Huge Collection Of Ashars

[intelligent086]

اک بار تو ایسی بھی جسارت کبھی کر جا
آ ۔۔۔ اور مری تشنگیِ جاں میں اُتر جا

[intelligent086]

ویرانیِ دل پر کبھی اتنا تو کرم کر
اِس راہگزر سے نمِ موسم سا گُزر جا

[intelligent086]

طُرفہ ہیں بُہت میرے دل و جاں کی پھواریں
اس بزم میں آ اور مثالِ گُلِ تر جا

[intelligent086]

ایک وُہ شخص ہی احوال نہ جانے میرے
ورنہ ازبر ہیں ہوا کو بھی فسانے میرے

[intelligent086]

مَیں نہ خوشبُو نہ کرن، رنگِ سحر ہوں نہ صبا
کون آتا ہے بھلا ناز اُٹھانے میرے

[intelligent086]

ہاں وُہی دن کہ مرے حکم میں تھا تیرا بدن
جانے کب لوٹ کے آئیں وُہ زمانے میرے

[intelligent086]

چشم و رُخسار، وہ چہرہ، وہ نظر تاب اُبھار
ہیں وُہی شوق کی تسبیح کے دانے میرے

[intelligent086]

ضرب کس ہاتھ کی جانے یہ پڑی ہے اِن پر
چُور ہیں لُطف کے سب آئنہ خانے میرے

[intelligent086]

اُس نے تو آگ دکھا کر مجھے پُوچھا بھی نہ پھر
آیا ہوتا وہ الاؤ ہی بجھانے میرے

[intelligent086]

باہم طراوتِ شبِ راحت لٹائیں ہم
موسم سے یہ خراج کسی دم تو پائیں ہم

[intelligent086]

معراج ہے بدن کی یہ ساعت ملاپ کی
ہے پیاس جس قدر بھی نہ کیونکر مٹائیں ہم

[intelligent086]

جذبوں کی مشعلیں ہوں فروزاں سرِ زباں
محفل دل و نگاہ کی یوں بھی سجائیں ہم

[intelligent086]

دیکھے بہ رشک چاند ہمیں جھانک جھانک کر
یوں بھی بہ لطفِ خاص کبھی جگمگائیں ہم

[intelligent086]

بپھری رُتوں کے رنگ سبھی دِل میں سینت لیں
تقریب اِس طرح کی بھی کوئی منائیں ہم

[intelligent086]

کیونکر پئے حُصولِ ثمر مثلِ کودکاں
شاخِ سُرور کو نہ بعجلت ہلائیں ہم

[intelligent086]

بفیضِ قرب پھریں مستیِ نظر کی رُتیں
کبھی ملو کہ خیابانِ تن میں پھُول کھِلیں

[intelligent086]

یہی حجاب تو ہیں وجہِ خامشی، ورنہ
سُنیں تمہاری بھی، کچھ اپنے دل کی بات کہیں

[intelligent086]

یہ حرفِ گرم، تہِ حلق رُک گیا کیسا
سُلگ اُٹھی ہیں یہ کیونکر لب و زباں کی تہیں

[intelligent086]

کسی اُفق کو تو ہم تُم بھی دیں جنم آخر
یہ آسمان و زمیں بھی کسی جگہ تو ملیں

[intelligent086]

کبھی تو دیجئے آ کر اِنہیں بھی اِذنِ کشود
پڑی ہیں خوں میں جو گرہیں کسی طرح تو کھُلیں

[intelligent086]

یہ شُعلہ ہائے بدن اپنے سامنے پا کر
چراغ کیوں نہ لہو کے بچشمِ شوق جلیں

[intelligent086]

بات سمجھو نہ اور ترساؤ
پھول ہو تم کلی نہ بن جاؤ

[intelligent086]

چاند سے اِس رُخِ منّور کو
حرفِ انکار سے نہ گہناؤ

[intelligent086]

ہم سمجھتے ہیں چشم و دل کی زباں
اتنا ناداں ہمیں نہ ٹھہراؤ

[intelligent086]

مثلِ خوشبُو در آؤ ہر در سے
مثلِ گُل اِس نظر میں لہراؤ

[intelligent086]

مسکنِ درد ہے یہ تن اِس کو
لمس و لطفِ نظر سے سہلاؤ

[intelligent086]

یخ ہیں پہلو مرے کبھی اِن کو
حدتِ جسم و جاں سے گرماؤ

[intelligent086]

ہو مزّین تمہی سے اپنا بدن
اِس کے صفحوں پہ یُوں اُتر آؤ

[intelligent086]

بچھڑ چلے ہو تو کیا پھر کبھی نہ آؤ گے
رُتوں کے رنگ سبھی ساتھ لیتے جاؤ گے

[intelligent086]

بھٹکنے دو گے نہ کب تک اِسے قریب اپنے
مرے خیال کے پر کب تلک جلاؤ گے

[intelligent086]

