اردو اشعار Urdu Ashaar

[intelligent086]

جن کو عادت ہو گئی صحراؤں کی
مطمئن ہوتے نہیں گھر بار سے

[intelligent086]

یہ تو سارا بازوؤں کا کھیل ہے
شہ رگیں کٹتی نہیں تلوار سے

[intelligent086]

آ گرے ہیں عین ویرانی کے بیچ
کچھ پرندے کچھ شجر بیمار سے

[intelligent086]

راستوں پہ گھاس اُگ آئی اگر
کون لوٹے گا سمندر پار سے

[intelligent086]

پھٹ نہ جائے دل کہیں اصرار سے
اس لیے گزرے نہیں بازار سے

[intelligent086]

اڑتے اڑتے آخر چاند
دل کی شاخ سے الجھا ہے

[intelligent086]

ہم تھک ہار کے سوئے ہیں
درد بھلا کب سویا ہے

[intelligent086]

سرد مزاجی کا موسم
اک مدت سے ٹھہرا ہے

[intelligent086]

رستے خالی خالی ہیں
کوئی رہ سے گزرا ہے

[intelligent086]

ایسا زور نصیب میرا
جانے کس نے لکھا ہے

[intelligent086]

تیرا وعدہ ابھی تلک
طاق کے اوپر رکھا ہے

[intelligent086]

اتنا کڑوا عشق سبھی
لوگوں نے کب چکھا ہے

[intelligent086]

بس اِک چراغ یہ روشن دِل تباہ میں ہے
کہ اُس کی میری جدائی ابھی نِباہ میں ہے

[intelligent086]

تمہارا ہجر صدی دو صدی تو پالیں گے
ابھی کچھ اِتنی سکت تو ہماری چاہ میں ہے

[intelligent086]

میں مطمئن ہوں کہ تو مطمئن نہیں دشمن
ابھی تو ایک یہی چال رزم گاہ میں ہے

[intelligent086]

عجب غرور میرے قلبِ منکسر میں ہے
عجیب عجز میری ذاتِ کج کلاہ میں ہے

[intelligent086]

میں پُرسکوں ہوں مضافات میں بسیرے پر
کہ شہر بھر کا تماشا میری نگاہ میں ہے

[intelligent086]

وہ تم جو چھوڑ گئے تھے دُکھا ہوا میرا دل
سفر نے ڈھونڈ لیا ہے رہا سہا میرا دل

[intelligent086]

کچھ اس طرح سے تعزیت کی آس میں تھا
کسی نے ہنس کے بھی دیکھا تو رو دیا میرا دل

[intelligent086]

ہے اپنی اپنی رسائی رہ محبت میں
ہے اپنا اپنا طریقہ ترا خدا میرا دل

[intelligent086]

نگر نے معجزہ مانگا تیری محبت کا
تو جھوم جھوم کے صحراؤں سے اٹھا میرا دل

[intelligent086]

کسی نے جب بھی یہ پوچھا کہ کون ہے فرحت
تو مسکرا کے ہمیشہ یہی کہا میرا دل

[intelligent086]

کہو کسی پہ کبھی درد آشکار کیا؟
کبھی کبھی کئی لوگوں کو سوگوار کیا

[intelligent086]

کبھی کسی کے لیے خود کو بے قرار کیاَ؟
تمام عمر محبت کا انتظار کیا

[intelligent086]

کسی کو سونپی کبھی اپنے وقت کی تقسیم ؟
کبھی کبھی تیری یادوں سے کاروبار کیا

[intelligent086]

یہ شہر بھر میں بھلا کیوں اکڑ کے پھرتے ہو؟
ہمیں غرور بہت ہے کہ ہم نے پیار کیا

[intelligent086]

کوئی تضاد کوئی اختلاف اس دوراں؟
غموں کو کُند کیا دل کو تیز دھار کیا

[intelligent086]

کہو جو لوگوں پہ احسان کرتے پھرتے ہو؟
خود اپنے دل کو سدا میں نے زیر بار کیا

[intelligent086]

