اردو اشعار Urdu Ashaar

[intelligent086]

تیرے پیچھے ہے جو قضا کی طرح
کب تلک جنگ ایسے تیر کے ساتھ

[intelligent086]

شب دعاؤں میں تر بتر میری
صبح اک خوابِ دل پذیر کے ساتھ

[intelligent086]

اہلِ دل کیوں نہ مانتے آخر
حرف روشن تھا اس حقیر کے ساتھ

[intelligent086]

چہرہ ہوا میں اور میری تصویر ہوئے سب
میں لفظ ہوا مجھ میں ہی زنجیر ہوئے سب

[intelligent086]

بُنیاد بھی میری درو دیوار بھی میرے
تعمیر ہوا میں کہ یہ تعمیر ہوئے سب

[intelligent086]

بتلاؤ تو یہ آب و ہوا آئی کہاں سے
کہنے کو تو تم لہجہ و تاثیر ہوئے سب

[intelligent086]

ویسے ہی لکھو گے تو میرا نام ہی ہو گا
جو لفظ لکھے وہ میری جاگیر ہوئے سب

[intelligent086]

مرتے ہیں مگر موت سے پہلے نہیں مرتے
یہ واقعہ ایسا ہے کہ دلگیر ہوئے سب

[intelligent086]

وہ رات بے پناہ تھی اور میں غریب تھا
وہ جس نے یہ چراغ جلایا عجیب تھا

[intelligent086]

وہ روشنی کہ آنکھ اُٹھائی نہیں گئی
کل مجھ سے میرا چاند بہت ہی قریب تھا

[intelligent086]

دیکھا مجھے تو طبع رواں ہو گئی میری
وہ مُسکرا دیا تو میں شاعر ادیب تھا

[intelligent086]

رکھتا نہ کیوں میں رُوح و بدن اُس کے سامنے
وہ یُوں بھی تھا طبیب وہ یُوں بھی طبیب تھا

[intelligent086]

ہر سلسلہ تھا اُس کا خُدا سے ملا ہوا
چُپ ہو کہ لب کُشا ہوا بلا کا خطیب تھا

[intelligent086]

موجِ نشاط و سیلِ غمِ جاں تھے ایک ساتھ
گلشن میں نغمہ سنج عجب عندلیب تھا

[intelligent086]

میں بھی رہا ہوں خلوتِ جاناں میں ایک شام
یہ خواب ہے یا واقعی میں خوش نصیب تھا

[intelligent086]

حرفِ دُعا و دستِ سخاوت کے باب میں
خود میرا تجربہ ہے وہ بے حد نجیب تھا

[intelligent086]

دیکھا ہے اُس خلوت و جلوت میں بار ہا
وہ آدمی بہت ہی عجیب و غریب تھا

[intelligent086]

لکّھو تمام عمر مگر پھر بھی تم علیم
اُس کو دِکھا نہ پاؤ وہ ایسا حبیب تھا

[intelligent086]

اب تو اس طرح مری آنکھوں میں خواب آتے ہیں
جس طرح آئینے چہروں کو ترس جاتے ہیں

[intelligent086]

احتیاط اہل محبت کہ اسی شہر میں لوگ
گل بدست آتے ہیں اور پایہ رسن جاتے ہیں

[intelligent086]

جیسے تجدید تعلق کی بھی رُت ہو کوئی
زخم بھرتے ہیں تو احباب بھی آ جاتے ہیں

[intelligent086]

ساقیا ! تو نے تو میخانے کا یہ حال کیا
بادہ کش محتسب شہر کے گن گاتے ہیں

[intelligent086]

طعنۂ نشہ نہ دو سب کو کہ کچھ سوختہ جاں
شدتِ تشنہ لبی سے بھی بہک جاتے ہیں

[intelligent086]

ہر کڑی رات کے بعد ایسی قیامت گزری
صبح کا ذکر بھی آئے تو لرز جاتے ہیں

[intelligent086]

جو اُس نے کیا اُسے صلہ دے
مولا مجھے صبر کی جزا دے

[intelligent086]

یا میرے دیے کی لو بڑھا دے
یا رات کو صُبح سے ملا دے

[intelligent086]

سچ ہوں تو مجھے امر بنا دے
جھوٹا ہوں تو نقش سب مٹا دے

[intelligent086]

یہ قوم عجیب ہو گئی ہے
اس قوم کو خوئے انبیا دے

[intelligent086]

اُترے گا نہ کوئی آسماں سے
اک آس میں دل مگر صدا دے

[intelligent086]

بچوں کی طرح یہ لفظ میرے
معبود، انھیں بولنا سکھا دے

[intelligent086]

اک میرا وجود سُن رہا ہے
الہام جو رات کی ہوا دے

[intelligent086]

مجھ سے مرا کوئی ملنے والا
بچھڑا تو نہیں مگر ملا دے

[intelligent086]

