Attention Guest, if you are not a member of Urdu Tehzeb, you have 1 new private message waiting, to view it you must fill out 
شام خزاں کی گم صم بولی
جیون لمحے زہر کی گولی
میرے آنسو اور ستارے
کھیل رہے ہیں آنکھ مچولی
دو پھولوں کی خاطر ترسیں
آج بہاروں کے ہمجولی
چاند کا سایہ چھت سے اترا
ہمسائے نے کھڑکی کھولی
توڑ دیا دم دیوانوں نے
عمر جنوں کی پوری ہو لی
پھول بھی ہے وہ کانٹا بھی ہے
من میلا ہے صورت بھولی
لمبی ہے تقدیر کی ڈوری
کس نے ناپی کس نے تولی
اپنی دنیا رین بسیرا
اپنی دولت خالی جھولی
جسم کا زنداں روزن روزن
جب بھی چاہا سوئی چبھو لی
میرے شعروں کا مجموعہ
مست خراموں کی اک ٹولی
خاکِ درِ میخانہ ہم نے
ساقی پیمانوں میں گھولی
پتے بھی اشجار کے نغمے
سائے ہیں دیوار کی بولی
چھینٹ غمِ عصیاں کی ساغر
ہم نے شرابِ ناب میں دھو لی
Similar Threads:
Reply With Quote
Originally Posted by intelligent086
Bookmarks