بتاؤ دُکھ کی ریاضت میں کیا کیا تم نے ؟
اجل کو پھول کیا، زندگی کو خار کیا

[intelligent086]

دکھ ایسا دریا ہے جو
آنکھ کے رستے بہتا ہے

[intelligent086]

تنہائی کی بات نہ کر
سارا شہر ہی تنہا ہے

[intelligent086]

غم میرے دروازے پر
دھرنا مار کے بیٹھا ہے

[intelligent086]

ہم نے اپنا آپ سدا
اس کے کھوج میں پایا ہے

[intelligent086]

کالا درد وچھوڑے کا
دور دور تک پھیلا ہے

[intelligent086]

دل کو دیکھ کے روتا ہوں
کتنا بھولا بھالا ہے

[intelligent086]

رونے والے بھول گئے
کون کہاں کھویا ہے

[intelligent086]

بے چین مزاجی میں عجب کچھ بھی نہیں تھا
سوچا تو بچھڑنے کا سبب کچھ بھی نہیں تھا

[intelligent086]

اس بخت میں اب لاکھ زمانہ تجھے چاہے
ہم نے تو تجھے چاہا، تُو جب کچھ بھی نہیں تھا

[intelligent086]

تو نے میری جاں جھانک کے دیکھا نہ تھا دل میں
چہرے پہ جو تھا وہ تو غضب کچھ بھی نہیں تھا

[intelligent086]

جو مجھ سے فقیروں کے دلوں میں تھا وہی تھا
لوگوں نے جسے پوجا وہ رب کچھ بھی نہیں تھا

[intelligent086]

فرحت جو کوئی بھی تھا کہاں سے تھا بس اس کا
اک عشق سوا نام و نسب کچھ بھی نہیں تھا

[intelligent086]

مدتوں بعد میرا سوگ منانے آئے
لوگ بھولا ہوا کچھ یاد دلانے آئے

[intelligent086]

بڑھ گیا دل کے جنازے میں ستاروں کا ہجوم
کتنے غم ایک تیرے غم کے بہانے آئے

[intelligent086]

رات اک اُجڑی ہوئی سوچ میرے پاس آئی
اور پھر اُجڑے ہوئے کتنے زمانے آئے

[intelligent086]

ایک اک کر کے حوادث بڑی ترتیب کے ساتھ
مرحلہ وار میرا ساتھ نِبھانے آئے

[intelligent086]

نقش پختہ تھا تیرے غم کا وگرنہ موسم
بارہا دل سے میرے اس کو مٹانے آئے

[intelligent086]

ِ
دن بھی نہ بیتا رات نہ بیتی
تیری ایک بھی بات نہ بیتی

[intelligent086]

ٹھہر گئی آ کر آنکھوں میں
تیرے بن برسات نہ بیتی

[intelligent086]

آنسو رکے نا ان نینوں سے
تاروں کی بارات نہ بیتی

[intelligent086]

جم سی گئی احساس کے اندر
جیون بیتا مات نہ بیتی

[intelligent086]

پھر تیرا ذکر دل سنبھال گیا
ایک ہی پل میں سب ملال گیا

[intelligent086]

ہو لیے ہم بھی اس طرف جاناں
جس طرف بھی تیرا خیال گیا

[intelligent086]

آج پھر تیری یاد مانگی تھی
آج پھر وقت ہم کو ٹال گیا

[intelligent086]

تو دسمبر کی بات کرتا ہے
اور ہمارا تو سارا سال گیا

[intelligent086]

تیرا ہوتا تو پھٹ گیا ہوتا
میرا دل تھا جو غم کو پال گیا

[intelligent086]

کون تھا وہ کہاں سے آیا تھا
ہم کو کن چکروں میں ڈال گیا

[intelligent086]

بچھڑنے کے زمانے آ گئے ہیں
اسے کتنے بہانے آ گئے ہیں

[intelligent086]

اداسی میں گھرے رہتے تھے جب ہم
وہ سارے دن پرانے آ گئے ہیں

[intelligent086]

