اردو اشعار Urdu Ashaar

[intelligent086]

جس نے دیکھا نہ اسے ہوش رہا تن من کا
تیری آنکھیں ہیں کہ جادو ہیں کہ مے خانے ہیں

[intelligent086]

دل میں وہ کچھ ہے کہ لفظوں میں ادا ہو نہ سکے
وہ سمندر، تو یہ ٹوٹے ہوئے پیمانے ہیں

[intelligent086]

ایک وہ لوگ کہ صحراؤں کو رونق بخشیں
ایک ہم ہیں کہ بھرے شہر بھی ویرانے ہیں

[intelligent086]

وہ بھی دن تھے جو کیا کرتا تھا خود سے باتیں
آج آسی کے بڑے لوگوں سے یارانے ہیں

[intelligent086]

اس کی صورت تو لگتی ہے کچھ جانی پہچانی سی
لیکن اس کو کیا کہئے، وہ آنکھیں ہیں بیگانی سی

[intelligent086]

دنیا کے ہنگاموں میں جب یاد کسی کی آتی ہے
جانے کیوں جاں پر چھا جاتی ہے قدرے ویرانی سی

[intelligent086]

لوگ مشینی دنیا کے، انسان نہیں کل پرزے ہیں
تھل کی ریت، چناب کی موجیں رہ گئی ایک کہانی سی

[intelligent086]

آج کے دور کی بات کرو، یہ دور بڑا دکھیارا ہے
عارض و لب، گیسو کے سائے، باتیں ہوئیں پرانی سی

[intelligent086]

آدمیوں کے جنگل میں انسان کوئی مل جائے تو
اس سے مل کر، باتیں کر کے ہوتی ہے حیرانی سی

[intelligent086]

آسی جانے انجانے میں کیا غلطی کر بیٹھا ہے
اس کے لہجے سے ٹپکے ہے ایک خلش انجانی سی

[intelligent086]

بات بنانے کے سَو ڈھب ہیں
وہ مجھ سے کچھ تو فرماتا

[intelligent086]

اپنے غم کی دھیمی لے پر
ہے وہ گیت خوشی کے گاتا

[intelligent086]

میرا اُس کا غم سانجھا تھا
میں اُس کو کیسے بہلاتا

[intelligent086]

اُس کی بڑی نوازش ہے ، وہ
مل جاتا ہے آتا جاتا

[intelligent086]

باتوں باتوں میں ہے آسی
بڑی بڑی باتیں کہہ جاتا

[intelligent086]

ابھی تو ہاریوں کی بیویاں بِکتی ہیں قرضوں میں
ابھی تک بیٹیوں کی عزتیں بٹتی ہیں ٹکڑوں میں

[intelligent086]

چلو یارو بیابانوں میں کنجِ عافیت ڈھونڈیں
درندے دندناتے پھر رہے ہیں میرے شہروں میں

[intelligent086]

زمانے بھر میں اس جیسا تہی داماں کوئی ہو گا؟
کہ جس نے بیچ دی اپنی حمیت چند سکوں میں

[intelligent086]

ابھی ہے درد کی دولت سے مالا مال دل اپنا
ہزاروں تیر باقی ہیں رفیقوں کی کمانوں میں

[intelligent086]

بڑا محتاط رَہ کر قصۂ ایام لکھتا ہوں
نہ تیرا ذکر آ جائے کہیں میرے فسانوں میں

[intelligent086]

لب و عارض، وصال و ہجر کی شیرینیاں عنقا
زمانے بھر کی تلخی بھر گئی ہے میرے لفظوں میں

[intelligent086]

مسلمانوں کی بستی ہو کہ شہرِ کفر ہو، کچھ ہو
نقیبِ نور، مرغِ حق نوا ہے پچھلی راتوں میں

[intelligent086]

ہم نے کچھ درد پائے ہیں ایسے
ہوں کسی کے نہ اے خدا ویسے

[intelligent086]

بجھ گئیں حسرتوں کی شمعیں بھی
آندھیاں چل پڑی ہیں کچھ ایسے

[intelligent086]

تم سے رونق ہے دل کی دنیا میں
تم مجھے بھول جاؤ گے کیسے

[intelligent086]

ہم کو اپنی انا نے روک رکھا
ورنہ بِکتے ہیں مفت ہم جیسے

[intelligent086]

تیرے خم میں نشہ پرایا ہے
یار پیاسے بھلے ہیں اس مے سے

[intelligent086]

گردشِ خوں کو تیز کرتا ہے
گیت اٹھے جو پیار کی نے سے

[intelligent086]

ہم کو آتا ہے پیار کر لینا
آزمائش بھی یار کر لینا

[intelligent086]

