Huge Collection Of Ashars

[intelligent086]

اپنا یہ حال کہ جی ہار چکے لٹ بھی چکے
اور محبت وہی انداز پرانے مانگے

[intelligent086]

زندگی ہم ترے داغوں سے رہے شرمندہ
اور تُو ہے کہ سدا آئینہ خانے مانگے

[intelligent086]

دل کسی حال پہ قانع ہی نہیں جانِ فراز
مِل گئے تم بھی تو کیا اور نہ جانے مانگے

[intelligent086]

جُز ترے کوئی بھی دن رات نہ جانے میرے
تُو کہاں ہے مگر دوست پرانے میرے

[intelligent086]

تُو بھی خوشبو ہے مگر میرا تجسس بے کار
برگِ آوارہ کی مانند ٹھکانے میرے

[intelligent086]

شمع کی لَو تھی کہ وہ تُو تھا مگر ہجر کی رات
دیر تک روتا رہا کوئی سرہانے میرے

[intelligent086]

خلق کی بے خبری ہے کہ مری رسوائی
لوگ مجھ کو ہی سناتے ہیں فسانے میرے

[intelligent086]

لُٹ کے بھی خوش ہوں کہ اشکوں سے بھرا ہے دامن
دیکھ غارت گرِ دل یہ بھی خزانے میرے

[intelligent086]

آج اک اور برس بیت گیا اس کے بغیر
جس کے ہوتے ہوئے ہوتے تھے زمانے میرے

[intelligent086]

کاش تُو بھی مری آواز کہیں سُنتا ہو
پھر پکارا ہے تجھے دل کی صدا نے میرے

[intelligent086]

کاش تو بھی کبھی آ جائے مسیحائی کو
لوگ آتے ہیں بہت دل کو دُکھانے میرے

[intelligent086]

کاش اوروں کی طرح میں بھی کبھی کہہ سکتا
بات سُن لی ہے مری، آج خدا نے میرے

[intelligent086]

تُو ہے کس حال میں اے زود فراموش مرے
مجھ کو تو چھین لیا عہدِ وفا نے میرے

[intelligent086]

چارہ گر یوں تو بہت ہیں مگر اے جانِ فراز
جز ترے اور کوئی زخم نہ جانے میرے

[intelligent086]

نہ حریفِ جاں نہ شریکِ غم شبِ انتظار کوئی تو ہو
کسے بزمِ شوق میں لائیں ہم دلِ بے قرار کوئی تو ہو

[intelligent086]

کسے زندگی ہے عزیز اب کسے آرزوئے شبِ طرب
مگر اے نگارِ وفا طلب ترا اعتبار کوئی تو ہو

[intelligent086]

کہیں تارِ دامنِ گل ملے تو یہ مان لیں کہ چمن کھلے
کہ نشان فصلِ بہار کا سرِ شاخسار کوئی تو ہو

[intelligent086]

یہ اداس اداس سے بام و در، یہ اجاڑ اجاڑ سی رہگزر
چلو ہم نہیں نہ سہی مگر سرِ کوئے یار کوئی تو ہو

[intelligent086]

یہ سکونِ جاں کی گھڑی ڈھلے تو چراغِ دل ہی نہ بجھ چلے
وہ بلا سے ہو غمِ عشق یا غمِ روزگار کوئی تو ہو

[intelligent086]

سرِ مقتلِ شب آرزو، رہے کچھ تو عشق کی آبرو
جو نہیں عدو تَو فرازؔؔ تُو کہ نصیب دار کوئی تو ہو

[intelligent086]

دل تو وہ برگِ خزاں ہے کہ ہوا لے جائے
غم وہ آندھی ہے کہ صحرا بھی اُڑا لے جائے

[intelligent086]

کون لایا تری محفل میں ہمیں ہوش نہیں
کوئی آئے تری محفل سے اُٹھا لے جائے

[intelligent086]

اور سے اور ہوئے جاتے ہیں معیارِ وفا
اب متاعِ دل و جاں بھی کوئی کیا لے جائے

[intelligent086]

جانے کب ابھرے تری یاد کا ڈوبا ہُوا چاند
جانے کب دھیان کوئی ہم کو اُڑا لے جائے

[intelligent086]

یہی آوارگیِ دل ہے تو منزل معلوم
جو بھی آئے تری باتوں میں لگا لے جائے

[intelligent086]

دشتِ غربت میں تمہیں کون پکارے گا فرازؔؔ
چل پڑو خود ہی جدھر دل کی صدا لے جائے

[intelligent086]

نہ انتظار کی لذت نہ آرزو کی تھکن
بجھی ہیں درد کی شمعیں کہ سو گیا بدن

[intelligent086]

سُلگ رہی ہیں نہ جانے کس آنچ سے آنکھیں
نہ آنسوؤں کی طلب ہے نہ رتجگوں کی جلن

[intelligent086]

دلِ فریب زدہ! دعوتِ نظر پہ نہ جا
یہ آج کے قد و گیسو ہیں کل کہ دار و رسن

[intelligent086]

غریبِ شہر کسی سایۂ شجر میں نہ بیٹھ
کہ اپنی چھاؤں میں خود جل رہے ہیں سرو و سمن

[intelligent086]