نہیں ہیں خوش گرا کر عرش سے بھی
زمیں سے بھی اٹھانے آ گئے ہیں

[intelligent086]

وہ ہم پر مسکرانے آ گئے ہیں
نیا اک غم لگانے آ گئے ہیں

[intelligent086]

کسی کی موت کے آثار دل میں
صف ماتم بچھانے آ گئے ہیں

[intelligent086]

بتا دو موسم گریہ کو فرحت
کہ ہم رونے رلانے آ گئے ہیں

[intelligent086]

کہاں دل قید سے چھوٹا ہوا ہے
ابھی تک شہر سے روٹھا ہوا ہے

[intelligent086]

ہمیں کیسے کہیں اس دل کو سچا
ہمارے سامنے جھوٹا ہوا ہے

[intelligent086]

کسی کا کچھ نہیں اپنا یہاں پر
یہ سب سامان ہی لوٹا ہوا ہے

[intelligent086]

تمہارے دل میں میری چاہتوں کا
کوئی تو بیج سا پھوٹا ہوا ہے

[intelligent086]

کسی کے نام لگ جائے بلا سے
یہ دل پہلے سے ہی ٹوٹا ہوا ہے

[intelligent086]

ہم تجھے شہر میں یوں ڈھونڈتے ہیں
جس طرح لوگ سکوں ڈھونڈتے ہیں

[intelligent086]

ہم گو منصور نہیں ہیں لیکن
اس کا انداز جنوں ڈھونڈتے ہیں

[intelligent086]

جس سے ٹکراتی رہے پیشانی
تیرے دکھ میں وہ ستوں ڈھونڈتے ہیں

[intelligent086]

وہ تو کھویا ہے کہیں باطن میں
ہم جسے اپنے بروں ڈھونڈتے ہیں

[intelligent086]

ہم کہ ترسی ہوئی شریانیں ہیں
اور اک قطرہ خوں ڈھونڈتے ہیں

[intelligent086]

حسن و جمال کے بھی زمانے نہیں رہے
آنکھوں میں اس کی خواب سہانے نہیں رہے

[intelligent086]

ملنے کو آ ہی جاتا ہے ہر چند روز بعد
لگتا ہے اس کے پاس بہانے نہیں رہے

[intelligent086]

لرزش ہے ہاتھ میں تو نظر بھی ہے دُھندلی
پہلے سے اب وہ دل کے نشانے نہیں رہے

[intelligent086]

اُٹھتی نہیں ہیں شوق و تجسّس کے باوجود
آنکھوں کے کتنے کام پرانے نہیں رہے

[intelligent086]

کمرے سب بھر گئے ہیں مسائل کی گرد سے
دل میں تیرے خیال کے خانے نہیں رہے

[intelligent086]

ِ جسم تپتے پتھروں پر روح صحراؤں میں تھی
پھر بھی تیری یاد ایسی تھی کہ جو چھاؤں میں تھی

[intelligent086]

ایک پر ہیبت سکوت مستقل آنکھوں میں تھا
ایک طغیانی مسلسل دل کے دریاؤں میں تھی

[intelligent086]

ہم ہی ہو گزرے ہیں خود اپنے شہر اجنبی
وہ جہاں بھی تھی وہاں اپنے شناساؤں میں تھی

[intelligent086]

اک صدا سی برف بن کر گر رہی تھی جسم پر
ایک زنجیر ہوا تھی جو میرے پاؤں میں تھی

[intelligent086]

دن مصیبت کے ٹل گئے ہوتے
اپنا رستہ بدل گئے ہوتے

[intelligent086]

دل کی وحشت نے بڑھ کے گھیر لیا
ورنہ آگے نکل گئے ہوتے

[intelligent086]

تیرے غم نے قدم اکھیڑ دیے
ورنہ کب کے سنبھل گئے ہوتے

[intelligent086]

تم نے لوگوں کو کیوں توجہ دی
اپنے ہی آپ جل گئے ہوتے

[intelligent086]