پھر کبھی ذکرِ یار کر لینا
شکوۂ روزگار کر لینا

[intelligent086]

اک نظر دیکھ لیجئے پہلے
بھر نگاہوں کے وار کر لینا

[intelligent086]

ایک مسکان کا فریب تو دے
نفرتیں بھی ہزار کر لینا

[intelligent086]

کس قدر سادگی سے وہ بولے
ہاں، ذرا انتظار کر لینا

[intelligent086]

ہائے کتنے فریب دیتا ہے
عادتاً اعتبار کر لینا

[intelligent086]

اک ذرا دوستوں کو جانے دو
زخم دل کے شمار کر لینا

[intelligent086]

کتنا مہنگا پڑا ہے آسی جی
عقل پر انحصار کر لینا

[intelligent086]

کچوکے دوستوں نے تو لگائے
پہ ہم ناداں سمجھ کچھ بھی نہ پائے

[intelligent086]

مجھے جتنے ملے غم دوستوں کے
وہ میں نے اپنے لفظوں میں سجائے

[intelligent086]

خدا جانے لگاوٹ تھی کہ کیا تھا
وہ مجھ کو دیکھ کر یوں مسکرائے

[intelligent086]

وہ اک دن اتفاقاً آ گیا تھا
اور اب جانا بھی چاہے، جا نہ پائے

[intelligent086]

بھری محفل میں تنہا لگ رہا ہوں
کہ ہر سو اجنبیت کے ہیں سائے

[intelligent086]

ہم اتنی دور جا پہنچے ہیں یارو
کہ رستہ بھی نہ ہم کو ڈھونڈ پائے

[intelligent086]

مرا تفکر غبار سوچیں نکھارتا ہے
کہ میری آنکھوں میں سرخ شبنم اتارتا ہے

[intelligent086]

میں آج خوفِ خدا سے محروم ہو گیا ہوں
کئی خداؤں کا خوف اب مجھ کو مارتا ہے

[intelligent086]

ڈرا رہا ہے مجھے وہ میرے پڑوسیوں سے
مرے جگر میں جو زہر خنجر اتارتا ہے

[intelligent086]

مرے محلے میں میرے بھائی جھگڑ رہے ہیں
اُدھر کوئی اپنے ترکشوں کو سنوارتا ہے

[intelligent086]

حصارِ ظلمت میں کب سے انساں بھٹک رہا ہے
کسی نئے دن کو دورِ حاضر پکارتا ہے

[intelligent086]

دمِ سرافیل ہے نقیبِ جہانِ نو ہے
وہ ایک جذبہ کہ سر دلوں میں ابھارتا ہے

[intelligent086]

نوید ہے اک جہانِ نو کی، اسی کے دم سے
’ہماری روحوں میں ارتقا پر سنوارتا ہے‘

[intelligent086]

نہ وہ مکیں رہے ہیں نہ ہی وہ مکاں رہے
میرا جنوں رہے بھی اگر تو کہاں رہے

[intelligent086]

ہوتی رہیں حدود میں غیروں کی بارشیں
ہم حسرتوں سے دیکھتے ابرِ رواں رہے

[intelligent086]

اپنی تکلفات کی ہوتی ہے چاشنی
اچھا ہے کچھ حجاب ابھی درمیاں رہے

[intelligent086]

مجھ کو مرے عیوب کی دیتے رہیں خبر
یا رب! مجھے نصیب دمِ دوستاں رہے

[intelligent086]

کتنی قیامتیں ہیں اشارے کی منتظر
دو چار دن بہت ہے جو باقی جہاں رہے

[intelligent086]

پتوار جب اٹھا لیا، موجوں کا خوف کیا
چاہے سفینہ پار لگے، درمیاں رہے

[intelligent086]

غم ہزاروں دِلِ حزیں تنہا
بوجھ کتنے ہیں اور زمیں تنہا

[intelligent086]

بس گئے یار شہر میں جا کر
رہ گئے دشت میں ہمیں تنہا

[intelligent086]

اپنے پیاروں کو یاد کرتا ہے
آدمی ہو اگر کہیں تنہا

[intelligent086]

تیری یادوں کا اِک ہجوم بھی ہے
آج کی رات میں نہیں تنہا

[intelligent086]

وہ کسی بزم میں نہ آئے گا
گوشۂ دل کا وہ مکیں تنہا

[intelligent086]

کار و بارِ حیات کا حاصل
ایک دولت ہی تو نہیں تنہا

[intelligent086]

دل نہ ہو گر نماز میں حاضر
ہے عبث سجدۂ جبیں تنہا

[intelligent086]

