ﻣﻠّﺎ ﮐﺎ ﺍﺣﺴﺎﻥ

[muzafar ali]

. ﺳﻨﮕﻼﺥ ﭘﮩﺎﮌﯾﻮﮞ ﺍﻭﺭ ﺧﺎﺭﺩﺍﺭ ﺟﻨﮕﻞ ﻣﯿﮟ ﮔﮭﺮﺍ ﮨﻮﺍ
ﺍﯾﮏ ﭼﮭﻮﭨﺎ ﺳﺎ ﮔﺎﺅﮞ ﺗﮭﺎ، ﺟﺲ ﻣﯿﮟ ﻣﺴﻠﻤﺎﻧﻮﮞ
ﮐﮯ ﺑﯿﺲ ﭘﭽﯿﺲ ﮔﮭﺮ ﺁﺑﺎﺩ ﺗﮭﮯ۔ ﺍﻥ ﮐﯽ ﻣﻌﺎﺷﺮﺕ،
ﮨﻨﺪﻭﺍﻧﮧ ﺍﺛﺮﺍﺕ ﻣﯿﮟ ﺍﺱ ﺩﺭﺟﮧ ﮈﻭﺑﯽ ﮨﻮﺋﯽ ﺗﮭﯽ
ﮐﮧ ﺭﻭﻣﯿﺶ ﻋﻠﯽ، ﺻﻔﺪﺭ ﭘﺎﻧﮉﮮ، ﻣﺤﻤﻮﺩ ﻣﮩﻨﺘﯽ،
ﮐﻠﺜﻮﻡ ﺩﯾﻮﯼ ﺍﻭﺭ ﭘﺮ ﺑﮭﺎﺩﺋﯽ ﺟﯿﺴﮯ ﻧﺎﻡ ﺭﮐﮭﻨﮯ ﮐﺎ
ﺭﻭﺍﺝ ﻋﺎﻡ ﺗﮭﺎ۔ ﮔﺎﺅﮞ ﻣﯿﮟ ﺍﯾﮏ ﻧﮩﺎﯾﺖ ﻣﺨﺘﺼﺮ
ﮐﭽﯽ ﻣﺴﺠﺪ ﺗﮭﯽ ﺟﺲ ﮐﮯ ﺩﺭﻭﺍﺯﮮ ﭘﺮ ﺍﮐﺜﺮ ﺗﺎﻻ
ﭘﮍﺍ ﺭﮨﺘﺎ ﺗﮭﺎ ﺟﻤﻌﺮﺍﺕ ﮐﯽ ﺷﺎﻡ ﮐﻮ ﺩﺭﻭﺍﺯﮮ ﮐﮯ
ﺑﺎﮨﺮ ﺍﯾﮏ ﻣﭩﯽ ﮐﺎ ﺩﯾﺎ ﺟﻼﯾﺎ ﺟﺎﺗﺎ ﺗﮭﺎ۔ ﮐﭽﮫ ﻟﻮﮒ
ﻧﮩﺎ ﺩﮬﻮﮐﺮ ﺁﺗﮯ ﺗﮭﮯ ﺍﻭﺭ ﻣﺴﺠﺪ ﮐﮯ ﺗﺎﻟﮯ ﮐﻮ
ﻋﻘﯿﺪﺕ ﺳﮯ ﭼﻮﻡ ﮐﺮ ﮨﻔﺘﮧ ﺑﮭﺮ ﮐﯿﻠﺌﮯ ﺍﭘﻨﮯ ﺩﯾﻨﯽ
ﻓﺮﺍﺋﺾ ﺳﮯ ﺳﺒﮑﺪﻭﺵ ﮨﻮﺟﺎﺗﮯ ﺗﮭﮯ۔
ﮨﺮ ﺩﻭﺳﺮﮮ ﺗﯿﺴﺮﮮ ﻣﮩﯿﻨﮯ ﺍﯾﮏ ﻣﻮﻟﻮﯼ ﺻﺎﺣﺐ
