شہر میں جا کر
رہ گئے دشت میں ہمِیں تنہا

[intelligent086]

تیری یادوں کا اک ہجوم بھی ہے
آج کی رات میں نہیں تنہا

[intelligent086]

اپنے پیاروں کو یاد کرتا ہے
آدمی ہو اگر کہیں تنہا

[intelligent086]

وہ کسی بزم میں نہ آئے گا
گوشۂ دل کا وہ مکیں تنہا

[intelligent086]

دل نہ ہو گر نماز میں حاضر
خام ہے سجدۂجبیں تنہا

[intelligent086]

کاروبارِ حیات کا حاصل
ایک دولت ہی تو نہیں تنہا

[intelligent086]

میرے مولا کبھی تو اس دل میں
ہو ترا خوف جا گزیں تنہا

[intelligent086]

بڑی باریک نظر رکھتے ہیں اچھے پاگل
پاگلو! بات کی تہہ کو نہیں پہنچے؟ پاگل!

[intelligent086]

اپنے اطوار سے قطعاً نہیں لگتے پاگل
ہم نے دیکھے ہیں ترے شہر میں ایسے پاگل

[intelligent086]

کبھی تو اپنے ہی افکار سے خوف آتا ہے
کبھی ہم خود کو سمجھ لیتے ہیں جیسے پاگل

[intelligent086]

زندگی خواب ہے گر، خواب میں سونا کیا ہے
خواب در خواب کی تعبیر سجھائے پاگل

[intelligent086]

جس کو سوچے تو خِرد خود ہی پریشاں ہو جائے
اُس کے دیوانے کو ہم تو نہیں کہتے پاگل

[intelligent086]

چپ کرو یار، مجھے ڈر ہے تمہاری باتیں
اور لہجہ نہ کسی اور کو کر دے پاگل

[intelligent086]

شہر کے لوگ سمجھتے ہیں تجھی کو جھوٹا
اتنا سچ بول گیا ہے ارے پگلے! پاگل!

[intelligent086]

کیا عجب کوئی سزاوارِ وفا بھی نہ رہے
آج کے دور میں اس طور جو بولے، پاگل

[intelligent086]

وہ ایاغِ دیدہ طرار تھا، مرا حصہ تشنہ لبی رہی
ترا نام آتشِ زیرِ پا، یہاں گام گام کجی رہی

[intelligent086]

وہ جو زخم تھا سو مٹا دیا، وہ جو پیار تھا سو بھلا دیا
وہ جو درد تھا سو لٹا دیا، پہ کسک سی ایک بچی رہی

[intelligent086]

کوئی خوف تھا نہ امنگ تھی، وہ جو اپنے آپ سے جنگ تھی
دلِ مضطرب کی ترنگ تھی، دلِ مضطرب میں لگی رہی

[intelligent086]

کبھی آہ بن کے ہوا ہوئی، کبھی نالہ بن کے ادا ہوئی
کسے کیا خبر کہ وہ کیا ہوئی، وہ جو بے کلی تھی دبی رہی

[intelligent086]

وہ قرار تھا کہ فرار تھا، اسے اپنے آپ سے پیار تھا
وہ عجیب سینہ فگار تھا، جسے خود سے بے خبری رہی

[intelligent086]

یہ چراغِ جاں کا جو دود ہے، سَرِ سَر سپہرِ کبود ہے
یہ جمالِ بود و نبود ہے، یہاں روشنی سی ڈھکی رہی

[intelligent086]

وہ مثالِ تختۂ کاہ تھا، کئی تتلیوں کی پناہ تھا
وہ کہ شہرِ ہجر کا شاہ تھا، مرے دل پہ اُس کی شہی رہی

[intelligent086]

جو ہوا، جس طرح بھی ہوا فیصلہ
وقت نے آخرش دے دیا فیصلہ

[intelligent086]

اسے خوب میرا خیال ہے، کہ وجود جس کا سوال ہے
یہ اسی نظر کا کمال ہے، کہ ہر آنکھ مجھ پہ جمی رہی

[intelligent086]

چھوڑ! تیری بلا سے، مؤقف مرا
اے گراں گوش منصف! سنا فیصلہ

[intelligent086]

عقل گویم نگویم میں الجھی رہی
عشق نے کہہ دیا، ہو گیا فیصلہ

[intelligent086]

جا! تری یاد کو دل بدر کر دیا
تیرے شایاں جو تھا، کر دیا فیصلہ

[intelligent086]

ہر اک دل میں دردِ جدائی آن بسا ہے
گاؤں میں کوئی بیراگی آن بسا ہے

[intelligent086]

آنکھوں میں اندیشۂ فردا جھانک رہا ہے
چہروں پر کربِ آگاہی آن بسا ہے

[intelligent086]