فلک پہ قوسِ قزح جس طرح پسِ باراں
افق پہ کیا مرے، تم یوں نہ جھلملاؤ گے

[intelligent086]

نہ رہ سکیں گے چھپے یہ خطوط لُطف، جنہیں
بہ احتیاط تہ پیرہن چھپاؤ گے

[intelligent086]

وُہ جس سے جسم میں چنچل رُتوں کے در وا ہوں
وُہ اِذنِ خاص زباں پر کبھی تو لاؤ گے

[intelligent086]

پسِ خیال لئے شوخیِ گریز اپنی
ہوئی ہے شام تو اب رات بھر ستاؤ گے

[intelligent086]

گمان و وہم کی دلدل سے جانے کب ماجدؔ
ہماری جانِ گرفتہ کو تم چھڑاؤ گے

[intelligent086]

پھُول انوار بہ لب، ابر گہر بار ہوئے
پر نمایاں تری آمد کے نہ آثار ہوئے

[intelligent086]

کچھ سزا اِس کی بھی گر ہے تو بچیں گے کیسے
ہم کہ جو تُجھ سے تغافل کے گنہگار ہوئے

[intelligent086]

ہونٹ بے رنگ ہیں، آنکھیں ہیں کھنڈر ہوں جیسے
مُدّتیں بِیت گئیں جسم کو بیدار ہوئے

[intelligent086]

وُہ جنہیں قرب سے تیرے بھی نہ کچھ ہاتھ لگا
وُہی جذبات ہیں پھر در پئے آزار ہوئے

[intelligent086]

جب بھی لب پر کسی خواہش کا ستارا اُبھرا
جانے کیا کیا ہیں اُفق مطلعِ انوار ہُوئے

[intelligent086]

اب تو وا ہو کسی پہلو ترے دیدار کا در
یہ حجابات تو اب سخت گراں بار ہوئے

[intelligent086]

چھیڑ کر بیٹھ رہے قصّۂ جاناں ماجدؔ
جب بھی ہم زیست کے ہاتھوں کبھی بیزار ہوئے

[intelligent086]

تن میں ترے مشعلیں جلاؤں
یہ رنگ بھی آ، تجھے دکھاؤں

[intelligent086]

چاہت کا وہ سِحر تُجھ پہ پھونکوں
رگ رگ میں قیامتیں مچاؤں

[intelligent086]

تکمیل کروں کبھی تو اپنی
تجھ کو سرِ جسم و جاں سجاؤں

[intelligent086]

مخفی پسِ لب کلی کلی کے
جو راز ہے، وُہ تجھے بتاؤں

[intelligent086]

مَیں خود ہی جواب جن کا ٹھہروں
ایسے بھی سوال کُچھ اُٹھاؤں

[intelligent086]

غنچوں کی چٹک ہو جس پہ شیدا
وُہ زمزمہ اَب کے گنگناؤں

[intelligent086]

ہر لُطف ہے اِس میں ہر مزہ ہے
ماجدؔ کی غزل ہے کیوں نہ گاؤں

[intelligent086]

تو نمایاں ہے یُوں نگاروں میں
آئنہ جیسے ریگ زاروں میں

[intelligent086]

حُسن سارا وُہ اِک تجھی میں ہے
ڈھونڈتا ہُوں جسے ہزاروں میں

[intelligent086]

جب سے مہکا ہے تن بدن تیرا
کھلبلی سی ہے اِک بہاروں میں

[intelligent086]

عالمِ خواب ہے کہ قُرب تِرا
گھر گیا ہوں عجب شراروں میں

[intelligent086]

پھُوٹتی ہے جو کنجِ لب سے ترے
آگ ایسی کہاں چناروں میں

[intelligent086]

روز تفسیرِ لطفِ جاں دیکھوں
تیرے مبہم سے اِن اشاروں میں

[intelligent086]

تن بدن لُطف سے نِکھرا دیکھوں
رُوح میں تُجھ کو سمایا دیکھوں

[intelligent086]

اشک در اشک ہوں عنواں تیرے
آئنوں میں تجھے اُترا دیکھوں

[intelligent086]

خوشبُو ہے اس میں رنگ ہیں، ندرت ہے تہ بہ تہ
ماجدؔ کا شعر تیرے بدن کی زمیں لگے

[intelligent086]

میرے لہو کا حسُن بھی جھلکے بہ حرف و صوت
ہاں اپنے ہاتھ تُجھ سا اگر نازنیں لگے

[intelligent086]

شعلے تمام اس میں تری دید ہی کے ہیں
میری نگاہ کیوں نہ بھلا آتشیں لگے

[intelligent086]

چھایا ہے وُہ خمار تری صبحِ یاد کا
جو موجۂ صبا ہے مے و انگبیں لگے

[intelligent086]