چہرہ مجھے اپنا دیکھنے کو
اب دستِ ہوس میں آئینہ دے

[intelligent086]

جس شخص نے عمرِ ہجر کاٹی
اس شخص کو ایک رات کیا دے

[intelligent086]

کیا چیز ہے خواہشِ بدن بھی
ہر بار نیا ہی ذائقہ دے

[intelligent086]

چھونے میں یہ ڈر کہ مر نہ جاؤں
چھو لوں تو وہ زندگی سِوا دے

[intelligent086]

دُکھتا ہے بدن کہ پھر ملے وہ
مل جائے تو روح کو دُکھا دے

[intelligent086]

ہم دیوانوں کی قسمت میں لکھے ہیں یاں قہر بہت
کوچہ کوچہ سنگ بہت اور زنداں زنداں زہر بہت

[intelligent086]

جب تک ہم مانوس نہیں تھے درد کی ماری دنیا سے
عارض عارض رنگ بہت تھے آنکھوں آنکھوں سحر بہت

[intelligent086]

ہم تو جہاں والوں کی خاطر جان سے گزرے جاتے ہیں
پھر ستم کیا ہے کہ ہمیں پر تنگ ہوا ہے دہر بہت

[intelligent086]

اپنے دیس کے لوگوں کا کچھ حال عجب ہی دیکھا ہے
سوئیں تو طوفان بھی کم اور جاگ اٹھیں تو لہر بہت

[intelligent086]

رات آئی تو گھر گھر وحشی سایوں کی تقسیم ہوئی
دن نکلا تو جبر کی دھوپ میں جلتا ہے یہ شہر بہت

[intelligent086]

ساری عمر تماشا ٹھہری ہجر و وصال کی راہوں کا
جس سے ہم نے پیار کیا وہ نکلا ہے بے مہر بہت

[intelligent086]

قید ہی شر ط ہے اگر یہ بھی مر ی سزا کرو
وصل کی قید دو مجھے ہجر سے اب رہا کر و

[intelligent086]

قید ہی شر ط ہے اگر یہ بھی مر ی سزا کرو
وصل کی قید دو مجھے ہجر سے اب رہا کر و

[intelligent086]

بات کسی سے بھی کرو بات کسی کی بھی سنو
بیٹھ کے کاغذوں پہ تم نام وہی لکھا کر و

[intelligent086]

یار ہما را ایلیا ہم سے اٹھا لیا گیا
بیٹھے اب اپنی ذات میں ایلیا ایلیا کر و

[intelligent086]

دوستو ،خون شہیداں کا اثر تو دیکھو
کاسۂ سر لیے آئ ہے سحر تو دیکھو

[intelligent086]

درد کی دولت کمیاب میرے پاس بہت
ظرف کی داد تو دو میرا جگر تو دیکھو

[intelligent086]

منزل شوق گریزاں ہے گریزاں ہی سہی
راہ گم گشتہ مسافر کا سفر تو دیکھو

[intelligent086]

اور چاند کا دشت بھی آباد کبھی کر لینا
پہلے دنیا کے یہ اجڑے ہوئے گھر تو دیکھو

[intelligent086]

فخر ہم پیشہ گہ دیدہ وراں جانے دو
داغ ہم پیشہ گیہ ننگ ہنر تو دیکھو

[intelligent086]

کتنے کوہِ گراں کاٹے تب صبحِ طرب کی دید ہوئی
اور یہ صبحِ طرب بھی یارو کہتے ہیں بیگانی ہے

[intelligent086]

ہر آواز زمستانی ہے ، ہر جذبہ زندانی ہے
کوچۂ یار سے دار و رسَن تک ایک سی ہی ویرانی ہے

[intelligent086]

جتنے آگ کے دریا ہیں سب پار ہمیں کو کرنا ہیں
دنیا کس کے ساتھ آئی ہے ، دنیا تو دیوانی ہے

[intelligent086]

لمحہ لمحہ خواب دکھائے اور سو سو تعبیر کرے
لذّت کم آزار بہت ہے جس کا نام جوانی ہے

[intelligent086]

دل کہتا ہے وہ کچھ بھی ہو اس کی یاد جگائے رکھ
عقل یہ کہتی ہے کہ توہّم پر جینا نادانی ہے

[intelligent086]

تیرے پیار سے پہلے کب تھا دل میں ایسا سوز و گداز
تجھ سے پیار کیا تو ہم نے اپنی قیمت جانی ہے

[intelligent086]

آپ بھی کیسے شہر میں آ کر شاعر کہلائے ہیں علیم
درد جہاں کمیاب بہت ہے ، نغموں کی ارزانی ہے

[intelligent086]

گزرو نہ اس طرح کہ تماشا نہیں ہوں میں
سمجھو کہ اب ہوں اور دوبارہ نہیں ہوں میں

[intelligent086]

اک طبع رنگ رنگ تھی سو نذرِ گُل ہوئی
اب یہ کہ ساتھ اپنے بھی رہتا نہیں ہوں میں

[intelligent086]