میرے ارحم! کبھی تو اِس دل میں
ہو ترا خوف جاگزیں تنہا

[intelligent086]

ہم سفر کوئی نہ تھا اور چل دئے
اجنبی تھا راستہ اور چل دئے

[intelligent086]

شدتِ شوقِ سفر مت پوچھئے
ناتواں دل کو لیا اور چل دئے

[intelligent086]

کس قدر جلدی میں تھے اہلِ جنوں
راستہ پوچھا نہ تھا اور چل دئے

[intelligent086]

اہلِ محفل کی جبینیں دیکھ کر
خوش رہو، ہم نے کہا، اور چل دئے

[intelligent086]

عشق پروانوں کا بھی سچا نہیں
شمع کا شعلہ بجھا، اور چل دئے

[intelligent086]

موت سے آگے بھی ہیں کچھ منزلیں
تھک گئے، سو دم لیا، اور چل دئے

[intelligent086]

زندگی کا کیا بھروسا جانِ من!
آ گیا امرِ قضا، اور چل دئے

[intelligent086]

آدمی کو وقار مل جائے
گر جبیں کو غبار مل جائے

[intelligent086]

کس کو پروا رہے مصائب کی
فکر کو گر نکھار مل جائے

[intelligent086]

آدمیت کا حسن ہے وہ شخص
جس کو ان کا شعار مل جائے

[intelligent086]

اک تمنا بڑے دنوں سے ہے
لیلئ کوئے یار مل جائے

[intelligent086]

وہ بڑا خوش نصیب ہے جس کو
لذتِ انتظار مل جائے

[intelligent086]

اک ذرا سوچئے تو، ہو گا کیا
گر جنوں کو قرار مل جائے

[intelligent086]

آپ سے رشتے کی صورت اور ہے
اور ہے ملنا محبت اور ہے

[intelligent086]

میرے اندر تھا جو انساں مر گیا
موت کی اب کیا ضرورت اور ہے

[intelligent086]

چھا رہے ہیں بے یقینی کے سحاب
آج بھی موسم کی نیت اور ہے

[intelligent086]

خوف کا ہر سر پہ سورج ہے رکھا
اس سے بڑھ کر کیا قیامت اور ہے

[intelligent086]

بات سچی تھی زباں پر آ گئی
ورنہ واعظ کی تو عادت اور ہے

[intelligent086]

رنج ہوتا ہے بچھڑنے پر ضرور
پھر ملیں تو اس میں راحت اور ہے

[intelligent086]

ہے تجھے خواہش وصالِ یار کی
منتظر رہنے میں لذت اور ہے

[intelligent086]

اب ستارے آنکھ سے گرتے نہیں
اب دلِ آسی کی حالت اور ہے

[intelligent086]

میرے گیتوں سے چاند رات گئی
وہ جو بڑھیا تھی، سوت کات گئی

[intelligent086]

کتنے تارے بنائے آنکھوں نے
آخرِ کار کٹ ہی رات گئی

[intelligent086]

بن گئی خامشی بھی افسانہ
تیرے گھر تک ہماری بات گئی

[intelligent086]

آپ سے ایک بات کہنی تھی
آپ آئے تو بھول بات گئی

[intelligent086]

زندگی ساتھ کب تلک دیتی
وہ تو اک شے تھی بے ثبات، گئی

[intelligent086]

وہ جو آسی پہ تھی کبھی ان کی
وہ نظر دے کے دل کو مات گئی

[intelligent086]

ابتر کاٹی ہیں راتیں
سو کر کاٹی ہیں راتیں

[intelligent086]

ریشہ ریشہ سپنوں کا
بن کر کاٹی ہیں راتیں

[intelligent086]

بیٹھے بیٹھے آنکھوں میں
اکثر کاٹی ہیں راتیں

[intelligent086]

سنتے ہیں کہ اس نے بھی
رو کر کاٹی ہیں راتیں

[intelligent086]

رکھ کر سینے پر ہم نے
پتھر کاٹی ہیں راتیں

[intelligent086]

شانت پور کے لوگوں نے
ڈر ڈر کاٹی ہیں راتیں

[intelligent086]

تم نے بھی تو آسی جی
مر مر کاٹی ہیں راتیں

[intelligent086]

شیخ جی کار و بار کرتے ہیں
اپنے سجدے شمار کرتے ہیں

[intelligent086]

ہم جنہیں بولنا نہیں آتا
شاعری اختیار کرتے ہیں

[intelligent086]

مہرباں ہم تری عنایت کا
آج تک انتظار کرتے ہیں

[intelligent086]