آتا ہو چھُو کے جیسے ترے ہی جمال کو
اب کے تو ہر خیال مجھے شبنمیں لگے

[intelligent086]

وُہ جن کے چوکھٹوں میں عکس تھے مرے حبیب کے
وُہ ساعتیں کہاں گئیں وہ روز و شب کدھر گئے

[intelligent086]

اُسی کی دید سے ہمیں تھے حوصلے اُڑان کے
گیا جو وہ تو جانئے کہ اپنے بال و پر گئے

[intelligent086]

دھُلے فلک پہ جس طرح شب سیہ کی چشمکیں
پسِ وصال ہم بھی کچھ اِسی طرح نکھر گئے

[intelligent086]

تھیں اُس کے مُڑ کے دیکھنے میں بھی عجب مسافتیں
حدوں سے شب کی ہم نکل کے جانبِ سحر گئے

[intelligent086]

خیال قُرب اُسی کا سر پہ ابر سا جھُکا رہا
میانِ دشتِ روزگار ہم جدھر جدھر گئے

[intelligent086]

وُہ جس کے نین نقش اپنے ذہن میں اُتر گئے
ہم اِک اُسی کی جستجو لئے نگر نگر گئے

[intelligent086]

نہ جس سے تھی کبھی درکار مخلصی ماجدؔ
گرفت مجھ پہ وہ کرنوں کے نرم جال کی تھی

[intelligent086]

کنارِ شوق تلک شغلِ کسبِ لُطف گیا
کوئی بھی فکر نہ جیسے ہمیں مآل کی تھی

[intelligent086]

بدستِ شوق فقط میں ہی تیغِ تیز نہ تھا
حیا کے ہاتھ میں صُورت تری بھی ڈھال کی تھی

[intelligent086]

وگرنہ تجھ سا طرحدار مانتا کب تھا
جو تھی تو اس میں کرامت مرے سوال کی تھی

[intelligent086]

طلوع میں بھی مرے شوخیاں تو تھیں لیکن
مزہ تھا اُس میں جو ساعت مرے زوال کی تھی

[intelligent086]

نظر میں تازگی عُریانیِ جمال کی تھی
لہو میں تلخیِ شیریں دمِ وصال کی تھی

[intelligent086]

ایسا نہ ہو کہ پھر کبھی فرصت نہ مل سکے
ماجدؔ چلو کہ فصلِ تمّنا اٹھائیں ہم

[intelligent086]

منصف ہے گر تو دل سے طلب کر یہ فیصلہ
تُجھ سے بچھڑ کے کون سے زنداں میں جائیں ہم

[intelligent086]

ہو تُجھ سا مدّعائے نظر سامنے تو پھر
ساحل پہ کشتیوں کو نہ کیونکر جلائیں ہم

[intelligent086]

اِخفا سہی پہ کچھ تو سپُردِ قلم بھی ہو
دیکھا ہے آنکھ سے جو سبھی کو دکھائیں ہم

[intelligent086]

رچتی ہے جیسے پھُول کی خوشبُو ہواؤں میں
اِک دُوسرے میں یُوں بھی کبھی تو دَر آئیں ہم

[intelligent086]

بیدار جس سے خُفتہ لہو ہو ترنگ میں
ایسا بھی کوئی گیت کبھی گنگنائیں ہم

[intelligent086]

نِکھری رُتوں کا حسن، فضا سے چرائیں ہم
آؤ کہ جسم و جاں کے شگوفے کھلائیں ہم

[intelligent086]

لکھا ہے یہ اُس کا نام ماجِد
یا پھول سرِورق کھلا ہے

[intelligent086]

ممکن نہیں اُس تلک رسائی
اُس شخص کی اور ہی ادا ہے

[intelligent086]

یہ دل کہ حزیں ہے مدّتوں سے
پُوچھا نہ کسی نے کیوں بُجھا ہے

[intelligent086]

شیریں ہے ہر ایک بات اُس کی
وہ جو بھی کہے اُسے روا ہے

[intelligent086]

میں آگ تھا پر سُخن نے اُس کے
گلزار مجھے بنا دیا ہے

[intelligent086]

بے نطق نہیں نگاہ اپنی
بے تاب لہو کی یہ صدا ہے

[intelligent086]

مجھ سے وُہ بچھڑ کے پھر چلا ہے
پھر فکر و نظر میں زلزلہ ہے

[intelligent086]

کبھی ماجدؔ کے حرفوں میں بھی اُترو
بڑی مُدّت سے تنہا ضو فشاں ہو

[intelligent086]

مرے افکار کی بنیادِ محکم
مرے جذبات کی ناطق زباں ہو

[intelligent086]

لپک کر لیں جسے پانی کی لہریں
کنارِ آب وہ سروِ رواں ہو

[intelligent086]

تمہارے حق میں کیا جانوں کہوں کیا
سُرورِ چشم ہو تم لطفِ جاں ہو

[intelligent086]