شکر ہے ہم نہیں ہیں دن ورنہ
شام کے وقت ڈھل گئے ہوتے

[intelligent086]

درد کی سلطنت کا راج ملا
بے قراری کا تخت و تاج ملا

[intelligent086]

وقت اک شعبدہ سا ہے اور بس
کل ملا ہے کبھی نہ آج ملا

[intelligent086]

آنکھ نا ہی کھلے تو بہتر ہے
آنکھ کھولی تو یہ رواج ملا

[intelligent086]

عشق سے بیاہ ہو گیا اور پھر
دل کی دلہن کو غم کا داج ملا

[intelligent086]

لگ کے کندھے سے روتا جاتا تھا
آج تک جو بھی ہم مزاج ملا

[intelligent086]

دن کو ہم سے ملا ہے صبر جمیل
رات کو درد کا خراج ملا

[intelligent086]

تیری یادیں ہی چھانتے ہیں ہم
دیکھو کیسا یہ کام کاج ملا

[intelligent086]

جاتے جاتے اس طرح سب کچھ سوالی کر گیا
روح کا کمرہ بھرا رہتا تھا خالی کر گیا

[intelligent086]

اب نہ کوئی راہ چیختی ہے نہ کوئی ہمسفر
ایک دو دن کے سفر کو یوں مثالی کر گیا

[intelligent086]

وقت بھی کیسی عجب شے ہے ہمارے سامنے
اک ذرا بیتا تو سب دنیا خیالی کر گیا

[intelligent086]

عشق اپنے ساتھ یہ کیسی نرالی کر گیا
چند لمحوں میں طبیعت لا ابالی کر گیا

[intelligent086]

ہجر کا اسپ پریشاں دل کی ہر اک آرزو
فصل لا وارث سمجھ کر پائمالی کر گیا

[intelligent086]

پربت پربت اڑے پھرے ہے من پنچھی بے چین
جانے کہاں کہاں لے جائیں سانوریا کے نین

[intelligent086]

آؤں کہیں چھپ کے روتے ہیں ورنہ نگری میں
کوئی سنے نا ہوک دلوں کی کوئی سنے نا بین

[intelligent086]

لو دھیرے دھیرے دھندلا ہوتا جاتا ہے مہتاب
بیت چلا ہے جیون، جیسے بیت چلی ہو رین

[intelligent086]

ہم تو جیسے دل آنکھوں میں لے کے پھرتے ہوں
بیٹھے بیٹھے ہنسی میں رو دیتے ہیں نین

[intelligent086]

باہر بھی اپنے جیسی خدائی لگی مجھے
ہر چیز میں تمھاری جدائی لگی مجھے

[intelligent086]

جیون میں آج تیرے لیے رو نہیں سکا
جیون میں آج رات پرائی لگی مجھے

[intelligent086]

مہندی جچی کچھ ایسے تیرے نرم ہاتھ پر
اک کائنات دست حنائی لگی مجھے

[intelligent086]

پتی تیری پلک کا کنارا مجھے لگی
شاخ گلاب تیری کلائی لگی مجھے

[intelligent086]

دھڑکن میں تال تیرے خیالوں کی بج اٹھی
سانسوں میں تیری نغمہ سرائی لگی مجھے

[intelligent086]

حق میں اسی کے فیصلہ ہر شخص نے دیا
ہر شخص تک اسی کی رسائی لگی مجھے

[intelligent086]

لاکھ دوری ہو مگر عہد نبھاتے رہنا
جب بھی بارش ہو میرا سوگ مناتے رہنا

[intelligent086]

جانے اس دل کو یہ آداب کہاں سے آئے
اس کی راہوں میں نگاہوں کو بچھاتے رہنا

[intelligent086]

تم گئے ہو تو سر شام یہ عادت ٹھہری
بس کنارے پہ کھڑے ہاتھ ہلاتے رہنا

[intelligent086]

تم کو معلوم ہے فرحت کہ یہ پاگل پن ہے
دور جاتے ہوئے لوگوں کو بلاتے رہنا

[intelligent086]

