Huge Collection Of Ashars

[intelligent086]

خوشا درسِ غیرت ، زہے عشقِ تنہا
وہاں میں نہیں ہوں، جہاں اور بھی ہیں

[intelligent086]

نہیں منحصر کچھ مے و مے کدہ تک
مری تشنہ سامانیاں اور بھی ہیں

[intelligent086]

بہت دل کے حالات کہنے کے قابل
ورائے نگاہ و زباں اور بھی ہیں

[intelligent086]

مقاماتِ اربابِ جاں اور بھی ہیں
مکاں اور بھی ، لامکاں اور بھی ہیں

[intelligent086]

عرضِ غم نہ کر اے دل دیکھ ہم نہ کہتے تھے
رہ گئے وہ "اُٹھ" کہہ کر، سُن لیا جواب اُن کا

[intelligent086]

اور کس کی یہ طاقت اور کس کی یہ جرأت
عشق آپ آڑ اپنی، حُسن خود حجاب اُن کا

[intelligent086]

یوں ہی کھلتے جاتے ہیں حسن و عشق کے اسرار
اک نفس سوال اپنا ، اک نفس جواب اُن کا

[intelligent086]

ہم سے پوچھ اے ناصح دل گرفتگی اُن کی
ہم نے چھپ کے دیکھا ہے عالمِ پُر آب اُن کا

[intelligent086]

دل لے کے مجھ سے دیتے ہو داغِ جگر مجھے
یہ بات بھولنے کی نہیں عمر بھر مجھے

[intelligent086]

کیا جانیے قفس میں رہے کیا معاملہ
اب تک جو ہیں عزیز مرے بال و پر مجھے

[intelligent086]

میں دُور ہوں تو روئے سخن مجھ سے کس لئے
تم پاس ہو، تو کیوں نہیں آتے نظر مجھے

[intelligent086]

سینے سے دل عزیز ہے، دل سے ہو تم عزیز
سب سے مگر عزیز ہے میری نظر مجھے

[intelligent086]

یکساں ہے حسن و عشق کی سر مستیوں کا رنگ
ان کی خبر انہیں ہے نہ میری خبر مجھے

[intelligent086]

آیا نہ راس نالۂ دل کا اثر مجھے
اب تم ملے تو کچھ نہیں اپنی خبر مجھے

[intelligent086]

ہر سُو دِکھائی دیتے ہیں وہ جلوہ گر مجھے
کیا کیا فریب دیتی ہے میری نظر مجھے

[intelligent086]

بیتابیِ محبت وجہ سکونِ غم ہے
آغوش مضطرب میں خوابیدہ ہیں بلائیں

[intelligent086]

اس حسن برق وش کے دل سوختہ وہی ہیں
شعلوں سے بھی جو کھیلیں دامن کو بھی بچائیں

[intelligent086]

اُس سے بھی شوخ تر ہیں اس شوخ کی ادائیں
کر جائیں کام اپنا لیکن نظر نہ آئیں

[intelligent086]

سب ان پہ ہیں تصدق وہ سامنے تو آئیں
اشکوں کی آرزوئیں آنکھوں کی التجائیں

[intelligent086]

جگر اب تو وہ ہی یہ کہتے ہیں مجھ سے
تیرے ناز اٹھانے کو جی چاہتا ہے

[intelligent086]

حسیں تیری آنکھیں، حسیں تیرے آنسو
یہیں ڈوب جانے کو جی چاہتا ہے

[intelligent086]

تری آنکھ کو بھی جو بے خواب کر دے
وہ فتنہ جگانے کو جی چاہتا ہے

[intelligent086]

بہت دیر تک چھپ کے تیری نظر سے
تجھے دیکھ پانے کو جی چاہتا ہے

[intelligent086]

تواضع کرائے عشق! چند آنسوؤں سے
بہت مسکرانے کو جی چاہتا ہے

[intelligent086]

تجھے بھول جانا تو ہے غیر ممکن
مگر بھول جانے کو جی چاہتا ہے

[intelligent086]

کوئی مصلحت روک دیتی ہے ورنہ
پلٹ دیں زمانے کو ، جی چاہتا ہے

[intelligent086]

نہ اب مسکرانے کو جی چاہتا ہے
نہ آنسو بہانے کو جی چاہتا ہے

[intelligent086]

ستاتے نہیں وہ تو ان کی طرف سے
خود اپنے ستانے کو جی چاہتا ہے

[intelligent086]

ترے دل کے ٹوٹنے پر ہے کسی کو ناز کیا کیا!
تجھے اے جگر! مبارک یہ شکستِ فاتحانہ

[intelligent086]