زباں سے کُچھ سوا لطفِ بدن ہے
سراپا تم حریر و پرنیاں ہو

[intelligent086]

مہک ہو یا میانِ لب فغاں ہو
کسی پہلو تو ذکرِ گل رُخاں ہو

[intelligent086]

پتہ دیتا ہے ماجدؔ کو ترا ہی
یہ مرغانِ نفس کا چہچہانا

[intelligent086]

جو کھنچنا تو رُتوں کو مات کرنا
قریب آنا تو رَگ رَگ میں سمانا

[intelligent086]

ٹھِٹھکنا قُرب سے فرمائشوں کی
سلیقے بُعد کے ہم کو سکھانا

[intelligent086]

تمہیں آتا ہے مرغِ آرزُو کے
پروں کو نوچ کر ہر سُو اڑانا

[intelligent086]

ترستی ہے جسے اپنی سماعت
وُہی اک حرف ہونٹوں پر نہ لانا

[intelligent086]

وُہی جس کی ہمیں پیہم لپک ہے
وُہی منظر نگاہوں سے چھپانا

[intelligent086]

مچلنا، مُسکرانا، رُوٹھ جانا
لہو میں اِک تلاطم نِت اُٹھانا

[intelligent086]

بُہت سینچ بیٹھے ہو ماجدؔ غزل کو نمِ دردِ جاں سے
اگر ہو سکے تو ذرا اِس میں من کے تقاضے بھی لاؤ

[intelligent086]

بُلاتی ہے خود ابر کو دیکھ لو اپنی جانب یہ کھیتی
تمہارا بدن کہہ رہا ہے ’’لہو میں مرے سر سراؤ‘‘

[intelligent086]

یہ تنہا روی ترک کر دو کہ اِس میں فقط ٹھوکریں ہیں
مکّرر جسے جسم چاہے کوئی ضرب ایسی بھی کھاؤ

[intelligent086]

وہی جو گرہ ہے تمہارے مرے عہدِ وابستگی کی
وہ انگشتری بھی کبھی وقت کی انگلیوں میں سجاؤ

[intelligent086]

تمہیں کتنی حسرت سے کہتی ہے میری یہ تشنہ سماعت
بھنچے ہیں جو لب تو نگاہوں سے ہی کوئی نغمہ سناؤ

[intelligent086]

ہواؤں میں اپنی مہک کب تلک یوں بکھرنے نہ دو گے
حجاب اِس طرح کے ہیں جتنے بھی وہ درمیاں سے اُٹھاؤ

[intelligent086]

لبوں کے اُفق پر دمکتا ہُوا کوئی سورج اُگاؤ
رگوں میں مچلتی تمازت کبھی تو زباں پر بھی لاؤ

[intelligent086]

میرے جذبات کہ رقصاں ہیں بہ چشم و لب و دل
دیکھ یہ مور بھی لیتے ہیں بلائیں تیری

[intelligent086]

تیرے پیکر کا گماں یُوں ہے فضا پر جیسے
پالکی تھام کے پھرتی ہوں ہوائیں تیری

[intelligent086]

لے کے پھرتی ہیں رُتیں شوخ ادائیں تیری
پھُول کھِل کھِل کے مجھے یاد دلائیں تیری

[intelligent086]

اشک دے گا پتہ ضرور اپنا
خاک میں یہ نمی سمانے دو

[intelligent086]

یہ اعادہ ہی بچپنے کا سہی
کُچھ گھروندے مگر بنانے دو

[intelligent086]

جن پہ سُورج کبھی نہیں اُبھرا
وُہ اُفق اب کے جگمگانے دو

[intelligent086]

سیج پر شاخِ آرزُو سے گری
پتّیاں تُم مجھے بچھانے دو

[intelligent086]

پھینک کر اب کے آخری پتّا
کھیل کو رُخ نیا دلانے دو

[intelligent086]

گُنگ جذبوں کو چہچہانے دو
لفظ مُنہ پر کوئی تو آنے دو

[intelligent086]

کرتا ہے کیوں سخن میں عبث نقش کاریاں
ماجدؔ صلہ بھی کوئی تُجھے کچھ ملے گا کیا

[intelligent086]

یہ لطفِ دید، یہ ترا پیکر الاؤ سا
منظر نگاہ پر کوئی ایسا کھُلے گا کیا

[intelligent086]

خواہش کا چاند آ ہی گیا جب سرِ اُفق
باقی کوئی حجاب بھلا اب رہے گا کیا

[intelligent086]

یہ ولولہ مرا کہ ضیا بار تُجھ پہ ہَے
سُورج ہے گر تو میرے اُفق سے ڈھلے گا کیا

[intelligent086]

خاموش کیوں ہے دے بھی مُجھے اِذنِ سوختن
شُعلہ نظر سے اور بھی کوئی اُٹھے گا کیا

[intelligent086]