بہارِ قرب سے پہلے اجاڑ دیتی ہیں
جدائیوں کی ہوائیں محبتوں کے چمن

[intelligent086]

وہ ایک رات گزر بھی گئی مگر اب تک
وصالِ یار کی لذت سے ٹوٹتا ہے بدن

[intelligent086]

پھر آج شب ترے قدموں کی چاپ کے ہمراہ
سنائی دی ہے دلِ نامراد کی دھڑکن

[intelligent086]

یہ ظلم دیکھ کہ تُو جانِ شاعری ہے مگر
مری غزل میں ترا نام بھی ہے جرمِ سخن

[intelligent086]

امیرِ شہر غریبوں کو لُوٹ لیتا ہے
کبھی بہ حیلۂ مذہب کبھی بنامِ وطن

[intelligent086]

ہوائے دہر سے دل کا چراغ کیا بجھتا
مگر فرازؔؔ سلامت ہے یار کا دامن

[intelligent086]

ہم تو یوں خوش تھے کہ اک تار گریبان میں ہے
کیا خبر تھی کہ بہار اس کے بھی ارمان میں ہے

[intelligent086]

ایک ضرب اور بھی اے زندگیِ تیشہ بدست
سانس لینے کی سکت اب بھی مری جان میں ہے

[intelligent086]

میں تجھے کھو کے بھی زندہ ہوں یہ دیکھا تو نے
کس قدر حوصلہ ہارے ہوئے انسان میں ہے

[intelligent086]

فاصلے قرب کے شعلوں کو ہوا دیتے ہیں
میں ترے شہر سے دُور اور تُو مرے دھیان میں ہے

[intelligent086]

سرِ دیوار فروزاں ہے ابھی ایک چراغ
اے نسیمِ سحری! کچھ ترے امکان میں ہے

[intelligent086]

دل دھڑکنے کی صدا آتی ہے گاہے گاہے
جیسے اب بھی تری آواز مرے کان میں ہے

[intelligent086]

خلقتِ شہر کے ہر ظلم کے با وصف فرازؔؔ
ہائے وہ ہاتھ کہ اپنے ہی گریبان میں ہے

[intelligent086]

خاموش ہو کیوں دادِ جفا کیوں نہیں دیتے
بسمل ہو تو قاتل کو دعا کیوں نہیں دیتے

[intelligent086]

وحشت کا سبب روزنِ زنداں تو نہیں ہے
مہر و مہ و انجم کو بجھا کیوں نہیں دیتے

[intelligent086]

اِک یہ بھی تو اندازِ علاجِ غمِ جاں ہے
اے چارہ گرو! درد بڑھا کیوں نہیں دیتے

[intelligent086]

منصف ہو اگر تم تو کب انصاف کرو گے
مجرم ہیں اگر ہم تو سزا کیوں نہیں دیتے

[intelligent086]

رہزن ہو تو حاضر ہے متاعِ دل و جاں بھی
رہبر ہو تو منزل کا پتہ کیوں نہیں دیتے

[intelligent086]

کیا بیت گئی اب کے فرازؔؔ اہلِ چمن پر
یارانِ قفس مجھ کو صدا کیوں نہیں دیتے

[intelligent086]

سُن بھی اے نغمہ سنجِ کنجِ چمن اب سماعت کا اعتبار کسے
کون سا پیرہن سلامت ہے دیجیے دعوتِ بہار کسے

[intelligent086]

جل بجھیں دردِ ہجر کی شمعیں گھل چکے نیم سوختہ پیکر
سر میں سودائے خام ہو بھی تو کیا طاقت و تابِ انتظار کسے

[intelligent086]

نقدِ جاں بھی تو نذر کر آئے اور ہم مفلسوں کے پاس تھا کیا
کون ہے اہلِ دل میں اتنا غنی اس قدر پاس طبعِ یار کسے

[intelligent086]

کاہشِ ذوق جستجو معلوم داغ ہے دل چراغ ہیں آنکھیں
ماتمِ شہرِ آرزو کیجیے فرصتِ نغمۂ قرار کسے

[intelligent086]

کون دارائے ملکِ عشق ہُوا کس کو جاگیر چشم و زلف ملی
"خونِ فرہاد، برسرِ فرہاد" قصرِ شیریں پہ اختیار کسے

[intelligent086]

حاصلِ مشرب مسیحائی سنگِ تحقیر و مرگِ رسوائی
قامت یار ہو کہ رفعتِ دار ان صلیبوں کا اعتبار کسے
٭٭٭

[intelligent086]

دل بہلتا ہے کہاں انجم و مہتاب سے بھی
اب تو ہم لوگ گئے، دیدۂ بے خواب سے بھی

[intelligent086]

رو پڑا ہوں تو کوئی بات ہی ایسی ہو گی
میں کہ واقف تھا ترے ہجر کے آداب سے بھی

[intelligent086]

کچھ تو اس آنکھ کا شیوہ ہے خفا ہو جانا
اور کچھ بھول ہوئی ہے دلِ بےتاب سے بھی

[intelligent086]

