اردو اشعار Urdu Ashaar

[intelligent086]

اشک در اشک ہوں عنواں تیرے
آئنوں میں تجھے اُترا دیکھوں

[intelligent086]

فیصلہ یہ بھی سُنا دے مجھ کو
مَیں ٹھہر جاؤں کہ رستہ دیکھوں

[intelligent086]

دیکھ کر چاند اُفق پر اُبھرا
تُجھ کو دیکھوں ترا ماتھا دیکھوں

[intelligent086]

ہاتھ پر لمس کی تحریر تری
ان لبوں سے تُجھے چکھا دیکھوں

[intelligent086]

کیسا موسم ہے یہ دِل پر ماجدؔ
تہ بہ تہ رنگ یہ کیا کیا دیکھوں

[intelligent086]

جو سو چکے تھے وُہ جذبے جگا دئیے تُو نے
نظر میں کیا یہ الاؤ جلا دئیے تُو نے

[intelligent086]

شگفتِ تن سے، طلوعِ نگاہِ روشن سے
تمام رنگ رُتوں کے بھلا دئیے تُو نے

[intelligent086]

تھا پور پور میں دیپک چھُپا کہ لمس ترا
چراغ سے رگ و پے میں جلا دئیے تُو نے

[intelligent086]

لباسِ ابر بھی اُترا مِہ بدن سے ترے
حجاب جو بھی تھے حائل اُٹھا دئیے تُو نے

[intelligent086]

ذرا سے ایک اشارے سے یخ بدن کو مرے
روانیوں کے چلن سب سِکھا دئیے تُو نے

[intelligent086]

کسی بھی پل پہ گماں اب فراق کا نہ رہا
خیال و خواب میں وہ گُل کھلا دئیے تُو نے

[intelligent086]

جنم جنم کے تھے سُر تال جن میں خوابیدہ
کُچھ ایسے تار بھی اب کے ہلا دئیے تُو نے

[intelligent086]

سخن میں لُطفِ حقائق سمو کے اے ماجدؔ
یہ کس طرح کے تہلکے مچا دئیے تُو نے

[intelligent086]

جب بھی دیکھوں یہ فلک، اَبر ہٹا کر دیکھوں
مَیں بدن کا ترے کھُلتا ہوا منظر دیکھوں

[intelligent086]

گلشنِ حُسن پہ ہو راج اِسی کا جیسے
ان دنوں مرغِ طلب کو وُہ لگے پر دیکھوں

[intelligent086]

اوج کے لمس سے پہنچوں بہ سرِ چشمۂ لُطف
پر جو اِیدھر سے اُتر پاؤں تو اُودھر دیکھوں

[intelligent086]

میری حیرت سے کھلے تُجھ پہ ترا حُسن مگر
آئنوں سا میں جبھی تُجھ کو برابر دیکھوں

[intelligent086]

لب پہ رقصاں ہے مرے، ہے جو پسِ چشم اُدھر
اِس شرارت میں بپا کتنے ہی محشر دیکھوں

[intelligent086]

بِین سا سامنے جس کے ترا پیکر گونجے
خواب میں بھی ترے آنگن میں وہ اژدر دیکھوں

[intelligent086]

شعبدہ ہے، کہ تقاضا یہ تری دید کا ہے
ہر بُنِ مُو میں سمائے ہوئے اخگر دیکھوں

[intelligent086]

اِک لب و چشم تو کیا اِن کے سوا بھی ماجدؔ
جذبۂ شوق کے کیا کیا نہ کھلے در دیکھوں
٭٭٭

[intelligent086]

جو نہیں ہے تُو، تو یہ ماہتاب ہے سامنے
نہ سہی پہ کُچھ تو ترا جواب ہے سامنے

[intelligent086]

ہے رواں لہو میں ترے ہی لمس کا ذائقہ
شب و روز اک یہی عکسِ خواب ہے سامنے

[intelligent086]

وُہی جس کی آس مشامِ جاں کو رہی سدا
سرِ شاخِ شب وُہ کھِلا گلاب ہے سامنے

[intelligent086]

تری دید ہے کہ نظر میں حرف سُرور کے
ترا قرب ہے کہ کھُلی کتاب ہے سامنے

[intelligent086]

یہی شے تو وجہِ قیام خیمۂ لُطف ہے
یہ جو دو حدوں میں تنی طناب ہے سامنے

[intelligent086]

ہے تجھی سی پیاس اِسے بھی لختِ زمین جاں
یہی جو نظر میں تری سحاب ہے سامنے

[intelligent086]

وُہی کھو گئی تھی جو تُجھ سے ماجدِ ؔ بے سکوں
وُہی دیکھ! ساعتِ اضطراب ہے سامنے

٭٭٭

[intelligent086]

چاہتے ہیں ہم اَب کے
ہو ترا کرم اَب کے

[intelligent086]

