Attention Guest, if you are not a member of Urdu Tehzeb, you have 1 new private message waiting, to view it you must fill out 
جی رہی تھی جسے اک جہاں کی طرح
ساتھ ہے خواہشِ رائیگاں کی طرح
سارے احساس میرے بکھرتے گئے
ایک اجڑے ہوئے آشیاں کی طرح
بارشیں ہوتی رہتی ہیں دل میں مرے
اور آنکھیں ہیں اُجڑے مکاں کی طرح
دل ہتھیلی پہ رکھ کر دکھایا اُسے
وہ رہا پھر بھی اک بد گماں کی طرح!
سانحہ کوئی ایسا بڑا بھی نہیں
بس ہر اک لمحہ ہے امتحاں کی طرح
میری سنگت میں گزری ہوئی ساعتیں
تُو کرے یاد شاید گماں کی طرح
ایک مدّت سے ہوں میں سنبھالے ہوئے
رحلِ دل میں تری یاد جاں کی طرح
کس کی خوشبو سے اُلجھی ہیں راتیں مری؟
کون دل میں بسا دردِ جاں کی طرح؟
کب تلک خود کو میں مانگتی آپ سے؟
کب تلک جیتی میں گم نشاں کی طرح؟
Similar Threads:
Reply With Quote
Bookmarks