اردو اشعار Urdu Ashaar

[intelligent086]

پھر طفل حیلہ کو کا بہانہ نہ مانیو
آتش وہ اب کی بار تو فن سے نکل گیا

[intelligent086]

درد فراق یار سے کہنا ہے بندنہ اعضا ہمارے ہو گئے ہیں مضمحل تمام

[intelligent086]

ہوتا ہے پردھ فاش کلام دروغ کا
وعدے کا دن سمجھ لے وہ پیماں گسل تمام

[intelligent086]

خلوت میں ہاتھ یار کے جانا نہ تھا تمہیں
ارباب انجمن ہوئے آتش ہجل تمام

[intelligent086]

شب برات جو زلف سیاہ یار ہوئی
جبیں سے صبح مہ عید آشکار ہوئی

[intelligent086]

گزر ہو جو کبھی مرقد غربیاں پر
گھٹائیں پھوٹ بہیں، برق بے قرار ہوئی

[intelligent086]

پیادہ پا جو چمن میں بہار کو دیکھا
ہوا کے گھوڑے کے اوپر خزاں سوار ہوئی

[intelligent086]

زمیں کو زلزلہ آئے گا چرغ کو چکر
ہماری روح لحد میں جو بے قرار ہوئی

[intelligent086]

وفا سرشت ہوں، شیوہ ہے دوستی میرا
نہ کی وہ بات جو دشمن کو ناگوار ہوئی

[intelligent086]

سنا ہے قصۂ مجنوں و وامق و فرہاد
کسی کو عاشق آتش نہ سزا وار ہوئی

[intelligent086]

غزل جو ہم سے وہ محبوب نکتہ دان سنتا
زمینِ شعر کا افسانہ آسماں سنتا

[intelligent086]

زبان کون سی مشغول ذکر خیر نہیں
کہاں کہاں نہیں میں تیری داستاں سنتا

[intelligent086]

خوشی کے مارے زمیں پر قدم نہیں پڑتے
جرس سے مژدہ منزل ہے کارواں سنتا

[intelligent086]

نہ پوچھ، کان میں کیا کیا کہا ہے ، کس کس نے
پھر ہوں تیری خبر میں کہاں کہاں سنتا

[intelligent086]

مجھے وہ روشنی خانہ یاد آتا ہے
کسی کے گھر میں ہوں دوست مہماں سنتا

[intelligent086]

نہال قد کے ہو سودے مین جب سے زرد آتش
تمہارا نام ہوں میں شاخ زعفران سنتا

[intelligent086]

گستاخ بہت شمع سے پروانہ ہوا ہے
موت آئی ہے ، سر چڑھتا ہے ، دیوانہ ہوا ہے

[intelligent086]

اس عالم ایجاد میں گردش سے فلک کے
کیا کیا نہیں ہونے کا کیا کیا نہ ہوا ہے

[intelligent086]

نالوں سے مرے کون تھا تنگ مرے بعد
کس گھر میں نہیں سجدۂ شکرانہ ہوا ہے

[intelligent086]

یاد آتی ہے مجھ کو تن بے جاں کی خرابی
آباد مکاں کوئی جو ویرانہ ہوا ہے

[intelligent086]

معشوق نہیں کوئی حسیں تم سے زیادہ
مشتاق ہیں کس ماہ کے انجم سے زیادہ

[intelligent086]

صوفی جو سنے نالہ موزوں کو ہمارے
حالت ہو مغنی کے ترنم سے زیادہ

[intelligent086]

آئینے میں دیکھا ہے کو منہ چاند سا اپنا
خود گم ہے وہ بت، عاشق خود گم سے زیادہ

[intelligent086]

بجلی کو جلا دیں گے وہ لب دانت دکھا کر
شغل آج کل ان کو ہے تبسم سے زیادہ

[intelligent086]

کہتا ہے وہ شوخ آئینے میں عکس سے آتش
تم ہم سے زیادہ ہو تو ہم تم سے زیادہ

[intelligent086]

تری زلفوں نے بل کھایا تو ہوتا
ذرا سنبل کو لہرایا تو ہوتا

[intelligent086]

رخ بے داغ دکھلایا تو ہوتا
گل و لالہ کو شرمایا تو ہوتا

[intelligent086]

چلے گا کبک کیا رفتار تیری
یہ انداز قدم پایا تو ہوتا

[intelligent086]

نہ کیوں کر حشر ہوتا دیکھتے ہو
قیامت قد ترا لایا تو ہوتا

[intelligent086]

سمجھتا یا نہ اے آتش سمجھتا
دل مضطر کو سمجھایا تو ہوتا

[intelligent086]

چاندنی میں جب تجھے یاد اے مہِ تاباں کیا
رات بھر اختر شماری نے مجھے حیراں کیا

[intelligent086]