لُوٹنے کو جی چاہے
لطفِ کیف و کم اَب کے

[intelligent086]

حبس وُہ لہو میں ہے
گھُٹ رہا ہے دم اَب کے

[intelligent086]

مثلِ ماہ و شب ہم بھی
کیوں نہ ہوں بہم اَب کے

[intelligent086]

کُچھ تو محو ہونے دے
ابروؤں کے خم اَب کے

[intelligent086]

پوچھتی ہے کیا ماجدؔ
موسموں کی نم اَب کے

[intelligent086]

چاہتوں میں نئے رنگ بھرتے رہے
رات بھر ہم نکھرتے سنورتے رہے

[intelligent086]

اُس سے نسبت تھی جیسے شب و ماہ سی
نِت نئے طور سے ہم نکھرتے رہے

[intelligent086]

تن بدن اُس کا اِک لوح تھا جس پہ ہم
حرفِ تازہ بنے نِت اُبھرتے رہے

[intelligent086]

جیسے اُس کی مہک ہی سے سرشار تھے
پاس سے جو بھی جھونکے گزرتے رہے

[intelligent086]

ہم کو یک جا کیا اُس زرِ خاص نے
ہم کہ سیماب آسا بکھرتے رہے

[intelligent086]

نشۂ قرب سے جیسے باہم دگر
جان و دل میں، رگوں میں اُترتے رہے

[intelligent086]

اَب تو اپنا ہے ماجدؔ وُہ جس کے لئے
ہم بصد آرزو روز مرتے رہے
٭٭٭

[intelligent086]

حدّتِ خوں کے تقاضے نہ چھپایا کیجے
دِل میں جو بات ہے ہونٹوں پہ بھی لایا کیجے

[intelligent086]

سرد مہری سا بُرا وار نہ کیجے ہم پر
جانبِ غیر ہی یہ تِیر چلایا کیجے

[intelligent086]

یہ جنہیں مطلعِ انوار سمجھتے ہیں سبھی
ان لبوں سے کوئی مژدہ بھی سُنایا کیجے

[intelligent086]

حاصلِ عمر ہے یہ حرف، میانِ لب و چشم
خواہش قرب نہ باتوں میں اُڑایا کیجے

[intelligent086]

تشنگی جس سے کبھی دیدۂ باطن کی مِٹے
ایسا منظر بھی کبھی کوئی دکھایا کیجے

[intelligent086]

سامنا پھر نہ کسی لمحۂ گُستاخ سے ہو
دل میں سوئے ہوئے ارماں نہ جگایا کیجے

[intelligent086]

ہم مصوّر تجھے ٹھہرائیں کہ شاعر ماجدؔ
عکسِ جاناں ہی بہ ہر حرف نہ لایا کیجے

[intelligent086]

خود کو ہم سے وُہ چھپائے کیا کیا
حشر اِس دل میں اُٹھائے کیا کیا

[intelligent086]

دم بدم اُس کی نظر کا شعلہ
مشعلیں خوں میں جلائے کیا کیا

[intelligent086]

ہم نے اُس کے نہ اشارے سمجھے
لعل ہاتھوں سے گنوائے کیا کیا

[intelligent086]

گُل بہ گُل اُس کے فسانے لکھ کر
درد موسم نے جگائے کیا کیا

[intelligent086]

لفظ اُس شوخ کے عشووں جیسے
ہم نے شعروں میں سجائے کیا کیا

[intelligent086]

حرف در حرف شگوفے ہم نے
اُس کے پیکر کے، کھلائے کیا کیا

[intelligent086]

لُطف کے سارے مناظر ماجدؔ
جو بھی دیکھے تھے دکھائے کیا کیا

[intelligent086]

حُسن اُس کا بحّدِ نہاں دیکھنا
چاہتی ہے نظر ہر سماں دیکھنا

[intelligent086]

کیوں نہ ہم اِس ادا پر ہی مرتے رہیں
چھیڑنا اور اُسے بدگماں دیکھنا

[intelligent086]

کنجِ لب جیسے کھڑکی کھُلے خُلد کی
قامت و قد کو طوبیٰ نشاں دیکھنا

[intelligent086]

ہائے وُہ ہاتھ جن کی ہے تحریر وُہ
حرف در حرف مخفی جہاں دیکھنا

[intelligent086]

اُس کے رُخ پرنظر کا نہ ٹِکنا تو پھر
دفعتاً جانبِ آسماں دیکھنا

[intelligent086]

اُس کے پیکر سے اپنی یہ وابستگی
گُنگ لمحوں کے منہ میں زباں دیکھنا

[intelligent086]

آنکھ سے تو شراروں کا جھڑنا بجا
لمس تک سے بھی اُٹھتے دھُواں دیکھنا

[intelligent086]

