اردو اشعار Urdu Ashaar

[intelligent086]

کب تک یہ سوچ سوچ کے ہلکان ہو جیئے
اب تک تری طرف سے شروعات نہیں ہوئی

[intelligent086]

زوالِ شب میں کسی کی صدا نکل آئے
ستارہ ڈوبے ستارہ نما نکل آئے

[intelligent086]

عجب نہیں کہ یہ دریا نظر کا دھوکا ہو
عجب نہیں کہ کوئی راستہ نکل آئے

[intelligent086]

وہ حبس ہے کہ دعا کر رہے ہیں سارے چراغ
اب اس طرف کوئی موجِ ہوا نکل آئے

[intelligent086]

یہ کس نے دستِ بریدہ کی فصل بوئی تھی
تمام شہر میں نخلِ دعا نکل آئے

[intelligent086]

خدا کرے صف سر دادگاں نہ ہو خالی
جو میں گروں تو کوئی دوسرا نکل آئے

[intelligent086]

زندہ رہنا تھا سو جاں نذرِ اجل کر آیا
میں عجب عقدۂ دشوار کو حل کر آیا

[intelligent086]

میں نے کی تھی صفِ اعدا سے مبارز طلبی
تیر لیکن صفِ یاراں سے نکل کر آیا

[intelligent086]

تو نے کیا سوچ کے اس شاخ پہ وارا تھا مجھے
دیکھ میں پیرہنِ برگ بدل کر آیا

[intelligent086]

یہ ہوس ہو کہ محبت ہو، مگر چہرے پر
اِک نیا رنگ اسی آگ میں جل کر آیا

[intelligent086]

تم ہمیں ایک دن دشت میں چھوڑ کر چل دیے تھے تمھیں کیا خبر یا اخی
کتنے موسم لگے ہیں ہمارے بدن پر نکلنے میں یہ بال و پر یا اخی

[intelligent086]

شب گزیدہ دیاروں کے ناقہ سواروں میں مہتاب چہرہ تمھارا نہ تھا
خاک میں مل گئے راہ تکتے ہوئے سب خمیدہ کمر جام و در یا اخی

[intelligent086]

یہ بھی اچھا ہوا تم اس آشوب سے اپنے سرسبز بازو بچا لے گئے
یوں بھی کوئے زیاں میں لگانا ہی تھا ہم کو اپنے لہو کا شجر یا اخی

[intelligent086]

جنگ کا فیصلہ ہو چکا ہے تو پھر میرے دل کی کمیں گاہ میں کون ہے
اک شقی کاٹتا ہے طنابیں مرے خیمہ خواب کی رات بھر یا اخی

[intelligent086]

نہر اس شہر کی بھی بہت مہرباں ہے مگر اپنا رہوار مت روکنا
ہجرتوں کے مقدر میں باقی نہیں اب کوئی قریہ معتبر یا اخی

[intelligent086]

زرد پتوں کے بکھرے بدن اپنے ہاتھوں پہ لے کر ہوا نے شجر سے کہا
اگلے موسم میں تجھ پر نئے برگ و بار آئیں گے تب تلک صبر کر یا اخی

[intelligent086]

حلقۂ بے طلباں رنجِ گراں باری کیا
اُٹھ کے چلنا ہی تو ہے کوچ کی تیاری کیا

[intelligent086]

ایک کوشش کہ تعلق کوئی باقی رہ جائے
سو تری چارہ گری کیا مری بیماری کیا

[intelligent086]

تجھ سے کم پر کسی صورت نہیں راضی ہوتا
دلِ ناداں نے دکھا رکھی ہے ہشیاری کیا

[intelligent086]

قید خانے سے نکل آئے تو صحرا کا حصار
ہم سے ٹوٹے گی یہ زنجیر گرفتاری کیا

[intelligent086]

وہ بھی طرفہ سخن آراء ہیں چلو یوں ہی سہی
اتنی سی بات پہ یاروں کی دل آزاری کیا

[intelligent086]

چھت پہ مہتاب نکلتا ہوا سرگوشی کا
اور پازیب کی جھنکار سے زینہ روشن

[intelligent086]

اجنبی دھوپ میں جلتے ہوئے رشتوں کے شجر
گھر کے آنگن میں مناجات کا پودا روشن

[intelligent086]

کانپتے ہاتھوں میں دلدار دعاؤں کے چراغ
اور اشکوں کے ستاروں سے مصلیٰ روشن

[intelligent086]

سرپھری لہروں سے لڑتے ہوئے بازو تھک جائیں
پھر بھی آنکھوں میں رہے کوئی جزیرہ روشن

[intelligent086]