ہو دیدۂ ہنر دلِ درد آشنا کی خیر!
کب لذّتِ خیال میں دریا نہیں ہوں میں

[intelligent086]

تم نے بھی میرے ساتھ اٹھائے ہیں دکھ بہت
خوش ہوں کہ راہِ شوق میں تنہا نہیں ہوں میں

[intelligent086]

پیچھے نہ بھاگ وقت کی اے نا شناس دھوپ
سایوں کے درمیان ہوں ، سایہ نہیں ہوں میں

[intelligent086]

جو کچھ بھی ہوں میں اپنی ہی صورت میں ہوں علیمؔ
غالبؔ نہیں ہوں ، میرؔ و یگانہؔ نہیں ہوں میں

[intelligent086]

جو مہرباں کوئی چہرہ نظر بھی آتا ہے
تو دل میں گُزرے زمانوں کا ڈر بھی آتا ہے

[intelligent086]

ہرے بھرے مرے خوابوں کو روندنے والو
خدائے زندہ زمیں پر اُتر بھی آتا ہے

[intelligent086]

وہ پیاس ہے کہ دعا بن گیا ہے میرا وُجود
کب آئے گا جو کوئی ابرِ تر بھی آتا ہے

[intelligent086]

کبھی جو عشق تھا اب مَکر ہو گیا میرا
سمجھ سکے نہ کوئی یہ ہُنر بھی آتا ہے

[intelligent086]

ابھی چلا بھی نہ تھا اور رُک گئے پاؤں
یہ سوچ کر کہ مرا ہمسفر بھی آتا ہے

[intelligent086]

ملے گا اور مِرے سارے زخم بھر دے گا
سُنا تھا راہ میں ایسا شجر بھی آتا ہے

[intelligent086]

یہ میرا عہد یہ میری دُکھی ہوئی آواز
میں آ گیا جو کوئی نوحہ گر بھی آتا ہے

[intelligent086]

کوئی چُرا کے مجھے کیسے چھُپ سکے کہ علیمؔ
لہو کا رنگ مرے حرف پر بھی آتا ہے

[intelligent086]

لکھنے ہیں ابھی مرثیہ ہائے دل و جاں اور
کچھ زخم مجھے اے مرے مرہم نظراں اور

[intelligent086]

اتنا ہی کہ بس نغمہ سرایانِ جہاں ہیں
ملتا نہیں کچھ اس کے سوا اپنا نشاں اور

[intelligent086]

کھینچے ہے مری طبعِ سخن اپنی ہی جانب
اور گردشِ دوراں ہے کہ دکھلائے سماں اور

[intelligent086]

کچھ نذر ہوئے وقت کی بے رحم ہوا کے
کچھ خواب ابھی میرے لہو میں ہیں رواں اور

[intelligent086]

ہر لحظہ میں آزادیِ جاں کا تھا طلب گار
ہر گام پڑی پاؤں میں زنجیرِ گراں اور

[intelligent086]

کس طرح سے اچھا ہو وہ بیمار کہ جس کو
دُکھ اور ہو، دیتے ہوں دوا چارہ گراں اور

[intelligent086]

جب اپنا سُر پاتال ہوا
تب وحیِ نفَس انزال ہوا

[intelligent086]

اک اصل کے خواب میں کھو جانا
یہ وصل ہوا کہ وصال ہوا

[intelligent086]

تھا دکھ اپنی پیدائش کا
جو لذت میں انزال ہوا

[intelligent086]

کن ہاتھوں کی تعمیر تھا میں
کن قدموں سے پامال ہوا

[intelligent086]

بن عشق اسے کیونکر جانوں
جو عشق سراپا حال ہوا

[intelligent086]

اس وقت کا کوئی انت نہیں
یہ وقت تو ماہ و سال ہوا

[intelligent086]

وہی ایک خلش نہ ملنے کی
ہمیں ملتے دسواں سال ہوا

[intelligent086]

ہر اچھی بات پہ یاد آیا
اک شخص عجیب مثال ہوا

[intelligent086]

ہر آن تجلی ایک نئی
لکھ جانا میرا کمال ہوا

[intelligent086]

کس بات کو کیا کہتا تھا میں
تم کیا سمجھے یہ ملال ہوا

[intelligent086]

تم کیسی باتیں کرتے ہو
اے یار صغیر ملال ہوا

[intelligent086]

کل رات سمندر لہروں پر
دیوانوں کا دھمّال ہوا

[intelligent086]

اک رانجھا شہر کراچی میں
اک رانجھا جھنگ سیال ہوا

[intelligent086]

زمین جب بھی ہوئی کربلا ہمارے لئے
تو آسمان سے اترا خدا ہمارے لئے

[intelligent086]

انھیں غرور کہ رکھتے ہیں طاقت و کثرت
ہمیں یہ ناز بہت ہے خدا ہمارے لئے

[intelligent086]