ﺍﺱ ﮔﺎﺅﮞ ﻣﯿﮟ ﺁﮐﺮ ﺍﯾﮏ ﺩﻭ ﺭﻭﺯ ﮐﮯ ﻟﺌﮯ ﻣﺴﺠﺪ
ﮐﻮ ﺁﺑﺎﺩ ﮐﺮ ﺟﺎﺗﮯ ﺗﮭﮯ۔ ﺍﺱ ﺩﻭﺭﺍﻥ ﻣﯿﮟ ﺍﮔﺮ ﮐﻮﺋﯽ
ﺷﺨﺺ ﻭﻓﺎﺕ ﭘﺎ ﮔﯿﺎ ﮨﻮﺗﺎ، ﺗﻮ ﻣﻮﻟﻮﯼ ﺻﺎﺣﺐ ﺍﺱ
ﮐﯽ ﻗﺒﺮ ﭘﺮ ﺟﺎﮐﺮ ﻓﺎﺗﺤﮧ ﭘﮍﮬﺘﮯ ﺗﮭﮯ۔ ﻧﻮﺯﺍﺋﯿﺪﮦ
ﺑﭽﻮﮞ ﮐﮯ ﮐﺎﻥ ﻣﯿﮟ ﺍﺫﺍﻥ ﺩﯾﺘﮯ ﺗﮭﮯ۔ ﮐﻮﺋﯽ ﺷﺎﺩﯼ
ﻃﮯ ﮨﻮﮔﺌﯽ ﮨﻮﺗﯽ ﺗﻮ ﻧﮑﺎﺡ ﭘﮍﮬﻮﺍ ﺩﯾﺘﮯ ﺗﮭﮯ۔
ﺑﯿﻤﺎﺭﻭﮞ ﮐﻮ ﺗﻌﻮﯾﺬ ﻟﮑﮫ ﺩﯾﺘﮯ ﺗﮭﮯ ﺍﻭﺭ ﺍﭘﻨﮯ ﺍﮔﻠﮯ
ﺩﻭﺭﮮ ﺗﮏ ﺟﺎﻧﻮﺭ ﺫﺑﺢ ﮐﺮﻧﮯ ﮐﮯ ﻟﺌﮯ ﭼﻨﺪ ﭼﮭﺮﯾﻮﮞ
ﭘﺮ ﺗﮑﺒﯿﺮ ﭘﮍﮪ ﺟﺎﺗﮯ ﺗﮭﮯ۔ ﺍﺱ ﻃﺮﺡ ﻣﻮﻟﻮﯼ
ﺻﺎﺣﺐ ﮐﯽ ﺑﺮﮐﺖ ﺳﮯ ﮔﺎﺅﮞ ﻭﺍﻟﻮﮞ ﮐﺎ ﺩﯾﻦ
ﺍﺳﻼﻡ ﮐﮯ ﺳﺎﺗﮫ ﺍﯾﮏ ﮐﭽﺎ ﺳﺎ ﺭﺷﺘﮧ ﺑﮍﮮ ﻣﻀﺒﻮﻁ
ﺩﮬﺎﮔﮯ ﮐﮯ ﺳﺎﺗﮫ ﺑﻨﺪﮬﺎ ﺭﮨﺘﺎ ﺗﮭﺎ۔
ﺑﺮﮨﺎﻡ ﭘﻮﺭ ﮔﻨﺠﻢ ﮐﮯ ﺍﺱ ﮔﺎﺅﮞ ﮐﻮ ﺩﯾﮑﮫ ﮐﺮ
ﺯﻧﺪﮔﯽ ﻣﯿﮟ ﭘﮩﻠﯽ ﺑﺎﺭ ﻣﯿﺮﮮ ﺩﻝ ﻣﯿﮟ ﻣﺴﺠﺪ ﮐﮯ
