فضائی آلودگی کے باعث چین اوربھارت میں سب

**intelligent086** · 02-18-2016, 05:51 AM

فضائی آلودگی کے باعث چین اوربھارت میں سب سے زیادہ اموات ہوتی ہیں، تحقیق

کینیڈا: فضائی آلودگی دنیا کا بڑا مسئلہ بنتی جارہی ہے اور اسی حوالے سے ایک تحقیق میں انکشاف کیا گیا ہے کہ دنیا بھر میں فضائی آلودگی سے سب سے زیادہ ہلاکتیں بھارت اور چین میں ہوتی ہے۔

بڑھتی ہوئی فضائی آلودگی نہ صرف ہمارے ماحول پر انتہائی منفی اثرات مرتب کررہی ہے بلکہ ہماری صحت اور زندگی کے لیے انتہائی خطرناک ہے اور اس حوالے سے حال ہی میں ایک تحقیق سامنے آئی ہے جس میں کہا گیا ہے کہ دنیا بھر میں صرف فضائی آلودگی سے 55 لاکھ افراد کے موت کے منہ میں جانے کا خدشہ ہے جب کہ دنیا بھر میں ہونے والی زیادہ تر اموات فضائی آلودگی کی وجہ سے ہوئی ہے۔ تحقیق میں چین اور بھارت کو سرفہرست رکھا گیا ہے جس کے مطابق فضائی آلودگی کے باعث چین اور بھارت میں سب سے زیادہ اموات ہوتی ہیں۔

واضح رہے کہ چین میں فضائی آلودگی خوفناک حد تک بڑھنے سے کم ازکم 4 ہزار افراد روزانہ موت کے منہ میں چلے جاتے ہیں اور ہرسال چین میں فضائی آلودگی کی وجہ سے 16 لاکھ افراد قلب، پھیپھڑوں اور فالج کے دوروں سے ہلاک ہورہے ہیں۔