کل کی دنیا کی بنا ڈال رہا ہے کوئی
ننھے ہاتھوں میں ہے مٹی کا گھروندا روشن

[intelligent086]

آنکھیں ایسی ہوں کہ جل جائیں سیاہی کے ورق
انگلیاں ایسی کہ تحریر کا سینہ روشن

[intelligent086]

ملالِ دولتِ بردہ پہ خاک ڈالتے ہیں
ہم اپنی خاک سے پھر گنج زر نکالتے ہیں

[intelligent086]

میں اپنے نقدِ ہنر کی زکوٰۃ بانٹتا ہوں
مرے ہی سکے مرے ہم سخن اچھالتے ہیں

[intelligent086]

بڑھا کے میرے معانی پہ لفظ کا زنگار
مرے حریف مرے آئنے اجالتے ہیں

[intelligent086]

سجا کے آئنۂ حرف پیشِ آئنہ
ہم اک کرن سے ہزار آفتاب ڈھالتے ہیں

[intelligent086]

عذابِ جاں ہے عزیزو خیالِ مصرعِ تر
سو ہم غزل نہیں لکھتے عذاب ٹالتے ہیں

[intelligent086]

اس سے بچھڑ کے بابِ ہنر بند کر دیا
ہم جس میں جی رہے تھے وہ گھر بند کر دیا

[intelligent086]

شاید خبر نہیں ہے غزالانِ شہر کو
اب ہم نے جنگلوں کا سفر بند کر دیا

[intelligent086]

اپنے لہو کے شور سے تنگ آ چکا ہوں میں
کس نے اسے بدن میں نظر بند کر دیا

[intelligent086]

اب ڈھونڈ اور قدر شناسانِ رنگ و بو
ہم نے یہ کام اے گلِ تر بند کر دیا

[intelligent086]

خوشبو کی طرح ساتھ لگا لے گئی ہم کو
کوچے سے ترے بادِ صبا لے گئی ہم کو

[intelligent086]

پتھر تھے کہ گوہر تھے، اب اس بات کا کیا ذکر
اک موج بہر حال بہا لے گئی ہم کو

[intelligent086]

پھر چھوڑ دیا ریگِ سرِ راہ سمجھ کر
کچھ دور تو موسم کی ہوا لے گئی ہم کو

[intelligent086]

تم کیسے گرے آندھی میں چھتنار درختو؟
ہم لوگ تو پتّے تھے، اُڑا لے گئی ہم کو

[intelligent086]

ہم کون شناور تھے کہ یوں پار اترتے
سوکھے ہوئے ہونٹوں کی دعا لے گئی ہم کو

[intelligent086]

اس شہر میں گارت گرِ ایماں تو بہت تھے
کچھ گھر کی شرافت ہی بچا لے گئی ہم کو

[intelligent086]

وہ ان دنوں تو ہمارا تھا لیکن اب کیا ہے
پھر اس سے آج وہی رنجِ بے سبب کیا ہے

[intelligent086]

تم اس کا وار بچانے کی فکر میں کیوں ہو
وہ جانتا ہے مسیحائیوں کا ڈھب کیا ہے

[intelligent086]

دبیز کہر ہے یا نرم دھوپ کی چادر
خبر نہیں ترے بعد اے غبارِ شب کیا ہے

[intelligent086]

میں بھی اے سرخیِ بے نام تجھے پہچانوں
تو حنا ہے کہ لہو، پیکرِ تصویر میں آ

[intelligent086]

اس کے حلقوں میں تگ و تاز کی وسعت ہے بہت
آہوئے شہر، مری بانہوں کی زنجیر میں آ

[intelligent086]

چارہ گر خیر سے خوش ذوق ہے، اے میری غزل
کام اب تو ہی مرے درد کی تشہیر میں آ

[intelligent086]

وہ بھی آمادہ بہت دن سے ہے سننے کے لئے
اب تو اے حرفِ طلب معرضِ تقریر میں آ

[intelligent086]

ایک رنگ آخری منظر کی دھنک میں کم ہے
موجِ خوں اٹھ کے ذرا عرصۂ شمشیر میں آ

[intelligent086]

ہم کو آتا ہے پیار کر لینا
آزمائش بھی یار کر لینا

[intelligent086]

پھر کبھی ذکرِ یار کر لینا
شکوۂ روزگار کر لینا

[intelligent086]

اک نظر دیکھ لیجئے پہلے
بھر نگاہوں کے وار کر لینا

[intelligent086]

ایک مسکان کا فریب تو دے
نفرتیں بھی ہزار کر لینا

[intelligent086]

کس قدر سادگی سے وہ بولے
ہاں، ذرا انتظار کر لینا

[intelligent086]