ﻣﻠّﺎ ﮐﯽ ﻋﻈﻤﺖ ﮐﺎ ﮐﭽﮫ ﺍﺣﺴﺎﺱ ﭘﯿﺪﺍ ﮨﻮﺍ۔ ﺍﯾﮏ
ﺯﻣﺎﻧﮯ ﻣﯿﮟ ﻣﻠّﺎﺍ ﺍﻭﺭ ﻣﻮﻟﻮﯼ ﮐﮯ ﺍﻟﻘﺎﺏ ﻋﻠﻢ ﻭ
ﻓﻀﻞ ﮐﯽ ﻋﻼﻣﺖ ﮨﻮﺍ ﮐﺮﺗﮯ ﺗﮭﮯ ﻟﯿﮑﻦ ﺳﺮﮐﺎﺭ
ﺍﻧﮕﻠﺸﯿﮧ ﮐﯽ ﻋﻤﻠﺪﺍﺭﯼ ﻣﯿﮟ ﺟﯿﺴﮯ ﺟﯿﺴﮯ ﮨﻤﺎﺭﯼ
ﺗﻌﻠﯿﻢ ﺍﻭﺭ ﺛﻘﺎﻓﺖ ﭘﺮ ﻣﻐﺮﺑﯽ ﺍﻗﺪﺍﺭ ﮐﺎ ﺭﻧﮓ ﻭ
ﺭﻭﻏﻦ ﭼﮍﮬﺘﺎ ﮔﯿﺎ، ﺍﺳﯽ ﺭﻓﺘﺎﺭ ﺳﮯ ﻣﻠّﺎ ﺍﻭﺭ ﻣﻮﻟﻮﯼ
ﮐﺎ ﺗﻘﺪﺱ ﺑﮭﯽ ﭘﺎﻣﺎﻝ ﮨﻮﺗﺎ ﮔﯿﺎ۔ ﺭﻓﺘﮧ ﺭﻓﺘﮧ ﻧﻮﺑﺖ
ﺑﺎﯾﮟ ﺟﺎﺭﺳﯿﺪ ﮐﮧ ﯾﮧ ﺩﻭﻧﻮﮞ ﺗﻌﻈﯿﻤﯽ ﺍﻭﺭ ﺗﮑﺮﯾﻤﯽ
ﺍﻟﻔﺎﻅ ﺗﻀﺤﯿﮏ ﻭ ﺗﺤﻘﯿﺮ ﮐﯽ ﺗﺮﮐﺶ ﮐﮯ ﺗﯿﺮ ﺑﻦ
ﮔﺌﮯ۔ ﺩﺍﮌﮬﯿﻮﮞ ﻭﺍﻟﮯ ﭨﮭﻮﭨﮫ ﺍﻭﺭ ﻧﺎﺧﻮﺍﻧﺪﮦ ﻟﻮﮔﻮﮞ
ﮐﻮ ﻣﺬﺍﻕ ﮨﯽ ﻣﺬﺍﻕ ﻣﯿﮟ ﻣﻠّﺎ ﮐﺎ ﻟﻘﺐ ﻣﻠﻨﮯ ﻟﮕﺎ۔
ﮐﺎﻟﺠﻮﮞ ، ﯾﻮﻧﯿﻮﺭﺳﭩﯿﻮﮞ ﺍﻭﺭ ﺩﻓﺘﺮﻭﮞ ﻣﯿﮟ ﮐﻮﭦ
ﭘﺘﻠﻮﻥ ﭘﮩﻨﮯ ﺑﻐﯿﺮ ﺩﯾﻨﯽ ﺭﺟﺤﺎﻥ ﺭﮐﮭﻨﮯ ﻭﺍﻟﻮﮞ ﮐﻮ
ﻃﻨﺰ ﻭ ﺗﺸﻨﯿﻊ ﮐﮯ ﻃﻮﺭ ﭘﺮ ﻣﻮﻟﻮﯼ ﮐﮩﺎ ﺟﺎﺗﺎ ﺗﮭﺎ۔
ﻣﺴﺠﺪﻭﮞ ﮐﮯ ﭘﯿﺶ ﺍﻣﺎﻣﻮﮞ ﭘﺮ ﺟﻤﻌﺮﺍﺗﯽ ،