اے سمندر کی ہَوا تیرا کرم بھی معلوم
پیاس ساحل کی تو بجھتی نہیں سیلاب سے بھی

[intelligent086]

کچھ تو اُس حسن کو جانے ہے زمانہ سارا
اور کچھ بات چلی ہے مرے احباب سے بھی

[intelligent086]

دل کبھی غم کے سمندر کا شناور تھا فرازؔؔ
اب تو خوف آتا ہے اک موجۂ پایاب سے بھی

[intelligent086]

وفا کے باب میں الزامِ عاشقی نہ لیا
کہ تیری بات بھی کی اور تیرا نام بھی نہ لیا

[intelligent086]

خوشا وہ لوگ کہ محرومِ التفات رہے
ترے کرم کو بہ اندازِ سادگی نہ لیا

[intelligent086]

تمہارے بعد کئی ہاتھ دل کی سمت بڑھے
ہزار شکر گریباں کو ہم نے سی نہ لیا

[intelligent086]

تمام مستی و تشنہ لبی کے ہنگامے
کسی نے سنگ اٹھایا کسی نے مینا لیا

[intelligent086]

فرازؔؔ ظلم ہے اتنی خود اعتمادی بھی
کہ رات بھی تھی اندھیری چراغ بھی نہ لیا

[intelligent086]

ایسے چپ ہیں کہ یہ منزل بھی کڑی ہو جیسے
تیرا ملنا بھی جدائی کی گھڑی ہو جیسے

[intelligent086]

اپنے ہی سائے سے ہر گام لرز جاتا ہوں
راستے میں کوئی دیوار کھڑی ہو جیسے

[intelligent086]

کتنے ناداں ہیں ترے بھولنے والے کہ تجھے
یاد کرنے کے لئے عمر پڑی ہو جیسے

[intelligent086]

تیرے ماتھے کی شکن پہلے بھی دیکھی تھی مگر
یہ گرہ اب کہ مرے دل میں پڑی ہو جیسے

[intelligent086]

منزلیں دُور بھی ہیں منزلیں نزدیک بھی ہیں
اپنے ہی پاؤں میں زنجیر پڑی ہو جیسے

[intelligent086]

آج دل کھول کہ روئے ہیں تو یوں خوش ہیں فرازؔؔ
چند لمحوں کی یہ راحت بھی بڑی ہو جیسے

[intelligent086]

کیا ایسے کم سخن سے کوئی گفتگو کرے
جو مستقل سکوت سے دل کو لہو کرے

[intelligent086]

اب تو ہمیں بھی ترکِ مراسم کا دکھ نہیں
پر دل یہ چاہتا ہے کہ آغاز تُو کرے

[intelligent086]

تیرے بغیر بھی تو غنیمت ہے زندگی
خود کو گنوا کے کون تری جستجو کرے

[intelligent086]

اب تو یہ آرزو ہے کہ وہ زخم کھائیے
تا زندگی یہ دل نہ کوئی آرزو کرے

[intelligent086]

تجھ کو بھلا کے دل ہے وہ شرمندۂ نظر
اب کوئی حادثہ ہی ترے روبرو کرے

[intelligent086]

چپ چاپ اپنی آگ میں جلتے رہو فرازؔؔ
دنیا تو عرضِ حال سے بے آبرو کرے

[intelligent086]

ہر ایک بات نہ کیوں زہر سی ہماری لگے
کہ ہم کو دستِ زمانہ سے زخم کاری لگے

[intelligent086]

اداسیاں ہوں مسلسل تو دل نہیں روتا
کبھی کبھی ہو تو یہ کیفیت بھی پیارے لگے

[intelligent086]

بظاہر ایک ہی شب ہے فراقِ یار مگر
کوئی گزارنے بیٹھے تو عمر ساری لگے

[intelligent086]

علاج اس دلِ درد آشنا کا کیا کیجیے
کہ تیر بن کہ جسے حرف غمگساری لگے

[intelligent086]

ہمارے پاس بھی بیٹھو بس اتنا چاہتے ہیں
ہمارے ساتھ طبیعت اگر تمہاری لگے

[intelligent086]

فرازؔؔ تیرے جنوں کا خیال ہے ورنہ
یہ کیا ضرور وہ صورت سبھی کو پیارے لگے

[intelligent086]

سو دوریوں پہ بھی مرے دل سے جدا نہ تھی
تُو میری زندگی تھی مگر بے وفا نہ تھی

[intelligent086]

دل نے ذرا سے غم کو قیامت بنا دیا
ورنہ وہ آنکھ اتنی زیادہ خفا نہ تھی

[intelligent086]

یوں دل لرز اُٹھا ہے کسی کو پکار کر
میری صدا بھی جیسے کہ میری صدا نہ تھی

[intelligent086]

برگِ خزاں جو شاخ سے ٹوٹا وہ خاک تھا
اس جاں سپردگی کے تو قابل ہوا نہ تھی

[intelligent086]

جگنو کی روشنی سے بھی کیا کیا بھڑک اُٹھی
اس شہر کی فضا کہ چراغ آشنا نہ تھی

[intelligent086]