تمہارے نام پہ جس آگ میں جلائے گئے
وہ آگ پھول ہے وہ کیمیا ہمارے لئے

[intelligent086]

بس ایک لو میں اسی کے گرد گھومتے ہیں
جلا رکھا ہے جو اس نے دیا ہمارے لئے

[intelligent086]

وہ جس پہ رات ستارے لئے اترتی ہے
وہ ایک شخص دعا ہی دعا ہمارے لئے

[intelligent086]

وہ نور نور دمکتا ہوا سا اک چہرہ
وہ آئینوں میں حیاہی حیا ہمارے لئے

[intelligent086]

درود پڑھتے ہوئے اس کی دید کو نکلیں
تو صبح پھول بچھائے صبا ہمارے لئے

[intelligent086]

عجب کیفیت جذب و حال رکھتی ہے
تمہارے شہر کی آب و ہوا ہمارے لئے

[intelligent086]

دئیے جلائے ہوئے ساتھ ساتھ رہتی ہے
تمہاری یاد تمہاری دعا ہمارے لئے

[intelligent086]

زمین ہے نہ زماں نیند ہے نہ بیداری
وہ چھاؤں چھاؤں سا اک سلسلہ ہمارے لئے

[intelligent086]

سخن وروں میں کہیں ایک ہم بھی تھے لیکن
سخن کا اور ہی تھا ذائقہ ہمارے لئے

[intelligent086]

ہم نے کھلنے نہ دیا بے سر و سامانی کو
کہاں لے جائیں مگر شہر کی ویرانی کو

[intelligent086]

صرف گفتار سے زخموں کا رفو چاہتے ہیں
یہ سیاست ہے تو پھر کیا کہیں نادانی کو

[intelligent086]

کوئی تقسیم نئی کر کے چلا جاتا ہے
جو بھی آتا ہے مرے گھر کی نگہبانی کو

[intelligent086]

اب کہاں جاؤں کہ گھر میں بھی ہوں دشمن اپنا
اور باہر مرا دشمن ہے نگہبانی کو

[intelligent086]

بے حسی وہ ہے کہ کرتا نہیں انساں محسوس
اپنی ہی روح میں آئی ہوئی طغیانی کو

[intelligent086]

آج بھی اس کو فراز آج بھی عالی ہے وہی
وہی سجدہ جو کرے وقت کی سلطانی کو

[intelligent086]

آج یوسف پہ اگر وقت یہ لائے ہو تو کیا
کل تمھیں تخت بھی دو گے اسی زندانی کو

[intelligent086]

صبح کھلنے کی ہو یا شام بکھر جانے کی
ہم نے خوشبو ہی کیا اپنی پریشانی کو

[intelligent086]

و ہ بھی ہر آن نیا میری محبت بھی نئی
جلوۂ حسن کشش ہے مری حیرانی کو

[intelligent086]

کوزۂ حرف میں لایا ہوں تمھاری خاطر
روح پر اترے ہوئے ایک عجب پانی کو

[intelligent086]

پہلا شاعر میر ہوا اور اس کے بعد ہوں میں
پہلے وہ تقدیر ہوا اور اس کے بعد ہوں میں

[intelligent086]

ایک اکیلا میں چاہوں تو کیسے رہائی ہو
پہلے وہ زنجیر ہوا اور اس کے بعد ہوں میں

[intelligent086]

اس کا چہرہ دیکھ رہے تھے آئینہ اور میں
پہلے وہ تصویر ہوا اور اس کے بعد ہوں میں

[intelligent086]

صرف انا ہی لکھواتی ہے ذات کی ہر سچائی
میں پہلے تحریر ہوا اور اس کے بعد ہوں میں

[intelligent086]

آگے آگے بھاگنے کا ہے ایک سبب یہ بھی
پہلے پیدا تیر ہوا اور اس کے بعد ہوں میں

[intelligent086]

حسن کو اک شمشیر بناتے میں نے عمر بِتائی
تب قامت شمشیر ہوا اور اس کے بعد ہوں میں

[intelligent086]

سات سمندر سے گہری ہے شاعر کی گہرائی
کہتے ہیں اک میر ہوا اور اس کے بعد ہوں میں

[intelligent086]

مجھ سے آگے جانے والی میری ہی تنہائی
اس سے وہ تعمیر ہوا اور اس کے بعد ہوں میں

[intelligent086]

بات بڑے ہی دکھ کی لیکن کتنی سچی اچھی
پہلے آیا میر ہوا اور اس کے بعد ہوں میں

[intelligent086]

جس کا ماننے والا ہوں وہ خوب ہے جاننے والا
لیکن کیا تشہیر ہوا اور اس کے بعد ہوں میں

[intelligent086]

تھی جو محبتوں میں نزاکت نہیں رہی
کیا عشق کیجئے کہ روایت نہیں رہی

[intelligent086]