ریگ زاروں میں بیٹھ کر ہم لوگ
آرزوئے بہار کرتے ہیں

[intelligent086]

چوٹ پر چوٹ کھائے جاتے ہیں
اور پھر اعتبار کرتے ہیں

[intelligent086]

اہلِ ادراک پر مرے اشعار
راز کچھ آشکار کرتے ہیں

[intelligent086]

یہ کسی راز داں کا تحفہ ہے
غیر کب ایسے وار کرتے ہیں

[intelligent086]

مجھ کو حیرت بھی ہے مسرت بھی
وہ مرا انتظار کرتے ہیں

[intelligent086]

میرے پاس آ کے لوگ تیرا ہی
ذکر کیوں بار بار کرتے ہیں

[intelligent086]

سوچ کر بات کیجئے صاحب
آپ، اور ہم سے پیار کرتے ہیں

[intelligent086]

چاند چہروں کی سادگی پہ نہ جا
تیر کرنوں سے وار کرتے ہیں

[intelligent086]

بات کرنے کا فائدہ؟ سو، ہم
خامشی اختیار کرتے ہیں

[intelligent086]

دوستوں سے کبھی ملو آسی
وہ گِلے بے شمار کرتے ہیں

[intelligent086]

وہ بھی کیسی جفائیں کرتا ہے
ہم پہ قرباں ادائیں کرتا ہے

[intelligent086]

اس کی رحمت کا آسرا لے کر
آدمی سو خطائیں کرتا ہے

[intelligent086]

کھینچے پھرتا ہے نیم جاں تن کو
دل بھی کسی جفائیں کرتا ہے

[intelligent086]

رات بھر لوگ جاگتے بھی ہیں
شہر بھی سائیں سائیں کرتا ہے

[intelligent086]

صبح دم روز ایک فرزانہ
جاگو، جاگو! صدائیں کرتا ہے

[intelligent086]

نہ کوئی منزل نہ کوئی راہی، نہ راہبر ہے نہ راستہ ہے
جدھر کو جس جس کے جی میں آئی اسی طرف وہ نکل پڑا ہے

[intelligent086]

بڑا زمانہ ہوا کسی نے محبتوں کے دئیے جلائے
انھی چراغوں کی روشنی نے بھرم کسی کا رکھا ہوا ہے

[intelligent086]

ابھی تو شاخوں میں زندگی ہے، ابھی تو پھولوں میں تازگی ہے
مگر خزاں اور بادِ صرصر نے ایک ڈر سا لگا دیا ہے

[intelligent086]

نہ نقشِ پا ہیں نہ بانگِ چنگ و درا کسی نے سنی ہے لیکن
یہ خاک سی کیسی اڑ رہی ہے کہ راستہ سارا اٹ گیا ہے

[intelligent086]

اک ایک دانے کو ایک دنیا تڑپ رہی ہے سسک رہی ہے
ادھر خدائی کے دعویداروں نے سارا غلہ جلا دیا ہے

[intelligent086]

مجھے شرابِ طہور کہہ کر وہ زہرِ قاتل پلا رہے ہیں
میں کیا کہوں کن مروتوں نے مری زباں کو جکڑ لیا ہے

[intelligent086]

مجھے سخن ور نہ کوئی کہنا کہ میں تو تاریخ لکھ رہا ہوں
نہ یہ غزل ہے نہ شاعری ہے یہ آج کے دن کا ماجرا ہے

[intelligent086]

مرے رفیقوں کی پھول سی وہ نصیحتیں سب ہیں یاد مجھ کو
مگر یہ میرا قلم ہے آسی، کہ لفظ کانٹے اگا رہا ہے

[intelligent086]

ربابِ دل کے نغمہ ہائے بوالعجب چلے گئے
جو آ گئے تھے شہر میں، وہ بے ادب چلے گئے

[intelligent086]

میں اپنی دھن میں گائے جا رہا تھا نغمہ ہائے جاں
مجھے نہیں کوئی خبر کہ لوگ کب چلے گئے

[intelligent086]

سیاہ رات رہ گئی ہے روشنی کے شہر میں
دکھا کے چاند تارے اپنی تاب و تب چلے گئے

[intelligent086]

زباں کوئی نہ مل سکی ظہورِ اضطراب کو
تمام لفظ چھوڑ کر لرزتے لب، چلے گئے

[intelligent086]

وہ خود رہِ وفا میں چند گام بھی نہ چل سکے
ہمیں مگر دکھا کے راستے عجب چلے گئے

[intelligent086]

وہ کج کلہ جو کبھی سنگ بار گزرا تھا
کل اس گلی سے وہی سوگوار گزرا تھا

[intelligent086]