ہائے کتنے فریب دیتا ہے
عادتاً اعتبار کر لینا

[intelligent086]

اک ذرا دوستوں کو جانے دو
زخم دل کے شمار کر لینا

[intelligent086]

کتنا مہنگا پڑا ہے آسی جی
عقل پر انحصار کر لینا

[intelligent086]

کچوکے دوستوں نے تو لگائے
پہ ہم ناداں سمجھ کچھ بھی نہ پائے

[intelligent086]

مجھے جتنے ملے غم دوستوں کے
وہ میں نے اپنے لفظوں میں سجائے

[intelligent086]

خدا جانے لگاوٹ تھی کہ کیا تھا
وہ مجھ کو دیکھ کر یوں مسکرائے

[intelligent086]

وہ اک دن اتفاقاً آ گیا تھا
اور اب جانا بھی چاہے، جا نہ پائے

[intelligent086]

بھری محفل میں تنہا لگ رہا ہوں
کہ ہر سو اجنبیت کے ہیں سائے

[intelligent086]

ہم اتنی دور جا پہنچے ہیں یارو
کہ رستہ بھی نہ ہم کو ڈھونڈ پائے

[intelligent086]

مرا تفکر غبار سوچیں نکھارتا ہے
کہ میری آنکھوں میں سرخ شبنم اتارتا ہے

[intelligent086]

میں آج خوفِ خدا سے محروم ہو گیا ہوں
کئی خداؤں کا خوف اب مجھ کو مارتا ہے

[intelligent086]

ڈرا رہا ہے مجھے وہ میرے پڑوسیوں سے
مرے جگر میں جو زہر خنجر اتارتا ہے

[intelligent086]

مرے محلے میں میرے بھائی جھگڑ رہے ہیں
اُدھر کوئی اپنے ترکشوں کو سنوارتا ہے

[intelligent086]

حصارِ ظلمت میں کب سے انساں بھٹک رہا ہے
کسی نئے دن کو دورِ حاضر پکارتا ہے

[intelligent086]

دمِ سرافیل ہے نقیبِ جہانِ نو ہے
وہ ایک جذبہ کہ سر دلوں میں ابھارتا ہے

[intelligent086]

نہ وہ مکیں رہے ہیں نہ ہی وہ مکاں رہے
میرا جنوں رہے بھی اگر تو کہاں رہے

[intelligent086]

نوید ہے اک جہانِ نو کی، اسی کے دم سے
’ہماری روحوں میں ارتقا پر سنوارتا ہے‘

[intelligent086]

ہوتی رہیں حدود میں غیروں کی بارشیں
ہم حسرتوں سے دیکھتے ابرِ رواں رہے

[intelligent086]

اپنی تکلفات کی ہوتی ہے چاشنی
اچھا ہے کچھ حجاب ابھی درمیاں رہے

[intelligent086]

مجھ کو مرے عیوب کی دیتے رہیں خبر
یا رب! مجھے نصیب دمِ دوستاں رہے

[intelligent086]

کتنی قیامتیں ہیں اشارے کی منتظر
دو چار دن بہت ہے جو باقی جہاں رہے

[intelligent086]

پتوار جب اٹھا لیا، موجوں کا خوف کیا
چاہے سفینہ پار لگے، درمیاں رہے

[intelligent086]

غم ہزاروں دِلِ حزیں تنہا
بوجھ کتنے ہیں اور زمیں تنہا

[intelligent086]

بس گئے یار شہر میں جا کر
رہ گئے دشت میں ہمیں تنہا

[intelligent086]

اپنے پیاروں کو یاد کرتا ہے
آدمی ہو اگر کہیں تنہا

[intelligent086]

تیری یادوں کا اِک ہجوم بھی ہے
آج کی رات میں نہیں تنہا

[intelligent086]

وہ کسی بزم میں نہ آئے گا
گوشۂ دل کا وہ مکیں تنہا

[intelligent086]

کار و بارِ حیات کا حاصل
ایک دولت ہی تو نہیں تنہا

[intelligent086]

دل نہ ہو گر نماز میں حاضر
ہے عبث سجدۂ جبیں تنہا

[intelligent086]

میرے ارحم! کبھی تو اِس دل میں
ہو ترا خوف جاگزیں تنہا

[intelligent086]

میرا سامانِ آخرت مولا
چشمِ نادِم کا اِک نگیں تنہا

[intelligent086]

ہم سفر کوئی نہ تھا اور چل دئے
اجنبی تھا راستہ اور چل دئے

[intelligent086]

شدتِ شوقِ سفر مت پوچھئے
ناتواں دل کو لیا اور چل دئے

[intelligent086]