نازکی اُس کی اور تشنگی شوق کی
نوک پر خار کی پرنیاں دیکھنا

[intelligent086]

اس بیاں پر نہ معتوب ٹھہرو کہیں
دیکھنا ماجدِ خستہ جاں دیکھنا

[intelligent086]

دمِ وصال پھلانگی گئیں حدیں کیا کیا
وُہ مہرباں تھا تو کیں ہم نے وحشتیں کیا کیا

[intelligent086]

ہر اِک کے نفس تھا کوئی موجۂ صبا جیسے
لبوں کے بیچ در آئی تھیں کونپلیں کیا کیا

[intelligent086]

رُوئیں رُوئیں کو زباں بخش دی تھی اُس نے مگر
وضاحتوں میں تھیں پھر بھی قباحتیں کیا کیا

[intelligent086]

لہُو میں آگ، شرارے نظر میں تھے اپنی
مچل اُٹھی تھیں بدن میں تمازتیں کیا کیا

[intelligent086]

یہ تن کہ جیسے چٹخنے کو جامِ مے ہو کوئی
لب و نگاہ میں رقصاں تھیں خواہشیں کیا کیا

[intelligent086]

ہُوا مباح ہمیں جو بھی کچھ کہ تھا ممنوع
ملیں بہ جنبشِ اَبرُو وُہ مُہلتیں کیا کیا

[intelligent086]

کس درجہ سبکسار کیا، جذبِ جنوں کو
محفل سے وُہ رخصت کیا اِشارے، مری توبہ

[intelligent086]

اظہارِ تمّنا ہی کیا تھا مگر اُس پر
انداز عتابی وہ تمہارے، مری توبہ

[intelligent086]

سُرخی سی لب و چشم میں وہ طیش و حیا کی
بپھرے ہوئے دریا کے کنارے، مری توبہ

[intelligent086]

اک شور سا رَگ رَگ میں، تمازت دل و جاں میں
آثار قیامت کے وُہ سارے، مری توبہ

[intelligent086]

جو پیکرِ اُمید تھا دل میں وُہی شق تھا
تھیں شوخ نگاہیں کہ وُہ آرے، مری توبہ

[intelligent086]

ماجدؔ سرِ اغیار جو گزری وُہی لکھے
کیا رُوپ قلم نے ترے دھارے، مری توبہ

[intelligent086]

راکھ ہی راکھ کیا دکھاؤں تُجھے
دل میں کچھ ہو تو اب سُجھاؤں تُجھے

[intelligent086]

ہو میّسر کبھی جو قرب ترا
ہر رگِ جاں سے گنگناؤں تُجھے

[intelligent086]

شوخیِ لب سے طیش میں لاؤں
اِن نگاہوں سے گدگداؤں تُجھے

[intelligent086]

تو کہ عنواں ہے چاہتوں کا مری
آ، بہ شاخِ نظر سجاؤں تُجھے

[intelligent086]

لطف اِن رفعتوں کا لے تو کبھی
آ، دل و چشم میں بساؤں تُجھے

[intelligent086]

تُو ہے خوشبو تو میں ہوں موجِ صبا
آ، ترا مرتبہ دلاؤں تُجھے

[intelligent086]

آ، کہ لکھا ہے جو لہو میں مرے
قصّۂ دردِ جاں سناؤں تُجھے

[intelligent086]

زہر اب ہے، مے ہے، انگبیں ہے
چھب جو بھی ہے اُس کی آتشیں ہے

[intelligent086]

انوار ہی پھُوٹتے ہیں اُس سے
زرخیز بڑی وُہ سرزمیں ہے

[intelligent086]

جو ناز کرے اُسے روا ہے
وُہ شوخ ہے، شنگ ہے، حسیں ہے

[intelligent086]

ہالہ ہے کہ اُس کا ہے گریباں
مطلع ہے کہ اُس کی آستیں ہے

[intelligent086]

کیا ذکر ہو اُس کے آستاں کا
جو لطف ہے جانئے وہیں ہے

[intelligent086]

نسبت ہے یہی اب اُس سے اپنی
ہم خاتمِ چشم، وہ نگیں ہے

[intelligent086]

حرفوں سے جو منعکس ہے ماجدؔ
یہ بھی تو جمالِ ہم نشیں ہے

[intelligent086]

سب سرحدوں سے شوق کی ہم پار ہو گئے
تُجھ سے ملے تو ابرِ گہر بار ہو گئے

[intelligent086]

ہر جنبشِ بدن کے تقاضے تھے مختلف
جذبے تمام مائلِ اظہار ہو گئے

[intelligent086]

زندہ رہے جو تُجھ سے بچھڑ کر بھی مُدّتوں
ہم لوگ کس قدر تھے جگر دار ہو گئے

[intelligent086]

اپنے بدن کے لمس کی تبلیغ دیکھنا
ہم سحرِ آذری کے پرستار ہو گئے

[intelligent086]