بجا لاتے اسے آنکھوں سے اے دوست
کبھی کچھ ہم سے فرمایا تو ہوتا

[intelligent086]

قامتِ موزوں تصوّر میں قیامت ہو گیا
چشم کی گردش نے کارِ فتنۂ دوراں کیا

[intelligent086]

کس طرح سے میں دلِ وحشی کا کہنا مانوں
کوئی قائل نہیں دیوانے کی دانائی کا

[intelligent086]

یہی زنجیر کے نالے سے صدا آتی ہے
قید خانے میں برا حال ہے سودائی کا

[intelligent086]

شام سے ڈھونڈا کیا زنجیر پھانسی کے لئے
صبح تک میں نے خیالِ گیسوئے پیچاں کیا

[intelligent086]

بعد شاعر کے ہوا مشہور کلامِ شاعر
شہرہ البتہ کہ ہو مردے کی گویائی کا

[intelligent086]

پیری نے قد راست کو اپنے نگوں کیا
خراب قصر ِ تن کا ہمارے ستوں کیا

[intelligent086]

جامے سے جسم کے بھی میں دیوانہ تنگ ہوں
اب کی بہار میں اسے نذر ِ جنوں کیا

[intelligent086]

فرہاد سر کو پھوڑ کے تیشے سے مر گیا
شیریں نے ناپسند مگر بے ستوں کیا

[intelligent086]

جوہر وہ کون سا ہے جو انسان میں نہیں
دے کر خدا نے عقل اسے، ذوفنوں کیا

[intelligent086]

آنکھوں سے جائے اشک ٹپکنے لگا لہو
آتش جگر کو دل کی مصیبت نے خوں کیا

[intelligent086]

وحشت ِ دل نے کیا ہے وہ بیاباں پیدا
سینکڑوں کوس نہیں صورت ِ انساں پیدا

[intelligent086]

دل کے آئینے میں کر جوہر ِ پنہاں پیدا
در و دیوار سے ہو صورت ِ جاناں پیدا

[intelligent086]

باغ سنسان نہ کر، ان کو پکڑ کر صیاد
بعد مدت ہوئے ہیں مرغ ِ خوش الحاں پیدا

[intelligent086]

اب قدم سے ہے مرے خانہ ِ زنجیر آباد
مجھ کو وحدت نے کیا سلسلہ جنباں پیدا

[intelligent086]

روح کی طرح سے داخل ہو جو دیوانہ ہے
جسم ِ خاک سمجھ اس کو جو ہو زنداں پیدا

[intelligent086]

اک گل ایسا نہیں ہووے نہ خزاں جس کی بہار
کون سے وقت ہوا تھا یہ گلستاں پیدا

[intelligent086]

بے حجابوں کا مگر شہر ہے اقلیم ِ عدم
دیکھتا ہوں جسے، ہوتا ہے وہ عریاں پیدا

[intelligent086]

موجد اس کی ہے یہ روزی ہماری آتش
ہم نہ ہوتے تو نہ ہوتی شب ِ ہجراں پیدا

[intelligent086]

روز ِ مولود سے، ساتھ اپنے ہوا، غم پیدا
لالہ ساں داغ اٹھانے کو ہوئے ہم پیدا

[intelligent086]

شبہ ہوتا ہے صدف کا مجھے ہر غنچے پر
کہیں موتی نہ کریں قطرہ ِ شبنم پیدا

[intelligent086]

چپ رہو، دور کرو، منہ نہ میرا کھلواؤ
غافلو! زخم ِ زباں کا نہیں مرہم پیدا

[intelligent086]

دوست ہی دشمن ِ جاں ہو گیا اپنا آتش
نوش وارو نے کیا یا اثر ِ سم پیدا

[intelligent086]

شب وصل تھی، چاندنی کا سماں تھا
بغل میں صنم تھا، خدا مہربان تھا

[intelligent086]

مبارک شب قدر سے بھی وہ شب تھی
سمر تک مرد مشتری کا قرآن تھا

[intelligent086]

وہ شب تھی کہ تھی روشنی جس میں دن کی
زمین پر سے اک نور تا آسمان تھا

[intelligent086]

نکالے تھے دو چاند اس نے مقابل
وہ شب صبح جنت کا جس پہ گماں تھا

[intelligent086]

عروسی کی شب کی حلاوت تھی حاصل
فرحناک تھی روح، دل شادمان تھا

[intelligent086]

بیان خواب کی طرح جو کر رہا ہے
یہ قصہ ہے جب کا کہ آتش جواں تھا

[intelligent086]

ایک میں بھی ہوں کُلہ داروں کے بیچ
میرؔ صاحب کے پرستاروں کے بیچ

[intelligent086]