ﺷﺒﺮﺍﺗﯽ، ﻋﯿﺪﯼ، ﺑﻘﺮﻋﯿﺪﯼ ﺍﻭﺭ ﻓﺎﺗﺤﮧ ﺩﺭﻭﺩ ﭘﮍﮪ
ﮐﺮ ﺭﻭﭨﯿﺎﮞ ﺗﻮﮌﻧﮯ ﻭﺍﻟﮯ ﻗﻞ ﺍﻋﻮﺫﺋﮯ ﻣﻠّﺎﺅﮞ ﮐﯽ
ﭘﮭﺒﺘﯿﺎﮞ ﮐﺴﯽ ﺟﺎﻧﮯ ﻟﮕﯿﮟ۔ ﻟُﻮ ﺳﮯ ﺟﮭﻠﺴﯽ ﮨﻮﺋﯽ
ﮔﺮﻡ ﺩﻭﭘﮩﺮ ﻣﯿﮟ ﺧﺲ ﮐﯽ ﭨﭩﯿﺎﮞ ﻟﮕﺎﮐﺮ ﭘﻨﮑﮭﻮﮞ
ﮐﮯ ﻧﯿﭽﮯ ﺑﯿﭩﮭﻨﮯ ﻭﺍﻟﮯ ﯾﮧ ﺑﮭﻮﻝ ﮔﺌﮯ ﮐﮧ ﻣﺤﻠﮯ
ﮐﯽ ﻣﺴﺠﺪ ﻣﯿﮟ ﻇﮩﺮ ﮐﯽ ﺍﺫﺍﻥ ﮨﺮ ﺭﻭﺯ ﻋﯿﻦ ﻭﻗﺖ
ﭘﺮ ﺍﭘﻨﮯ ﺁﭖ ﮐﺲ ﻃﺮﺡ ﮨﻮﺗﯽ ﺭﮨﺘﯽ ﮨﮯ؟ ﮐﮍﮐﮍﺍﺗﮯ
ﮨﻮﺋﮯ ﺟﺎﮌﻭﮞ ﻣﯿﮟ ﻧﺮﻡ ﻭ ﮔﺮﻡ ﻟﺤﺎﻓﻮﮞ ﻣﯿﮟ ﻟﭙﭩﮯ
ﮨﻮﺋﮯ ﺍﺟﺴﺎﻡ ﮐﻮ ﺍﺱ ﺑﺎﺕ ﭘﺮ ﮐﺒﮭﯽ ﺣﯿﺮﺕ ﻧﮧ
ﮨﻮﺋﯽ ﮐﮧ ﺍﺗﻨﯽ ﺻﺒﺢ ﻣﻨﮧ ﺍﻧﺪﮬﯿﺮﮮ ﺍﭨﮫ ﮐﺮ ﻓﺠﺮ
ﮐﯽ ﺍﺫﺍﻥ ﺍﺱ ﻗﺪﺭ ﭘﺎﺑﻨﺪﯼ ﺳﮯ ﮐﻮﻥ ﺩﮮ ﺟﺎﺗﺎ ﮨﮯ؟
ﺩﻥ ﮨﻮ ﯾﺎ ﺭﺍﺕ، ﺁﻧﺪﮬﯽ ﮨﻮ ﯾﺎ ﻃﻮﻓﺎﻥ، ﺍﻣﻦ ﮨﻮ ﯾﺎ
ﻓﺴﺎﺩ، ﺩﻭﺭ ﮨﻮ ﯾﺎ ﻧﺰﺩﯾﮏ، ﮨﺮ ﺯﻣﺎﻧﮯ ﻣﯿﮟ ﺷﮩﺮ
ﺷﮩﺮ، ﮔﻠﯽ ﮔﻠﯽ ، ﻗﺮﯾﮧ ﻗﺮﯾﮧ، ﭼﮭﻮﭨﯽ ﺑﮍﯼ، ﮐﭽﯽ
