اشک آنکھ میں پھر اٹک رہا ہے

[intelligent086]

اشک آنکھ میں پھر اٹک رہا ہے
کنکر سا کوئی کھٹک رہا ہے

میں اُس کے خیال سے گُریزاں
وہ میری صدا جھٹک رہا ہے

تحریر اُسی کی ہے ، مگر دل
خط پڑھتے ہُوئے اٹک رہا ہے

ہیں فون پہ کس کے ساتھ باتیں
اور ذہن کہاں بھٹک رہا ہے

صدیوں سے سفر میں ہے سمندر
ساحِل پہ تھکن پٹک رہا ہے

اک چاند صلیبِ شاخِ گُل پر
بالی کی طرح لٹک رہا ہے

***

Similar Threads:

• آخر ہم لٹھا کیوں ایکسپورٹ کرتے ہیں؟
• جھوٹے بھی پوچھتے نہیں ٹک حال آن کر
• جلا پھر صبر کا خرمن، پھر آہوں کا دھواں اٹھّ
• پلٹ کے آنکھ نم کرنا مجھے ہرگز نہیں آتا
• نرگس نے پھر نہ دیکھا جو آنکھ اٹھا چمن میں