گھِر کر بہ سحرِ قُرب بھلا اب کھنچے گا کیا
پگھلے بدن کے ساتھ مجھے تُو کہے گا کیا

[intelligent086]

پھُول کھِلتے سرِ فضا ماجدؔ
ہونٹ بہرِ سخن جو وار کرتے

[intelligent086]

بہر تسکینِ دیدہ و دل و جاں
رسمِ ناگفتنی ادا کرتے

[intelligent086]

جگنوؤں سا بہ سطحِ یاد کبھی
ٹمٹماتے، جلا بُجھا کرتے

[intelligent086]

ہم پئے لُطف چھیڑ کر تُجھ کو
جو نہ سُننا تھا وُہ سُنا کرتے

[intelligent086]

سج کے اک دُوسرے کے ہونٹوں پر
ہم بھی غنچہ صفت کھِلا کرتے

[intelligent086]

مانگتے گر کبھی خُدا سے تمہیں
لُطف آتا ہمیں دُعا کرتے

[intelligent086]

کھُل کے اظہارِ مدّعا کرتے
یوں بھی ہم تُم کبھی مِلا کرتے

[intelligent086]

اُمڈے ہے حرف حرف میں کس شہ پہ اِن دنوں
ماجدؔ یہ لطفِ خاص جو تیرے سخن میں ہے

[intelligent086]

حسرت سے دیکھتی ہیں سوالی رُتیں تجھے
کیا تازگی یہ تیری نظر کے ختن میں ہے

[intelligent086]

خنکی تو خیر جسم کی رشکِ چمن سہی
حدّت بھی اس طرح کہ کہاں دشت و بن میں ہے

[intelligent086]

ہر اوجِ آرزُو ہے نثار اِس نشیب پر
رفعت نہ جانے کیا ترے چاہِ زقن میں ہے

[intelligent086]

رنگینیاں تجھی میں چمن کے جمال کی
اور سادگی وہی کہ جو کوہ و دمن میں ہے

[intelligent086]

دیکھے سے جس کے سِحر زدہ ہو ہر اک نگاہ
سربستگی سی کیا یہ ترے پیرہن میں ہے

[intelligent086]

کس مہر کا ہے عکس کہ تیرے بدن میں ہے
جو حرفِ لطف ہے وہی کنجِ دہن میں ہے

[intelligent086]

مُدّت سے ترستے تھے دِل میں جو لذّتِ یکدم کو ماجدؔ
تسکین ملے پر وُہ جذبے آخر کیوں پُر اسرار ہوئے

[intelligent086]

کیا چیت کی رُت اور کیا ساون جب سے دیکھا ہے اساڑھ ترا
سُونا ہے نگاہوں کا آنگن سب موسم اِس پر بار ہوئے

[intelligent086]

با وصفِ کرم، جو الجھن تھی وُہ اور کسی ڈھب جا نہ سکی
آخر کچھ وحشی جذبے ہی ہم دونوں کے غمخوار ہوئے

[intelligent086]

سادہ سا وُہ حرفِ اذن ترا اور مہلت پھر یکجائی کی
فرصت تو فقط اِک شب کی تھی پر دور بڑے آزار ہوئے

[intelligent086]

کمیاب تھی ساعتِ قرب تری کیا کُچھ نہ ہُوا جب دَر آئی
ہم چاند بنے ہم مہر ہوئے ہم نُور بنے ہم نار ہوئے

[intelligent086]

کس اَن ہونی کے ہونے سے یُوں مطلعِ صدا انوار ہوئے
دیکھو تو بدن ہم دونوں کے کیسے باہم دوچار ہوئے

[intelligent086]

بارانِ کرم مرے لئے ہے
غیروں کے لئے عتاب سا وُہ

[intelligent086]

ہُوں جیسے، اُسی کے دم سے قائم
تھامے ہے مجھے طناب سا وُہ

[intelligent086]

چھایا ہے بہ لُطف ہر ادا سے
خواہش پہ مری نقاب سا وہ

[intelligent086]

حاصل ہے سرشکِ لالہ رُو کا
محجوب سا، دُرِّ آب سا وُہ

[intelligent086]

سب تلخ حقیقتوں پہ حاوی
رہتا ہے نظر میں خواب سا وُہ

[intelligent086]

خوشبُو سا خیال میں دَر آئے
آنکھوں میں بسے گلاب سا وُہ

[intelligent086]

اُبھرے بھی جو سطحِ آرزُو پر
روکے نہ رُکے حباب سا وُہ

[intelligent086]

یہ اذنِ طرب ترے لبوں پر
خوشبو کا کلی سے ہے نکلنا

[intelligent086]

مشکل ہے بغیرِ قرب تیرے
اِس رُوح و بدن کا اب سنبھلنا

[intelligent086]

انمول ہیں سب گِلے یہ تیرے
یہ لعل لبوں سے پھر اُگلنا

[intelligent086]