دو وقت، دو بدن تھے، کہ جانیں تھیں دو بہم
رستے تمام مطلعِ انوار ہو گئے

[intelligent086]

ماجد ہے کس کا فیضِ قرابت کہ اِن دنوں
پودے سبھی سخن کے ثمر دار ہو گئے

[intelligent086]

سورج سا نگاہ میں مچلنا
آغوش سے چاند بن کے ڈھلنا

[intelligent086]

انمول ہیں سب گِلے یہ تیرے
یہ لعل لبوں سے پھر اُگلنا

[intelligent086]

چھپنا پسِ ابر چاند جیسا
لہروں سا سرِ نظر اُچھلنا

[intelligent086]

ہیں شاخِ نظر کے یہ تقاضے
یہ برگ نہ ہاتھ سے مسلنا

[intelligent086]

مشکل ہے بغیرِ قرب تیرے
اِس رُوح و بدن کا اب سنبھلنا

[intelligent086]

یہ اذنِ طرب ترے لبوں پر
خوشبو کا کلی سے ہے نکلنا

[intelligent086]

موزوں ہے سخن تجھے یہ ماجدؔ
پہلو کوئی اور مت بدلنا

[intelligent086]

سر سے تا پا حجاب سا وُہ
کمیاب ہے لعلِ ناب سا وُہ

[intelligent086]

اُبھرے بھی جو سطحِ آرزُو پر
روکے نہ رُکے حباب سا وُہ

[intelligent086]

خوشبُو سا خیال میں دَر آئے
آنکھوں میں بسے گلاب سا وُہ

[intelligent086]

سب تلخ حقیقتوں پہ حاوی
رہتا ہے نظر میں خواب سا وُہ

[intelligent086]

حاصل ہے سرشکِ لالہ رُو کا
محجوب سا، دُرِّ آب سا وُہ

[intelligent086]

چھایا ہے بہ لُطف ہر ادا سے
خواہش پہ مری نقاب سا وہ

[intelligent086]

ہُوں جیسے، اُسی کے دم سے قائم
تھامے ہے مجھے طناب سا وُہ

[intelligent086]

بارانِ کرم مرے لئے ہے
غیروں کے لئے عتاب سا وُہ

[intelligent086]

ماجدؔ ہو یہ جُستجو مُبارک
ہاتھ آ ہی گیا سراب سا وُہ

[intelligent086]

کس اَن ہونی کے ہونے سے یُوں مطلعِ صدا انوار ہوئے
دیکھو تو بدن ہم دونوں کے کیسے باہم دوچار ہوئے

[intelligent086]

کمیاب تھی ساعتِ قرب تری کیا کُچھ نہ ہُوا جب دَر آئی
ہم چاند بنے ہم مہر ہوئے ہم نُور بنے ہم نار ہوئے

[intelligent086]

سادہ سا وُہ حرفِ اذن ترا اور مہلت پھر یکجائی کی
فرصت تو فقط اِک شب کی تھی پر دور بڑے آزار ہوئے

[intelligent086]

با وصفِ کرم، جو الجھن تھی وُہ اور کسی ڈھب جا نہ سکی
آخر کچھ وحشی جذبے ہی ہم دونوں کے غمخوار ہوئے

[intelligent086]

کیا چیت کی رُت اور کیا ساون جب سے دیکھا ہے اساڑھ ترا
سُونا ہے نگاہوں کا آنگن سب موسم اِس پر بار ہوئے

[intelligent086]

مُدّت سے ترستے تھے دِل میں جو لذّتِ یکدم کو ماجدؔ
تسکین ملے پر وُہ جذبے آخر کیوں پُر اسرار ہوئے

[intelligent086]

کس مہر کا ہے عکس کہ تیرے بدن میں ہے
جو حرفِ لطف ہے وہی کنجِ دہن میں ہے

[intelligent086]

دیکھے سے جس کے سِحر زدہ ہو ہر اک نگاہ
سربستگی سی کیا یہ ترے پیرہن میں ہے

[intelligent086]

رنگینیاں تجھی میں چمن کے جمال کی
اور سادگی وہی کہ جو کوہ و دمن میں ہے

[intelligent086]

ہر اوجِ آرزُو ہے نثار اِس نشیب پر
رفعت نہ جانے کیا ترے چاہِ زقن میں ہے

[intelligent086]

خنکی تو خیر جسم کی رشکِ چمن سہی
حدّت بھی اس طرح کہ کہاں دشت و بن میں ہے

[intelligent086]

حسرت سے دیکھتی ہیں سوالی رُتیں تجھے
کیا تازگی یہ تیری نظر کے ختن میں ہے

[intelligent086]

اُمڈے ہے حرف حرف میں کس شہ پہ اِن دنوں
ماجدؔ یہ لطفِ خاص جو تیرے سخن میں ہے

[intelligent086]