کس قدر جلدی میں تھے اہلِ جنوں
راستہ پوچھا نہ تھا اور چل دئے

[intelligent086]

اہلِ محفل کی جبینیں دیکھ کر
خوش رہو، ہم نے کہا، اور چل دئے

[intelligent086]

عشق پروانوں کا بھی سچا نہیں
شمع کا شعلہ بجھا، اور چل دئے

[intelligent086]

موت سے آگے بھی ہیں کچھ منزلیں
تھک گئے، سو دم لیا، اور چل دئے

[intelligent086]

زندگی کا کیا بھروسا جانِ من!
آ گیا امرِ قضا، اور چل دئے

[intelligent086]

آدمی کو وقار مل جائے
گر جبیں کو غبار مل جائے

[intelligent086]

کس کو پروا رہے مصائب کی
فکر کو گر نکھار مل جائے

[intelligent086]

آدمیت کا حسن ہے وہ شخص
جس کو ان کا شعار مل جائے

[intelligent086]

اک تمنا بڑے دنوں سے ہے
لیلئ کوئے یار مل جائے

[intelligent086]

وہ بڑا خوش نصیب ہے جس کو
لذتِ انتظار مل جائے

[intelligent086]

اک ذرا سوچئے تو، ہو گا کیا
گر جنوں کو قرار مل جائے

[intelligent086]

آپ سے رشتے کی صورت اور ہے
اور ہے ملنا محبت اور ہے

[intelligent086]

میرے اندر تھا جو انساں مر گیا
موت کی اب کیا ضرورت اور ہے

[intelligent086]

چھا رہے ہیں بے یقینی کے سحاب
آج بھی موسم کی نیت اور ہے

[intelligent086]

خوف کا ہر سر پہ سورج ہے رکھا
اس سے بڑھ کر کیا قیامت اور ہے

[intelligent086]

بات سچی تھی زباں پر آ گئی
ورنہ واعظ کی تو عادت اور ہے

[intelligent086]

رنج ہوتا ہے بچھڑنے پر ضرور
پھر ملیں تو اس میں راحت اور ہے

[intelligent086]

ہے تجھے خواہش وصالِ یار کی
منتظر رہنے میں لذت اور ہے

[intelligent086]

اب ستارے آنکھ سے گرتے نہیں
اب دلِ آسی کی حالت اور ہے

[intelligent086]

میرے گیتوں سے چاند رات گئی
وہ جو بڑھیا تھی، سوت کات گئی

[intelligent086]

کتنے تارے بنائے آنکھوں نے
آخرِ کار کٹ ہی رات گئی

[intelligent086]

بن گئی خامشی بھی افسانہ
تیرے گھر تک ہماری بات گئی

[intelligent086]

آپ سے ایک بات کہنی تھی
آپ آئے تو بھول بات گئی

[intelligent086]

زندگی ساتھ کب تلک دیتی
وہ تو اک شے تھی بے ثبات، گئی

[intelligent086]

وہ جو آسی پہ تھی کبھی ان کی
وہ نظر دے کے دل کو مات گئی

[intelligent086]

ابتر کاٹی ہیں راتیں
سو کر کاٹی ہیں راتیں

[intelligent086]

ریشہ ریشہ سپنوں کا
بن کر کاٹی ہیں راتیں

[intelligent086]

بیٹھے بیٹھے آنکھوں میں
اکثر کاٹی ہیں راتیں

[intelligent086]

سنتے ہیں کہ اس نے بھی
رو کر کاٹی ہیں راتیں

[intelligent086]

رکھ کر سینے پر ہم نے
پتھر کاٹی ہیں راتیں

[intelligent086]

شانت پور کے لوگوں نے
ڈر ڈر کاٹی ہیں راتیں

[intelligent086]

تم نے بھی تو آسی جی
مر مر کاٹی ہیں راتیں

[intelligent086]

شیخ جی کار و بار کرتے ہیں
اپنے سجدے شمار کرتے ہیں

[intelligent086]

ہم جنہیں بولنا نہیں آتا
شاعری اختیار کرتے ہیں

[intelligent086]

مہرباں ہم تری عنایت کا
آج تک انتظار کرتے ہیں

[intelligent086]

ریگ زاروں میں بیٹھ کر ہم لوگ
آرزوئے بہار کرتے ہیں

[intelligent086]

چوٹ پر چوٹ کھائے جاتے ہیں
اور پھر اعتبار کرتے ہیں

[intelligent086]

اہلِ ادراک پر مرے اشعار
راز کچھ آشکار کرتے ہیں

[intelligent086]

یہ کسی راز داں کا تحفہ ہے
غیر کب ایسے وار کرتے ہیں

[intelligent086]