مرہونِ آسماں جو رہے اُن کو دیکھ کر
خوش ہوں کہ میرے ہونٹوں پہ کوئی دعا نہ تھی

[intelligent086]

ہر جسم داغ داغ تھا لیکن فرازؔؔ ہم
بدنام یوں ہوئے کہ بدن پر قبا نہ تھی

[intelligent086]

جو بھی دکھ یاد نہ تھا یاد آیا
آج کیا جانیے کیا یاد آیا

[intelligent086]

پھر کوئی ہاتھ ہے دل پر جیسے
پھر ترا عہدِ وفا یاد آیا

[intelligent086]

جس طرح دھند میں لپٹے ہوئے پھول
ایک اک نقش ترا یاد آیا

[intelligent086]

ایسی مجبوری کے عالم میں کوئی
یاد آیا بھی تو کیا یاد آیا

[intelligent086]

اے رفیقو سرِ منزل جا کر
کیا کوئی آبلہ پا یاد آیا

[intelligent086]

یاد آیا تھا بچھڑنا تیرا
پھر نہیں یاد کہ کیا یاد آیا

[intelligent086]

جب کوئی زخم بھرا داغ بنا
جب کوئی بھول گیا یاد آیا

[intelligent086]

یہ محبت بھی ہے کیا روگ فرازؔؔ
جس کو بھولے وہ صدا یاد آیا

[intelligent086]

زخم کو پھول تو صرصر کو صبا کہتے ہیں
جانے کیا دَور ہے کیا لوگ ہیں کیا کہتے ہیں

[intelligent086]

کیا قیامت ہے کہ جن کے لئے رُک رُک کے چلے
اب وہی لوگ ہمیں آبلہ پا کہتے ہیں

[intelligent086]

کوئی بتلاؤ کہ اک عمر کا بچھڑا محبوب
اتفاقاََ کہیں مل جائے تو کیا کہتے ہیں

[intelligent086]

یہ بھی اندازِ سخن ہے کہ جفا کو تیری
غمزہ و عشوہ و انداز و ادا کہتے ہیں

[intelligent086]

جب تلک دُور ہے تُو تیری پرستش کر لیں
ہم جسے چھو نہ سکیں اُس کو خدا کہتے ہیں

[intelligent086]

کیا تعجب ہے کہ ہم اہلِ تمنا کو فرازؔؔ
وہ جو محرومِ تمنا ہیں بُرا کہتے ہیں

[intelligent086]

گل ہو چراغِ مے تو سزاوارِ سنگ ہیں
مینا سرشت ہم بھی شہیدانِ رنگ ہیں

[intelligent086]

مطرب کی بے دلی ہے کہ محفل کی بے حسی
کس تیغ سے ہلاکِ نوا ہائے چنگ ہیں؟

[intelligent086]

دل خلوتِ خیال کی آرائشوں میں گم
آنکھیں نگار خانۂ ہستی پہ دنگ ہیں

[intelligent086]

تاب و تواں نہیں ہے مگر حوصلے تو دیکھ
شیشہ صفات پھر بھی حریفانِ سنگ ہیں

[intelligent086]

اے حسنِ سادہ دل تری رسوائیاں نہ ہوں
کچھ لوگ کشتۂ ہوسِ نام و ننگ ہیں

[intelligent086]

معذور ہیں تلوّنِ خاطر کو کیا کریں
ہم خود فرازؔؔ اپنی طبیعت سے تنگ ہیں

[intelligent086]

وہی جنوں ہے وہی کوچۂ ملامت ہے
شکستِ دل پہ بھی عہدِ وفا سلامت ہے

[intelligent086]

یہ ہم جو باغ و بہاراں کا ذکر کرتے ہیں
تو مدعا وہ گلِ تر وہ سرو قامت ہے

[intelligent086]

بجا یہ فرصتِ ہستی مگر دلِ ناداں
نہ یاد کر کے اسے بھولنا قیامت ہے

[intelligent086]

چلی چلے یونہی رسمِ وفا و مشقِ ستم
کہ تیغِ یار و سروِ دوستاں سلامت ہے

[intelligent086]

سکوتِ بحر سے ساحل لرز رہا ہے مگر
یہ خامشی کسی طوفان کی علامت ہے

[intelligent086]

عجیب وضع کا احمد فرازؔؔ ہے شاعر
کہ دل دریدہ مگر پیرہن سلامت ہے

[intelligent086]

روز کی مسافت سے چُور ہو گئے دریا
پتھروں کے سینوں پر تھک گئے سو گئے دریا

[intelligent086]

جانے کون کاٹے گا فصل لعل و گہر کی
ریتلی زمینوں میں سنگ بو گئے دریا

[intelligent086]

اے سحابِ غم کب تک یہ گریز آنکھوں سے
انتظارِ طوفان میں خشک ہو گئے دریا

[intelligent086]

چاندنی میں آتی ہے کس کو ڈھونڈے خوشبو
ساحلوں کے پھولوں کو کب سے رو گئے دریا

[intelligent086]

بجھ گئی ہیں قندیلیں خواب ہو گئے چہرے
آنکھ کے جزیروں کو پھر ڈبو گئے دریا

[intelligent086]