کھُل کے اظہارِ مدّعا کرتے
یوں بھی ہم تُم کبھی مِلا کرتے

[intelligent086]

مانگتے گر کبھی خُدا سے تمہیں
لُطف آتا ہمیں دُعا کرتے

[intelligent086]

سج کے اک دُوسرے کے ہونٹوں پر
ہم بھی غنچہ صفت کھِلا کرتے

[intelligent086]

ہم پئے لُطف چھیڑ کر تُجھ کو
جو نہ سُننا تھا وُہ سُنا کرتے

[intelligent086]

جگنوؤں سا بہ سطحِ یاد کبھی
ٹمٹماتے، جلا بُجھا کرتے

[intelligent086]

بہر تسکینِ دیدہ و دل و جاں
رسمِ ناگفتنی ادا کرتے

[intelligent086]

پھُول کھِلتے سرِ فضا ماجدؔ
ہونٹ بہرِ سخن جو وار کرتے

[intelligent086]

گھِر کر بہ سحرِ قُرب بھلا اب کھنچے گا کیا
پگھلے بدن کے ساتھ مجھے تُو کہے گا کیا

[intelligent086]

خاموش کیوں ہے دے بھی مُجھے اِذنِ سوختن
شُعلہ نظر سے اور بھی کوئی اُٹھے گا کیا

[intelligent086]

یہ ولولہ مرا کہ ضیا بار تُجھ پہ ہَے
سُورج ہے گر تو میرے اُفق سے ڈھلے گا کیا

[intelligent086]

خواہش کا چاند آ ہی گیا جب سرِ اُفق
باقی کوئی حجاب بھلا اب رہے گا کیا

[intelligent086]

یہ لطفِ دید، یہ ترا پیکر الاؤ سا
منظر نگاہ پر کوئی ایسا کھُلے گا کیا

[intelligent086]

کرتا ہے کیوں سخن میں عبث نقش کاریاں
ماجدؔ صلہ بھی کوئی تُجھے کچھ ملے گا کیا

[intelligent086]

گُنگ جذبوں کو چہچہانے دو
لفظ مُنہ پر کوئی تو آنے دو

[intelligent086]

پھینک کر اب کے آخری پتّا
کھیل کو رُخ نیا دلانے دو

[intelligent086]

سیج پر شاخِ آرزُو سے گری
پتّیاں تُم مجھے بچھانے دو

[intelligent086]

وقت کے جلترنگ سے نہ ڈرو
اِس کو یہ ساز اب بجانے دو

[intelligent086]

جن پہ سُورج کبھی نہیں اُبھرا
وُہ اُفق اب کے جگمگانے دو

[intelligent086]

یہ اعادہ ہی بچپنے کا سہی
کُچھ گھروندے مگر بنانے دو

[intelligent086]

اشک دے گا پتہ ضرور اپنا
خاک میں یہ نمی سمانے دو
٭٭٭

[intelligent086]

لے کے پھرتی ہیں رُتیں شوخ ادائیں تیری
پھُول کھِل کھِل کے مجھے یاد دلائیں تیری

[intelligent086]

تیرے پیکر کا گماں یُوں ہے فضا پر جیسے
پالکی تھام کے پھرتی ہوں ہوائیں تیری

[intelligent086]

جب تک غمِ جہاں کے حوالے ہوئے نہیں
ہم زندگی کے جاننے والے ہوئے نہیں

[intelligent086]

کہتا ہے آفتاب ذرا دیکھنا کہ ہم
ڈوبے تھے گہری رات میں، کالے ہوئے نہیں

[intelligent086]

چلتے ہو سینہ تان کے دھرتی پہ کس لیے
تم آسماں تو سر پہ سنبھالے ہوئے نہیں

[intelligent086]

انمول وہ گہر ہیں جہاں کی نگاہ میں
دریا کی جو تہوں سے نکالے ہوئے نہیں

[intelligent086]

طے کی ہے ہم نے صورتِ مہتاب راہِ شب
طولِ سفر سے پاؤں میں چھالے ہوئے نہیں

[intelligent086]

ڈس لیں تو ان کے زہر کا آسان ہے اُتار
یہ سانپ آستین کے پالے ہوئے نہیں

[intelligent086]

تیشے کا کام ریشۂ گُل سے لیا شکیبؔ
ہم سے پہاڑ کاٹنے والے ہوئے نہیں

[intelligent086]

کچھ دن اگر یہی رہا دیوار و در کا رنگ
دیوار و در پہ دیکھنا خونِ جگر کا رنگ

[intelligent086]

دنیا غریقِ شعبدۂ جام جم ہوئی
دیکھے گا کون خونِ دلِ کو زہ گر کا رنگ

[intelligent086]

