روشن کہیں بہار کے امکاں ہوئے تو ہیں

[Ali_]

روشن کہیں بہار کے امکاں ہوئے تو ہیں
گلشن میں چاک چند گریباں ہوئے تو ہیں

اب بھی خزاں کا راج ہے لیکن کہیں کہیں
گوشے رہِ چمن میں غزلخواں ہوۓ تو ہیں

ٹھہری ہوئی ہے شب کی سیاہی وہیں مگر
کچھ کچھ سحر کے رنگ پَر افشاں ہوۓ تو ہیں

ان میں لہو جلا ہو ہمارا، کہ جان و دل
محفل میں کچھ چراغ فروزاں ہوئے تو ہیں

ہاں کج کرو کلاہ کہ سب کچھ لٹا کے ہم
اب بے نیازِ گردشِ دوراں ہوئے تو ہیں

اہلِ قفس کی صبحِ چمن میں کھلے گی آنکھ
بادِ صبا سے وعدہ و پیماں ہوئے تو ہیں

ہے دشت اب بھی دشت، مگر خونِ پا سے فیض
سیراب چند خارِ مغیلاں ہوئے تو ہیں

Similar Threads:

• وہ تو خوشبو ہے ، ہواؤں میں بکھر جائے گا
• کائنات کے وہ سیارے جہاں پرہیروں کی بارش ہو
• کوئی جائے طور پہ کس لئے کہاں اب وہ خوش نظری ر&
• یہی نہیں کوئی طوفاں مِری تلاش میں ہے
• ذرے سرکش ہُوئے ، کہنے میں ہوائیں بھی نہیں