اردو اشعار Urdu Ashaar

[intelligent086]

موت سے آگے بھی ہیں کچھ منزلیں
تھک گئے، سو دم لیا، اور چل دئے

[intelligent086]

اب دو عالم سے صدائے ساز آتی ہے مجھے

دل کی آہٹ سے تری آواز آتی ہے مجھے

[intelligent086]

چشمِ ساقی کے اشارات کی باتیں چھیڑو

فصلِ گل میں تو کرامات کی باتیں چھیڑو

[intelligent086]

بانکپن میں اور کوئی شے نہیں
سادگی کی انتہا موجود ہے

[intelligent086]

ہر محبت کی بنا ہے چاشنی
ہر لگن میں مدعا موجود ہے

[intelligent086]

خوبصورت تہمتیں چبھنے لگیں
دل نشیں الزام یاد آنے لگے

[intelligent086]

مسیح و خضر کی عمریں نثار ہوں اس پر
وہ زندگی کی گھڑی جو خوشی سے گزری ہے

[intelligent086]

کنارے پر نہ کیجئے گا زیادہ جستجو میری
کہ میں لہروں کا متوالا ہوں ، طوفانوں میں رہتا ہوں

[intelligent086]

میں دانستہ حقائق کی ڈگر سے لوٹ آیا ہوں
میں تفریحاً طرب انگیز افسانوں میں رہتا ہوں

[intelligent086]

پتہ پوچھے کوئی میرا عدم تو اس سے کہہ دینا
میں سچے اور بھولے بھالے انسانوں میں رہتا ہوں