کوئی چراغ جلا تھا نہ کوئی در وا تھا
سنا ہے رات گئے شہریار گزرا تھا

[intelligent086]

گہر جب آنکھ سے ٹپکا زمیں میں جذب ہوا
وہ ایک لمحہ بڑا با وقار گزرا تھا

[intelligent086]

جو تیرے شہر کو گلگوں بہار بخش گیا
قدم قدم بسرِ نوکِ خار گزرا تھا

[intelligent086]

وہ جس کے چہرے پہ لپٹا ہوا تبسم تھا
چھپائے حسرتیں دل میں ہزار گزرا تھا

[intelligent086]

جسے میں اپنی صدا کا جواب سمجھا تھا
وہ اک فقیر تھا، کر کے پکار گزرا تھا

[intelligent086]

ترے بغیر بڑے بے قرار ہیں، آسی
ترا وجود جنہیں ناگوار گزرا تھا

[intelligent086]

ہماری یاد بھی آئی تو ہو گی
پھر آنکھوں میں نمی چھائی تو ہو گی

[intelligent086]

مرا نام آیا ہو گا جب زباں پر
تری آواز بھرّائی تو ہو گی

[intelligent086]

سرِ رَہ دیکھ کر چھینٹے لہو کے
ہماری یاد بھی آئی تو ہو گی

[intelligent086]

اب دو عالم سے صدائے ساز آتی ہے مجھے دل کی آہٹ سے تری آواز آتی ہے مجھے

[intelligent086]

جھاڑ کر گردِ غمِ ہستی کو اڑ جاؤں گا میں
بے خبر! ایسی بھی اک پرواز آتی ہے مجھے

[intelligent086]

یا سماعت کا بھرم ہے یا کسی نغمے کی گونج
ایک پہچانی ہوئی آواز آتی ہے مجھے

[intelligent086]

اس کی نازک انگلیوں کو دیکھ کر اکثر عدم
ایک ہلکی سی صدائے ساز آتی ہے مجھے

[intelligent086]

ایک عنوان کا تجسس ہے کہانی کے لئے ایک صدمے کی ضرورت ہے جوانی کے لئے

[intelligent086]

زیست کو ساتھ حوادث کے جواں رہنے دو
کوئی ساحل نہیں بہتے ہوئے پانی کے لئے

[intelligent086]

اے غمِ زیست نمائش کا تبسم ہی سہی
کوئی تمہید تو ہو اشک فشانی کے لئے

[intelligent086]

مے کے بارے میں عدم اتنی خبر ہے ہم کو
چیز اچھی ہے طبیعت کی روانی کے لئے

[intelligent086]

چشمِ ساقی کے اشارات کی باتیں چھیڑو فصلِ گل میں تو کرامات کی باتیں چھیڑو

[intelligent086]

کچھ مداوا کرو ماحول کی تاریکی کا
کچھ درخشندہ روایات کی باتیں چھیڑو

[intelligent086]

نقل موزوں ہو تو وہ اصل میں ڈھل جاتی ہے
نہیں برسات تو برسات کی باتیں چھیڑو

[intelligent086]

دلکشی ہے بھی کوئی خشک حقائق میں عدم
میں تو کہتا ہوں حکایات کی باتیں چھیڑو

[intelligent086]

آگہی میں اک خلا موجود ہے اس کا مطلب ہے خدا موجود ہے

[intelligent086]

ہے یقیناً کچھ مگر واضح نہیں
آپ کی آنکھوں میں کیا موجود ہے

[intelligent086]

بانکپن میں اور کوئی شے نہیں
سادگی کی انتہا موجود ہے

[intelligent086]

ہر محبت کی بنا ہے چاشنی
ہر لگن میں مدعا موجود ہے

[intelligent086]

ہر جگہ ہر شہر ہر اقلیم میں
دھُوم ہے اس کی ، جو نا موجود ہے

[intelligent086]

جس سے چھپنا چاہتا ہوں میں عدم
وہ ستمگر جا بجا موجود ہے

[intelligent086]

دوستوں کے نام یاد آنے لگے تلخ و شیریں جام یاد آنے لگے

[intelligent086]

وقت جوں جوں رائگاں ہوتا گیا
زندگی کو کام یاد آنے لگے

[intelligent086]

خوبصورت تہمتیں چبھنے لگیں
دل نشیں الزام یاد آنے لگے

[intelligent086]

پھر خیال آتے ہی شام ہجر کا
مرمریں اجسام یاد آنے لگے

[intelligent086]

بھولنا چاہا تھا ا ن کو اے عدم
پھر وہ صبح و شام یاد آنے لگے

[intelligent086]