الجھتے ہوئے دھوئیں کی فضا میں ہے اک لکیر
کیا پوچھتے ہو شمع سرِ رہ گزر کا رنگ

[intelligent086]

دامانِ فصل گل پہ خزاں کی لگی ہے چھاپ
ذوقِ نظر پہ بار ہے برگ و ثمر کا رنگ

[intelligent086]

جمنے لگی شکیبؔ جو پلکوں پہ گردِ شب
آنکھوں میں پھیلنے لگا خوابِ سحر کا رنگ

[intelligent086]

ہر ایک بات ہے منّت کشِ زباں لوگو
نہیں ہے کوئی بھی اپنا مزاج داں لوگو

[intelligent086]

کچھ اس طرح وہ حقائق کو سن کے چونک اٹھے
بکھر گئیں سرِ محفل پہیلیاں لوگو

[intelligent086]

مرے لبوں سے کوئی بات بھی نہیں نکلی
مگر تراش ،کیں تم نے کہانیاں لوگو

[intelligent086]

بہارِ نو بھی انھیں پھر سجا نہیں سکتی
بکھر گئی ہیں جو پھولوں کی پتّیاں لوگو

[intelligent086]

بڑا زمانہ ہوا آشیاں کو راکھ ہوئے
مگر نگاہ ہے اب تک دھواں دھواں لوگو

[intelligent086]

خطا معاف کہ مے سے شکیبؔ منکر ہے
اسے عزیز ہیں دنیا کی تلخیاں لوگو

[intelligent086]

یہ جلوہ گاہِ ناز تماشائیوں سے ہے
رونق جہاں کی انجمن آرائیوں سے ہے

[intelligent086]

روتے ہیں دل کے زخم تو ہنستا نہیں کوئی
اتنا تو فائدہ مجھے تنہائیوں سے ہے

[intelligent086]

دیوانۂ حیات کو اک شغل چاہئیے
نادانیوں سے کام نہ دانائیوں سے ہے

[intelligent086]

قیدِ بیاں میں آئے جو ناگفتنی نہ ہو
وہ رابطہ جو قلب کی گہرائیوں سے ہے

[intelligent086]

نادِم نہیں ہوں داغِ فرو مائیگی پہ میں
تیرا بھرم بھی میری جبیں سائیوں سے ہے

[intelligent086]

وہ دوریوں کا رہِ آب پر نشان کھلا
وہ رینگنے لگی کشتی وہ بادبان کھلا

[intelligent086]

مرے ہی کان میں سرگوشیاں سکوت نے کیں
مرے سوا کبھی کس سے یہ بے زبان کھلا

[intelligent086]

سمجھ رہا تھا ستارے جنہیں وہ آنکھیں ہیں
مری طرف نگران ہیں کئی جہان کھلا

[intelligent086]

مرا خزانہ ہے محفوظ میرے سینے میں
میں سو رہوں گا یونہی چھوڑ کر مکان کھلا

[intelligent086]

ہر آن میرا نیا رنگ ہے نیا چہرہ
وہ بھید ہوں جو کسی سے نہ میری جان کھلا

[intelligent086]

جزا کہیں کہ سزر اس کو بال و پر والے
زمیں سکڑتی گئی، جتنا آسمان کھلا

[intelligent086]

لہو لہو ہوں سلاخوں سے سر کو ٹکرا کر
شکیبؔ بابِ قفس کیا کہوں کس آن کھلا

[intelligent086]

دل میں لرزاں ہے ترا شعلۂ رخسار اب تک
میری منزل میں نہیں رات کے آثار اب تک

[intelligent086]

پھول مُرجھا گئے، گُلدان بھی گِر کر ٹوٹا
کیسی خوشبو میں بسے ہیں در و دیوار اب تک

[intelligent086]

حسرتِ دادِ نہاں ہے مرے دل میں شاید
یاد آتی ہے مجھے قامتِ دلدار اب تک

[intelligent086]

وہ اُجالے کا کوئی سیلِ رواں تھا، کیا تھا؟
میری آنکھوں میں ہے اک ساعتِ دیدار اب تک

[intelligent086]

تیشۂ غم سے ہوئی روح تو ٹکڑے ٹکڑے
کیوں سلامت ہے مرے جسم کی دیوار اب تک

[intelligent086]

دشت و صحرا اگر بسائے ہیں
ہم گلستاں میں کب سمائے ہیں

[intelligent086]

آپ نغموں کے منتظر ہوں گے
ہم تو فریاد لے کے آئے ہیں

[intelligent086]

ایک اپنا دیا جلانے کو
تم نے لاکھوں دئے بجھائے ہیں

[intelligent086]

کیا نظر آئے گا ابھی ہم کو
یک بیک روشنی سے آئے ہیں

[intelligent086]

یوں تو سارا چمن ہمارا ہے
پھول جتنے بھی ہیں پرائے ہیں

[intelligent086]