روشنی آدھی اِدھر، آدھی اُدھر
اک دیا رکھا ہے دیواروں کے بیچ

[intelligent086]

میں اکیلی آنکھ تھا کیا دیکھتا
آئینہ خانے تھے نظاروں کے بیچ

[intelligent086]

ہے یقیں مجھ کو کہ سیارے پہ ہوں
آدمی رہتے ہیں سیاروں کے بیچ

[intelligent086]

کھا گیا انساں کو آشوبِ معاش
آ گئے ہیں شہر بازاروں کے بیچ

[intelligent086]

میں فقیر ابنِ فقیر ابنِ فقیر
اور اسکندر ہوں سرداروں کے بیچ

[intelligent086]

اپنی ویرانی کے گوہر رولتا
رقص میں ہوں اور بازاروں کے بیچ

[intelligent086]

کوئی اس کافر کو اس لمحے سنے
گفتگو کرتا ہے جب یاروں کے بیچ

[intelligent086]

آنکھ والے کو نظر آئے علیمؔ
اک محمد مصطفے ٰ ساروں کے بیچ

[intelligent086]

اہلِ دل کے درمیاں تھے میرؔ تم
اب سخن ہے شعبدہ کاروں کے بیچ

[intelligent086]

وحشت اُسی سے پھر بھی وہی یار دیکھنا
پاگل کو جیسے چاند کا دیدار دیکھنا

[intelligent086]

اس ہجرتی کو کام ہوا ہے کہ رات دن
بس وہ چراغ اور وہ دیوار دیکھنا

[intelligent086]

پاؤں میں گھومتی ہے زمیں آسماں تلک
اس طفلِ شیر خوار کی رفتار دیکھنا

[intelligent086]

یا رب کوئی ستارۂ امّید پھر طلوع
کیا ہو گئے زمین کے آثار دیکھنا

[intelligent086]

لگتا ہے جیسے کوئی ولی ہے ظہور میں
اب شام کو کہیں کوئی مے خوار دیکھنا

[intelligent086]

اس وحشتی کا حال عجب ہے کہ اس طرف
جانا بھی اور جانبِ پندار دیکھنا

[intelligent086]

دیکھا تھا خواب شاعرِ مومن نے اس لیے
تعبیر میں ملا ہمیں تلوار دیکھنا

[intelligent086]

جو دل کو ہے خبر کہیں ملتی نہیں خبر
ہر صبح اک عذاب ہے اخبار دیکھنا

[intelligent086]

میں نے سنا ہے قربِ قیامت کا ہے نشاں
بے قامتی پہ جُبّہ و دستار دیکھنا

[intelligent086]

صدیاں گزر رہی ہیں مگر روشنی وہی
یہ سر ہے یا چراغ سرِ دار دیکھنا

[intelligent086]

اس قافلے نے دیکھ لیا کربلا کا دن
اب رہ گیا ہے شام کا بازار دیکھنا

[intelligent086]

دو چار کے سوا یہاں لکھتا غزل ہے کون
یہ کون ہیں یہ کس کے طرفدار دیکھنا

[intelligent086]

باعثِ ننگ نہیں صرفِ غمِ جاں ہونا
میری قیمت ہے ترے شہر میں ارزاں ہونا

[intelligent086]

یہ اندھیرے تو سمٹ جائیں گے اک دن اے دوست
یاد آئے گا تجھے مجھ سے گریزاں ہونا

[intelligent086]

تم مجھے دیکھ کے اس درجہ پریشاں مت ہو
میرے جی کا تو بہلنا ہے پریشاں ہونا

[intelligent086]

کیسے جیتے ہیں جنھیں طاقتِ اظہار نہیں
اپنے تو درد کا درماں ہے غزل خواں ہونا

[intelligent086]

مہرباں لوگ مرا نام جو چاہے رکھ لیں
ان کے منہ سے تو مجھے ننگ ہے انساں ہونا

[intelligent086]

نہ رہا شکوۂ بے مہریِ ایّام کہ اب
اپنی حالت پہ مجھے آ گیا حیراں ہونا

[intelligent086]

کوئی بتلائے یہ تکمیلِ وفا ہے کہ نہیں
اشک بن کر کسی مژگاں پہ نمایاں ہونا

[intelligent086]

اُس نے پوچھا ہے بڑے پیار سے کیسے ہو علیمؔ
اے غمِ عشق! ذرا اور فروزاں ہونا

[intelligent086]

مٹّی تھا میں خمیر ترے ناز سے اٹھا
پھر ہفت آسماں مری پرواز سے اٹھا

[intelligent086]

انسان ہو، کسی بھی صدی کا، کہیں کا ہو
یہ جب اٹھا ضمیر کی آواز سے اٹھا

[intelligent086]

صبحِ چمن میں ایک یہی آفتاب تھا
اس آدمی کی لاش کو اعزاز سے اٹھا

[intelligent086]

سو کرتَبوں سے لکّھا گیا ایک ایک لفظ
لیکن یہ جب اٹھا کسی اعجاز سے اٹھا

[intelligent086]

اے شہسوارِ حُسن! یہ دل ہے یہ میرا دل
یہ تیری سر زمیں ہے ، قدم ناز سے اٹھا!