ایک مدت سے یہ معمول ہوا ہے اب تو
آپ ہی روٹھنا اور آپ مناتے رہنا

[intelligent086]

کہیں آرزوئے سفر نہیں، کہیں منزلوں کی خبر نہیں
کہیں راستہ ہی اندھیر ہے کہیں پا نہیں کہیں پر نہیں

[intelligent086]

مجھے اضطراب کی چاہ تھی مجھے بے کلی کی تلاش تھی
انھیں خواہشات کے جرم میں کوئی گھر نہیں کوئی در نہیں

[intelligent086]

اے ہوائے موسم ذرا مجھے ساتھ رکھ میرے ساتھ چل
میرے ساتھ میرے قدم نہیں میرے پاس میری نظر نہیں

[intelligent086]

میں نے دیکھا دیوانوں کو شام کے بعد
ڈھونڈ رہے تھے ویرانوں کو شام کے بعد

[intelligent086]

میں نے اس کا سوگ منایا کچھ ایسے
خالی رکھا پیمانوں کو شام کے بعد

[intelligent086]

یاد کرے جب مجھ کو تیری تنہائی
دیکھا کرنا گلدانوں کو شام کے بعد

[intelligent086]

فرحت چاند کے خوف سے کر لیتا ہوں بند
کمرے کے روشن دانوں کو شام کے بعد

[intelligent086]

لوگ گھبرائے ہوئے بارش کے
خشک موسم میں سکوں ڈھونڈتے ہیں

[intelligent086]

تاریکی پھر سارے عیب چھپا لے گی
لے آنا گھر مہمانوں کو شام کے بعد

[intelligent086]

کوئی چاند ٹوٹے یا دل جلے یا زمیں کہیں سے ابل پڑے
اہم اسیر صورت حال ہیں ہمیں حادثات کا ڈر نہیں

[intelligent086]

تاریکی پھر سارے عیب چھپا لے گی
لے آنا گھر مہمانوں کو شام کے بعد

[intelligent086]

تجھ سے ہم اس لیے ملتے ہیں بہت
ربط پیہم میں سکوں ڈھونڈتے ہیں

[intelligent086]

کہا میں نے کہاں ہو تم
جواب آیا جہاں ہو تم

[intelligent086]

میری تو ساری دنیا ہو
میرا سارا جہاں ہو تم

[intelligent086]

میری سوچوں کے محور ہو
میرا زور بیاں ہو تم

[intelligent086]

میں ہوں لفظ محبت ہوں
مگر میری زباں ہو تم

[intelligent086]

تمھارے خواب مرے ساتھ ساتھ چلتے ہیں
کئی سراب مرے ساتھ ساتھ چلتے ہیں

[intelligent086]

تمھارا غم، غم دنیا علوم آگاہی
سبھی عذاب مرے ساتھ ساتھ چلتے ہیں

[intelligent086]

نہ جانے کون ہیں یہ لوگ جو کہ صدیوں سے
پس نقاب مرے ساتھ ساتھ چلتے ہیں

[intelligent086]

اسی لیے تو میں عریانیوں سے ہوں محفوظ
بہت حجاب مرے ساتھ ساتھ چلتے ہیں

[intelligent086]

میں بے خیال کبھی دھوپ میں نکل آؤں
تو کچھ سحاب مرے ساتھ ساتھ چلتے ہیں

[intelligent086]

کوئی حصار مرے چار سو ابھی تک ہے
تمھارا پیار مرے چار سو ابھی تک ہے

[intelligent086]

بچھڑتے وقت جو سونپ کر گئے مجھے
وہ انتظار مرے چار سو ابھی تک ہے

[intelligent086]

تو خود ہی جانے کہیں دور کھو گیا ہے مگر
تیری پکار مرے چار سو ابھی تک ہے

[intelligent086]

میں جب بھی نکلا میرے پاؤں چھید ڈالے گا
جو خارزار مرے چار سو ابھی تک ہے

[intelligent086]

