پل پل کانٹا سا چبھتا تھا

[intelligent086]

پل پل کانٹا سا چبھتا تھا
یہ ملنا بھی کیا ملنا تھا
کانٹوں کے ویراں جنگل میں
میں کس مشکل سے پہنچا تھا
یہ جنگل اور تیری خوشبو
کیا میں سپنا دیکھ رہا تھا؟
آج وہ آنکھیں بجھی بجھی تھیں
میں جنھیں پہروں ہی تکتا تھا
کتنی باتیں کی تھیں لیکن
ایک بات سے جی ڈرتا تھا
تیرے ہاتھ کی چاۓ تو پی تھی
دل کا رنج تو دل میں رہا تھا
میں بھی مسافر، تجھ کو بھی جلدی
گاڑی کا بھی وقت ہوا تھا
تو نے بھی کوئ بات نہ پوچھی
میں بھی تجھے کچھ کہہ نہ سکا تھا
اک اجڑے سے اسٹیشن پر
تو نے مجھ کو چھوڑ دیا تھا
تیرے شہر کا اسٹیشن بھی
میرے دل کی طرح سونا تھا
کیسے کہوں روداد سفر کی
آگے موڑ جدائ کا تھا

Similar Threads:

• پل پل کانٹا سا چبھتا تھا
• پھوٹا کیے پیالے لنڈھتا پھرا قرابا
• ٹماٹر پھل ہے یا سبزی؟ ( عدالت کا دلچسپ فیصلہ)
• صبح وقت پر اْٹھانے کیلیے دلچسپ ایپ ایجاد
• جب سر پھوٹا بات کھلی، پتھر تو پتھر رہتا ہے