میری نمو ، میرے ہی جیسے شخص میں ہے

[intelligent086]

خوشبو کی ترتیب ، ہَوا کے رقص میں ہے
میری نمو ، میرے ہی جیسے شخص میں ہے

وہ میرا تن چھُوئے ، من میں شعر اُگائے
پیڑ کی ہریالی بارش کے لمس میں ہے

سوچ کا رشتہ سانس سے ٹوٹا جاتا ہے
لُو سے زیادہ جبر فضا کے حبس میں ہے

دن میں کیسی لگتی ہو گی ، سوچتی ہوں
ندی کا سارا حُسن تو چاند کے عکس میں ہے

میری اچھائی تو سب کو اچھّی لگی
اُس کے پیار کا مرکز میرے نقص میں ہے

ایسی خالی نسل کے خواب ہی کیا ہوں گے
جس کی نیند کا سَر چشمہ ہی چرس میں ہے!
***

Similar Threads:

• قصاص میں زندگی ہے خورشید ندیم (تکبیر مسلس
• ہمیں* معلوم ہے، ہم سے سنو محشر میں*کیا ہو گا
• ہم میں رہتا ہے کوئی شخص ہمارے جیسا
• ہوئی یہ بیخودی چشم و زباں کو، تیرے جلوے سے
• مجھے منظورہے مسکن، مگر بستی نہیں صحرا