میں اب بھی گرتے ہوئے پانیوں کی قید میں ہوں
اک آبشار مرے چار سو ابھی تک ہے

[intelligent086]

کوئی گمان مجھے تم سے دور کیسے کرے
کہ اعتبار مرے چار سو ابھی تک ابھی تک ہے

[intelligent086]

جو اس کے چہرے پہ رنگ حیا ٹھہر جائے
تو سانس، وقت، سمندر، ہوا ٹھہر جائے

[intelligent086]

وہ مسکرائے تو ہنس ہنس پڑیں کئی موسم
وہ گنگنائے تو باد صبا ٹھہر جائے

[intelligent086]

سبک خرام صبا چال چل پڑے جب بھی
ہزار پھول سر راہ آ ٹھہر جائے

[intelligent086]

وہ ہونٹ ہونٹوں پہ رکھ دے اگر دم آخر
مجھے گماں ہے کہ آئی قضا ٹھہر جائے

[intelligent086]

میں اس کی آنکھوں میں جھانکوں تو جیسے جم جاؤں
وہ آنکھ جھپکے تو چاہوں ذرا ٹھہر جائے

[intelligent086]

ِ
ضائع کرتے تھے ملاقاتوں کو
ہم سمجھتے ہی نہ تھے باتوں کو

[intelligent086]

ان کو عادت ہے میری آنکھوں کی
کون سمجھائے گا برساتوں کو

[intelligent086]

کتنے معصوم ہے وہ لوگ کہ جو
کچھ سمجھتے ہی نہیں راتوں کو

[intelligent086]

وہ مجھے دام میں لینے کے لیے
کام میں لایا مداراتوں کو

[intelligent086]

ہم کہاں مانتے ہیں ذاتوں کو
پاس رکھو سبھی ساداتوں کو

[intelligent086]

آستینوں پہ توجہ دے کر
تاڑ لیتا ہوں کئی گھاتوں کو

[intelligent086]

دلوں پہ جبر کی تمام حکمتیں الٹ گئیں
جدائیوں میں اور بھی رفاقتیں سمٹ گئیں

[intelligent086]

اے ہوائے موسم ذرا مجھے ساتھ رکھ میرے ساتھ چل
میرے ساتھ میرے قدم نہیں میرے پاس میری نظر نہیں

[intelligent086]

تیرے دیار یاد سے گزر رہا تھا قافلہ
کہیں تو دن پلٹ گئے کہیں شبیں پلٹ گئیں

[intelligent086]

میں جس کسی محاذ پہ صفیں بدل بدل گیا
میرے مقابلے میں تیری آرزوئیں ڈٹ گئیں

[intelligent086]

جدائیوں سے دامن خیال تو چھڑا لیا
مگر کئی اداسیاں نصیب سے چمٹ گئیں

[intelligent086]

عجیب واقع ہے ایک دن سکوت شہر سے
قلم بچا رہے تھے ہم کہ انگلیاں بھی کٹ گئیں

[intelligent086]

ِ
ان گنت بے حساب آن بسے
آنکھ اجڑی تو خواب آن بسے

[Spoiler]

دل پیالہ نہیں ___ گدائی کا
عاشقی در بہ در نہیں ہوتی

[intelligent086]

ہماری آنکھ میں بھی اشک گرم ایسے ہیں
کہ جن کے آگے بھرے پانی آبلہ دل کا

[intelligent086]

اگر چہ جان پہ بن بن گئی محبت میں
کسی کے منہ پر نہ رکھا غلہ دل کا

[intelligent086]

ازل سے تا بہ ابد عشق ہے اس کے لئے
ترے مٹائے مٹے گا نہ سلسلہ دل کا

[intelligent086]

کچھ اور بھی تجھے اے داغ بات آتی ہے
وہی بتوں کی شکایت وہی گلہ دل کا

[intelligent086]

بنتی ہے بری کبھی جو دل پر
کہتا ہوں برا ہو عاشقی کا

[intelligent086]