میں وہ صاف ہی نہ کہہ دوں ، ہے جو فرق مجھ میں تجھ میں
ترا درد دردِ تنہا ، مرا غم غمِ زمانہ

[intelligent086]

مرے ہم صفیر بلبل، مرا تیرا ساتھ ہی کیا
میں ضمیرِ دشت و دریا، تو اسیرِ آشیانہ

[intelligent086]

تری دُوری و حضوری کا عجیب ہے یہ عالم
ابھی زندگی حقیقت، ابھی زندگی فسانہ

[intelligent086]

ترے عشق کی کرامت، یہ اگر نہیں تو کیا ہے
کبھی بے ادب نہ گزرا مرے پاس سے زمانہ

[intelligent086]

مری زندگی تو گزری ترے ہجر کے سہارے
مری موت کو بھی پیارے کوئی چاہئیے بہانہ

[intelligent086]

میں ہوں اس مقام پر اب کہ فراق و وصل کیسے؟
مرا عشق بھی کہانی، ترا حسن بھی فسانہ

[intelligent086]

کبھی حسن کی طبیعت نہ بدل سکا زمانہ
وہی نازِ بے نیازی، وہی شانِ خُسروانہ

[intelligent086]

یہ ترا جمالِ کامل، یہ شباب کا زمانہ
دلِ دشمناں سلامت، دلِ دوستاں نشانہ

[intelligent086]

وہ ادائے دلبری ہو کہ نوائے عاشقانہ
جو دلوں کو فتح کر لے، وہی فاتح زمانہ

[intelligent086]

مری موت سن کر، کیا اُس نے ضبط
مگر رنگ چہرے کا فق ہو گیا

[intelligent086]

چھپائے ہوئے تھے ترا رازِ عشق
مگر اب تو سینہ بھی شق ہو گیا

[intelligent086]

جو کچھ بچ رہا تھا مرا خونِ دل
وہی آسماں پر شفق ہو گیا

[intelligent086]

سنا نے چلے تھے انہیں حالِ دل
نظر ملتے ہی رنگ فق ہو گیا

[intelligent086]

ستم کا عدو مستحق ہو گیا
مرا دل سراپا قلق ہو گیا

[intelligent086]

اللہ ری، مری تیز روی جوشِ جنوں میں
مڑ کر جو نظر کی تو بیاباں نہیں دیکھا

[intelligent086]

بےکار گئی سعئ محبت بھی ہماری
حاصل بجز اک دیدہ ء حیراں نہیں دیکھا

[intelligent086]

اللہ ری، مجبوری ء آدابِ محبت
گلشن میں رہے اور گلستاں نہیں دیکھا

[intelligent086]

تازہ اثر، اے جذبۂ پنہاں نہیں دیکھا
مدت ہوئی شمشیر کو عریاں نہیں دیکھا

[intelligent086]

اِس عشق میں پورا کبھی ساماں نہیں دیکھا
دامن پہ نظر کی تو گریباں نہیں دیکھا

[intelligent086]

نالے کرتے ہوئے رہ رہ کے یہ آتا ہے خیال
کہ مری طرح نہ دل تھام کے رہ جائیں آپ

[intelligent086]

چاندنی رات میں مہتاب سلگتا دیکھوں
نیند کی آگ میں اک خواب کو جلتا دیکھوں

[intelligent086]

آسماں پر کئی تارے ہیں مگر کچھ بھی نہیں
آسماں سے پرے اک نور دمکتا دیکھوں

[intelligent086]

کل کہ دہلیز پہ ٹھوکر سے سنبھالا تھا جسے
آج اس شخص کو دریا میں اترتا دیکھوں

[intelligent086]

آرزو ہے کسی بچے کے کھلونے کی طرح
دل اسی کانچ کی گڑیا سے بہلتا دیکھوں

[intelligent086]

راز کی بات سرِ بزم ہو افشا کیوں کر
ہاں مگر دل سے لہو روز ٹپکتا دیکھوں

[intelligent086]

سینک لیتی ہوں جگر درد کے انگاروں سے
روپ اس آنچ کی حدت میں سنورتا دیکھوں

[intelligent086]

غم کہ ہر بار نئی شکل میں ڈھل جاتا ہے
میں تو خوابوں کو سرابوں میں بدلتا دیکھوں

[intelligent086]

ہوئی جو ہوش میں کیوں کر بہ نام بادہ ہوئی
خطا کہاں تھی جو کہہ دیں بلا ارادہ ہوئی

[intelligent086]

وصالِ حسنِ مجازاں تھا مختصر کتنا
ستم کہ راہِ فغاں کس قدر کشادہ ہوئی

[intelligent086]

میں جس کو وقت بڑی مشکلوں سے پڑھتا تھا
تری زبان پہ آئی تو حرفِ سادہ ہوئی

[intelligent086]