کرچی کرچی ہوتا جاتا ہوں اندر سے
اِس بت خانے میں اک صوفی آن بسا ہے

[intelligent086]

وقت نے ایک عجب انداز میں کروٹ لی ہے
فردا کی بستی میں ماضی آن بسا ہے

[intelligent086]

میری اکثر باتیں سچی ہو جاتی ہیں
میرے اندر کوئی جوگی آن بسا ہے

[intelligent086]

آسی جی خاموشی آپ کی ٹوٹی کیسے؟
گوشۂ جاں میں ہجر کا پنچھی آن بسا ہے؟

[intelligent086]

مجھے محسوس کرنے والا اک دل چاہئے تھا
ستم پھر اُس کے شایان و مقابل چاہئے تھا

[intelligent086]

تجھے بھی چاہئے تھی پردہ داری چاہتوں کی
مجھے بھی خود پہ قابو، جان محمِل، چاہئے تھا

[intelligent086]

غمِ ہجرت اٹھانا ہے کوئی آسان ایسا
یہاں پہلے قدم پر ہی بڑا دل چاہئے تھا

[intelligent086]

ذرا سی رُت بدلنے پر یہ اتنی آہ و زاری؟
ذرا اک حوصلہ جمِّ عنادل چاہئے تھا

[intelligent086]

سرِ دیوار لکھے ہیں زمانے آنے والے
کوئی اک صاحبِ ادراکِ کامل چاہئے تھا

[intelligent086]

سرِ شام ہے جو بجھا بجھا مرا داغِ دل
دمِ صبح پاؤ گے اطلاعِ فراغِ دل

[intelligent086]

پَرِ کاہ موجِ ہوا پہ ہے جو رَواں دَواں
نگہِ پراں کی کمند ڈال، دماغِ دل

[intelligent086]

وہ نگاہِ ناز ہے مہرباں، رہے احتیاط
اے وفورِ شوق چھلک نہ جائے ایاغِ دل

[intelligent086]

شبِ تار بھی، مرا راہبر بھی ہے بے جہت
کوئی لو تو دے ذرا جگمگا اے چراغِ دل

[intelligent086]

رہیں گل بھی، بادِ صبا بھی، ابرِ بہار بھی
جو نہ خار ہوں تو کمال پائے نہ باغِ دل

[intelligent086]

کیا کہا؟ وہ مری تلاش میں ہے؟
وہ کسی اور کی تلاش میں ہے!

[intelligent086]

کوئی دل؟ جو کہ اس کے لائق ہو!
درد کی تازگی تلاش میں ہے

[intelligent086]

ہو نہ جائے مری سماعت گم
تیری آواز کی تلاش میں ہے

[intelligent086]

فکر گوشہ نشین ہو بیٹھی
شوقِ آوارگی تلاش میں ہے

[intelligent086]

کون جانے کہیں ملے، نہ ملے
وہ جو خود بھی مری تلاش میں ہے

[intelligent086]

اک سکوں سا بڑے دنوں سے ہے
سانحہ کیا کوئی تلاش میں ہے؟

[intelligent086]

وہ جو ہے خون میں رواں کب سے
درد ہے آہ کی تلاش میں ہے

[intelligent086]

صبح دم آج پھر صدا آئی
کوئی ہے؟ جو مری تلاش میں ہے

[intelligent086]

میری پہچان کھو گئی ہے کہیں
میری بے چہرگی تلاش میں ہے

[intelligent086]

اپنوں نے وہ زخم لگائے
غیروں کے مرہم یاد آئے

[intelligent086]

آنسو بن کر بہہ جاتے ہیں
جتنے کوئی خواب سجائے

[intelligent086]

نہ ملنے پر رنجیدہ تھے
اس سے مل کر بھی پچھتائے

[intelligent086]

ان زلفوں کی یاد دلائیں
شام کے لمبے لمبے سائے

[intelligent086]

یہ بھی ہے اظہار کی صورت
ہونٹ ہلیں، آواز نہ آئے

[intelligent086]

مصلحتوں نے لب سی ڈالے
کوئی کچھ کیسے کہہ پائے

[intelligent086]

شہر پہ چھایا ہے سناٹا
کیا جانے کب کیا ہو جائے

[intelligent086]

لوگ قد آور ہو جائیں تو
عنقا ہو جاتے ہیں سائے

[intelligent086]

آسی اپنی سوچ کو روکو
تعزیروں کے موسم آئے

[intelligent086]

ایک پھول درجن بھر کانٹے
یار ہمارے تحفے لائے

[intelligent086]

میں ہی دیوانہ سہی لوگ تو فرزانے ہیں
کیوں حقائق میں ملا دیتے یہ افسانے ہیں

[intelligent086]

ایک لمحے کو نگہ اور طرف بھٹکی تھی
ورنہ ہم صرف تری دید کے دیوانے ہیں