کہتے تھے ہم کہ جی نہ سکیں گے ترے بغیر
یہ کیا ہوا کہ تجھ سے محبت نہیں رہی

[intelligent086]

رسوائیوں سے بڑھ تو گیا زندگی کا بوجھ
پر یہ ہوا کہ خود سے ندامت نہیں رہی

[intelligent086]

کھنچتی تھی جس سے حرف میں اک صورتِ خیال
وہ خواب دیکھتی ہوئی وحشت نہیں رہی

[intelligent086]

اے موسمِ حیات و زمانہ کے شکوہ سنج
کیا صبر آ گیا کہ شکایت نہیں رہی

[intelligent086]

کیا نذر دیں جو کوئی نئی آرزو کریں
دل میں تو ٹوٹنے کی بھی ہمت نہیں رہی

[intelligent086]

جس سمت جایئے وہیں ملتے ہیں اپنے لوگ
اس کی گلی ہی کوئے ملامت نہیں رہی

[intelligent086]

جہاں بیٹھے ، صدائے غیب آئی
یہ سایہ بھی اُسی دیوار کا ہے

[intelligent086]

وصالِ یار سے پہلے محبت
خود اپنی ذات کا اک راستا ہے

[intelligent086]

سلامت آئینے میں ایک چہرہ
شکستہ ہو تو کتنے دیکھتا ہے

[intelligent086]

رکھو سجدے میں سر اور بھول جاؤ
کہ وقتِ عصر ہے اور کربلا ہے

[intelligent086]

آج بھی اس کو فراز آج بھی عالی ہے وہی
وہی سجدہ جو کرے وقت کی سلطانی کو

[intelligent086]

یہ کیسے شعر تم لکھنے لگے ہو
عبید اﷲ تمہیں کیا ہو گیا ہے

[intelligent086]

عشوہ و غمزہ و رم بھول گئے
تیری ہر بات کو ہم بھول گئے

[intelligent086]

لوگ دیتے ہیں جسے پیار کا نام
ایک دھوکہ تھا کہ ہم بھول گئے

[intelligent086]

جن کو دعویٰ تھا مسیحائی کا
اپنا ہی دیدۂ نم بھول گئے

[intelligent086]

یوں ہی الزام ہے دیوانوں پر
کب ہوئے تھے جو کرم بھول گئے

[intelligent086]

جانے کیوں لوگ ہنسا کرتے ہیں
جانے ہم کونسا غم بھول گئے

[intelligent086]

اب تو جینے دو زمانے وا لو
اب تو اس زُلف کے خَم بھول گئے

[intelligent086]

زندگی نے جو سکھایا تھا علیم
زندگی کے لئے ہم بھول گئے

[intelligent086]

اے روح قطرہ قطرہ پگھل آپ کے لیے
اے خامہ سیلِ خواب میں چل آپ کے لیے

[intelligent086]

ہر شعر ماورائے سخن ہو کچھ اس طرح
اے دل تو لفظ لفظ میں ڈھل آپ کے لیے

[intelligent086]

اپنے معاملے میں حساب اسکا اور ہے
سو بار اے زباں سنبھل آپ کے لیے

[intelligent086]

مرتا ہوں آرزو میں کہ اے کاش لکھ سکوں
جیسے ہیں آپ ایسی غزل آپ کے لیے

[intelligent086]

مانگے ہے جیسے سجدوں میں دل آج آپ کو
تڑپے سوا یہ آج سے کل آپ کے لیے

[intelligent086]

اس ظرف کائنات پہ کتنے کھلیں گے آپ
جب اس کا ایک دور ہو پل آپ کے لیے

[intelligent086]

اس دشتِ بے اماں سے نکل آپ کے لیے
اے روح کائنات بدل آپ کے لیے

[intelligent086]

دل گزارو کہ جاں نثار کرو
دور صدیوں کا یہ غبار کرو

[intelligent086]

کوئی مذہب نہیں ہے خوشبو کا
عام یہ مژدۂ بہار کرو

[intelligent086]

زنگی ایک بار ملتی ہے
دوستو زندگی سے پیار کرو

[intelligent086]

میں ایسے موڑ پر اپنی کہانی چھوڑ آیا ہوں
کسی کی آنکھ میں پانی ہی پانی چھوڑ آیا ہوں

[intelligent086]

ابھی تو اس سے ملنے کا بہانہ اور کرنا ہے
ابھی تو اس کے کمرے میں نشانی چھوڑ آیا ہوں

[intelligent086]

بس اتنا سوچ کر ہی مجھ کو اپنے پاس تم رکھ لو
تمہارے واسطے میں حکمرانی چھوڑ آیا ہوں

[intelligent086]

اور اب احساس ہوتا ہے تمہارے شہر میں آ کر
میں تنہا رات اور راتوں کی رانی چھوڑ آیا ہوں

[intelligent086]

اسی خاطر مرے چاروں طرف پھیلا ہے سناٹا
کہیں میں اپنے لفظوں کے معانی چھوڑ آیا ہوں

[intelligent086]