[intelligent086]

میں پوچھ لوں کہ کیا ہے مرا جبر و اختیار
یا رب! یہ مسئلہ کبھی آغاز سے اٹھا

[intelligent086]

وہ ابر شبنمی تھا کہ نہلا گیا وجود
میں خواب دیکھتا ہوا الفاظ سے اٹھا

[intelligent086]

شاعر کی آنکھ کا وہ ستارہ ہوا علیم
قامت میں جو قیامتی انداز سے اٹھا

[intelligent086]

وہ زمین غالب کی لکھوں جس میں ہے تکرار دوست
میں بھی کھینچوں قامت جاناں یہ ہے اسرار دوست

[intelligent086]

دیکھ کر قد قیامت سوچ کر زلفیں دراز
اپنی ہی رفتار کے نشے میں ہے رفتار دوست

[intelligent086]

ہاتھ اٹھے ہوں دعا کو اس طرح اس کا بدن
قتل عاشق کو بہت ہے قامت تلوار دوست

[intelligent086]

ہائے وہ کاجل بھری آنکھیں وہ ان کا دیکھنا
ہائے وہ نور حیا سے آتشیں رخسار دوست

[intelligent086]

وہ زمین غالب کی لکھوں جس میں ہے تکرار دوست
میں بھی کھینچوں قامت جاناں یہ ہے اسرار دوست

[intelligent086]

دیکھ کر قد قیامت سوچ کر زلفیں دراز
اپنی ہی رفتار کے نشے میں ہے رفتار دوست

[intelligent086]

ہاتھ اٹھے ہوں دعا کو اس طرح اس کا بدن
قتل عاشق کو بہت ہے قامت تلوار دوست

[intelligent086]

ہائے وہ کاجل بھری آنکھیں وہ ان کا دیکھنا
ہائے وہ نور حیا سے آتشیں رخسار دوست

[intelligent086]

جیسے ہم آغوشیِ جاں کے زمانے ہوں قریب
ان دنوں ایسے نظر آتے ہیں کچھ آثار دوست

[intelligent086]

اک محبت سے محبت ہی جنم لیتی رہی
ہم نے اس کو یار جانا جس کو دیکھا یار دوست

[intelligent086]

روح و تن نے ہر نفس اک آنکھ چاہی تب کھلا
دیکھنا آساں ہے مشکل ہے بہت دیدار دوست

[intelligent086]

سب سخن کے جام بھرتے ہیں اسی سرکار سے
جس پہ اب جتنا کھلے میخانۂ گفتار دوست

[intelligent086]

بس یوں ہی موجیں بھریں یہ طائران خدوخال
بس یوں ہے دیکھا کریں ہم گلشن گلزار دوست

[intelligent086]

ایسی تیز ہو ا اور ایسی رات نہیں دیکھی
لیکن ہم نے مو لا جیسی ذات نہیں دیکھی

[intelligent086]

اس کی شا ن عجیب کا منظر دیکھنے والا ہے
اک ایسا خو رشید کہ جس نے رات نہیں دیکھی

[intelligent086]

بستر پر مو جو د رہے اور سیر ہفت افلاک
ایسی کسی پر رحمت کی بر سات نہیں دیکھی

[intelligent086]

اس کی آل وہی جو اس کے نقش قدم پر جائے
صرف ذات کی ہم نے آل سادات نہیں دیکھی

[intelligent086]

ایک شجر ہے جس کی شاخیں پھیلتی جا تی ہیں
کسی شجر میں ہم نے ایسی بات نہیں دیکھی

[intelligent086]

اک دریائے رحمت ہے جو بہتا جاتا ہے
یہ شان برکات کسی کے ساعت نہیں دیکھی

[intelligent086]

شا ہوں کی تاریخ بھی ہم نے دیکھی ہے لیکن
اس کے در کے گداؤں والی بات نہیں دیکھی

[intelligent086]

اس کے نا م پہ ماریں کھانا اب اعز ا ز ہما را
اور کسی کی یہ عزت اوقات نہیں دیکھی

[intelligent086]

صدیوں کی اس دھو پ چھا ؤں میں کو ئی ہمیں بتلائے
پو ری ہو تی کونسی اس کی بات نہیں دیکھی

[intelligent086]

