Attention Guest, if you are not a member of Urdu Tehzeb, you have 1 new private message waiting, to view it you must fill out 
Wus’at-e chashm-e tar bhi dekhenge,
hum tujhe bhool kar bhi dekhenge. !
Hijr ki shab se hausle apne,
bach gaye toh sahar bhi dekhenge. !
Raat hone do, log sone do
chaand ko dar-ba dar bhi dekhenge. !
Ek duaa dil se chhup ke maangi thi,
us duaa ka asar bhi dekhenge. !
Ek puraana safar toh khatm hua,
ek nayi rahguzar bhi dekhenge. !
Gin toh lene do be’kafan laashen,
be’sadaa baam-o dar bhi dekhenge. !
Chhed kar dil ki raakh ko ‘Mohsin
ab ke raqs-e sharaar bhi dekhenge. !!
Reply With Quote
Bookmarks