وہ جس کو ننگِ وفا جان کر بھلا گیا
وہی تو رات مرے حزن کا لبادہ ہوئی

[intelligent086]

بساطِ عشق میں جو شہ رخوں کی ہم سر تھی
یہ کیا ہوا وہی تقدیر پا پیادہ ہوئی

[intelligent086]

برکھا بھی ہو لبوں پہ ذرا پیاس بھی رہے
پھر سے فریب دے کہ کوئی آس بھی رہے

[intelligent086]

مدت سے انتظار تھا اپنا بہت مگر
خود سے لپٹ کے رونا ہمیں راس بھی رہے

[intelligent086]

تُو لاکھ دور دور سے دیکھے ہمارے خواب
اپنا وہی لگے ہے کہ جو پاس بھی رہے

[intelligent086]

اک ہو مکاں ہماری تمنا میں مضطرب
اور دسترس میں اپنی ، یہ بن باس بھی رہے

[intelligent086]

خوشیوں کی کیا دلیل ہوں مجبور قہقہے
ہنسنے لگیں تو درد کا احساس بھی رہے

[intelligent086]

ہر حرفِ اعتبار لٹانے کے بعد بھی
یہ کیا ہوا ، فریبِ غم و یاس بھی رہے

[intelligent086]

وصل کا عالم رہا ہے ہجر کے ماروں کے بیچ
تُو نظر آتا رہا ہے رات بھر تاروں کے بیچ

[intelligent086]

راکھ ہو جاتے ہیں اپنے شوق میں اہل جنوں
پھول الفت کے کھلا کرتے ہیں انگاروں کے بیچ

[intelligent086]

کو بہ کو رسوائیاں دیتی ہیں دل کو حوصلے
منزلیں خود چل کے آ جاتی ہیں دیواروں کے پیچ

[intelligent086]

خود فریبی حد سے باہر بھی تو کچھ اچھی نہیں
’ہاں‘ دکھائی دے رہی ہے تیرے انکاروں کے بیچ

[intelligent086]

ساری دنیا ایک جانب اور تو ہے اک طرف
دیکھتے رہتے ہیں تجھ کو پیار سے ساروں کے بیچ

[intelligent086]

یوں مرا انتظار کرنا کبھی
ٹوٹ کر مجھ سے پیار کرنا کبھی

[intelligent086]

میرا باطن تو تم پہ ظاہر ہے
خود کو بھی آشکار کرنا کبھی

[intelligent086]

تم نے جو کہہ دیا صحیفہ ہے
میرا بھی اعتبار کرنا بھی

[intelligent086]

تم جہاں بھی ہو صرف میرے ہو
اعتراف ایک بار کرنا کبھی

[intelligent086]

سانس لیتے ہو تم بدن سے مرے
مجھ اپنا شمار کرنا کبھی

[intelligent086]

موڑ اک پُر خطر بھی آتا ہے
اور رستے میں گھر بھی آتا ہے

[intelligent086]

عشق کی داستاں عجیب سی ہے
سنگ آتا ہے سر بھی آتا ہے

[intelligent086]

جانتے ہیں سو گھر سے نکلے ہیں
رہ میں رنجِ سفر بھی آتا ہے

[intelligent086]

اک ہیولہ ہے ساتھ رہتا ہے
چاہنے پر نظر بھی آتا ہے

[intelligent086]

لاکھ تنہائی کی منازل ہوں
راہ میں ہمسفر بھی آتا ہے

[intelligent086]

اتنا دشوار تو نہیں رستہ
گاہے گاہے شجر بھی آتا ہے

[intelligent086]

رات اچھی بھی لگتی ہے لیکن
نیند آنے پہ ڈر بھی آتا ہے

[intelligent086]

مرے جنوں کو ہے تجھ سے ثبات پھر ملنا
مری نظر کی حسین کائنات پھر ملنا

[intelligent086]

تجھے یہ دن کے اجالے بھی سوچتے ہوں گے
یہ شوقِ دید میں جاگے گی رات ، پھر ملنا

[intelligent086]

بس ایک تُو ہی ہے لمحہ قرار کا ورنہ
سراپا درد ہے ساری حیات ، پھر ملنا

[intelligent086]

ہزار رنگ ابھی تیرے مجھ سے لپٹے ہیں
جلو میں لے کے دھنک کی برات پھر ملنا

[intelligent086]

چٹخ رہے ہیں مرے ہونٹ ریگزاروں میں
بجھی ہے پیاس کہاں اے فرات پھر ملنا

[intelligent086]

سنی ہوئی ہے تری آنکھ کی زباں میں نے
تجھے سنانی ہے اس دل کی بات پھر ملنا

[intelligent086]