ندیم اس شہر کی گلیوں محلوں اور سڑکوں پر
میں اپنی زندگی شاید بنانی چھوڑ آیا ہوں

[intelligent086]

ہر ایک سانس پہ دھڑکا کہ آخری تو نہیں
ملے دوبارہ اگر ایسی زندگی تو نہیں

[intelligent086]

اچانک آنا تمہارا اور اس قدر چاہت
کہیں یہ دوست مری آخری خوشی تو نہیں

[intelligent086]

تو کیوں نہ تجھ سے تری گفتگو ہی کی جائے
ترے علاوہ یہاں میرا کوئی بھی تو نہیں

[intelligent086]

ہم اہل عشق بڑے وضع دار ہوتے ہیں
ہماری آنکھ میں دیکھو کہیں نمی تو نہیں

[intelligent086]

فصیلیں چاٹنے والے مجھے بتائیں ندیم
کہیں زمین پہ یہ آخری صدی تو نہیں

[intelligent086]

مشورہ جو بھی ملا ہم نے وہی مان لیا
عشق میں اچھے برے سب ہی کا احسان لیا

[intelligent086]

تم فقط خواہش دل ہی نہیں اب ضد بھی ہو
دل میں رہتے ہو تو پھر دل میں تمہیں ٹھان لیا

[intelligent086]

وہ مرے گزرے ہوئے کل میں کہیں رہتا ہے
اس لیے دُور سے اس شخص کو پہچان لیا

[intelligent086]

آزمایا ہی نہیں دوسرے جذبوں کو ندیم
اس محبت کو ہی بس سب سے بڑا مان لیا

[intelligent086]

ہاتھ اٹھایا تھا ستاروں کو پکڑنے کے لیے
چرخ نے چاند کو خنجر کی طرح تان لیا

[intelligent086]

چلا گیا ہے وہ لیکن نشان اب بھی ہیں
کہ اس کے سوگ میں پسماندگان اب بھی ہیں

[intelligent086]

یہ اور بات کہ رہنا مرا گوارا نہیں
تمہارے شہر میں خالی مکان اب بھی ہیں

[intelligent086]

یہ عشق ہے کہ تجھے چھوڑ بھی نہیں سکتے
وگرنہ تجھ سے تو ہم بدگمان اب بھی ہیں

[intelligent086]

ہمیں تو پہلے بھی تم سے گلہ نہیں تھا کوئی
اور اب کے ہے بھی تو ہم بے زبان اب بھی ہیں

[intelligent086]

سہولت ہو اذیت ہو، تمہارے ساتھ رہنا ہے
کہ اب کوئی بھی صورت ہو تمہارے ساتھ رہنا ہے

[intelligent086]

ہمارے رابطے ہی اس قدر ہیں تم ہو اور بس تم
تمہیں سب سے محبت ہو تمہارے ساتھ رہنا ہے

[intelligent086]

اور اب گھر بار جب ہم چھوڑ کر آ ہی چکے ہیں تو
تمہیں جتنی بھی نفرت ہو تمہارے ساتھ رہنا ہے

[intelligent086]

ہمارے پاؤں میں کیلیں اور آنکھوں سے لہو ٹپکے
ہماری جو بھی حالت ہو تمہارے ساتھ رہنا ہے

[intelligent086]

تمہیں ہر صبح اور ہر شام ہے بس دیکھتے رہنا
تم اتنی خوبصورت ہو تمہارے ساتھ رہنا ہے

[intelligent086]

کسی کا انتظار اب کے نہیں ہے
گئے وہ دن کہ کھڑکی دیکھتا تھا

[intelligent086]

محبت نے اکیلا کر دیا ہے
میں اپنی ذات میں اک قافلہ تھا

[intelligent086]

مری آنکھوں میں بارش کی گھٹن تھی
تمہارے پاؤں بادل چومتا تھا

[intelligent086]

بہت شدت سے جو قائم ہوا تھا
وہ رشتہ ہم میں شاید جھوٹ کا تھا

[intelligent086]

تمہاری ہی گلی کا واقعہ ہے
میں پہلی جب تنہا ہوا تھا

[intelligent086]

کھجوروں کے درختوں سے بھی اونچا
مرے دل میں تمہارا مرتبہ تھا

[intelligent086]

پھر اس کے بعد رستے مر گئے تھے
میں بس اک سانس لینے کو رکا تھا

[intelligent086]

قیس و لیلیٰ کا طرفدار اگر مر جائے
میں بھی مر جاؤں یہ کردار اگر مر جائے

[intelligent086]

پھر خدایا! تجھے سورج کو بجھانا ہوگا
آخری شخص ہے بیدار اگر مر جائے

[intelligent086]

چھپنے والے تو کبھی سوچ کہ اک دن بالفرض
یہ مری خواہش دیدار اگر مر جائے

[intelligent086]