ﭘﮑﯽ ﻣﺴﺠﺪﯾﮟ ﺍﺳﯽ ﺍﯾﮏ ﻣﻠّﺎ ﮐﮯ ﺩﻡ ﺳﮯ ﺁﺑﺎﺩ
ﺗﮭﯿﮟ ﺟﻮ ﺧﯿﺮﺍﺕ ﮐﮯ ﭨﮑﮍﻭﮞ ﭘﺮ ﻣﺪﺭﺳﻮﮞ ﻣﯿﮟ
ﭘﮍﺍ ﺗﮭﺎ ﺍﻭﺭ ﺩﺭﺑﺪﺭ ﮐﯽ ﭨﮭﻮﮐﺮﯾﮟ ﮐﮭﺎ ﮐﺮ ﮔﮭﺮ ﺑﺎﺭ
ﺳﮯ ﺩﻭﺭ ﮐﮩﯿﮟ ﺍﻟﻠﮧ ﮐﮯ ﮐﺴﯽ ﮔﮭﺮ ﻣﯿﮟ ﺳﺮﭼﮭﭙﺎ
ﮐﺮ ﺑﯿﭩﮫ ﺭﮨﺎ ﺗﮭﺎ۔ ﺍﺱ ﮐﯽ ﭘﺸﺖ ﭘﺮ ﻧﮧ ﮐﻮﺋﯽ
ﺗﻨﻈﯿﻢ ﺗﮭﯽ، ﻧﮧ ﮐﻮﺋﯽ ﻓﻨﮉ ﺗﮭﺎ، ﻧﮧ ﮐﻮﺋﯽ ﺗﺤﺮﯾﮏ
ﺗﮭﯽ۔ ﺍﭘﻨﻮﮞ ﮐﯽ ﺑﮯ ﺍﻋﺘﻨﺎﺋﯽ، ﺑﯿﮕﺎﻧﻮﮞ ﮐﯽ
ﻣﺨﺎﺻﻤﺖ، ﻣﺎﺣﻮﻝ ﮐﯽ ﺑﮯ ﺣﺴﯽ ﺍﻭﺭ ﻣﻌﺎﺷﺮﮮ
ﮐﯽ ﮐﺞ ﺍﺩﺍﺋﯽ ﮐﮯ ﺑﺎﻭﺟﻮﺩ ﺍﺱ ﻧﮯ ﻧﮧ ﺍﭘﻨﯽ ﻭﺿﻊ
ﻗﻄﻊ ﮐﻮ ﺑﺪﻻ ﺍﻭﺭ ﻧﮧ ﺍﭘﻨﮯ ﻟﺒﺎﺱ ﮐﯽ ﻣﺨﺼﻮﺹ
ﻭﺭﺩﯼ ﮐﻮ ﭼﮭﻮﮌﺍ۔ ﺍﭘﻨﯽ ﺍﺳﺘﻌﺪﺍﺩ ﺍﻭﺭ ﺩﻭﺳﺮﻭﮞ ﮐﯽ
ﺗﻮﻓﯿﻖ ﮐﮯ ﻣﻄﺎﺑﻖ ﺍﺱ ﻧﮯ ﮐﮩﯿﮟ ﺩﯾﻦ ﮐﯽ ﺷﻤﻊ ،
ﮐﮩﯿﮟ ﺩﯾﻦ ﮐﺎ ﺷﻌﻠﮧ، ﮐﮩﯿﮟ ﺩﯾﻦ ﮐﯽ ﭼﻨﮕﺎﺭﯼ
ﺭﻭﺷﻦ ﺭﮐﮭﯽ۔ ﺑﺮﮨﺎﻡ ﭘﻮﺭ ﮔﻨﺠﻢ ﮐﮯ ﮔﺎﺅﮞ ﮐﯽ