مشکل بہت تھا ساتھ نبھانا مرے لئے
لازم تھا تجھ کو بھول ہی جانا مرے لئے

[intelligent086]

رکتا کہاں ہے وقت کسی کے بھی واسطے
ویسے بھی تھا گراں وہ زمانہ مرے لئے

[intelligent086]

اٹھتے تھے میرے پاؤں ،سفر بھی تھا دو قدم
پھر بھی کٹھن تھا لوٹ کے آنا مرے لئے

[intelligent086]

دشوار تھا تجھے بھی مرے گھر کا رستہ
شاید یہی بہت تھا بہانہ مرے لئے

[intelligent086]

آواز میرے حلق میں میری اٹک گئی
اچھا نہیں تھا تجھ کو بلانا مرے لئے

[intelligent086]

مختصر سی یہ بات ہے ہمدم
تجھ سے میری حیات ہے ہمدم

[intelligent086]

تجھ کو اپنا خیال رکھنا ہے
تُو مری کائنات ہے ہمدم

[intelligent086]

شام ہونے کو ہے چلا بھی آ
زندگی بے ثبات ہے ہمدم

[intelligent086]

اپنی آنکھیں جلا کے میز پہ رکھ
کتنی تاریک رات ہے ہمدم

[intelligent086]

یہ الگ دید کو ترستی ہوں
چار سو تیری ذات ہے ہمدم

[intelligent086]

وہ ہے کسی کا مگر اس کی صحبتیں مجھ سے
خراج لیتی ہیں کیسا محبتیں مجھ سے

[intelligent086]

جو دے رہا ہے کہیں اور روشنی اپنی
ستم کہ اس کے بدن میں ہیں حدتیں مجھ سے

[intelligent086]

عجیب شخص ہے کم گو ہے،کم نظر بھی ہے
کہ جس کے حرفِ وفا میں ہیں شدتیں مجھ سے

[intelligent086]

کبھی کبھی کے کہے اپنے چند جملوں میں
خرید لے گیا عمروں کی مدتیں مجھ سے

[intelligent086]

اس انتظارِ مسلسل کی حد کہاں ہو گی
سوال کرتی ہی رہتی ہیں فرقتیں مجھ سے

[intelligent086]

ذہن پر اس طرح سے چھائے ہو
گاہ پیکر ہو گاہ سائے ہو

[intelligent086]

بھول جانے کی آرزو کی ہے
اور شدت سے یاد آئے ہو

[intelligent086]

یوں بھی ہونے لگا جنوں میں کبھی
میرے ہونٹوں سے مسکرائے ہو

[intelligent086]

کس طرح میں تمہیں چھپا رکھوں
تم مری روح میں سمائے ہو

[intelligent086]

کیسے مانوں کہ تم نہیں میرے
کیسے کہہ دوں کہ تم پرائے ہو

[intelligent086]

میں سمندر کے پار کیا آؤں
تم تو اک ساحلی سرائے ہو

[intelligent086]

اس نے وفا کی اور ہی رسمیں بنائی ہیں
مجھ سے بڑھا کے غیر سے نظریں ملائی ہیں

[intelligent086]

سب دیکھتے ہیں اس کے ہی ایوان کی طرف
جس نے مری مکان کی اینٹیں چرائی ہیں

[intelligent086]

میں جانتی ہوں اس کی عبادت کے مرحلے
میرے ہی ساتھ اس نے تو عیدیں منائی ہیں

[intelligent086]

وہ صبح میرے گھر میں تھا جو شام کھو گیا
بستر کی اب تلک نہیں شکنیں ہٹائی ہیں

[intelligent086]

اشکوں کے بعد اپنا لہو دے کے کاٹ لیں
سمجھی تھی میں کہ درد کی فصلیں پرائی ہیں

[intelligent086]

وہ زخم پھر سے ہرا ہے نشاں نہ تھا جس کا
ہوئی ہے رات وہ بارش ، گماں نہ تھا جس کا

[intelligent086]

ہوائیں خود اسے ساحل پہ لا کے چھوڑ گئیں
وہ ایک ناؤ کوئی بادباں نہ تھا جس کا

[intelligent086]

اسی کے دم سے تھی رونق تمام بستی میں
کہ خندہ لب تھا مگر غم عیاں نہ تھا جس کا

[intelligent086]

جلی تو یوں کہ ہوئے راکھ راکھ جسم و جاں
عجیب آگ تھی کوئی دھواں نہ تھا جس کا

[intelligent086]

گلی گلی میں خموشی پہن کے پھرتا تھا
کوئی تو تھا کہ کہیں ہم زباں نہ تھا جس کا

[intelligent086]