غموں کی رات بڑی بے کلی سے گزری ہے گزر گئی ہے مگر جاں کئی سے گزری ہے

[intelligent086]

مسیح و خضر کی عمریں نثار ہوں اس پر
وہ زندگی کی گھڑی جو خوشی سے گزری ہے

[intelligent086]

خزاں تو خیر خزاں ہے ، ہمارے گلشن سے
بہار بھی بڑی آزردگی سے گزری ہے

[intelligent086]

گزر تو خیر گئی ہے عدم حیات مگر
ستم ظریف بڑی بے رُخی سے گزری ہے

[intelligent086]

گلوں سے دوستی ہے ، شبنم ستانوں میں رہتا ہوں بڑے دلچسپ اور شاداب رومانوں میں رہتا ہوں

[intelligent086]

کنارے پر نہ کیجئے گا زیادہ جستجو میری
کہ میں لہروں کا متوالا ہوں ، طوفانوں میں رہتا ہوں

[intelligent086]

میں دانستہ حقائق کی ڈگر سے لوٹ آیا ہوں
میں تفریحاً طرب انگیز افسانوں میں رہتا ہوں

[intelligent086]

پتہ پوچھے کوئی میرا عدم تو اس سے کہہ دینا
میں سچے اور بھولے بھالے انسانوں میں رہتا ہوں

[intelligent086]

گلوں سے دوستی ہے ، شبنم ستانوں میں رہتا ہوں
بڑے دلچسپ اور شاداب رومانوں میں رہتا ہوں

[intelligent086]

میں دانستہ حقائق کی ڈگر سے لوٹ آیا ہوں
میں تفریحاً طرب انگیز افسانوں میں رہتا ہوں

[intelligent086]

پتہ پوچھے کوئی میرا عدم تو اس سے کہہ دینا
میں سچے اور بھولے بھالے انسانوں میں رہتا ہوں

[intelligent086]

ہم کچھ اس ڈھب سے ترے گھر کا پتا دیتے ہیں خضر بھی آئے تو گمراہ بنا دیتے ہیں

[intelligent086]

کس قدر محسن و ہمدرد ہیں احباب مرے
جب بھی میں ہوش میں آتا ہوں ، پلا دیتے ہیں

[intelligent086]

حادثہ کوئی خدا نے بھی کیا ہے پیدا؟
حادثے تو فقط انسان بنا دیتے ہیں

[intelligent086]

یاد بچھڑے ہوئے ایام کی یوں آتی ہے
جس طرح دور سے معشوق صدا دیتے ہیں

[intelligent086]

ہم کو شاہوں سے عدالت کی توقع تو نہیں
آپ کہتے ہیں تو زنجیر ہلا دیتے ہیں

[intelligent086]

دل اسی زہر کی لذت سے سلامت ہے عدم
ہم حسینوں کی جفاؤں کو دعا دیتے ہیں

[intelligent086]

کہاں سے چل کے اے ساقی کہاں تک بات پہنچی ہے تری آنکھوں سے عمرِ جاوداں تک بات پہنچی ہے

[intelligent086]

مبادا بات بڑھ کر باعثِ تکلیف ہو جائے
وہیں پر ختم کر دیجے جہاں تک بات پہنچی ہے

[intelligent086]

ابھی تو اس کی آنکھوں نے لیا ہے جائزہ دل کا
ابھی تو ابتدائے داستاں تک بات پہنچی ہے

[intelligent086]

عدم جھگڑا قیامت تک گیا ہے جرمِ ہستی کا
ذرا سی بات تھی لیکن کہاں تک بات پہنچی ہے

[intelligent086]

کہرا کے جھوم جھوم کے لا ، مسکرا کے لا
پھولوں کے رس میں چاند کی کرنیں ملا کے لا

[intelligent086]

کہتے ہیں عمرِ رفتہ کبھی لوٹتی نہیں
جا میکدے سے میری جوانی اٹھا کے لا

[intelligent086]

دیکھی نہیں ہے تو نے کبھی زندگی کی لہر
اچھا تو جا عدم کی صراحی اٹھا کے لا

[intelligent086]

خالی ہے ابھی جام ، میں کچھ سوچ رہا ہوں اے گردشِ ایام! میں کچھ سوچ رہا ہوں

[intelligent086]

ساقی تجھے اک تھوڑی سی تکلیف تو ہوگی
ساغر کو ذرا تھام ، میں کچھ سوچ رہا ہوں

[intelligent086]

پہلے بڑی رغبت تھی ترے نام سے مجھ کو
اب سن کے ترا نام میں کچھ سوچ رہا ہوں

[intelligent086]

