یہی تو ہے فرق مجھ میں اس میں گزر گیا میں ٹھہر

[intelligent086]

یہی تو ہے فرق مجھ میں اس میں گزر گیا میں ٹھہر گیا وہ

شکستہ پا راہ میں کھڑا ہوں گئے دنوں کو بلا رہا ہوں
جو قافلہ میرا ہمسفر تھا مثالِ گردِ سفر گیا وہ
مرا تو خوں ہو گیا ہے پانی ستمگروں کی پلک نہ بھیگی
جو نالہ اٹھا تھا رات دِل سے نہ جانے کیوں بے اثر گیا وہ
وہ میکدے کو جگانے والا وہ رات کی نیند اڑانے والا
یہ آج کیا اس کے جی میں آئی کہ شام ہوتے ہی گھر گیا وہ
وہ ہجر کی رات کا ستارہ وہ ہم نفس ہم سخن ہمارا
سدا رہے اس کا نام پیارا سنا ہے کل رات مر گیا وہ
وہ جس کے شانے پہ ہاتھ رکھ کر سفر کیا تو نے منزلوں کا
تری گلی سے نہ جانے کیوں آج سر جھکائے گزر گیا وہ
وہ رات کا بے نوا مسافر وہ تیرا شاعر وہ تیرا ناصر
تری گلی تک تو ہم نے دیکھا پھر نہ جانے کدھر گیا وہ

Similar Threads:

• مجھے معجزوں پہ یقیں نہیں مگر آرزو ہے کہ جب ق&#
• گرم فغاں ہے جرس ، اٹھ کہ گیا قافلہ
• تو ابھی رہ گزر میں ہے ، قید مقام سے گزر
• محبت میں جگر گزرے ہیں ایسے بھی مقام اکثر
• مروں تو میں کسی چہرے میں رنگ بھر جاؤں

[Admin]

Thanks for sharing Keep it up ..

[Dr Danish]

Umda intekhab
Thanks for sharing

[intelligent086]

پسندیدگی کا شکریہ