بات جو ہوتی ہے بے بات ہوا کرتی ہے
اب خرابوں میں ملاقات ہوا کرتی ہے

[intelligent086]

صبح سے شام تو ہو جاتی ہے جیسے کیسے
درد بڑھ جاتا ہے جب رات ہوا کرتی ہے

[intelligent086]

ہے عجب عالمِ محرومیِ افسردہ دلاں
سادہ ہوتے ہیں جنہیں مات ہوا کرتی ہے

[intelligent086]

روز سجتے ہیں نئے زخم مژہ پر میری
روز دہلیز پہ بارات ہوا کرتی ہے

[intelligent086]

ہجر چبھنے لگے آنکھوں میں آ جانا کبھی
وصل کا لمحہ بھی سوغات ہوا کرتی ہے

[intelligent086]

تمہارے وصل کا بس انتظار باقی ہے
میں رنگ رنگ ہوں لیکن سنگھار باقی ہے

[intelligent086]

ابھی تو چوٹ ہے آئی گلاب سے مجھ کو
ابھی تو راہ میں اک خار زار باقی ہے

[intelligent086]

ہوائیں تھم گئیں ، گروو غبار بیٹھ گیا
اک اپنی ذات کا بس انتشار باقی ہے

[intelligent086]

تمام عمر دیا میں نے جس کو اپنا لہو
اُسی چراغ پہ اب تک نکھار باقی ہے

[intelligent086]

اداس رکھتی ہے دن بھر یہ بازگشت مجھے
صدا کی گونج میں پیہم پکار باقی ہے

[intelligent086]

جو رات ہجر کی گزری تمہارے پہلو میں
اس ایک شب کا ابھی تک خمار باقی ہے

[intelligent086]

جو گھاؤ بھر گیا اس کا نشان ہے اب تک
اس ایک زخم پہ اب بھی بہار باقی ہے

[intelligent086]

وہ یاد بھولی ہوئی داستاں سہی لیکن
وہی مزاجِ سدا سوگوار باقی ہے

[intelligent086]

رات کو کیسے سحر کر پائیں گے تیرے بغیر
چھوڑ کر مت جا ہمیں مر جائیں گے تیرے بغیر

[intelligent086]

کون لپٹے گا گلے سے پیار سے دیکھے گا کون
یاد کی باہوں سے دل بہلائیں گے تیرے بغیر

[intelligent086]

زندگی کے شہر میں خاموشیاں چھا جائیں گی
اور سناٹوں میں ہم گھبرائیں گے تیرے بغیر

[intelligent086]

رات بھر باتیں کریں گے ہم تری تصویر سے
اور تیرا غم کسے بتلائیں گے تیرے بغیر

[intelligent086]

فاصلوں سے ضبط کا ہم کو تو اب یارا نہیں
خود کو کیسے کس طرح سمجھائیں گے تیرے بغیر

[intelligent086]

جب زندگی کے راستے دشوار ہو گئے
ہم حادثوں سے بر سر پیکار ہو گئے

[intelligent086]

اشکوں کے تار توڑ گیا وقت کا طلسم
ہم ہچکیوں سے روز کی بیزار ہو گئے

[intelligent086]

دیکھا اسے قریب سے ہم نے تو یوں ہوا
ہم خامشی سے مائلِ اغیار ہو گئے

[intelligent086]

جب انتظار تھا تو سویرا نہیں ہوا
سوتے رہے تو صبح کے آثار ہو گئے

[intelligent086]

بیکار حسرتوں کو ذرا چھانٹ کیا لیا
ہم اپنی منزلوں کے بھی مختار ہو گئے

[intelligent086]

آزاد تھے تو اپنی زمینیں بلند تھیں
ہاتھوں میں لے کے چاند گرفتار ہو گئے

[intelligent086]

ڈوبے ہیں ساحلوں کی سرکتی سی ریت میں
لے پانیوں کے ہم بھی طلب گار ہو گئے

[intelligent086]

ہم ہی سے تو زباں کی حلاوت کا ذکر تھا
ہم ہی مثالِ تلخی ِ گفتار ہو گئے

[intelligent086]

چاند ، دریا ستارے چھوٹے ہیں
عشق کے استعارے جھوٹے ہیں

[intelligent086]

اس کے لہجے سے صاف ظاہر ہے
اس کے الفاظ سارے جھوٹے ہیں

[intelligent086]

ایک تنہائی ہی حقیقت ہے
اور باقی سہارے جھوٹے ہیں

[intelligent086]

کوئی موجود ہی نہیں مجھ میں
دل کے سندر نظارے جھوٹے ہیں

[intelligent086]