مجھ کو حیرت بھی ہے مسرت بھی
وہ مرا انتظار کرتے ہیں

[intelligent086]

میرے پاس آ کے لوگ تیرا ہی
ذکر کیوں بار بار کرتے ہیں

[intelligent086]

سوچ کر بات کیجئے صاحب
آپ، اور ہم سے پیار کرتے ہیں

[intelligent086]

چاند چہروں کی سادگی پہ نہ جا
تیر کرنوں سے وار کرتے ہیں

[intelligent086]

بات کرنے کا فائدہ؟ سو، ہم
خامشی اختیار کرتے ہیں

[intelligent086]

دوستوں سے کبھی ملو آسی
وہ گِلے بے شمار کرتے ہیں

[intelligent086]

وہ بھی کیسی جفائیں کرتا ہے
ہم پہ قرباں ادائیں کرتا ہے

[intelligent086]

آدمیت کا دم گھٹے جب بھی
کون جاری ہوائیں کرتا ہے

[intelligent086]

اس کی رحمت کا آسرا لے کر
آدمی سو خطائیں کرتا ہے

[intelligent086]

کھینچے پھرتا ہے نیم جاں تن کو
دل بھی کسی جفائیں کرتا ہے

[intelligent086]

رات بھر لوگ جاگتے بھی ہیں
شہر بھی سائیں سائیں کرتا ہے

[intelligent086]

صبح دم روز ایک فرزانہ
جاگو، جاگو! صدائیں کرتا ہے

[intelligent086]

نہ کوئی منزل نہ کوئی راہی، نہ راہبر ہے نہ راستہ ہے
جدھر کو جس جس کے جی میں آئی اسی طرف وہ نکل پڑا ہے

[intelligent086]

بڑا زمانہ ہوا کسی نے محبتوں کے دئیے جلائے
انھی چراغوں کی روشنی نے بھرم کسی کا رکھا ہوا ہے

[intelligent086]

ابھی تو شاخوں میں زندگی ہے، ابھی تو پھولوں میں تازگی ہے
مگر خزاں اور بادِ صرصر نے ایک ڈر سا لگا دیا ہے

[intelligent086]

نہ نقشِ پا ہیں نہ بانگِ چنگ و درا کسی نے سنی ہے لیکن
یہ خاک سی کیسی اڑ رہی ہے کہ راستہ سارا اٹ گیا ہے

[intelligent086]

اک ایک دانے کو ایک دنیا تڑپ رہی ہے سسک رہی ہے
ادھر خدائی کے دعویداروں نے سارا غلہ جلا دیا ہے

[intelligent086]

مجھے شرابِ طہور کہہ کر وہ زہرِ قاتل پلا رہے ہیں
میں کیا کہوں کن مروتوں نے مری زباں کو جکڑ لیا ہے

[intelligent086]

مجھے سخن ور نہ کوئی کہنا کہ میں تو تاریخ لکھ رہا ہوں
نہ یہ غزل ہے نہ شاعری ہے یہ آج کے دن کا ماجرا ہے

[intelligent086]

مرے رفیقوں کی پھول سی وہ نصیحتیں سب ہیں یاد مجھ کو
مگر یہ میرا قلم ہے آسی، کہ لفظ کانٹے اگا رہا ہے

[intelligent086]

ربابِ دل کے نغمہ ہائے بوالعجب چلے گئے
جو آ گئے تھے شہر میں، وہ بے ادب چلے گئے

[intelligent086]

میں اپنی دھن میں گائے جا رہا تھا نغمہ ہائے جاں
مجھے نہیں کوئی خبر کہ لوگ کب چلے گئے

[intelligent086]

سیاہ رات رہ گئی ہے روشنی کے شہر میں
دکھا کے چاند تارے اپنی تاب و تب چلے گئے

[intelligent086]

زباں کوئی نہ مل سکی ظہورِ اضطراب کو
تمام لفظ چھوڑ کر لرزتے لب، چلے گئے

[intelligent086]

وہ خود رہِ وفا میں چند گام بھی نہ چل سکے
ہمیں مگر دکھا کے راستے عجب چلے گئے

[intelligent086]

وہ کج کلہ جو کبھی سنگ بار گزرا تھا
کل اس گلی سے وہی سوگوار گزرا تھا

[intelligent086]

کوئی چراغ جلا تھا نہ کوئی در وا تھا
سنا ہے رات گئے شہریار گزرا تھا

[intelligent086]

گہر جب آنکھ سے ٹپکا زمیں میں جذب ہوا
وہ ایک لمحہ بڑا با وقار گزرا تھا

[intelligent086]