باندھ رکھی ہے قبیلے نے توقع جس سے
اور اچانک ہی وہ سردار اگر مر جائے

[intelligent086]

عین ممکن ہے کہ آ جائے مرا نام کہیں
شہرِ لیلیٰ کا گنہگار اگر مر جائے

[intelligent086]

منتظر جس کی یہ آنکھیں ہیں کئی برسوں سے
اور وہ چاند بھی اس پار اگر مر جائے

[intelligent086]

زمیں کے آخری حصے پہ میں ٹھہرا ہوا ہوں
تمہارے عشق میں جانے کہاں پہنچا ہوا ہوں

[intelligent086]

ہجومِ خواب سے گھبرا کے آنکھیں کھل گئی تھیں
پھر اس کے بعد میں تنہائی میں کھویا ہوا ہوں

[intelligent086]

گزارا تھا تمہارے شہر کی گلیوں میں بچپن
تمہارے شہر کی گلیوں میں ہی تنہا ہوا ہوں

[intelligent086]

نہ جانے کس گھڑی نام و نشاں مٹ جائے میرا
کھنڈر کی آخری دیوار پہ لکھا ہوا ہوں

[intelligent086]

تم اپنے واسطے کچھ شعر اچھے یاد کر لو
میں ہوں اک درد کا نغمہ بہت گایا ہوا ہوں

[intelligent086]

تمہارے شہر کے پتھر تو میرے آشنا ہیں
ندیم ان کو تم اتنا کہہ دو میں آیا ہوا ہوں

[intelligent086]

جھیل اور جھیل کنارے کا شجر میرے بعد
ہوگا چپ چاپ بہت چاند اُدھر میرے بعد

[intelligent086]

کون رہتا ہے یہاں میرے علاوہ گھر میں
لوٹ آتا ہے جو ہر شام مگر میرے بعد

[intelligent086]

شہر تو پہلے بھی لوگوں سے بھرا رہتا تھا
ہوگا ویران بہت ایک کھنڈر میرے بعد

[intelligent086]

اسے کہنا کہ یہاں تیز ہوا چلتی ہے
تتلیاں لے کے نہ اب آئے اِدھر میرے بعد

[intelligent086]

مر گیا ہوں میں قیامت تو نہیں آئی کوئی
جانے کیا سوچتے ہیں زید بکر میرے بعد

[intelligent086]

تم مرے ساتھ مرے لفظ بھی دفنا ہی دو
یہ نہ ہو بول اٹھے میرا ہنر میرے بعد

[intelligent086]

جسے ہوئی ہے محبت میں اب کے مات بہت
ہیں اس قبیلے سے میرے تعلقات بہت

[intelligent086]

مری ہتھیلی پہ تم خود کو ڈھونڈنا چھوڑو
مرے نصیب میں آئیں گے حادثات بہت

[intelligent086]

وہ ہم ہی تھے کہ جنہیں ڈوبنا پڑا ورنہ
سمندروں کے کنارے رکھے تھے ہات بہت

[intelligent086]

کسی نے اپنے اندھیروں میں روشنی چاہی
کسی کا ذکر کیا چاند نے بھی رات بہت

[intelligent086]

وہ جس نے عین جوانی میں ہم کو مار دیا
ندیم اس سے جڑی تھیں توقعات بہت

[intelligent086]

تمہارے بعد خود کو دیکھنا ہے
کہ مجھ میں اور کتنا حوصلہ ہے

[intelligent086]

مکمل تجھ کو بھی کرنا نہیں ہے
تجھے لکھ کر ادھورا چھوڑنا ہے

[intelligent086]

کسی جنگل میں اب رہنا پڑے گا
مرا گاؤں مکمل ہو چکا ہے

[intelligent086]

زمیں کا آخری حصہ ہیں آنکھیں
جہاں انسان آ کر ڈوبتا ہے

[intelligent086]

نہ جانے کس پہ مشکل وقت آیا
کوئی خط میں ہتھیلی بھیجتا ہے

[intelligent086]

مجھے یکسر عطا کر دے خدایا
مری قسمت میں جو کچھ بھی لکھا ہے

[intelligent086]

محبت ہی خدا سے مانگتے ہیں
محبت ہی ہمارا مسئلہ ہے

[intelligent086]

مجھے پانی نے یہ پیغام بھیجا
کہ ستلج پھر سے بہنے لگ پڑا ہے

[intelligent086]

ندیم اک شخص کو پانے کی خاطر
مجھے حد سے گزرنا پڑ گیا ہے

[intelligent086]

عجیب ہوں کہ محبت شناس ہو کر بھی
اداس لگتا نہیں ہوں اداس ہو کر بھی

[intelligent086]

خدا کی طرح کوئی آدمی بھی ہے شاید
نظر جو آتا نہیں آس پاس ہو کر بھی

[intelligent086]

نمو کی روشنی لے کر اُگا ہوں صحرا میں
میں سبز ہو نہیں سکتا ہوں گھاس ہو کر بھی

[intelligent086]