اتنا ہی تو بس کسر ہے تم میں
کہنا نہیں مانتے کسی کا

[intelligent086]

ہم بزم میں ان کی چپکے بیٹھے
منہ دیکھتے ہیں ہر آدمی کا

[intelligent086]

جو دم ہے وہ ہے بسا غنیمت
سارا سودا ہے جیتے جی کا

[intelligent086]

آغاز کو کون پوچھتا ہے
انجام اچھا ہو آدمی کا

[intelligent086]

روکیں انہیں کیا کہ ہے غنیمت
آنا جانا کبھی کبھی کا

[intelligent086]

ایسے سے جو داغ نے نباہی
سچ ہے کہ یہ کام تھا اسی کا

[intelligent086]

تمھارے خط میں نیا اک سلام کس کا تھا
نہ تھا رقیب تو آخر وہ نام کس کا تھا

[intelligent086]

وہ قتل کر کے مجھے ہر کسی سے پوچھتے ہیں
یہ کام کس نے کیا ہے، یہ کام کس کا تھا

[intelligent086]

وفا کریں گے، نباہیں گے، بات مانیں گے
تمھیں بھی یاد ہے کچھ، یہ کلام کس کا تھا

[intelligent086]

رہا نہ دل میں وہ بےدرد اور درد رہا
مقیم کون ہوا ہے، مقام کس کا تھا

[intelligent086]

نہ پوچھ گچھ تھی کسی کی وہاں نہ آؤ بھگت
تمھاری بزم میں کل اہتمام کس کا تھا

[intelligent086]

تمام بزم جسے سن کے رہ گئی مشتاق
کہو، وہ تذکرۂ نا تمام کس کا تھا

[intelligent086]

گزر گیا وہ زمانہ، کہوں تو کس سے کہوں
خیال دل کو مرے صبح و شام کس کا تھا

[intelligent086]

ہر اک سے کہتے ہیں کیا داغ بے وفا نکلا
یہ پوچھے ان سے کوئی وہ غلام کس کا تھا

[intelligent086]

عجب اپنا حال ہوتا، جو وصال یار ہوتا
کبھی جان صدقے ہوتی، کبھی دل نثار ہوتا

[intelligent086]

نہ مزہ ہے دشمنی میں، نہ ہے لطف دوستی میں
کوئی غیر غیر ہوتا، کوئی یار یار ہوتا

[intelligent086]

یہ مزہ تھا دل لگی کا، کہ برابر آگ لگتی
نہ تمھیں قرار ہوتا، نہ ہمیں قرار ہوتا

[intelligent086]

ترے وعدے پر ستمگر، ابھی اور صبر کرتے
مگر اپنی زندگی کا، ہمیں اعتبار ہوتا

[intelligent086]

حضرت دل آپ ہیں جس دھیان میں
مر گئے لاکھوں اسی ارمان میں

[intelligent086]

گر فرشتہ وش ہوا کوئی تو کیا
آدمیت چاہئے انسان میں

[intelligent086]

اگرچہ آنکھ کا سورج سوا نیزے پہ ہے

تمہاری یاد کے موسم ابھی محفوظ ہیں

[intelligent086]

ہماری ڈائری پڑھنا کبھی تم غور سے

کہانی کے لیے یہ غم ابھی محفوظ ہیں

[intelligent086]

ندیم اس نے نہیں بدلا ہے غم کا پیراہن

تو پھر یوں ہے کہ کچھ ماتم ابھی محفوظ ہیں

[intelligent086]

محبت لازمی ہے مانتا ہوں

مگر ہمزاد اب میں تھک گیا ہوں

[intelligent086]

تمہارا ہجر کاندھے پر رکھا ہے

نہ جانے کس جگہ میں جا رہا ہوں

[intelligent086]

کوئی تو ہو جو میرے درد بانٹے

مسلسل ہجر کا مارا ہوا ہوں

[intelligent086]

محبت، ہجر نفرت مل چکی ہے

میں تقریباً مکمل ہو چکا ہوں