اک سمندر ہے اور کشتی ہے
زندگی کے کنارے جھوٹے ہیں

[intelligent086]

جہاں وہ چلتے چلتے کھو گیا ہے
وہ رستہ مجھ کو ازبر ہو گیا ہے

[intelligent086]

پھر اس کی منتظر ہوں شدتوں سے
کہ مجھ میں مجھ سے مل کر جو گیا ہے

[intelligent086]

کوئی بے چین سا بچہ تھا مجھ میں
اور اب لگتا ہے تھک کر سو گیا ہے

[intelligent086]

ابھی تک نم ہے یہ تکیے کا کونا
یہ کیسا درد کوئی رو گیا ہے

[intelligent086]

خدا جانے کبھی لوٹے نہ لوٹے
مگر ایسا ہی کچھ کہہ تو گیا ہے

[intelligent086]

اگے گی اب سحر تیرہ رتوں میں
کوئی غم کے ستارے بو گیا ہے

[intelligent086]

میں تو روز اکیلی رویا کرتی ہوں
روتے روتے اکثر سویا کرتی ہوں

[intelligent086]

خوفزدہ ہوں منزل کے اندیشوں سے
راہوں میں دانستہ کھویا کرتی ہوں

[intelligent086]

پانی کم ہو تو آنکھوں کی جھیلوں میں
چن چن کر یہ اشک سمویا کرتی ہوں

[intelligent086]

لمحہ لمحہ ہے میرا مصروف بہت
جگمگ جگمگ زخم پرویا کرتی ہوں

[intelligent086]

صبح نہ جانے تکیہ کیوں ہوتا ہے سرخ رات تو میں پانی سے بھگویا کرتی ہوں

[intelligent086]

سوچ سمندر کے اکثر خواب سفر میں تھک کر اپنا آپ ڈبویا کرتی ہوں

[intelligent086]

جب سے تو نے شجر کیا ہے مجھے
رنگ و نکہت نے گھر کیا ہے مجھے

[intelligent086]

میں تو بے مول ایک آنسو تھا
تیرے غم نے گہر کیا ہے مجھے

[intelligent086]

قافلوں کو تلاش ہے میری
تو نے یوں رہگذر کیا ہے مجھے

[intelligent086]

ایک پل ہوں محیط صدیوں پر
روز و شب نے بسر کیا ہے مجھے

[intelligent086]

دن مجھے شام کر گیا خورشید
اور شب نے سحر کیا ہے مجھے

[intelligent086]

صحرا کی ویرانی بھرنے آئی تھی اور کوئی دیوانی بھرنے آئی تھی

[intelligent086]

اک دن میری تنہائی کے زخموں کو
سرد ہوا مستانی بھرنے آئی تھی

[intelligent086]

میرے دل کے ٹھنڈے میٹھے چشمے پر
اک دوشیزہ پانی بھرنے آئی تھی

[intelligent086]

میری غزل کے بے معنی سے حرفوں میں
تیری یاد معانی بھرنے آئی تھی

[intelligent086]

تیرے بدن کی خوشبو میری سانسوں میں
کوئی شام سہانی بھرنے آئی تھی

[intelligent086]

میرے خوابوں کے دامن میں اے خورشید
خوشبو، رات کی رانی بھرنے آئی تھی

[intelligent086]

چراغِ زخمِ تمنا کی لو بڑھائے ہوئے فصیلِ غم میں ہے اک آس در بنائے ہوئے

[intelligent086]

اک آرزو کے سفر سے پلٹ رہا ہوں میں
دلِ و نگاہ کی محرومیاں اٹھائے ہوئے

[intelligent086]

کوئی نہیں جو مٹائے مری سیہ بختی
فلک پہ کتنے ستارے ہیں جگمگائے ہوئے

[intelligent086]

کوئی فرات کا دریا ہیں میری آنکھیں بھی
ہوائے درد ہے پہرے جہاں بٹھائے ہوئے

[intelligent086]

بہت دنوں سے ہے خورشید یہ خرابۂ دل
مرے نصیب کی ویرانیاں بسائے ہوئے

[intelligent086]

کوئی ٹوٹا ہوا پتا، کوئی بکھرا ہوا خواب
درد کی جوت جگاتا ہی چلا جاتا ہے

[intelligent086]

اک بگولہ پئے تسکینِ تمنا کب سے
دشت میں خاک اڑاتا ہی چلا جاتا ہے

[intelligent086]

طاقِ اخلاص میں جلتا ہوا اک ایک چراغ
تیرگی دل کی مٹاتا ہی چلا جاتا ہے

[intelligent086]

ایک نقطہ سرِ قرطاسِ محبت دل میں
دائرے غم کے بناتا ہی چلا جاتا ہے

[intelligent086]