جو تیرے شہر کو گلگوں بہار بخش گیا
قدم قدم بسرِ نوکِ خار گزرا تھا

[intelligent086]

وہ جس کے چہرے پہ لپٹا ہوا تبسم تھا
چھپائے حسرتیں دل میں ہزار گزرا تھا

[intelligent086]

جسے میں اپنی صدا کا جواب سمجھا تھا
وہ اک فقیر تھا، کر کے پکار گزرا تھا

[intelligent086]

ترے بغیر بڑے بے قرار ہیں، آسی
ترا وجود جنہیں ناگوار گزرا تھا

[intelligent086]

ہماری یاد بھی آئی تو ہو گی
پھر آنکھوں میں نمی چھائی تو ہو گی

[intelligent086]

مرا نام آیا ہو گا جب زباں پر
تری آواز بھرّائی تو ہو گی

[intelligent086]

سرِ رَہ دیکھ کر چھینٹے لہو کے
ہماری یاد بھی آئی تو ہو گی

[intelligent086]

وہ ملتے ہی نہیں، لیکن یقیناً
وہاں اپنی پذیرائی تو ہو گی

[intelligent086]

زمانہ ہم کو آخر جان لے گا
نہ ہو گا نام، رسوائی تو ہوگی

[intelligent086]

میں اپنے دوستوں کو جانتا ہوں
انہوں نے آگ بھڑکائی تو ہو گی

[intelligent086]

محبت کا ترانہ کوئی چھیڑو
کسی کے پاس شہنائی تو ہو گی

[intelligent086]

کوئی صحرا سے آسی کو بلا لو
حرارت سے شناسائی تو ہو گی

[intelligent086]

پنجۂ زغ تیز تر، اس شہر کی آب و ہوا سے
جھڑ گئے چڑیوں کے پر، اس شہر کی آب و ہوا سے

[intelligent086]

شور مٹی، زہر پانی اور کچھ لُو کے تھپیڑے
جل گئے کتنے شجر، اس شہر کی آب و ہوا سے

[intelligent086]

توڑ پھینکے پھول بندھن خود پرستی کی ہوا نے
ٹوٹتے جاتے ہیں گھر، اس شہر کی آب و ہوا سے

[intelligent086]

دن تو اپنا ایسے تیسے بِیت ہی جاتا ہے لیکن
رات کو لگتا ہے ڈر، اس شہر کی آب و ہوا سے

[intelligent086]

عقل والوں نے غلامی کی نئی دستاریں پہنیں
ہم بچا لے جائیں سر، اس شہر کی آب و ہوا سے

[intelligent086]

خونِ تازہ بن کے دوڑوں گا بہاروں کی رگوں میں
خاک بھی ہو جاؤں گر، اس شہر کی آب و ہوا سے

[intelligent086]

پھر ثمود و عاد کا سا دَور جیسے آ گیا ہو
دوڑ کر آسی گزر، اس شہر کی آب و ہوا سے

[intelligent086]

آؤ کچھ ذکرِ روزگار کریں
دورِ حاضر کے غم شمار کریں

[intelligent086]

اور بھی بوجھ ہیں اسی سر پر
آرزوئیں کہاں سوار کریں

[intelligent086]

آپ نقصان سہہ نہ پائیں گے
آپ دل کا نہ کاروبار کریں

[intelligent086]

ہم سے تو بے رخی نہیں ہوتی
جو بھی چاہیں، ہمارے یار، کریں

[intelligent086]

آبلہ پا پیام چھوڑ گئے
لوگ نظارۂ بہار کریں

[intelligent086]

ہے تقاضائے غیرتِ امروز
زورِ بازو پہ انحصار کریں

[intelligent086]

کچھ تو فرمائیے کہ آسی جی
کیا کریں، کس پہ اعتبار کریں

[intelligent086]

کتنی لمبی ہیں راتیں
ایسی ہوتی ہیں راتیں

[intelligent086]

جب سے کوئی بِچھڑا ہے
جیسے ڈستی ہیں راتیں

[intelligent086]

کیسے کیسے اَن ہونے
خواب دکھاتی ہیں راتیں

[intelligent086]

سورج دن کو ہوتا ہے
اَور جھلستی ہیں راتیں

[intelligent086]

پورا ہے گو چاند مگر
کالی کالی ہیں راتیں

[intelligent086]

کیسے کیسے کس کس کے
عیب چھپاتی ہیں راتیں

[intelligent086]

شمس و قمر کی اَور اپنی
یکساں گزری ہیں راتیں

[intelligent086]

جھوٹ افق نے بولا ہے
جانے والی ہیں راتیں؟

[intelligent086]