ہیں شاخِ نظر کے یہ تقاضے
یہ برگ نہ ہاتھ سے مسلنا

[intelligent086]

چھپنا پسِ ابر چاند جیسا
لہروں سا سرِ نظر اُچھلنا

[intelligent086]

سورج سا نگاہ میں مچلنا
آغوش سے چاند بن کے ڈھلنا

[intelligent086]

ماجد ہے کس کا فیضِ قرابت کہ اِن دنوں
پودے سبھی سخن کے ثمر دار ہو گئے

[intelligent086]

دو وقت، دو بدن تھے، کہ جانیں تھیں دو بہم
رستے تمام مطلعِ انوار ہو گئے

[intelligent086]

اپنے بدن کے لمس کی تبلیغ دیکھنا
ہم سحرِ آذری کے پرستار ہو گئے

[intelligent086]

زندہ رہے جو تُجھ سے بچھڑ کر بھی مُدّتوں
ہم لوگ کس قدر تھے جگر دار ہو گئے

[intelligent086]

ہر جنبشِ بدن کے تقاضے تھے مختلف
جذبے تمام مائلِ اظہار ہو گئے

[intelligent086]

سب سرحدوں سے شوق کی ہم پار ہو گئے
تُجھ سے ملے تو ابرِ گہر بار ہو گئے

[intelligent086]

نسبت ہے یہی اب اُس سے اپنی
ہم خاتمِ چشم، وہ نگیں ہے

[intelligent086]

کیا ذکر ہو اُس کے آستاں کا
جو لطف ہے جانئے وہیں ہے

[intelligent086]

ہالہ ہے کہ اُس کا ہے گریباں
مطلع ہے کہ اُس کی آستیں ہے

[intelligent086]

جو ناز کرے اُسے روا ہے
وُہ شوخ ہے، شنگ ہے، حسیں ہے

[intelligent086]

انوار ہی پھُوٹتے ہیں اُس سے
زرخیز بڑی وُہ سرزمیں ہے

[intelligent086]

زہر اب ہے، مے ہے، انگبیں ہے
چھب جو بھی ہے اُس کی آتشیں ہے

[intelligent086]

آ، کہ لکھا ہے جو لہو میں مرے
قصّۂ دردِ جاں سناؤں تُجھے

[intelligent086]

تُو ہے خوشبو تو میں ہوں موجِ صبا
آ، ترا مرتبہ دلاؤں تُجھے

[intelligent086]

لطف اِن رفعتوں کا لے تو کبھی
آ، دل و چشم میں بساؤں تُجھے

[intelligent086]

تو کہ عنواں ہے چاہتوں کا مری
آ، بہ شاخِ نظر سجاؤں تُجھے

[intelligent086]

شوخیِ لب سے طیش میں لاؤں
اِن نگاہوں سے گدگداؤں تُجھے

[intelligent086]

ہو میّسر کبھی جو قرب ترا
ہر رگِ جاں سے گنگناؤں تُجھے

[intelligent086]

راکھ ہی راکھ کیا دکھاؤں تُجھے
دل میں کچھ ہو تو اب سُجھاؤں تُجھے

[intelligent086]

ماجدؔ سرِ اغیار جو گزری وُہی لکھے
کیا رُوپ قلم نے ترے دھارے، مری توبہ

[intelligent086]

جو پیکرِ اُمید تھا دل میں وُہی شق تھا
تھیں شوخ نگاہیں کہ وُہ آرے، مری توبہ

[intelligent086]

اک شور سا رَگ رَگ میں، تمازت دل و جاں میں
آثار قیامت کے وُہ سارے، مری توبہ

[intelligent086]

سُرخی سی لب و چشم میں وہ طیش و حیا کی
بپھرے ہوئے دریا کے کنارے، مری توبہ

[intelligent086]

اظہارِ تمّنا ہی کیا تھا مگر اُس پر
انداز عتابی وہ تمہارے، مری توبہ

[intelligent086]

کس درجہ سبکسار کیا، جذبِ جنوں کو
محفل سے وُہ رخصت کیا اِشارے، مری توبہ

[intelligent086]

رنجش میں پسِ چشم اشارے، مری توبہ
پلکوں پہ وُہ جھلمل سے سارے، مری توبہ

[intelligent086]

ہُوا مباح ہمیں جو بھی کچھ کہ تھا ممنوع
ملیں بہ جنبشِ اَبرُو وُہ مُہلتیں کیا کیا

[intelligent086]

یہ تن کہ جیسے چٹخنے کو جامِ مے ہو کوئی
لب و نگاہ میں رقصاں تھیں خواہشیں کیا کیا

[intelligent086]

لہُو میں آگ، شرارے نظر میں تھے اپنی
مچل اُٹھی تھیں بدن میں تمازتیں کیا کیا

[intelligent086]