اتر گیا تن نازک سے پتیوں کا لباس
کسی کے ہاتھ نہ آئی مگر گلاب کی باس

[intelligent086]

اب اپنے جسم کے سائے میں تھک کے بیٹھ رہو
کہیں درخت نہیں راستے میں دور نہ پاس

[intelligent086]

ہزار رنگ کی ظلمت میں لے گئی مجھ کو
بس اک چراغ کی خواہش بس اک شرار کی آس

[intelligent086]

تمہارے کام نہ آئے گا جو بھی دانا ہے
ہر ایک شخص پہ کیوں کر رہے ہو اپنا قیاس

[intelligent086]

کسی کی آس تو ٹوٹی کوئی تو ہار گیا
کہ نیم باز دریچوں میں روشنی ہے اداس

[intelligent086]

بھولا نہیں ہوں مقتلِ امید کا سماں
تحلیل ہو رہا تھا شفق میں سحر کا رنگ

[intelligent086]

وہ کالے کو کی دوری اب ایک خواب سی ہے
تم آ گئے ہو مگر کب نہ تھے ہمارے پاس

[intelligent086]

یہ کیا طلسم ہے، جب سے کنارِ دریا ہوں
شکیبؔ اور بھی کچھ بڑھ گئی یے روح کی پیاس

[intelligent086]

پاس رہ کر بھی بہت دور ہیں دوست
اپنے حالات سے مجبور ہیں دوست

[intelligent086]

ترکِ الفت بھی نہیں کر سکتے
ساتھ دینے سے بھی معذور ہیں دوست

[intelligent086]

گفتگو کے لئے عنواں بھی نہیں
بات کرنے پہ بھی مجبور ہیں دوست

[intelligent086]

یہ چراغ اپنے لیے رہنے دو
تیر راتیں بھی تو بے نور ہیں دوست

[intelligent086]

سبھی پژ مردہ ہیں محفل میں شکیبؔ
میں پریشان ہوں رنجور ہیں دوست

[intelligent086]

موج غم اس لئے شاید نہیں گزری سر سے
میں جو ڈوبا تو نہ ابھروں گا کبھی ساگر سے

[intelligent086]

اور دنیا سے بھلائی کا صلہ کیا ملتا
آئنہ میں نے دکھایا تھا کہ پتھر برسے

[intelligent086]

کتنی گم سم مرے آنگن سے صبا گزری ہے
اک شرر بھی نہ اڑا روح کی خاکستر سے

[intelligent086]

پیار کی جو سے گھر گھر ہے چراغاں ورنہ
اک بھی شمع نہ روشن ہو ہوا کے ڈر سے

[intelligent086]

اڑتے بادل کے تعاقب میں پھرو گے کب تک
درد کی دھوپ میں نکلا نہیں کرتے گھر سے

[intelligent086]

کتنی رعنائیاں آباد ہیں میرے دل میں
اک خرابہ نظر آتا ہے مگر باہر سے

[intelligent086]

وادیِ خواب میں اس گل کا گزر کیوں نہ ہوا
رات بھر آتی رہی جس کی مہک بستر سے

[intelligent086]

طعنِ اغیار سنیں آپ خموشی سے شکیبؔ
خود پلٹ جاتی ہے ٹکرا کے صدا پتھر سے

[intelligent086]

یاد کے دائرے کیوں پھیلتے جاتے ہیں شکیبؔ
اس نے تالاب میں کنکر ابھی پھینکا ہی نہیں

[intelligent086]

جو بھی ہے طالبِ یک ذرّہ، اُسے صحرا دے
مجھ پہ مائل بہ کرم ہے تو مجھے دریا دے

[intelligent086]

کب سے ہوں حسرتی، یک نگہِ گرم، کہ جو
محفلِ شوق کے آداب مجھے سمجھا دے

[intelligent086]

رختِ جاں کوئی لٹانے اِدھر آ بھی نہ سکے
ایسے مشکل تو نہیں دشتِ وفا کے جادے

[intelligent086]

بیتی یادوں کا تقاضا تو بجا ہے لیکن
گردشِ شام و سھر کیسے کوئی ٹھہرا دے

[intelligent086]

مجھ کو زنداں میں بھی مل جائے گا عنوانِ جنوں
نگہتِ گُل کو کریں قید خیاباں زادے

[intelligent086]

مانندِ صبا جدھر گئے ہم
کلیوں کو نہال کر گئے ہم

[intelligent086]

زنجیر بپا اگر گئے ہم
نغموں کی طرح بکھر گئے ہم

[intelligent086]

سورج کی کرن تھے جانے کیا تھے
ظلمت میں اُتر اُتر گئے ہم

[intelligent086]

جب بھی کوئی سنگِ راہ دیکھا
طوفاں کی طرح بپھر گئے ہم

[intelligent086]

