سوچوں تو وہ ساتھ چل رہا ہے

[Dr Danish]

سوچوں تو وہ ساتھ چل رہا ہے
دیکھوں تو نظر بدل رہا ہے


کیوں بات زباں سے کہہ کے کھوئی
دل آج بھی ہاتھ مَل رہا ہے


راتوں کے سفر میں وہم سا تھا
یہ میں ہوں کہ چاند چل رہا ہے


ہم بھی ترے بعد جی رہے ہیں
اور تُو بھی کہیں بہل رہا ہے


سمجھا کے ابھی گئی ہیں سکھیاں
اور دل ہے کہ پھر مچل رہا ہے


ہم ہی بُرے ہو گئے __کہ تیرا
معیارِ وفا بدل رہا ہے


پہلی سی وہ روشنی نہیں اب
کیا درد کا چاند ڈھل رہا ہے


***

Nice Sharing .....
Thanks