اہل زمیں نے کو نسا ہم پر ظلم نہیں ڈھا یا
کون سی نصرت ہم نے اس کے ہات نہیں دیکھی

[intelligent086]

ان دنوں روح کا عالم ہے عجب
جیسے جو حسن ہے میرا ہے وہ سب

[intelligent086]

دل پہ کھلتا ہے اسی موسِم میں
غم کسے کہتے ہیں اور کیا ہے طرب

[intelligent086]

جیسے اک خواب میں نکلا ہوا دن
جیسے اک وصل میں جاگی ہوئی شب

[intelligent086]

جس سے ہو جائے جہاں ہو جائے
ہے محبت ہی محبت کا سبب

[intelligent086]

جاں فزا ہے جو عطا کرتے رہو
بوسۂ لب کی طرح بوسۂ لب

[intelligent086]

پہلے اک ناز بھرا ربط و گریز
اس نے پھر بخش دیا سب کا سب

[intelligent086]

تم سا کیا ہو گا یہاں خواب کوئی
مجھ سا کیا ہو گا کوئی خواب طلب

[intelligent086]

کاش تعبیر میں تم ہی نکلو
جب کوئی خواب ہو تعبیر طلب

[intelligent086]

اس کے عشّاق جہاں بھی دیکھو
ایک ہی نشّے میں ڈوبے ہوئے سب

[intelligent086]

سلسلے اس سے جو مل جائیں تو ٹھیک
ورنہ جھوٹے ہیں یہ سب نام و نسب

[intelligent086]

لوگ موجود ہیں اب بھی جن کے
منہ سے جو بات نکل جائے ادب

[intelligent086]

سایۂ زلف میں مر جاؤں علیم
کھینچ لے گر نہ مجھے سایۂ رب

[intelligent086]

دُکھے ہوئے ہیں ہمیں اور اب دُکھاؤ نہیں
جو ہو گئے ہو فسانہ تو یاد آؤ نہیں

[intelligent086]

خیال و خواب میں پرچھائیاں سی ناچتی ہیں
اب اس طرح تو مری روح میں سماؤ نہیں

[intelligent086]

زمیں کے لوگ تو کیا، دو دلوں کی چاہت میں
خدا بھی ہو تو اسے درمیان لاؤ نہیں

[intelligent086]

تمہارا سَر نہیں طِفلانِ رہ گزر کے لئیے
دیارِ سنگ میں گھر سے نکل کے جاؤ نہیں

[intelligent086]

سوائے اپنے کسی کے بھی ہو نہیں سکتے
ہم اور لوگ ہیں لوگو ہمیں ستاؤ نہیں

[intelligent086]

ہمارے عہد میں یہ رسمِ عاشقی ٹھہری
فقیر بن کے رہو اور صدا لگاؤ نہیں

[intelligent086]

وہی لکھو جو لہو کی زباں سے ملتا ہے
سخن کو پردۂ الفاظ میں چھپاؤ نہیں

[intelligent086]

سپرد کر ہی دیا آتشِ ہنر کے تو پھر
تمام خاک ہی ہو جاؤ کچھ بچاؤ نہیں

[intelligent086]

ہجر کرتے یا کوئی وصل گزارا کرتے
ہم بہرحال بسر خواب تمھارا کرتے

[intelligent086]

ایک ایسی بھی گھڑی عشق میں آئی تھی کہ ہم
خاک کو ہاتھ لگاتے تو ستارا کرتے

[intelligent086]

اب تو مل جاؤ ہمیں تم کہ تمھاری خاطر
اتنی دور آ گئے دنیا سے کنارا کرتے

[intelligent086]

محو ِ آرائش ِ رُخ ہے وہ قیامت سر ِ بام
آنکھ اگر آئینہ ہوتی تو نظارا کرتے

[intelligent086]

ایک چہرے میں تو ممکن نہیں اتنے چہرے
کس سے کرتے جو کوئی عشق دوبارا کرتے

[intelligent086]

جب ہے یہ خانۂ دل آپکی خلوت کے لئے
پھر کوئی آئے یہاں ، کیسے گوارا کرتے

[intelligent086]

کون رکھتا ہے اندھیرے میں دیا آنکھ میں خواب
تیری جانب ہی ترے لوگ اشارا کرتے

[intelligent086]

ظرف ِ آئینہ کہاں اور ترا حسن کہاں
ہم ترے چہرے سے آئینہ سنوارا کرتے

[intelligent086]

جب لفظ کبھی ادب لکھو گے
یہ لفظ میرا نسب لکھو گے

[intelligent086]

لکھا تھا کبھی یہ شعر تم نے
اب دو سرا شعر کب لکھو گے

[intelligent086]

