جو گفتنی نہیں وہ بات بھی سنادوں گا

[intelligent086]

جو گفتنی نہیں وہ بات بھی سنادوں گا


تو ایک بار تو مل، سب گلے مٹادوں گا
مجال کیا، کوئی مجھ سے تجھے جدا کر دے
جہاں بھی جائے گا تو میں تجھے صدا دوں گا
تری گلی میں بہت دیر سے کھڑا ہوں مگر
کسی نے پوچھ لیا تو جواب کیا دوں گا
مری خموش نگاہوں کو چشم کم سے نہ دیکھ
میں رو پڑا تو دلوں کے طبق ہلا دوں گا
یونہی اداس رہا میں تو دیکھنا اک دن
تمام شہر میں تنہائیاں بچھا دوں گا
بہ پاس صحبتِ دیرینہ کوئی بات ہی کر
نظر ملا تو سہی میں تجھے دعا دوں گا
بلاؤں گا نہ ملوں گا نہ خط لکھوں گا تجھے
تری خوشی کے لیے خود کو یہ سزا دوں گا
وہ درد ہی نہ رہا ورنہ اے متاعِ حیات
مجھے گماں بھی نہ تھا میں تجھے بھلا دوں گا
ابھی تو رات ہے کچھ دیر سو ہی لے ناصر
کوئی بلائے گا تو میں تجھے جگا دوں گا

Similar Threads:

• دھرنے سے نہیں اٹھوں گا جب تک گو نواز گو نہیں &
• زباں بگڑی تو بگڑی تھی‘ خبر لیجے دہن بگڑا ظفر
• دستور یہاں بھی گونگے ہیں فرمان یہاں بھی ان
• جو چپ رہوں تو بتائیں وہ گھنگنیاں منہ میں
• کچھ لوگ زندگی سے خفا اور بھی تو ہیں

[Admin]

bht khoob Sharing

[intelligent086]

پسندیدگی اور حوصلہ افزائی کا شکریہ