مومن

[intelligent086]

ہر لحظہ ہے مومن کی نئی شان، نئی آن
گفتار میں ، کردار میں، اللہ کی برہان​

قہاری و غفاری و قدوسی و جبروت
یہ چار عناصر ہوں تو بنتا ہے مسلمان​

ہمسایہءجبریلِ امیں بندہ خاکی
ہے اس کا نشیمن نہ بخارا نہ بدخشان​

یہ راز کسی کو نہیں معلوم کہ مومن
قاری نظر آتا ہے ، حقیقت میں قرآن​

قدرت کے مقاصد کا عیار اس کے ارادے
دنیا میں بھی میزان، قیامت میں بھی میزان​

جس سے جگرِ لالہ میں ٹھنڈک ہو، وہ شبنم
دریاؤں کے دل جس سے دہل جائیں، وہ طوفان​
(علامہ اقبال)​

ماشاءاللہ
انتخاب کلام اور کام
بہت عمدہ