چلنا تھا جہاں محال یارو
اس راہ سے بھی گزر گئے ہم

[intelligent086]

ہنس ہنس کے گلے ملے قضا سے
تکمیلِ حیات کر گئے ہم

[intelligent086]

ہم ہیں آج پھر ملول یارو
مرجھا گئے کھِل کے پھول یارو

[intelligent086]

گزرے ہیں خزاں نصیب ادھر سے
پیڑوں پہ جمی ہے دھول یارو

[intelligent086]

تا حدِّ خیال لالہ و گُل
تا حدِّ نظر ببول یارو

[intelligent086]

جب تک کہ ہوس رہی گُلوں کی
کانٹے بھی رہے قبول یارو

[intelligent086]

ہاں کوئی خطا نہیں تمھاری
ہاں ہم سے ہوئی ہے بھول یارو

[intelligent086]

کوئی دیکھے تو سہی یار طرح دار کا شہر
میری آنکھوں میں سجا ہے لب و رخسار کا شہر

[intelligent086]

دشت احساس میں شعلہ سا کوئی لپکا تھا
اسی بنیاد پہ تعمیر ہوا پیار کا شہر

[intelligent086]

اس کی ہر بات میں ہوتا ہے کسی بھید کا رنگ
وہ طلسمات کا پیکر ہے کہ اسرار کا شہر

[intelligent086]

میری نظروں میں چراغاں کا سماں رہتا ہے
میں کہیں جاؤں مرے ساتھ ہے دلدار کا شہر

[intelligent086]

یوں تری گرم نگاہی سے پگھلتے دیکھا
جس طرح کانچ کا گھر ہو مرے پندار کا شہر

[intelligent086]

مسکراتے رہیں سینے کے دہکتے ہوئے داغ
دائم آباد رہے درد کی سرکار کا شہر

[intelligent086]

خموشی بول اٹھے، ہر نظر پیغام ہو جائے
یہ سناٹا اگر حد سے بڑھے کہرام ہو جائے

[intelligent086]

ستارے مشعلیں لے کر مجھ بھی ڈھونڈنے نکلیں
میں رستہ بھول جاؤں، جنگلوں میں شام ہو جائے

[intelligent086]

میں وہ آدم گزیدہ ہوں جو تنہائی کے صحرا میں
خود اپنی چاپ سن کر لرز بر اندام ہو جائے

[intelligent086]

مثال ایسی ہے اس دورِ خرد کے ہوش مندوں کی
نہ ہو دامن میں ذرّہ اور صحرا نام ہو جائے

[intelligent086]

شکیبؔ اپنے تعارف کیلئے یہ بات کافی ہے
ہم اس سے بچ کے چلتے ہیں جو رستہ عام ہو جائے

[intelligent086]

دیکھتی رہ گئی محرابِ حرم
ہائے انسان کی انگڑائی کا خم

[intelligent086]

جب بھی اوہام مقابل آئے
مثلِ شمشیر چلی نوکِ قلم

[intelligent086]

پرِ پرواز پہ یہ راز کھُلا
پستیوں سے تھا بلندی کا بھرم

[intelligent086]

غم کی دیوار گری تھی جن پر
ہم وہ لوگ ہیں اے قصرِ اِرم

[intelligent086]

چاندنی غازۂ پائے جولاں
کہکشاں جادۂ ابنِ آدم

[intelligent086]

چاندنی غازۂ پائے جولاں
کہکشاں جادۂ ابنِ آدم

[intelligent086]

ایک تارہ بھی نہ پامال ہوا
ایسے گزرے رہِ افلاک سے ہم

[intelligent086]

باقی ہے یہی ایک نشاں موسمِ گل کا
جاری رہے گلشن میں بیاں موسمِ گل کا

[intelligent086]

جب پھول مرے چاکِ گریباں پہ ہنسے تھے
لمحہ وہی گزرا ہے گراں موسمِ گل کا

[intelligent086]

نادان گھٹاؤں کے طلب گار ہوئے ہیں
شعلوں کو بنا کر نگَراں موسمِ گل کا

[intelligent086]

سوکھے ہوئے پتّوں کے جہاں ڈھیر ملے ہیں
دیکھا تھا وہیں سیلِ رواں موسمِ گل کا

[intelligent086]

دنیا والوں نے چاہت کا مجھ کو صلا انمول دیا
پیروں میں زنجیریں دالیں ہاتھوں میں کشکول دیا

[intelligent086]

اتنا گہرا رنگ کہاں تھا رات کے میلے آنچل کا
یہ کس نے رو رو کے گگن میں اپنا کاجل گھول دیا

[intelligent086]

یہ کیا کم ہے اس نے بخشا ایک مہکتا درد مجھے
وہ بھی ہیں جن کو بس رنگوں کا اک چمکیلا خول دیا