ادراک ابھی پورا تعاون نہیں کرتا
دے بادۂ گلفام ، میں کچھ سوچ رہا ہوں

[intelligent086]

حل کچھ تو نکل آئے گا حالت کی ضد کا
اے کثرتِ آلام! میں کچھ سوچ رہا ہوں

[intelligent086]

پھر آج عدم شام سے غمگیں ہے طبیعت
پھر آج سرِ شام میں کچھ سوچ رہا ہوں

[intelligent086]

خدا کو سجدہ نہ کر ، گل رُخوں کو پیار نہ کر مسافری میں محبت کے کاروبار نہ کر

[intelligent086]

سوال کر کے میں خود ہی بہت پشیماں ہوں
جواب دے کے مجھے اور شرمسار نہ کر

[intelligent086]

کتنی بے ساختہ خطا ہوں میں آپکی رغبت و رضا ہوں میں

[intelligent086]

میں نے جب ساز چھیڑنا چاہا
خامشی چیخ اٹھی ، صدا ہوں میں

[intelligent086]

حشر کی صبح تک تو جاگوں گا
رات کا آخری دیا ہوں میں

[intelligent086]

آپ نے مجھ کو خوب پہچانا
واقعی سخت بے وفا ہوں میں

[intelligent086]

میں نے سمجھا تھا میں محبت ہوں
میں نے سمجھا تھا مدعا ہوں میں

[intelligent086]

کاش مجھ کو کوئی بتائے عدم
کس پری وش کی بددعا ہوں میں

[intelligent086]

مطلب معاملات کا ، کچھ پا گیا ہوں میں ہنس کر فریبِ چشمِ کرم کھا گیا ہوں میں

[intelligent086]

بس انتہا ہے چھوڑئیے بس رہنے دیجئے
خود اپنے اعتماد سے شرما گیا ہوں میں

[intelligent086]

شاید مجھے نکال کے پچھتا رہے ہوں آپ
محفل میں اس خیال سے پھر آگیا ہوں

[intelligent086]

نکلا تھا میکدے سے کہ اب گھر چلوں عدمؔ
گھبرا کے سوئے میکدہ پھر آگیا ہوں

[intelligent086]

میکدہ تھا ، چاندنی تھی ، میں نہ تھا اک مجسم بے خودی تھی ، میں نہ تھا

[intelligent086]

عشق جب دم توڑتا تھا ، وہ نہ تھے
موت جب سر دھن رہی تھی ، میں نہ تھا

[intelligent086]

طور پر چھیڑا تھا جس نے آپ کو
وہ میری دیوانگی تھی ، میں نہ تھا

[intelligent086]

جس نے مہ پاروں کے دل پگھلا دیے
وہ تو میری شاعری تھی ، میں نہ تھا

[intelligent086]

دیر و کعبہ میں عدم حیرت فروش
دو جہاں کی بد ظنی تھی ، میں نہ تھا

[intelligent086]

مے نہیں قصرِ زندگانی ہے روشنی ہے ، ہوا ہے ، پانی ہے

[intelligent086]

آج دل ڈوبنے سے ڈرتا ہے
دیکھ دریا میں کتنا پانی ہے

[intelligent086]

جو بھی کرنا ہے کر گزر اے دل
سوچنا مرگِ شادمانی ہے

[intelligent086]

ہم نے خود مسکرا کے دیکھا ہے
مسکراہٹ بھی نوحہ خوانی ہے

[intelligent086]

زندگی وہ ! جو ان کے ساتھ گئی
یہ تو میری حیاتِ ثانی ہے

[intelligent086]

محبت کو کہاں فکرِ زیان و سود رہتا ہے یہ دروازہ ہمارے شہر میں مسدود رہتا ہے

[intelligent086]

خرد بھی زندگی کی کہکشاں کا اک ستارہ ہے
مگر یہ وہ ستارہ ہے جو نا مسعود ہوتا ہے

[intelligent086]

مرے احساس کی تخلیق ہے ، جو کچھ بھی ہے ساقی!
جسے محسوس کرتا ہوں ، وہی موجود ہوتا ہے

[intelligent086]

شام ہوتی ہے دیا جلتا ہے میخانے کا کون سا باب ہے یہ زیست کے افسانے کا

[intelligent086]

عشق کے کام منظم بھی ہیں ، ہنگامی بھی
شمع اک دوسرا کردار ہے افسانے کا

[intelligent086]

بن گیا فتنۂ محشر کا اثاثہ آخر
غلغلہ میری جوانی کے بہک جانے کا

[intelligent086]

زندگی راہ نوردی سے عبارت ہے عدم
موت مفہوم ہے رستے سے گزر جانے کا

[intelligent086]

