ہجومِ فکر و نظر سے دماغ جلتے ہیں

[intelligent086]

ہجومِ فکر و نظر سے دماغ جلتے ہیں

وہ تیرگی ہے کہ ہر سو چراغ جلتے ہیں

کچھ ایسا تند ہوا جا رہا ہے بادۂ زیست

کہ ہونٹ کانپتے ہیں اور ایاغ جلتے ہیں

چمک رہے ہیں شگوفے، دہک رہے ہیں گلاب

وفورِ موسمِ گل ہے کہ باغ جلتے ہیں

نہیں قریب تو کچھ دور بھی نہیں وہ دور

شفق کے روپ میں جس کے سراغ جلتے ہیں

ترے نصیب میں راتیں، مرے نصیب میں دن

ترے چراغ، مرے دل کے داغ جلتے ہیں

***

دشتِ وفا سے

Similar Threads:

• ترے کوچے کو وہ بیمارِ غم دار الشفا سمجھے
• برف جیسے لمحوں کو دی ہے مات پِھر میں نے
• ہمیں بھی ہے یاد آج تک وہ نظر سے حرفِ سلام لکھ&
• روکتا ہے غمِ اظہار سے پِندار مُجھے
• کس حرف پہ تو نے گوشۂ لب اے جانِ جہاں غماز کیا