جتنا بھی قریب جاؤ گے تم
انساں کو عجب عجب لکھو گے

[intelligent086]

ہر لمحہ یہاں ہے ایک ہو نا
کس بات کا کیا سبب لکھو گے

[intelligent086]

جب را ت کو نیند ہی نہ آئے
پھر رات کو کیسے شب لکھو گے

[intelligent086]

انساں کا ہو گا ہا تھ اس میں
اللہ کا جو غضب لکھو گے

[intelligent086]

بچے کے بھی دل سے پو چھ لینا
کیا ہے وہ جسے طرب لکھو گے

[intelligent086]

صدیوں میں وہ لفظ ہے تمھارا
اک لفظ جو اپنا اب لکھو گے

[intelligent086]

میں اپنے وجود کا ہوں شاعر
جو لفظ لکھوں گا سب لکھو گے

[intelligent086]

اک نظارہ ہوں آنسو سے گہر ہو نے تک
اک تماشا ہوں میں شعلے سے شرر ہو نے تک

[intelligent086]

تو ہے وہ رنگ کہ آنکھوں سے نہ اوجھل ہو گا
میں ہوں وہ خواب کہ گزروں گا سحر ہو نے تک

[intelligent086]

لکھتے ہیں پر یہ نہیں جانتے لکھنے والے
نغمہ اندو ہ سماعت ہے اثر ہو نے تک

[intelligent086]

تو کہیں بھی رہے زندہ ہے لہو میں میر ے
میں سنواروں گا تجھے خاک بسر ہونے تک

[intelligent086]

ہائے وہ شمع جو اب دور کہیں جلتی ہے
میرے پہلو میں بھی پگھلی ہے سحر ہو نے تک

[intelligent086]

اپنا احوال سنا کر لے جائے
جب مجھے چاہے منا کر لے جائے

[intelligent086]

میں نہ جاؤں جو وہاں تو مجھ کو
میری تنہائی اٹھا کر لے جائے

[intelligent086]

وہ مجھے بھول گیا ہے شاید
یاد آ جاؤں تو آ کر لے جائے

[intelligent086]

ہوں خفا اس سے مگر اتنا نہیں
خود نہ جاؤں گا بلا کر لے جائے

[intelligent086]

خالی ہاتھوں کو ملے گی خوشبو
جب ہوا چاہے چرا کر لے جائے

[intelligent086]

در خزانے کا کہیں بند نہیں
یہ خزانہ کوئی آ کر لے جائے

[intelligent086]

تجھ کو بھی کوچۂ عشاقاں میں
اپنے مولا سے دعا کر، لے جائے

[intelligent086]

دھوپ میں بیٹھوں تو ساتھی میرا
اپنے سائے میں اٹھا کر لے جائے

[intelligent086]

کوئی قاتل نہیں گزرا ایسا
جس کو تاریخ بچا کر لے جائے

[intelligent086]

اک دیا ایسا بھی دیکھا میں نے
ظلمتِ شب کو ہٹا کر لے جائے

[intelligent086]

کون محبوب ہوا ہے ایسا
اپنے عاشق کو بُلا کر لے جائے

[intelligent086]

پھر سے آ جائے کوئی چپکے سے
کہیں باتوں میں لگا کر لے جائے

[intelligent086]

اس کے ہمراہ چلا جاتا ہوں
جو مرے دل کو دکھا کر لے جائے

[intelligent086]

کوئی عیسیٰ مرے معبود کہ جو
تیرے مردوں کو جِلا کر لے جائے

[intelligent086]

ایسی دیوانگی و حیرانی
آئینہ کوئی دکھا کر لے جائے

[intelligent086]

سامنے سب کے پڑی ہے دنیا
ذات میں جو بھی سما کر لے جائے

[intelligent086]

ایسے ملتا نہیں مٹّی کو دوام
بس خدا جس کو بنا کر لے جائے

[intelligent086]

ہو سخنور کوئی ایسا پیدا
جو سخن میرا چرا کر لے جائے

[intelligent086]

ہنسو تو رنگ ہوں چہرے کا، روؤ تو چشمِ نم میں ہوں
تم مجھ کو محسوس کرو تو ہر موسم میں ہوں

[intelligent086]

چاہا تھا جسے وہ مل بھی گیا پر خواب بھرے ہیں آنکھوں میں
اے میرے لہو کی لہر بتا اب کون سے میں عالم میں ہوں

[intelligent086]

لوگ محبت کرنے والے دیکھیں گے تصویر اپنی
ایک شعاعِ آوارہ ہوں آئینۂ شبنم میں ہوں

[intelligent086]

اُس لمحے تو گردش خوں نے میری یہ محسوس کیا
جیسے سر پہ زمین اٹھائے اک رقصِ پیہم میں ہوں

[intelligent086]