ستارے بیخود و سرشار تھے ، کل شب جہاں میں تھا اندھیرے رو کشِ انوار تھے ، کل شب جہاں میں تھا

[intelligent086]

مسائل زندگی کے جو کبھی سیدھے نہ ہوتے تھے
سراسر سہل اور ہموار تھے ، کل شب جہاں میں تھا

[intelligent086]

اگرچہ محتسب بھی ان گنت تھے اس شبستان میں
مگر سب میکشوں کے یار تھے ، کل شب جہاں میں تھا

[intelligent086]

جوانی محوِ آرائش تھی پوری خود نمائی سے
دو عالم آئنہ بردار تھے ، کل شب جہاں میں تھا

[intelligent086]

گدازِ قربتِ اصنام سے دل پگھلے جاتے تھے
نفس صہبا ، بدن گلنار تھے ، کل شب جہاں میں تھا

[intelligent086]

گماں ہوتا تھا شاید زندگی پھولوں کا گجرا ہے
گلوں کے اس قدر انبار تھے ، کل شب جہاں میں تھا

[intelligent086]

عدم مت پوچھ کیا کیفیتیں تھیں ذہن پر طاری
نشاطِ روح کے معمار تھے ، کل شب جہاں میں تھا

[intelligent086]

تہی بھی ہوں تو پیمانے حسیں معلوم ہوتے ہیں حقائق سے تو افسانے حسیں معلوم ہوتے ہیں

[intelligent086]

ملاقاتیں مسلسل ہوں تو دلچسپی نہیں رہتی
بے بے ترتیب یارانے حسیں معلوم ہوتے ہیں

[intelligent086]

جوانی نام ہے اک خوبصورت موت کا ساقی
بھڑک اٹھیں تو پروانے حسیں معلوم ہوتے ہیں

[intelligent086]

وہ مے کش تیری آنکھوں کی حکایت سن کے آیا ہے
جسے ہر وقت پیمانے حسیں معلوم ہوتے ہیں

[intelligent086]

اداسی بھی عدم احساسِ غم کی ایک دولت ہے
بسا اوقات ویرانے حسیں معلوم ہوتے ہیں

[intelligent086]

اس کی پائل اگر چھنک جائے گردشِ آسماں ٹھٹھک جائے

[intelligent086]

اس کے ہنسنے کی کیفیت ، توبہ!
جیسے بجلی چمک چمک جائے

[intelligent086]

اس کے سینے کا زیرو بم ، توبہ!
دیوتاؤں کا دل دھڑک جائے

[intelligent086]

لے اگر جھوم کر وہ انگڑائی
زندگی دار پر اٹک جائے

[intelligent086]

ایسے بھر پور ہے بدن اس کا
جیسے ساون کا آم پک جائے

[intelligent086]

ہائے اس مہ جبیں کی یاد عدم
جیسے سینے میں دم اٹک جائے

[intelligent086]

وہ باتیں تری وہ فسانے ترے شگفتہ شگفتہ بہانے ترے

[intelligent086]

فقیروں کی جھولی نہ ہوگی تہی
ہیں بھر پور جب تک خزانے ترے

[intelligent086]

بس اک داغِ سجدہ مری کائنات
جبینیں تری ، آستانے ترے

[intelligent086]

ضمیرِ صدف میں کرن کا مقام
انوکھے انوکھے ٹھکانے ترے

[intelligent086]

عدم بھی ہے تیرا حکایت کدہ
کہاں تک گئے ہیں فسانے ترے

[intelligent086]

وہ فصلِ گل ، وہ لبِ جوئبار یاد کرو وہ اختلاط ، وہ قول و قرار یاد کرو

[intelligent086]

وہ انگ انگ میں طغیانیاں محبت کی
وہ رنگ رنگ کے نقش و نگار یاد کرو

[intelligent086]

وہ نکہتوں کے جنوں خیز و شعلہ بار بھنور
وہ بلبلوں کی نشیلی پکار یاد کرو

[intelligent086]

وہ ہمکلامی ء بے اختیار و سادہ روش
وہ ہم نشینی ، دیوانہ وار یاد کرو

[intelligent086]

خیالِ جنتِ فردا کو آگ میں جھونکو
عدم حلاوتِ آغوشِ یاد یاد کرو

[intelligent086]

یوں جستجوئے یار میں آنکھوں کے بل گئے ہم کوئے یار سے بھی کچھ آگے نکل گئے

[intelligent086]

واقف تھے تیری چشمِ تغافل پسند سے
وہ رنگ جو بہار کے سانچے میں ڈھل گئے