وجود وہم بنا، مٹ گیا مگر پھر بھی
تمہارے پاس نہیں ہوں قیاس ہو کر بھی

[intelligent086]

یہ آدمی پہ حکومت تمہیں مبارک ہو
فقیر کیسے چھپے خوش لباس ہو کر بھی

[intelligent086]

چاند روشن ہے تو بس شب کی اذیت تک ہے
جانتا ہوں کہ ترا ساتھ ضرورت تک ہے

[intelligent086]

ایک کردار کہانی کے لیے میں بھی ہوں
اور صحرا بھی مری آخرت ہجرت تک ہے

[intelligent086]

تو نہیں ہوتا اگر کس نے یہاں رہنا تھا
دوست یہ گھر بھی فقط تیری سکونت تک ہے

[intelligent086]

انتہا کوئی تو ہو تیری طرف سے جاناں
منتظر تیرا کوئی شخص قیامت تک ہے

[intelligent086]

اپنی تنہائی سے پوچھوں گا اگر پوچھ سکا
کیا یہ سچ ہے کہ ہر اک دوست سہولت تک ہے

[intelligent086]

مر گئے لوگ یہاں سارے مگر اب بھی ندیم
کوئی زندہ ہے تو بس اس کی محبت تک ہے

[intelligent086]

یونہی اس عشق میں اتنا گوارا کر لیا جائے
کسی پچھلی محبت کو دوبارہ کر لیا جائے

[intelligent086]

شجر کی ٹہنیوں کے پاس آنے سے ذرا پہلے
دعا کی چھاؤں میں کچھ پل گزارا کر لیا جائے

[intelligent086]

ہمارا مسئلہ ہے مشورے سے اب بہت آگے
کسی دن احتیاطاً استخارا کر لیا جائے

[intelligent086]

مرا مقصد یہاں رکنا نہیں بس اتنا سوچا ہے
سفر سے پیشتر اس کا نظارا کر لیا جائے

[intelligent086]

حوالے کر کے اپنا جسم اک دن تیز لہروں کے
پھر اس کے بعد دریا سے کنارا کر لیا جائے

[intelligent086]

ندیم اس شہر میں مانوس گلیاں بھی بہت سی ہیں
اور اب آئے ہیں تو ان کا نظارا کر لیا جائے

[intelligent086]

رابطہ مجھ سے مرا جوڑ دیا کرتا تھا
وہ جو اک شخص مجھے چھوڑ دیا کرتا تھا

[intelligent086]

مجھے دریا، کبھی صحرا کے حوالے کر کے
وہ کہانی کو نیا موڑ دیا کرتا تھا

[intelligent086]

اس سے آگے تو محبت سے گلہ ہے مجھ کو
تو تو بس ہات مرا چھوڑ دیا کرتا تھا

[intelligent086]

بات پیڑوں کی نہیں غم ہے پرندوں کا ندیم
گھونسلے جن کے کوئی توڑ دیا کرتا تھا

[intelligent086]

گزر رہا ہوں مگر وقت کے ارادے سے
مرا وجود بندھا ہے ہوا کے دھاگے سے

[intelligent086]

یہ چاند ٹوٹ کے قدموں میں کیوں نہیں گرتا
یہ کھینچتا ہے مجھے چاندنی کے دھاگے سے

[intelligent086]

کسے پکاروں یہاں کون چل کے آئے گا
یہاں پہ لوگ نظر آئے بھی تو آدھے سے

[intelligent086]

میں اس جگہ سے کہیں اور جا نہیں سکتا
بندھا ہوا ہوں مکمل کسی کے وعدے سے

[intelligent086]

کیوں ترے غم میں کسی اور کو شامل کر لوں
کس لیے روئے مرے ساتھ مرا آنگن بھی

[intelligent086]

ایک ویران ریاست کی طرح ہوں میں ندیم
فتح کر کے مجھے پچھتائے مرے دشمن بھی

[intelligent086]

تو بھی آ جائے یہاں اور مرا بچپن بھی
ختم ہو جائے کہانی بھی ہر اک الجھن بھی

[intelligent086]

خیر اس ہجر میں آنکھیں تو چلی جاتی ہیں
ٹوٹ جاتے ہیں کلائی کے نئے کنگن بھی

[intelligent086]

بھیک مل جاتی ہے اور پانی بھی پی لیتا ہوں
ہاتھ کشکول بھی ہیں اور مرے برتن بھی

[intelligent086]

کیا ضروری ہے کسی مور کا ہونا بن میں
رقص کرتا ہے ترے دھیان میں تو تن من بھی

[intelligent086]

تیر، نیزے، ڈھال اور تلوار دے کر آ گیا
اپنا سب کچھ ہی سپہ سالار دے کر آ گیا

[intelligent086]

عین ممکن ہے وہ میرا نام تک رہنے نہ دے
میں اسے اپنے سبھی آثار دے کر آ گیا