کس بوجھ سے جسم ٹوٹتا ہے

[intelligent086]

کس بوجھ سے جسم ٹوٹتا ہے

اِتنا تو کڑا سفر نہیں تھا
دو چار قدم کا فاصلہ کیا

پھر راہ سے بے خبر نہیں تھا
لیکن یہ تھکن یہ لڑکھڑاہٹ
یہ حال تو عمر بھر نہیں تھا

آغازِ سفر میں جب چلے تھے
کب ہم نے کوئی دیا جلایا
کب عہدِ وفا کی بات کی تھی
کب ہم نے کوئی فریب کھایا
وہ شام وہ چاندنی وہ خوشبو
منزل کا کسے خیال آیا

تُو محوِ سخن تھی مجھ سے لیکن
میں سوچ کے جال بُن رہا تھا
میرے لئے زندگی تڑپ تھی
تیرے لئے غم بھی قہقہا تھا
اب تجھ سے بچھڑ کے سوچتا ہوں
کچھ تُو نے کہا تھا! کیا کہا تھا
٭٭٭

Similar Threads:

• کہتے ہیں جھوٹ سب کہ نہیں پاؤں جھوٹ کے
• کہیں اجڑی اجڑی سی منزلیں کہیں ٹوٹے پھوٹے س
• بیٹھ جاتا ہے وہ جب محفل میں آ کے سامنے
• ٹوٹ جائے نہ بھرم ہونٹ ہلاؤں کیسے
• اس کی حسرت ہے ، جسے دل سے مٹا بھی نہ سکوں