Huge Collection Of Ashars

[Aliza]

Jal Ke Aashiyan Apna Khaak Ho Chuka Kab Ka,
Aaj Tak Yeh Aalam Hai Roshni Se Darrte Hain.

[Aliza]

Suna Hai Ab Bhi Mere Hathon Ki Lakeeron Mein,
Najumiyon Ko Muqaddar Dikhayi Deta Hai

[Aliza]

Khuda Ya Nakhuda Ab Jisko Chaaho Bakhsh Do Izzat,
Hakiqat Mein Toh Kashti Ittefaqan Bach Gayi Apni.

[Aliza]

Kagazon Pe Likh Kar Zaya Kar Dun Main Woh Shakhs Nahi,
Woh Shayar Hun Jise Dilon Pe Likhne Ka Hunar Aata Hai.

[Aliza]

Bhool Kar Bhi Apne Dil Ki Baat Kisi Se Mat Kahna,
Yahan Kaagaz Bhi Jara Si Der Mein Akhbaar Ban Jata Hai.

[Aliza]

Kafas Mein Mujhse Rudaade Chaman Kehte Na Darr HumDum,
Giregi Jispe Kal Bijli Woh Mera Aashiyan Kyun Ho.

[Aliza]

Jis Nazaqat Se Yeh Lahrein Mere Pairon Ko Chhuti Hain,
Yakeen Nahi Hota Inhone Kabhi Kashtiyan Dubayi Hongi.

[Aliza]

Haath Tute Maine Gar Chhedi Ho Zulfein Aap Ki,
Aap Ke Sar Ki Kasam Baad-e-Sabaa Thi Main Na Tha.

[Aliza]

Mere Junoon Ko Zulf Ke Saaye Se Dur Rakh,
Raste Mein Chhav Paa Ke Musafir Thhehar Na Jaye.

[Aliza]

Dekh Lete Jo Mere Dil Ki Pareshani Ko,
Aap Baithhe Huye Zulfein Na Sanwara Karte.