دن کی بات کرو یارو
سہمی سہمی ہیں راتیں

[intelligent086]

آسی اور کہے بھی کیا
کٹتی جاتی ہیں راتیں

[intelligent086]

ہم رہیں برسرِپیکار، ضروری تو نہیں
اپنا تماشا کریں اغیار، ضروری تو نہیں

[intelligent086]

گر مرے ساتھ چلیں تو بھی عنایت ہو گی
آپ کا ساتھ بھی، سرکار! ضروری تو نہیں

[intelligent086]

آپ کے طرزِ تکلم سے عیاں ہے سب کچھ
صاف لفظوں میں ہو اظہار، ضروری تو نہیں

[intelligent086]

آج ہم خود بھی شہادت پہ تلے بیٹھے ہیں
آپ کے ہاتھ میں تلوار ضروری تو نہیں

[intelligent086]

نقدِ جاں لے کے درِ یار پہ جانا ہو گا!
حسن پہنچے سرِ بازار، ضروری تو نہیں

[intelligent086]

دن چڑھے گا تو امیدوں کی ضیا دیکھیں گے
ہر مگر، سر بھی شبِ تار، ضروری تو نہیں

[intelligent086]

وہ تو اک عام سا شاعر ہے تمہارا آسی
اس کا ہر شعر ہو شہکار! ضروری تو نہیں!

[intelligent086]

سنا ہے رات گہنایا قمر تھا
مگر سویا ہوا سارا نگر تھا

[intelligent086]

وہ کیا تھا، چیختے تھے سنگ ریزے
ابھی جس شہر میں میرا گزر تھا

[intelligent086]

مجھے ملنے وہ آئے تھے مرے ہاں
مگر میں سو رہا تھا، بے خبر تھا

[intelligent086]

یہ کس نے ابر کو آواز دے دی
ابھی تازہ مرا زخمِ جگر تھا

[intelligent086]

جو تنکے آج بکھرے ہیں گلی میں
کبھی اک چہکتی چڑیا کا گھر تھا

[intelligent086]

وہ رہتا کس طرح پتھر فضا میں
کہ آسی آئنے جیسا بشر تھا

[intelligent086]

کبھی دنیا جہاں کے درد اپنانے کو جی چاہا ، سو کر گزرے
کبھی اپنے غموں کے ساتھ بہہ جانے کو جی چاہا، سو کر گزرے

[intelligent086]

ہمارے دوستوں کو ہم سے یونہی بد گمانی ہے، کہانی ہے
بس اک دن تھا ہمارا ان کو سمجھانے کو جی چاہا، سو کر گزرے

[intelligent086]

غرورِ پارسائی، حضرتِ ناصح ہمیں بھی تھا، تمہیں بھی تھا
تمہارے شہر میں تم جیسا ہو جانے کو جی چاہا، سو کر گزرے

[intelligent086]

ہم اپنی بے بسی کا آپ ہی کرتے رہے چرچا، ہوئے تنہا
گناہِ نا گرفتہ کی سزا پانے کو جی چاہا، سو کر گزرے

[intelligent086]

ہزاروں بار حرفِ مدعا لے کر گئے بھی ہم، مگر پیہم
حضورِ شہ سے خالی ہاتھ لوٹ آنے کو جی چاہا، سو کر گزرے

[intelligent086]

تیرا سر قابلِ معافی ہے؟
بات کر، قابلِ معافی ہے؟

[intelligent086]

وہ مرے خوں سے جو بناتا ہے
سیم و زر، قابلِ معافی ہے؟

[intelligent086]

جنگ میں لوریاں سناتا ہے
نغمہ گر قابلِ معافی ہے؟

[intelligent086]

سر چڑھاتی ہے اور ظالم کو
چشمِ تر قابلِ معافی ہے

[intelligent086]

جس کو پندار ہو خدائی کا
وہ بشر قابلِ معافی ہے؟

[intelligent086]

دے گیا مجھ کو زہرِ کم نظری
چارہ گر قابلِ معافی ہے؟

[intelligent086]

سنگ زادوں کے شہر میں آسی
شیشہ گر قابلِ معافی ہے؟

[intelligent086]

بزمِ انجم تھی کہ میرا دیدۂ حیران کل
بھا گیا دل کو مرے سادہ سا اک مہمان کل

[intelligent086]

میری بچی بھولپن میں بات ایسی کہہ گئی
مجھ کو یاد آئیں بڑی شدت سے اماں جان کل

[intelligent086]

اس مشینی دور کو پھر بوالبشر اک چاہئے
ہاتھ میں انسان کے جوں ہو گیا انسان کل

[intelligent086]