یار مرا زنجیریں پہنے آیا ہے بازاروں میں
میں کہ تماشا دیکھنے والے لوگوں کے ماتم میں ہوں

[intelligent086]

جو لکھے وہ خواب مرے اب آنکھوں آنکھوں زندہ ہیں
جواب تک نہیں لکھ پایا میں ، آن خوابوں کے گم میں ہوں

[intelligent086]

ہرے بھرے مرے خوابوں کو روندنے والو
خدائے زندہ زمیں پر اتر بھی آتا ہے

[intelligent086]

جو مہرباں کوئی چہرہ نظر بھی آتا ہے
تو دل میں گزرے زمانوں کا ڈر بھی آتا ہے

[intelligent086]

وہ پیاس ہے کہ دعا بن گیا ہے میرا وجود
کب آئے گا جو کوئی ابرِ تر بھی آتا ہے

[intelligent086]

کبھی جو عشق تھا اب مَکر ہو گیا میرا
سمجھ سکے نہ کوئی یہ ہنر بھی آتا ہے

[intelligent086]

ابھی چلا بھی نہ تھا اور رک گئے پاؤں
یہ سوچ کر کہ مرا ہمسفر بھی آتا ہے

[intelligent086]

ملے گا اور مرے سارے زخم بھر دے گا
سنا تھا راہ میں ایسا شجر بھی آتا ہے

[intelligent086]

یہ میرا عہد یہ میری دکھی ہوئی آواز
میں آ گیا جو کوئی نوحہ گر بھی آتا ہے

[intelligent086]

کوئی چرا کے مجھے کیسے چھپ سکے کہ علیم
لہو کا رنگ مرے حرف پر بھی آتا ہے

[intelligent086]

چاند جب بھی دیکھا سمندر کے کنارے ہم نے
اور پھیلا دئیے کچھ اپنے کنارے ہم نے

[intelligent086]

اک عجب شور مچاتی ہوئی تنہائی کے ساتھ
خود میں دہرائے سمندر کے اشارے ہم نے

[intelligent086]

اتنے شّفاف کہ تھے روح و بدن آئینہ
اصل کے اصل میں دیکھے تھے نظارے ہم نے

[intelligent086]

رات کیا ٹوٹ کے آئی تھی کہ اس کے دامن سے
جھولیوں بھر لیے آنکھوں میں ستارے ہم نے

[intelligent086]

لوٹ آنے سے ڈریں اور نہ لوٹیں تو دکھیں
وہ زمانے جو ترے ساتھ گزارے ہم نے

[intelligent086]

کھلتا جاتا ہے کی یہ جادو گری کس کی ہے
آئینے سامنے رکھے ہیں ہمارے ہم نے

[intelligent086]

اِک شخص سماں بدل گیا ہے
مٹی کا جہاں بدل گیا ہے

[intelligent086]

بندہ وہ خُدا نہیں تھا لیکن
ہر جسم میں جاں بدل گیا ہے

[intelligent086]

وہ آخری آدمی خُدا کا
سب لفظ و بیاں بدل گیا ہے

[intelligent086]

پاؤں میں تھی آدمی کے کب سے
زنجیرِ گراں بدل گیا ہے

[intelligent086]

ہر نام و نسب کے دور میں وہ
سب نام و نشاں بدل گیا ہے

[intelligent086]

کہتے ہیں شہید کربلا کے
مفہومِ زیاں بدل گیا ہے

[intelligent086]

ہر زندہ چراغ ہے اُسی کا
وہ نُور کہاں بدل گیا ہے

[intelligent086]

پروانے کہاں یہ سُننے والے
اب دور میاں بدل گیا ہے

[intelligent086]

آواز یہ اُس مکاں سے آئی
وہ شخص مکاں بدل گیا ہے

[intelligent086]

نیچے سے زمیں نِکل گئی ہے
اُوپر سے زماں بدل گیا ہے

[intelligent086]

کِس خلوتِ خاص میں گیا وہ
کپڑے بھی یہاں بدل گیا ہے

[intelligent086]

اور سب زندگی پہ تہمت ہے
زندگی آپ اپنی لذت ہے

[intelligent086]

میرے اور میرے اس خدا کے بیچ
ہے اگر لفظ تو 'محبت' ہے

[intelligent086]

اک سوال اور اک سوال کے بعد
انتہا حیرتوں کی حیرت ہے

[intelligent086]

عہد شیطان کا خدا کے ساتھ
سرکشی ہے مگر عبادت ہے

[intelligent086]

بھید جانے کوئی مگر کیسے
یار کو یار سے جو نسبت ہے

[intelligent086]

خواب میں ایک شکل تھی میرے
تُو تو اُس سے بھی خوبصورت ہے

[intelligent086]