دل چٹان کی صورت سیلِ غم پہ ہنستا ہے
جب نہ بن پڑا کچھ بھی داغ دھو گئے دریا

[intelligent086]

زخمِ نامرادی سے ہم فرازؔؔ زندہ ہیں
دیکھنا سمندر میں غرق ہو گئے دریا

[intelligent086]

تو کہ انجان ہے اس شہر کے آداب سمجھ
پھول روئے تو اسے خندۂ شاداب سمجھ

[intelligent086]

کہیں آ جائے میسر تو مقدر تیرا
ورنہ آسودگیِ دہر کو نایاب سمجھ

[intelligent086]

حسرتِ گریہ میں جو آگ ہے اشکوں میں نہیں
خشک آنکھوں کو مری چشمۂ بے آب سمجھ

[intelligent086]

موجِ دریا ہی کو آوارۂ صد شوق نہ کہہ
ریگِ ساحل کو بھی لبِ تشنۂ سیلاب سمجھ

[intelligent086]

یہ بھی وا ہے کسی مانوس کرن کی خاطر
روزنِ در کو بھی اک دیدۂ بے خواب سمجھ

[intelligent086]

اب کسے ساحلِ امید سے تکتا ہے فرازؔؔ
وہ جو ایک کشتیِ دل تھی اسے غرقاب سمجھ

[intelligent086]

قرب جز داغِ جدائی نہیں دیتا کچھ بھی
تُو نہیں ہے تو دکھائی نہیں دیتا کچھ بھی

[intelligent086]

دل کے زخموں کو نہ رو، دوست کا احسان سمجھ
ورنہ وہ دستِ حنائی نہیں دیتا کچھ بھی

[intelligent086]

کیا اسی زہر کو تریاق سمجھ کر پی لیں
ناصحوں کو تو سجھائی نہیں دیتا کچھ بھی

[intelligent086]

ایسا گم ہوں تری یادوں کے بیابانوں میں
دل نہ دھڑکے تو سنائی نہیں دیتا کچھ بھی

[intelligent086]

سوچتا ہوں تو ہر اک نقش میں دنیا آباد
دیکھتا ہوں تو دکھائی نہیں دیتا کچھ بھی

[intelligent086]

یوسفِ شعر کو کس مصر میں لائے ہو فرازؔؔ
ذوقِ آشفتہ نوائی نہیں دیتا کچھ بھی

[intelligent086]

دوست بن کر بھی نہیں ساتھ نبھانے والا
وہی انداز ہے ظالم کا زمانے والا

[intelligent086]

اب اسے لوگ سمجھتے ہیں گرفتار مرا
سخت نادم ہے مجھے دام میں لانے والا

[intelligent086]

صبح دم چھوڑ گیا نگہتِ گُل کی صورت
رات کو غنچۂ دل میں سمٹ آنے والا

[intelligent086]

کیا کہیں کتنے مراسم تھے ہمارے اس سے
وہ جو اک شخص ہے منہ پھیر کے جانے والا

[intelligent086]

تیرے ہوتے ہوئے آ جاتی تھی ساری دنیا
آج تنہا ہوں تو کوئی نہیں آنے والا

[intelligent086]

منتظر کس کا ہوں ٹوٹی ہوئی دہلیز پہ میں
کون آئے گا یہاں کون ہے آنے والا

[intelligent086]

کیا خبر تھی جو مری جاں میں گھلا ہے اتنا
ہے وہی مجھ کو سرِ دار بھی لانے والا

[intelligent086]

میں نے دیکھا ہے بہاروں میں چمن کو جلتے
ہے کوئی خواب کی تعبیر بتانے والا

[intelligent086]

تم تکلف کو بھی اخلاص سمجھتے ہو فرازؔؔ
دوست ہوتا نہیں ہر ہاتھ ملانے والا

[intelligent086]

یہ عالم شوق کا دیکھا نہ جائے
وہ بت ہے یا خدا دیکھا نہ جائے

[intelligent086]

یہ کن نظروں سے تُو نے آج دیکھا
کہ تیرا دیکھنا دیکھا نہ جائے

[intelligent086]

ہمیشہ کے لئے مجھ سے بچھڑ جا
یہ منظر بارہا دیکھا نہ جائے

[intelligent086]

غلط ہے جو سنا، پر آزما کر
تجھے اے بے وفا دیکھا نہ جائے

[intelligent086]

یہ محرومی نہیں پاسِ وفا ہے
کوئی تیرے سوا دیکھا نہ جائے

[intelligent086]

یہی تو آشنا بنتے ہیں آخر
کوئی نا آشنا دیکھا نہ جائے

[intelligent086]

فرازؔؔ اپنے سوا ہے کون تیرا
تجھے تجھ سے جدا دیکھا نہ جائے

[intelligent086]

دل بھی بجھا ہو شام کی پرچھائیاں بھی ہوں
مر جائیے جو ایسے میں تنہائیاں بھی ہوں

[intelligent086]

آنکھوں کی سرخ لہر ہے موجِ سپردگی
یہ کیا ضرور ہے کہ اب انگڑائیاں بھی ہوں

[intelligent086]