کوئی خورشید مرے دشتِ گماں میں آ کر
فکر کے پھول کھلاتا ہی چلا جاتا ہے

[intelligent086]

ترے خیال کا صحرا عبور کرنے میں
ہے نفع درد کا لیکن خسارہ خواب کا ہے

[intelligent086]

جلے بجھے ہوئے خیمے کی راکھ میں جس کو
ستارے ڈھونڈتے ہیں وہ شرارہ خواب کا ہے

[intelligent086]

خدا کرے کہ کھلے ایک دن زمانے پر
مری کہانی میں جو استعارہ خواب کا ہے

[intelligent086]

برس رہا ہے زمین سخن پہ جو خورشید
کسی ملال کا یا ابر پارہ خواب کا ہے

[intelligent086]

کسی خیال ، کسی خواب کے جزیرے پر
تمام عمر گزارا گیا تھا کیوں مجھ کو

[intelligent086]

پلٹ رہا تھا درِ خواب سے جو خالی ہاتھ
تو بار بار پکارا گیا تھا کیوں مجھ کو

[intelligent086]

٫کفِ گماں سے جو گرِنا تھا عمر بھر کیلئے
تو ایک پل کو سہارا گیا تھا کیوں مجھ کو

[intelligent086]

اگر نہیں تھا یہاں کوئی منتظر میرا
تو پھر فلک سے اتارا گیا تھا کیوں مجھ کو

[intelligent086]

کسی نے میری طرف دیکھنا نہ تھا خورشید
تو بے سبب ہی سنوارا گیا تھا کیوں مجھ کو

[intelligent086]

گھنے شجر کی شاخ سے بچھڑ کر
میں خانماں خراب ہو گیا ہوں

[intelligent086]

بکھرنے لگ گئے ہیں میرے کاغذ
قدیم تر کتاب ہو گیا ہوں

[intelligent086]

میں بن نہیں رہا کسی طرح بھی
کہ نقشِ سطح آب ہو گیا ہوں

[intelligent086]

سو بن گئی ہے رات میری دشمن
کہ میں اک آفتاب ہو گیا ہوں

[intelligent086]

گنبدِ شعر میں جو گونجتی ہے
میں اسی درد کی اذان میں ہوں

[intelligent086]

میں نے تنہائیوں کو پالنا ہے
اس لیے خواب ہی کے دھیان میں ہوں

[intelligent086]

تتلیاں رنگ چنتی رہتی ہیں
اور میں خوشبوؤں کی کان میں ہوں

[intelligent086]

وحشتیں ، عشق اور مجبوری
کیا کسی خاص امتحان میں ہوں

[intelligent086]

خواہشیں سایہ سایہ بکھری ہیں
اور میں دھوپ کے مکان میں ہوں

[intelligent086]

میں ہوں پیکانِ درد اے خورشید
اور اک یاد کی کمان میں ہوں

[intelligent086]

میں تیری یاد کو آواز دے کر
دکھوں کے منظروں میں کھو گیا تھا

[intelligent086]

مجھے تصویر کے سو رخ دکھا کر
وہ شیشہ کرچیوں میں کھو گیا تھا

[intelligent086]

تمہارے خواب کی سرحد سے آگے
مرا دل رتجگوں میں کھو گیا تھا

[intelligent086]

ستارا بام پر خورشید چمکا
مگر پھر گھاٹیوں میں کھو گیا تھا

[intelligent086]

اپنا عُریاں جسم چھپانے کی کوشش میں
تیز ہوا نے پتا پتا پہن لیا تھا

[intelligent086]

ماتمی کپڑے پہن لیے تھے میری زمیں نے
اور فلک نے چاند ستارہ پہن لیا تھا

[intelligent086]

بم کے دھماکے سے زخمی تھی پھولوں والی
اور بازار نے ایک تماشا پہن لیا تھا

[intelligent086]

سارا شہر شریک ہوا تھا اس کے دکھ میں
جس دن اس نے غم کا لمحہ پہن لیا تھا

[intelligent086]

مایوسی کے عالم میں بھی اے خورشید
ہم نے اک امید کا رستہ پہن لیا تھا

[intelligent086]

بتا کے حالِ دلِ زار اک زمانے کو
عجیب لوگ ہیں رسوائیوں سے ڈرتے ہیں

[intelligent086]

ہم اپنے دل میں چھپائے ہوئے تری خوشبو
ترے خیال کی پُروائیوں سے ڈرتے ہیں

[intelligent086]

کسی کے نام پہ خورشید کاٹ لیں گے حیات
بس ایک عمر کی تنہائیوں سے ڈرتے ہیں

[intelligent086]

حرف حرف میں موجود
بات کا اثر ہوں میں

[intelligent086]