پہلے مجھ کو تھی اور اب تیری
میری تنہائی کو ضرورت ہے

[intelligent086]

گھٹتا بڑھتا رہا مرا سایہ
ساتھ چلنے میں کتنی زحمت ہے

[intelligent086]

زندگی کو مری ضرورت تھی
زندگی اب مری ضرورت ہے

[intelligent086]

لکھنے والے ہی جان سکتے ہیں
لفظ لکھنے میں جو قیامت ہے

[intelligent086]

تھی کبھی شاعری کمال مرا
شاعری اب مری کرامت ہے

[intelligent086]

عجیب تھی وہ عجب طرح چاہتا تھا میں
وہ بات کرتی تھی اور خواب دیکھتا تھا میں

[intelligent086]

وصال کا ہو کہ اس کے فراق کا موسم
وہ لذتیں تھیں کہ اندر سے ٹوٹتا تھا میں

[intelligent086]

چڑھا ہوا تھا وہ نشہ کے کم نہ ہوتا تھا
ہزار بار ابھرتا تھا ڈوبتا تھا میں

[intelligent086]

بدن کا کھیل تھیں اس کی محبتیں لیکن
جو بھید جسم کا تھا جاں سے کھولتا تھا میں

[intelligent086]

پھر اس طرح کبھی سویا نہ اس طرح جاگا
کہ نیند روح میں تھی اور جاگتا تھا میں

[intelligent086]

کہاں شکست ہوئی اور کہاں صلہ پایا
کسی کا عشق کسی سے نباہتا تھا میں

[intelligent086]

اب تو یوں خانۂ تنہائی میں محبُوب آئے
جیسے مجذوب کے گھر دوسرا مجذوب آئے

[intelligent086]

اس سے کہنے کو گئے تھے کہ محبت ہے بہت
اس کو دیکھا تو شکستہ دل و محجوب آئے

[intelligent086]

آگے کیا ہو یہ سخن آج تو یوں ہے جیسے
اپنے نام اپنا ہی لکھا ہوا مکتوب آئے

[intelligent086]

ایک دربار کی تصویر میں کچھ اہل قلم
وقت کی آنکھ نے دیکھا کے بہت خوب آئے

[intelligent086]

دکھ سے پھر جاگ اٹھی آنکھ ستارے کی طرح
اور سب خواب ترے نام سے منسوب آئے

[intelligent086]

ہم نے دل نذر کیا اہل محبت کے حضور
ان نے قامت یہ بڑھایا ہے کے مصلوب آئے

[intelligent086]

میں تری خاک سے لپٹا ہوا اے عرض وطن
ان ہی عشاق میں شامل ہوں جو معتوب آئے

[intelligent086]

صاحب مہر وفا ارض و سما کیوں چپ ہیں
ہم پہ تو وقت کے پہرے ہیں خدا کیوں چپ ہیں

[intelligent086]

بے سبب غم میں سلگنا مری عادت ہی سہی
ساز خاموش ہے کیوں شعلہ نوا کیوں چپ ہے

[intelligent086]

پھول تو سہم گئے دست کرم سے دمِ صبح
گنگناتی ہوئی آوارہ صبا کیوں چپ ہے

[intelligent086]

ختم ہو گا نہ کبھی سلسلہ اہل وفا
سوچ اسے داورِ مقتل یہ فضا کیوں چپ ہے

[intelligent086]

مجھ پہ طاری ہے رہ ِ عشق کی آسودہ تھکن
تجھ پہ کیا گزری مرے چاند بتا کیوں چپ ہے

[intelligent086]

جاننے والے تو سب جان گئے ہوں گے علیم
ایک مدت سے ترا ذہن رسا کیوں چپ ہے

[intelligent086]

ملتا جُلتا تھا حال میر کے ساتھ
میں بھی زندہ رہا ضمیر کے ساتھ

[intelligent086]

ایک نمرود کی خدائی میں
زندگی تھی عجب فقیر کے ساتھ

[intelligent086]

آنکھ مظلوم کی خدا کی طرف
ظلم اک ظلمتِ کثیر کے ساتھ

[intelligent086]

جرم ہے اب مری محبت بھی
اپنے اس قادر و قدیر کے ساتھ

[intelligent086]

اس نے تنہا کبھی نہیں چھوڑا
وہ بھی زنداں میں ہے اسیر کے ساتھ

[intelligent086]

کس میں طاقت وفا کرے ایسی
اپنے بھیجے ہوئے سفیر کے ساتھ

[intelligent086]

سلسلہ وار ہے وہی چہرہ
عالم اصغر و کبیر کے ساتھ

[intelligent086]

آنے والا ہے اب حساب کا دن
ہونے والا ہے کچھ شریر کے ساتھ