کُچھ بھی کر گزرنے میں دیر کِتنی لگتی ہے

[intelligent086]

کُچھ بھی کر گزرنے میں دیر کِتنی لگتی ہے
برف کے پگھلنے میں دیر کِتنی لگتی ہے

اُس نے ہنس کے دیکھا تو مُسکرا دیے ہم بھی
ذات سے نکلنے میں دیر کِتنی لگتی ہے

ہجر کی تمازت سے وصَل کے الاؤ تک
لڑکیوں کے جلنے میں دیر کِتنی لگتی ہے

بات جیسی بے معنی بات اور کیا ہو گی
بات کے مُکرنے میں دیر کِتنی لگتی ہے

زعم کِتنا کرتے ہو اِک چراغ پر اپنے
اور ہَوا کے چلنے میں دیر کِتنی لگتی ہے

جب یقیں کی بانہوں پر شک کے پاؤںپڑ جائیں
چوڑیاں بِکھرنے میں دیر کِتنی لگنی ہے

Similar Threads:

• انہیں بھی دیکھیں…Google… گوگل کی 12 حیرت انگیز مگر گ
• گردِ سفر میں بُھول کے منزل کی راہ تک
• خرچ اِتنا بھی نہ کر مُجھ کو زمانے کیلئے
• کچھ لوگ زندگی سے خفا اور بھی تو ہیں
• دیر بوتل کے اٹھانے میں لگے گی کچھ نہ کچھ