سانپ سے دوستی ، جنگل میں نہ بھٹکائے کہیں

[intelligent086]

ذرے سرکش ہُوئے ، کہنے میں ہوائیں بھی نہیں
آسمانوں پہ کہیں تنگ نہ ہو جائے زمیں

آ کے دیوار پہ بیٹھی تھیں کہ پھر اُڑ نہ سکیں
تتلیاں بانجھ مناظر میں نظر بند ہُوئیں

پیڑ کی سانسوں میں چڑیا کا بدن کھنچتا گیا
نبض رُکتی گئی ، شاخوں کی رگیں کھلتی گئیں

ٹوٹ کر اپنی اُڑانوں سے ، پرندے آئے
سانپ کی آنکھیں درختوں پہ بھی اب اُگنے لگیں

شاخ در شاخ اُلجھتی ہیں رگیں پَیڑوں کی
سانپ سے دوستی ، جنگل میں نہ بھٹکائے کہیں

گود لے لی ہے چٹانوں نے سمندر سے نمی
جھوٹے پھُولوں کے درختوں پہ بھی خوشبوئیں ٹکیں

***

Similar Threads:

• ہر پل دھیان میں بسنے والے، لوگ فسانے ہوجات
• ٹھہری ہے کہ ٹھہرائیں گے، زنجیر سے دل کو
• اب کے سال پونم میں جب تو آئے گی ملنے، ہم نے س
• مئے کے چھینٹوں سے ابھی پیاس بجھے گی زاہد !
• اس کی حسرت ہے ، جسے دل سے مٹا بھی نہ سکوں