رُوئیں رُوئیں کو زباں بخش دی تھی اُس نے مگر
وضاحتوں میں تھیں پھر بھی قباحتیں کیا کیا

[intelligent086]

ہر اِک کے نفس تھا کوئی موجۂ صبا جیسے
لبوں کے بیچ در آئی تھیں کونپلیں کیا کیا

[intelligent086]

دمِ وصال پھلانگی گئیں حدیں کیا کیا
وُہ مہرباں تھا تو کیں ہم نے وحشتیں کیا کیا

[intelligent086]

اُس کے پیکر سے اپنی یہ وابستگی
گُنگ لمحوں کے منہ میں زباں دیکھنا

[intelligent086]

اُس کے رُخ پرنظر کا نہ ٹِکنا تو پھر
دفعتاً جانبِ آسماں دیکھنا

[intelligent086]

ہائے وُہ ہاتھ جن کی ہے تحریر وُہ
حرف در حرف مخفی جہاں دیکھنا

[intelligent086]

کنجِ لب جیسے کھڑکی کھُلے خُلد کی
قامت و قد کو طوبیٰ نشاں دیکھنا

[intelligent086]

کیوں نہ ہم اِس ادا پر ہی مرتے رہیں
چھیڑنا اور اُسے بدگماں دیکھنا

[intelligent086]

حُسن اُس کا بحّدِ نہاں دیکھنا
چاہتی ہے نظر ہر سماں دیکھنا

[intelligent086]

لُطف کے سارے مناظر ماجدؔ
جو بھی دیکھے تھے دکھائے کیا کیا

[intelligent086]

حرف در حرف شگوفے ہم نے
اُس کے پیکر کے، کھلائے کیا کیا

[intelligent086]

لفظ اُس شوخ کے عشووں جیسے
ہم نے شعروں میں سجائے کیا کیا

[intelligent086]

گُل بہ گُل اُس کے فسانے لکھ کر
درد موسم نے جگائے کیا کیا

[intelligent086]

ہم نے اُس کے نہ اشارے سمجھے
لعل ہاتھوں سے گنوائے کیا کیا

[intelligent086]

دم بدم اُس کی نظر کا شعلہ
مشعلیں خوں میں جلائے کیا کیا

[intelligent086]

خود کو ہم سے وُہ چھپائے کیا کیا
حشر اِس دل میں اُٹھائے کیا کیا

[intelligent086]

ہم مصوّر تجھے ٹھہرائیں کہ شاعر ماجدؔ
عکسِ جاناں ہی بہ ہر حرف نہ لایا کیجے

[intelligent086]

سامنا پھر نہ کسی لمحۂ گُستاخ سے ہو
دل میں سوئے ہوئے ارماں نہ جگایا کیجے

[intelligent086]

تشنگی جس سے کبھی دیدۂ باطن کی مِٹے
ایسا منظر بھی کبھی کوئی دکھایا کیجے

[intelligent086]

حاصلِ عمر ہے یہ حرف، میانِ لب و چشم
خواہش قرب نہ باتوں میں اُڑایا کیجے

[intelligent086]

یہ جنہیں مطلعِ انوار سمجھتے ہیں سبھی
ان لبوں سے کوئی مژدہ بھی سُنایا کیجے

[intelligent086]

سرد مہری سا بُرا وار نہ کیجے ہم پر
جانبِ غیر ہی یہ تِیر چلایا کیجے

[intelligent086]

حدّتِ خوں کے تقاضے نہ چھپایا کیجے
دِل میں جو بات ہے ہونٹوں پہ بھی لایا کیجے

[intelligent086]

اَب تو اپنا ہے ماجدؔ وُہ جس کے لئے
ہم بصد آرزو روز مرتے رہے

[intelligent086]

نشۂ قرب سے جیسے باہم دگر
جان و دل میں، رگوں میں اُترتے رہے

[intelligent086]

ہم کو یک جا کیا اُس زرِ خاص نے
ہم کہ سیماب آسا بکھرتے رہے

[intelligent086]

جیسے اُس کی مہک ہی سے سرشار تھے
پاس سے جو بھی جھونکے گزرتے رہے

[intelligent086]

تن بدن اُس کا اِک لوح تھا جس پہ ہم
حرفِ تازہ بنے نِت اُبھرتے رہے

[intelligent086]

اُس سے نسبت تھی جیسے شب و ماہ سی
نِت نئے طور سے ہم نکھرتے رہے

[intelligent086]

چاہتوں میں نئے رنگ بھرتے رہے
رات بھر ہم نکھرتے سنورتے رہے

[intelligent086]

کُچھ تو محو ہونے دے
ابروؤں کے خم اَب کے

[intelligent086]

مثلِ ماہ و شب ہم بھی
کیوں نہ ہوں بہم اَب کے

[intelligent086]

حبس وُہ لہو میں ہے
گھُٹ رہا ہے دم اَب کے

[intelligent086]