آج میرے ایک واقف کار نے مجھ سے کہا
نام تیرا بن نہ جائے جنگ کا اعلان کل

[intelligent086]

ہے ابھی تو رات کی چھائی ہوئی گھمبیرتا
یہ تو ٹوٹے، دیکھ لیں گے صبحِ چمنستان کل

[intelligent086]

آس کا دامن نہ چھوڑو یار آسی، دیکھنا
مشکلیں جو آج ہیں ہو جائیں گی آسان کل

[intelligent086]

ہجومِ غم سے مسرت کشید کرتے ہیں
کہ ہم تو زہر سے امرت کشید کرتے ہیں

[intelligent086]

انہوں نے پال رکھے ہیں زمانے بھر کے غم
مرے لہو سے جو عشرت کشید کرتے ہیں

[intelligent086]

ہماری فکر ابھی قید ہے ظواہر میں
ہم اپنے کام سے شہرت کشید کرتے ہیں

[intelligent086]

صدائیں ہم نے سنی ہیں جو شہر میں ان سے
اک ایک لفظ بغاوت کشید کرتے ہیں

[intelligent086]

میں ان کو دیکھ کے حیرت میں غرق ہوں آسی
وہ میرے حال سے عبرت کشید کرتے ہیں

[intelligent086]

گیا وہ شخص تو عزمِ جوان چھوڑ گیا
کہ راستے میں لہو کے نشان چھوڑ گیا

[intelligent086]

مرے جنوں کو گوارا نہ تھا ٹھہر جانا
اسی لئے میں ترا آستان چھوڑ گیا

[intelligent086]

کمال ہے کہ وہی لوگ میرے دشمن تھے
میں جن کے واسطے اپنا جہان چھوڑ گیا

[intelligent086]

مرا خلوص مرے یار، اک حقیقت ہے
تو اپنے آپ سے تھا بد گمان چھوڑ گیا

[intelligent086]

نوید گرچہ نئے دن کی دے گیا سورج
طویل رات مگر درمیان چھوڑ گیا

[intelligent086]

یہ اور بات مسائل میں گھِر گیا آسی
انا پرست، ترا آستان چھوڑ گیا

[intelligent086]

ہمارے ہاتھوں میں آ گئے ہیں اگرچہ تیشے
کسے کہیں اب تلاش کر لائے ہمتوں کو

[intelligent086]

اصول ہم نے بنا لیا ہے ضرورتوں کو
بھلائے بیٹھے ہیں اور ساری حقیقتوں کو

[intelligent086]

چھپائے پھرتے ہیں آپ لوگوں سے اپنے چہرے
جو آزمانے چلے تھے میری محبتوں کو

[intelligent086]

مجھے زمانے نے اور بھی غم عطا کئے ہیں
میں دل میں کب تک بسا رکھوں محض نفرتوں کو

[intelligent086]

چہار سو مکر و فن کی دنیا سجائی میں نے
میں طاقِ نسیاں میں رکھ چکا ہوں صداقتوں کو

[intelligent086]

قضا کی گھنٹی تو ایک مدت سے بج رہی ہے
جگائے کون اِن جدار جیسی سماعتوں کو

[intelligent086]

ابھی تو آسی کے ہاتھ پتوار پر جمے ہیں
ابھی تو بڑھنا ہے اور طوفاں کی شدتوں کو

[intelligent086]

راستوں کو آزمانا چاہئے
حوصلوں کو آزمانا چاہئے

[intelligent086]

’آ رہی ہے چاہِ یوسف سے صدا‘
بھائیوں کو آزمانا چاہئے

[intelligent086]

چند گھاؤ اور بڑھ جائیں تو کیا!
بیڑیوں کو آزمانا چاہئے

[intelligent086]

شہر پر پھر چھا رہی ہے تیرگی
جگنوؤں کو آزمانا چاہئے

[intelligent086]

بالارادہ بھول کر رستہ کبھی
رہبروں کو آزمانا چاہئے

[intelligent086]

تم کو آسی جی اب اپنی سوچ کے
برزخوں کو آزمانا چاہئے

[intelligent086]

جب ذہنوں میں خوف کی ٹیسیں اٹھتی ہیں
دب جاتی ہیں جتنی سوچیں اٹھتی ہیں

[intelligent086]

سر تو سارے خم ہیں بارِ غلامی سے
ایوانوں میں صرف کلاہیں اٹھتی ہیں

[intelligent086]

الفت میں رخنے بھی اتنے پڑتے ہیں
جتنی اوپر کو دیواریں اٹھتی ہیں

[intelligent086]

حد نظر تک کوئی سفینہ بھی تو نہیں
کس کے لئے یہ سرکش موجیں اٹھتی ہیں