آگے جمالِ یار کے معذور ہو گیا

[intelligent086]

آگے جمالِ یار کے معذور ہو گیا

گُل اک چمن میں دیدۂ بے نور ہو گیا


اک چشمِ منتظر ہے کہ دیکھے ہے کب سے راہ
جوں زخم تیری دوری میں ناسور ہو گیا

پہنچا قریبِ مرگ کے وہ صیدِ نا قبول
جو تیری صید گاہ سے ٹک دور ہو گیا

اُس ماہِ چاردہ کا چھپے عشق کیوں کہ آہ
اب تو تمام شہر میں مشہور ہو گیا

شاید کسو کے دل کو لگی اُس گلی میں چوٹ
میری بغل میں شیشۂ دل چور ہو گیا

دیکھا جو میں نے یار کو وہ میرؔ ہی نہیں
تیرے غمِ فراق میں رنجور ہو گیا

Similar Threads:

• عمران خان پھر جیت گئے عمار چوہدری (کل اور آج)
• مفت آبروئے زاہدِ علامہ لے گیا
• حذَر کہ آہ جگر تفتگاں بلا ہے گرم
• ہو گئے ہیں جمع، اجزائے نگاہِ آفتاب
• ہم لوگ ایک گھنٹے بعد آ جاتے ہیں