ہر حُسنِ سادہ لوح نہ دل میں اتر سکا
کچھ تو مزاجِ یار میں گہرائیاں بھی ہوں

[intelligent086]

دنیا کے تذکرے تو طبیعت ہی لے بجھے
بات اس کی ہو تو پھر سخن آرائیاں بھی ہوں

[intelligent086]

پہلے پہل کا عشق ابھی یاد ہے فرازؔؔ
دل خود یہ چاہتا تھا کہ رسوائیاں بھی ہوں

[intelligent086]

جب تری یاد کے جگنو چمکے
دیر تک آنکھ میں آنسو چمکے

[intelligent086]

سخت تاریک ہے دل کی دنیا
ایسے عالم میں اگر تُو چمکے

[intelligent086]

ہم نے دیکھا سرِ بازارِ وفا
کبھی موتی کبھی آنسو چمکے

[intelligent086]

شرط ہے شدتِ احساسِ جمال
رنگ تو رنگ ہے خوشبو چمکے

[intelligent086]

آنکھ مجبورِ تماشا ہے فرازؔؔ
ایک صورت ہے کہ ہر سُو چمکے

[intelligent086]

پیام آئے ہیں اس یارِ بے وفا کے مجھے
جسے قرار نہ آیا کہیں بھلا کے مجھے

[intelligent086]

جدائیاں ہوں ایسی کہ عمر بھر نہ ملیں
فریب دو تو ذرا سلسلے بڑھا کے مجھے

[intelligent086]

نشے سے کم تو نہیں یادِ یار کا عالم
کہ لے اڑا ہے کوئی دوش پر ہوا کے مجھے

[intelligent086]

میں خود کو بھول چکا تھا مگر جہاں والے
اداس چھوڑ گے آئینہ دکھا کے مجھے

[intelligent086]

تمہارے بام سے اب کم نہیں ہے رفعتِ دار
جو دیکھنا ہو تو دیکھو ذرا نظر اٹھا کے مجھے

[intelligent086]

کھنچی ہوئی ہے مرے آنسوؤں میں اک تصویر
فرازؔؔ دیکھ رہا ہے وہ مسکرا کے مجھے

[intelligent086]

بے نیازِ غمِ پیمانِ وفا ہو جانا
تم بھی اوروں کی طرح مجھ سے جدا ہو جانا

[intelligent086]

گرچہ اب قرب کا امکاں ہے بہت کم پھر بھی
کہیں مل جائیں تو تصویر نما ہو جانا

[intelligent086]

صرف منزل کی طلب ہو تو کہاں ممکن ہے
دوسروں کے لیے خود آبلہ پا ہو جانا

[intelligent086]

خلق کی سنگ زنی میری خطاؤں کا صلہ
تم تو معصوم ہو تم دُور ذرا ہو جانا

[intelligent086]

اب مرے واسطے تریاق ہے الحاد کا زہر
تم کسی اور پجاری کے خدا ہو جانا

[intelligent086]

دل میں اب طاقت کہاں خوننابہ افشانی کرے
ورنہ غم وہ زہر ہے پتھر کو بھی پانی کرے

[intelligent086]

عقل وہ ناصح کہ ہر دم لغزشِ پا کا خیال
دل وہ دیوانہ یہی چاہے کہ نادانی کرے

[intelligent086]

ہاں مجھے بھی ہو گلہ بے مہریِ حالات کا
تجھ کو آزردہ اگر میری پریشانی کرے

[intelligent086]

یہ تو اک شہرِ جنوں ہے چاک دامانو! یہاں
سب کے سب وحشی ہیں کس کو کون زندانی کرے

[intelligent086]

موسمِ گل ہے مگر بے رنگ ہے، شاخِ مژہ
کتنا شرمندہ ہمیں آنکھوں کی ویرانی کرے

[intelligent086]

ہنستے چہروں سے دلوں کے زخم پہچانے گا کون
تجھ سے بڑھ کر ظلم اپنی خندہ پیشانی کرے

[intelligent086]

ناصحوں کو کون سمجھائے نہ سمجھے گا فرازؔؔ
وہ تو سب کی بات سن لے اور من مانی کرے

[intelligent086]

بے سر و ساماں تھے لیکن اتنا اندازہ نہ تھا
اِس سے پہلے شہر کے لُٹنے کا آوازہ نہ تھا

[intelligent086]

ظرفِ دل دیکھا تو آنکھیں کرب سے پتھرا گئیں
خون رونے کی تمنّا کا یہ خمیازہ نہ تھا

[intelligent086]

آ مرے پہلو میں آ اے رونقِ بزمِ خیال
لذتِ رخسار و لب کا اب تک اندازہ نہ تھا

[intelligent086]

ہم نے دیکھا ہے خزاں میں بھی تری آمد کے بعد
کونسا گل تھا کہ گلشن میں تر و تازہ نہ تھا

[intelligent086]

ہم قصیدہ خواں نہیں اُس حسن کے لیکن فرازؔؔ
اتنا کہتے ہیں رہینِ سُرمہ و غازہ نہ تھا

[intelligent086]

