شب کہ ذوقِ گفتگو سے تیرے دل بیتاب تھا

[Ali_]

شب کہ ذوقِ گفتگو سے تیرے دل بیتاب تھا
شوخیِ وحشت سے افسانہ فسونِ خواب تھا
گرمی برقِ تپش سے زہرہ از بس آب تھا
شعلۂ جوالہ، ہر یک حلقۂ گرداب، تھا
واں کرم کو عذرِ بارش تھا عناں گیرِ خرام
گریے سے یاں پنبۂ بالش کفِ سیلاب تھا
واں خود آرائی کو تھا، موتی پرونے کا خیال
یاں ہجومِ اشک میں ، تارِ نگہ نایاب تھا
جلوۂِ گل نے کیا تھا واں چراغاں ، آب جو
یاں رواں مژگان چشمِ ترسے خونِ ناب تھا
فرش سے تا عرش، واں طوفان تھا موجِ رنگ کا
یاں زمیں سے آسماں تک، سوختن کا باب تھا
یاں سرِ پر شور، بے خوابی سے تھا دیوار جُو
واں وہ فرقِ ناز، محوِ بالشِ کمخواب تھا
یاں نفس کرتا تھا روشن، شمعِ بزمِ بیخودی
جلوۂِ گل واں ، بساطِ صحبتِ احباب تھا
واں ہجومِ نغمہ ہائے سازِ عشرت تھا اسدؔ
ناخنِ غم، یاں سر تارِ نفس، مضراب تھا

Similar Threads:

• زباں بگڑی تو بگڑی تھی‘ خبر لیجے دہن بگڑا ظفر
• کبھی کبھی تو جذبِ عشق مات کھا کے رہ گیا
• شب کہ ذوقِ گفتگو سے تیرے دل بیتاب تھا
• ذکرِ شبِ فراق سے وحشت اسے بھی تھی
• پھر دل سرِ راہ عشق و وفا بے جرات و بے اسلوب گی