لُوٹنے کو جی چاہے
لطفِ کیف و کم اَب کے

[intelligent086]

چاہتے ہیں ہم اَب کے
ہو ترا کرم اَب کے

[intelligent086]

وُہی کھو گئی تھی جو تُجھ سے ماجدِ ؔ بے سکوں
وُہی دیکھ! ساعتِ اضطراب ہے سامنے

[intelligent086]

ہے تجھی سی پیاس اِسے بھی لختِ زمین جاں
یہی جو نظر میں تری سحاب ہے سامنے

[intelligent086]

یہی شے تو وجہِ قیام خیمۂ لُطف ہے
یہ جو دو حدوں میں تنی طناب ہے سامنے

[intelligent086]

وُہی جس کی آس مشامِ جاں کو رہی سدا
سرِ شاخِ شب وُہ کھِلا گلاب ہے سامنے

[intelligent086]

ہے رواں لہو میں ترے ہی لمس کا ذائقہ
شب و روز اک یہی عکسِ خواب ہے سامنے

[intelligent086]

جو نہیں ہے تُو، تو یہ ماہتاب ہے سامنے
نہ سہی پہ کُچھ تو ترا جواب ہے سامنے

[intelligent086]

اِک لب و چشم تو کیا اِن کے سوا بھی ماجدؔ
جذبۂ شوق کے کیا کیا نہ کھلے در دیکھوں

[intelligent086]

شعبدہ ہے، کہ تقاضا یہ تری دید کا ہے
ہر بُنِ مُو میں سمائے ہوئے اخگر دیکھوں

[intelligent086]

بِین سا سامنے جس کے ترا پیکر گونجے
خواب میں بھی ترے آنگن میں وہ اژدر دیکھوں

[intelligent086]

لب پہ رقصاں ہے مرے، ہے جو پسِ چشم اُدھر
اِس شرارت میں بپا کتنے ہی محشر دیکھوں

[intelligent086]

میری حیرت سے کھلے تُجھ پہ ترا حُسن مگر
آئنوں سا میں جبھی تُجھ کو برابر دیکھوں

[intelligent086]

اوج کے لمس سے پہنچوں بہ سرِ چشمۂ لُطف
پر جو اِیدھر سے اُتر پاؤں تو اُودھر دیکھوں

[intelligent086]

گلشنِ حُسن پہ ہو راج اِسی کا جیسے
ان دنوں مرغِ طلب کو وُہ لگے پر دیکھوں

[intelligent086]

جب بھی دیکھوں یہ فلک، اَبر ہٹا کر دیکھوں
مَیں بدن کا ترے کھُلتا ہوا منظر دیکھوں

[intelligent086]

جنم جنم کے تھے سُر تال جن میں خوابیدہ
کُچھ ایسے تار بھی اب کے ہلا دئیے تُو نے

[intelligent086]

کسی بھی پل پہ گماں اب فراق کا نہ رہا
خیال و خواب میں وہ گُل کھلا دئیے تُو نے

[intelligent086]

ذرا سے ایک اشارے سے یخ بدن کو مرے
روانیوں کے چلن سب سِکھا دئیے تُو نے

[intelligent086]

تھا پور پور میں دیپک چھُپا کہ لمس ترا
چراغ سے رگ و پے میں جلا دئیے تُو نے

[intelligent086]

مدتوں بعد میرا سوگ منانے آئے
لوگ بھولا ہوا کچھ یاد دلانے آئے

[intelligent086]

بڑھ گیا دل کے جنازے میں ستاروں کا ہجوم
کتنے غم ایک تیرے غم کے بہانے آئے

[intelligent086]

رات اک اُجڑی ہوئی سوچ میرے پاس آئی
اور پھر اُجڑے ہوئے کتنے زمانے آئے

[intelligent086]

ایک اک کر کے حوادث بڑی ترتیب کے ساتھ
مرحلہ وار میرا ساتھ نِبھانے آئے

[intelligent086]

نقش پختہ تھا تیرے غم کا وگرنہ موسم
بارہا دل سے میرے اس کو مٹانے آئے

[intelligent086]

دن بھی نہ بیتا رات نہ بیتی
تیری ایک بھی بات نہ بیتی

[intelligent086]

ٹھہر گئی آ کر آنکھوں میں
تیرے بن برسات نہ بیتی

[intelligent086]

آنسو رکے نا ان نینوں سے
تاروں کی بارات نہ بیتی

[intelligent086]

جم سی گئی احساس کے اندر
جیون بیتا مات نہ بیتی

[intelligent086]

بیت گئے ان گنت زمانے
ایک تمہاری ذات نہ بیتی

[intelligent086]

پھر تیرا ذکر دل سنبھال گیا
ایک ہی پل میں سب ملال گیا

[intelligent086]

ہو لیے ہم بھی اس طرف جاناں
جس طرف بھی تیرا خیال گیا