ﻃﺮﺡ ﺟﮩﺎﮞ ﺩﯾﻦ ﮐﯽ ﭼﻨﮕﺎﺭﯼ ﺑﮭﯽ ﮔﻞ ﮨﻮﭼﮑﯽ
ﺗﮭﯽ، ﻣﻠّﺎ ﻧﮯ ﺍﺱ ﮐﯽ ﺭﺍﮐﮫ ﮨﯽ ﮐﻮ ﺳﻤﯿﭧ ﺳﻤﯿﭧ
ﮐﺮ ﺑﺎﺩِ ﻣﺨﺎﻟﻒ ﮐﮯ ﺟﮭﻮﻧﮑﻮﮞ ﻣﯿﮟ ﺍﮌ ﺟﺎﻧﮯ ﺳﮯ
ﻣﺤﻔﻮﻅ ﺭﮐﮭﺎ۔
ﯾﮧ ﻣﻠّﺎ ﮨﯽ ﮐﺎ ﻓﯿﺾ ﺗﮭﺎ ﮐﮧ ﮐﮩﯿﮟ ﮐﺎﻡ ﮐﮯ
ﻣﺴﻠﻤﺎﻥ، ﮐﮩﯿﮟ ﻧﺎﻡ ﮐﮯ ﻣﺴﻠﻤﺎﻥ، ﮐﮩﯿﮟ ﻣﺤﺾ
ﻧﺼﻒ ﻧﺎﻡ ﮐﮯ ﻣﺴﻠﻤﺎﻥ ﺛﺎﺑﺖ ﻭ ﺳﺎﻟﻢ ﻭ ﺑﺮﻗﺮﺍﺭ
ﺭﮨﮯ ﺍﻭﺭ ﺟﺐ ﺳﯿﺎﺳﯽ ﻣﯿﺪﺍﻥ ﻣﯿﮟ ﮨﻨﺪﻭﺅﮞ ﺍﻭﺭ
ﻣﺴﻠﻤﺎﻧﻮﮞ ﮐﮯ ﺩﺭﻣﯿﺎﻥ ﺁﺑﺎﺩﯼ ﮐﮯ ﺍﻋﺪﺍﺩ ﻭ ﺷﻤﺎﺭ
ﮐﯽ ﺟﻨﮓ ﮨﻮﺋﯽ ﺗﻮ ﺍﻥ ﺳﺐ ﮐﺎ ﺍﻧﺪﺍﺭﺝ ﻣﺮﺩﻡ
ﺷﻤﺎﺭﯼ ﮐﮯ ﺻﺤﯿﺢ ﮐﺎﻟﻢ ﻣﯿﮟ ﻣﻮﺟﻮﺩ ﺗﮭﺎ۔
ﺑﺮﺻﻐﯿﺮﮐﮯ ﻣﺴﻠﻤﺎﻥ ﻋﻤﻮﻣﺎً ﺍﻭﺭ ﭘﺎﮐﺴﺘﺎﻥ ﮐﮯ
ﻣﺴﻠﻤﺎﻥ ﺧﺼﻮﺻﺎً ﻣﻠّﺎ ﮐﮯ ﺍﺱ ﺍﺣﺴﺎﻥ ﻋﻈﯿﻢ ﺳﮯ
ﮐﺴﯽ ﻃﺮﺡ ﺳﺒﮑﺪﻭﺵ ﻧﮩﯿﮟ ﮨﻮﺳﮑﺘﮯ ﺟﺲ ﻧﮯ
ﮐﺴﯽ ﻧﮧ ﮐﺴﯽ ﻃﺮﺡ ﮐﺴﯽ ﻧﮧ ﮐﺴﯽ ﺣﺪ ﺗﮏ ﺍﻥ
ﮐﮯ ﺗﺸﺨﺺ ﮐﯽ ﺑﻨﯿﺎﺩ ﮐﻮ ﮨﺮ ﺩﻭﺭ ﺍﻭﺭ ﮨﺮ ﺯﻣﺎﻧﮯ
ﻣﯿﮟ ﻗﺎﺋﻢ ﺭﮐﮭﺎ