منزلوں چلوں گا ساتھ
ایک رہگذر ہوں میں

[intelligent086]

دھوپ کی عنایت ہے
سایۂ شجر ہوں میں

[intelligent086]

پیڑ ہوں خیالوں کا
اور بے ثمر ہوں میں

[intelligent086]

ختم ہو نہیں سکتا
خواب کا سفر ہوں میں

[intelligent086]

کئی زمانوں سے تیری جانب رواں ہوں لیکن
قدم قدم رنجِ رائیگانی کا کیا کروں میں

[intelligent086]

نہیں ہے کوئی بھی میرے ہمراہ جانے والا
تو موج در موج اس روانی کا کیا کروں میں

[intelligent086]

گر اِن اندھیروں کے زخم تو نے بھرے نہیں تو
افق افق تیری حکمرانی کا کیا کروں میں

[intelligent086]

چراغِ امید جل اٹھا ہے مگر مرے دل
سیاہ تر داغِ بدگمانی کا کیا کروں میں

[intelligent086]

گونجتا ہوں دلوں کے گنبد میں
ایک آوازۂ محبت ہوں

[intelligent086]

نارسائی مرا مقدر ہے
زیرِ لب اک بیانِ حسرت ہوں

[intelligent086]

دلِ آسودہ ہے وطن میرا
میں تمنائے دشتِ غربت ہوں

[intelligent086]

میں ہوں اک پیکرِ خیال و خواب
اور کتنی بڑی حقیقت ہوں

[intelligent086]

گرچہ میں حرفِ خاک ہوں خورشید
پھر بھی زیبِ کتابِ فطرت ہوں

[intelligent086]

اُجالنا ہیں مجھے تیرگی میں رستے بھی
شجر شجر بھی مجھے سایۂ دار کرنا ہے

[intelligent086]

میں آفتاب ہوں لیکن مثال ماہ مجھے
شب سیہ کا سفر اختیار کرنا ہے

[intelligent086]

بکھر نہ جائے کہیں ریگزار فرقت میں
سو یہ خیال دلِ بے قرار کرنا ہے

[intelligent086]

میں اپنے آپ سے بچھڑا ہوا ہوں اے خورشید
مجھے خود اپنا ہی اب انتظار کرنا ہے

[intelligent086]

بریدہ شاخ نے پھر زخم زخم آنکھوں میں
سجا لیے ہیں کسی موجۂ بہار کے خواب

[intelligent086]

کبھی کبھی میری آنکھوں میں جاگ اٹھتے ہیں
کسی خیال کی خوشبو سے وصلِ یار کے خواب

[intelligent086]

ہوا کے دل میں نجانے ہے کیا کہ مدت سے
بکھیرتی چلی جاتی ہے ریگزار کے خواب

[intelligent086]

٫کہانی اپنی مکمل نہ ہو سکی خورشید
کہ لٹ گئے کہیں رستے میں دُور پار کے خواب

[intelligent086]

جنگل کی ویرانی میں
خاموشی سے گونجا میں

[intelligent086]

تنہائی میں روشن ہوں
ایک دیا یادوں کا میں

[intelligent086]

سندھ کنارے ہوں خورشید
’’پیاس بھرا مشکیزہ‘‘ میں

[intelligent086]

ترا میرا یہی دکھ مشترک ہے
ہمیں انسان کا غم کھا گیا ہے

[intelligent086]

آنکھوں میں مری سما کے دیکھو
یہ مشعلیں بھی جلا کے دیکھو

[intelligent086]

افق پہ ذہن کے موزوں ہیں یُوں خیال ترے
میانِ قامت و رُخ جُوں سجے ہیں گال ترے

[intelligent086]

یہ دشتِ دید ترستا ہے کیوں نظر کو تری
بہ قیدِ چشم ہیں کیوں کر ابھی غزال ترے

[intelligent086]

گمان، برگ و ثمر پر ترا ہی صبح و مسا
خطوطِ حُسن ہویدا ہیں، ڈال ڈال ترے

[intelligent086]

ہرا بھرا ترے دم سے ہے گُلستانِ خیال
بہ کشتِ یاد فسانے ہیں چھال چھال ترے

[intelligent086]

اُسی سے رقص میں ہے شاخِ آرزوئے وصال
ہیں جس ہوا سے شگفتہ یہ ماہ و سال ترے

[intelligent086]

نکلنے دیں گے کہاں حلقۂ ضیا سے مُجھے
سحر نما یہ کرشمے ترے، خیال ترے

[intelligent086]

کبھی یہ شعر بھی ماجدؔ کے دیکھنا تو سہی
نقوش اِن میں بھی اُترے ہیں خال خال ترے