تپتے صحراؤں پہ گرجا سرِ دریا برسا
تھی طلب کس کو مگر ابر کہاں جا برسا

[intelligent086]

کتنے طوفانوں کی حامل تھی لہو کی ایک بوند
دل میں اک لہر اٹھی آنکھ سے دریا برسا

[intelligent086]

کوئی غرقاب کوئی مائ بے آب ہُوا
ابرِ بے فیض جو برسا بھی تو کیسا برسا

[intelligent086]

چڑھتے دریاؤں میں طوفان اٹھانے والے
چند بوندیں ہی سرِ دامنِ صحرا برسا

[intelligent086]

طنز ہیں سوختہ جانوں پہ گرجتے بادل
یا تو گھنگھور گھٹائیں نہ اٹھا ، یا برسا

[intelligent086]

ابر و باراں کے خدا ، جھومتا بادل نہ سہی
آگ ہی اب سرِ گلزارِ تمنّا برسا

[intelligent086]

اپنی قسمت کہ گھٹاؤں میں بھی جلتے ہیں فرازؔؔ
اور جہاں وہ ہیں وہاں ابر کا سایہ برسا

[intelligent086]

افعی کی طرح ڈسنے لگی موجِ نفس بھی
اے زہرِ غمِ یار بہت ہو چکی بس بھی

[intelligent086]

یہ حبس تو جلتی ہوئی رُت سے بھی گراں ہے
اے ٹھہرے ہوئے ابرِ کرم اب تو برس بھی

[intelligent086]

آئینِ خرابات ، معطّل ہے تو کچھ روز
اے رندِ بلا نوش و تہی جام ترس بھی

[intelligent086]

صیّاد و نگہبانِ چمن پر ہے یہ روشن
آباد ہمیں سے ہے نشیمن بھی قفس بھی

[intelligent086]

محرومیِ جاوید گنہگار نہ کر دے
بڑھ جاتی ہے کچھ ضبطِ مسلسل سے ہوس بھی

[intelligent086]

گھر میں کتنا سناٹا ہے باہر کتنا شور
یا دنیا دیوانی ہے یا میرا دل ہے چور

[intelligent086]

کبھی تو آنکھوں کے گلزاروں میں بھی آ کر ناچ
دل میں کون تجھے دیکھے گا اے جنگل کے مور

[intelligent086]

یوں پھرتے ہیں گلیوں میں گھبرائے گھبرائے سے
جیسے اس بستی کے سائے بھی ہوں آدم خور

[intelligent086]

سوچ کی چنگاری بھڑکا کر کیا نادانی کی
اس لمحے سے لے کر اب تک آگ ہیں چاروں اور

[intelligent086]

چاک گریباں پھرنا کس کو خوش آتا ہے فرازؔؔ
ہم بھی اس کو بھول نہ جائیں دل پہ اگر ہو زور

[intelligent086]

پھر اسی راہگزر پر شاید
ہم کبھی مل سکیں مگر شاید

[intelligent086]

جن کے ہم منتظر رہے ان کو
مل گئے اور ہمسفر شاید

[intelligent086]

جان پہچان سے بھی کیا ہو گا
پھر بھی اے دوست غور کر شاید

[intelligent086]

اجنبیت کی دھند چھٹ جائے
چمک اٹھے تری نظر شاید

[intelligent086]

زندگی بھر لہو رلائے گی
یادِ یارانِ بے خبر شاید

[intelligent086]

جو بھی بچھڑے وہ کب ملے ہیں فرازؔؔ
پھر بھی تو انتظار کر شاید

[intelligent086]

اب وہ جھونکے کہاں صبا جیسے
آگ ہے شہر کی ہوا جیسے

[intelligent086]

شب سلگتی ہے دو پہر کی طرح
چاند، سورج سے جل بجھا جیسے

[intelligent086]

مدتوں بعد بھی یہ عالم ہے
آج ہی تُو جدا ہُوا جیسے

[intelligent086]

اس طرح منزلوں سے ہوں محروم
میں شریکِ سفر نہ تھا جیسے

[intelligent086]

اب بھی ویسی ہے دوریِ منزل
ساتھ چلتا ہو راستہ جیسے

[intelligent086]

اتفاقاََ بھی زندگی میں فرازؔؔ
دوست ملتے نہیں ضیا 1؎ جیسے

[intelligent086]

اتفاقاََ بھی زندگی میں فرازؔؔ
دوست ملتے نہیں ضیا 1؎ جیسے
٭٭٭
1؎ ضیاء الدین ضیا

[intelligent086]

مستقل محرومیوں پر بھی دل تو مانا نہیں
لاکھ سمجھایا کہ اس محفل میں اب جانا نہیں

[intelligent086]

خود فریبی ہی سہی کیا کیجیے دل کا علاج
تو نظر پھیرے تو ہم سمجھیں کہ پہچانا نہیں

[intelligent086]

ایک دنیا منتظر ہے اور تیری بزم میں
اس طرح بیٹھے ہیں ہم جیسے کہیں جانا نہیں

[intelligent086]

جی میں جو آتی ہے کر گزرو کہیں ایسا نہ ہو
کل پشیماں ہو کہ کیوں دل کا کہا مانا نہیں

