Attention Guest, if you are not a member of Urdu Tehzeb, you have 1 new private message waiting, to view it you must fill out 
ham apne aap pe bhii zaahir, kabhii dil kaa haal nahiiN karte
chup rahte haiN, dukh sahte haiN, ko_ii ranj-o-malaal nahiiN karte
ham jo kuchh haiN, jaise haiN, vaise hii dikhaaii dete haiN
chehre pe bhabhoot nahiiN malte, kabhii kaale baal nahiiN karte
ham haar gaye tum jiit gaye, ham ne khoyaa tum ne paayaa
in jhooTii sachchii baatoN kaa, ham ko_ii Khayaal nahiiN karte
tere diivaane ho jaate haiN, kahiiN sahraaoN meN kho jaate haiN
diivaar-o-dar meN qaid hameN agar ahal-o-ayaal nahiiN karte
terii marzii par ham raazii haiN, jo too chaahe vo ham chaaheN
ham hijr kii fikr nahiiN karte, ham zikr-e-visaal nahiiN karte
hameN tere sivaa is duniyaa meN, kisii aur se kyaa lenaa-denaa
ham sab ko javaab nahiiN dete, ham se savaal nahiiN karte
GhazloN meN hamaarii boltaa hai, vohii kaanoN meN ras gholtaa hai
vahii band kivaaRh kholtaa hai, ham ko_ii kamaal nahiiN karte
Wali ''Aasii''
Similar Threads:
Reply With Quote
Bookmarks