چلے نہ ایمان اک قدم بھی اگر تیرا ہمسفر نہ ٹھ&#

[intelligent086]

نعت رسول پاک

چلے نہ ایمان اک قدم بھی اگر تیرا ہمسفر نہ ٹھہرے

ترا حوالہ دیا نہ جائے تو زندگی معتبر نہ ٹھہرے

تُو سایۂ حق پہن کے آیا، ہر اک زمانے پہ تیرا سایہ

نظر تری ہر کسی پہ لیکن کسی کی تجھ پر نظر نہ ٹھہرے

لبوں پہ اِیاکَ نستعیں ہے اور اس حقیقت پہ بھی یقیں ہے

اگر ترے واسطے سے مانگوں کوئی دعا بے اثر نہ ٹھہرے

حقیقتِ بندگی کی راہیں مدینۂ طیبہ سے گزریں

ملے نہ اُس شخص کو خدا بھی جو تیری دہلیز پر نہ ٹھہرے

کھُلی ہوں آنکھیں کہ نیند والی ، نہ جائے کوئی بھی سانس خالی

درود جاری رہے لبوں پر ، یہ سلسلہ لمحہ بھر نہ ٹھہرے

میں تجھ کو چاہوں اور اتنا چاہوں کہ سب کہیں تیرا نقشِ پا ہوں

ترے نشانِ قدم کے آگے کوئی حسیں رہگزر نہ ٹھہرے

یہ میرے آنسو خراج میرا، مرا تڑپنا علاج میرا

مرض مرا اُس مقام پر ہے جہاں کوئی چارہ گر نہ ٹھہرے

دکھا دو جلوہ بغور اُس کو ، بُلا لو اک بار اور اُس کو

کہیں مظفر بھی شاخ پر سوکھ جانے والا ثمر نہ ٹھہرے

٭٭٭

Similar Threads:

• زمانہ دیکھے گا جب مرے دل سے محشر اٹھے گا گفت&#
• اچھی فلم اچھی کہانی سے بنتی ہے، آئٹم سانگ
  
• چاند کے ساتھ سفر میں تھے تم،یہ تو بہانہ ٹھی
  
• چلے نہ ایمان اک قدم بھی اگر تیرا ہمسفر نہ ٹھ&#
• نرگس نے پھر نہ دیکھا جو آنکھ اٹھا چمن میں

[CaLmInG MeLoDy]

JazakAllah..