اُن جھیل سی گہری آنکھوں میں

[Ali_]

اُن جھیل سی گہری آنکھوں میں

اُن جھیل سی گہری آنکھوں میں اک شام کہیں آباد تو ہو
اُس جھیل کنارے پل دو پل
اک خواب کا نیلا پھول کھلے
وہ پھول بہا دیں لہروں میں
اک روز کبھی ہم شام ڈھلے
اُس پھول کے بہتے رنگوں میں
جس وقت لرزتا چاند چلے
اُس وقت کہیں ان آنکھوں میں اُس بسرے پل کی یاد تو ہو
اُن جھیل سی گہری آنکھوں میں اک شام کہیں آباد تو ہو
پھر چاہے عُمر سمندر کی
ہر موج پریشاں ہو جائے
ہر خواب گریزاں ہو جائے
پھر چاہے پھول کے چہرے کا
ہر درد نمایاں ہو جائے
اُس جھیل کنارے پل دو پل وہ رُوپ نگر ایجاد تو ہو
دن رات کے اس آئینے سے وہ عکس کبھی آزاد تو ہو
اُن جھیل سی گہری آنکھوں میں اک شام کہیں آباد تو ہو

Similar Threads:

• اُن جھیل سی گہری آنکھوں میں
• گُل میں اُس کی سی جو بو آئی تو آیا نہ گیا
• شوقِ رقص سے جب تک اُنگلیاں نہیں کھُلتیں
• اشک اپنی آنکھوں سے خُود بھی ہم چھُپائیں گے
• میری آنکھوں کو سُوجھتا ہی نہیں

[intelligent086]

عمدہ انتخاب
خوب صورت شیئرنگ کا شکریہ