Huge Collection Of Ashars

[Aliza]

Kagazon Pe Likh Kar Zaya Kar Dun Main Woh Shakhs Nahi,
Woh Shayar Hun Jise Dilon Pe Likhne Ka Hunar Aata Hai.

[Aliza]

Haath Tute Maine Gar Chhedi Ho Zulfein Aap Ki,
Aap Ke Sar Ki Kasam Baad-e-Sabaa Thi Main Na Tha.

[Aliza]

Mere Junoon Ko Zulf Ke Saaye Se Dur Rakh,
Raste Mein Chhav Paa Ke Musafir Thhehar Na Jaye.

[Aliza]

Puchha Na Zindagi Mein Kisi Ne Bhi Dil Ka Haal,
Ab Shahar Bhar Mein Zikr Meri Khudkushi Ka Hai.

[Aliza]

Bhule Hain Rafta-Rafta Unhein Muddaton Mein Hum,
Kishton Mein KhudKushi Ka Mazaa Hum Se Puchhiye.

[Aliza]

Jiski Kafas Mein Aankh Khuli Ho Meri Tarah,
Uske Liye Chaman Ki Khijaan Kya Bahaar Kya.

[Aliza]

Kaante Kisi Ke Haq Mein Kisi Ko Gulo-Samar,
Kya Khoob Ehtmaam-e-Gulistaan Hai AajKal.

[Aliza]

Inn Mein Lahu Jala Ho Humara Ki Jaan-o-Dil,
Mehfil Mein Kuchh Chiraag Farozaan Huye Toh Hain.

[Aliza]

Phir Najar Mein Phool Maheke Dil Phir Shamayein Jalin,
Phir Tasawwur Ne Liya Uss Bazm Mein Jaane Ka Naam.

[Aliza]

Aankh Jo Kuchh Dekhti Hai Lab Pe Aa Sakta Nahi,
Mahb-e-Hairat Hun Ki Duniya Kya Se Kya Ho Jayegi.