[intelligent086]

زندگی پر اس بڑھ کر طنز کیا ہو گا فرازؔؔ
اس کا یہ کہنا کہ تو شاعر ہے دیوانہ نہیں

[intelligent086]

تو پاس بھی ہو تو دل بیقرار اپنا ہے
کہ ہم کو تیرا نہیں انتظار اپنا ہے

[intelligent086]

ملے کوئی بھی ترا ذکر چھیڑ دیتے ہیں
کہ جیسے سارا جہاں راز دار اپنا ہے

[intelligent086]

وہ دور ہو تو بجا ترکِ دوستی کا خیال
وہ سامنے ہو تو کب اختیار اپنا ہے

[intelligent086]

زمانے بھر کے دکھوں کو لگا لیا دل سے
اس آسرے پہ کہ اک غمگسار اپنا ہے

[intelligent086]

بلا سے جاں کا زیاں ہو اس اعتماد کی خیر
وفا کرے نہ کرے پھر بھی یار اپنا ہے

[intelligent086]

فرازؔؔ راحتِ جاں بھی وہی ہے کیا کیجیے
وہ جس کے ہاتھ سے سینہ فگار اپنا ہے

[intelligent086]

جس سے یہ طبیعت بڑی مشکل سے لگی تھی
دیکھا تو وہ تصویر ہر اک دل سے لگی تھی

[intelligent086]

تنہائی میں روتے ہیں کہ یوں دل کو سکوں ہو
یہ چوٹ کسی صاحبِ محفل سے لگی تھی

[intelligent086]

اے دل ترے آشوب نے پھر حشر جگایا
بے درد ابھی آنکھ بھی مشکل سے لگی تھی

[intelligent086]

خلقت کا عجب حال تھا اس کوئے ستم میں
سائے کی طرح دامنِ قاتل سے لگی تھی

[intelligent086]

اترا بھی تو کب درد کا چڑھتا ہوا دریا
جب کشتیِ جاں موت کے ساحل سے لگی تھی

[intelligent086]

جو ہمسفر سرِ منزل بچھڑ رہا ہے فرازؔؔ
عجب نہیں ہے اگر یاد بھی نہ آؤں اسے

[intelligent086]

وہی جو دولتِ دل ہے وہی جو راحتِ جاں
تمہاری بات پہ اے ناصحو! گنواؤں اسے

[intelligent086]

مگر وہ زود فراموش، زود رنج بھی ہے
کہ روٹھ جائے، اگر یاد کچھ دلاؤں اسے

[intelligent086]

یہ لوگ تذکرے کرتے ہیں اپنے لوگوں کے
میں کیسے بات کروں، اب کہاں سے لاؤں اسے

[intelligent086]

وہ خار خار ہے شاخِ گلاب کی مانند
میں زخم زخم ہوں پھر بھی گلے لگاؤں اسے

[intelligent086]

کروں نہ یاد، مگر کس طرح بھلاؤں اُسے
غزل بہانہ کروں اور گنگناؤں اسے

[intelligent086]

ذکر اس غیرتِ مریم کا جب آتا ہے فراز
گھنٹیاں بجتی ہیں لفظوں کے کلیساؤں میں

[intelligent086]

چاکِ دل سی کہ نہ سی،زخم کی توہین نہ کر!
ایسے قاتل تو نہ تھے میرے مسیحاؤں میں

[intelligent086]

دن کے ڈھلتے ہی اجڑ جاتی ہیں آنکھیں ایسے
جس طرح شام کو بازار کسی گاؤں میں

[intelligent086]

نامرادی کا یہ عالم ہے کہ اب یاد نہیں
تُو بھی شامل تھا کبھی میری تمناؤں میں

[intelligent086]

میں کہ پر شور سمندر تھے مرے پاؤں میں
اب کہ ڈوبا ہوں تو سوکھے ہوئے دریاؤں میں

[intelligent086]

فراز مصرعۂ آتش پہ کیا غزل کہتے
زبانِ غیر سے کیا شرحِ آرزو کرتے

[intelligent086]

ہزار کوس پہ تُو اور یہ شام غربت کی
عجیب حال تھا پر کس سے گفتگو کرتے

[intelligent086]

چمن پرست نہ ہوتے تو اے نسیمِ بہار
مثالِ برگِ خزاں تیری جستجو کرتے

[intelligent086]

یہ قرب مرگِ وفا ہے اگر خبر ہوتی
تو ہم بھی تجھ سے بچھڑنے کی آرزو کرتے

[intelligent086]

بہت دنوں سے ہے بے آب چشمِ خوں بستہ
وگرنہ ہم بھی چراغاں کنارِ جُو کرتے

[intelligent086]

گُلوں سے جسم تھے شاخِ صلیب پر لرزاں
تو کس نظر سے تماشائے رنگ و بُو کرتے

[intelligent086]

کبھی تو ہم سے بھی اے ساکنانِ شہرِ خیال
تھکے تھکے ہوئے لہجے میں گفتگو کرتے

[intelligent086]

بس اک نعرۂ مستاں دریدہ پیرہنو
کہاں کے طوق و سلاسل بس ایک ہُو کرتے