لقوہ کا علاج

[intelligent086]

لقوہ کا علاج



ڈاکٹر آصف محمود جاہ
لقوہ کی بیماری چہرے کی نرو کی سوجن یا انفیکشن کی وجہ سے ہوتی ہے۔ جس کی وجہ سے چہرہ ٹیڑھا ہو جاتا ہے۔ آنکھیں کھلی رہ جاتی ہیں اور منہ سے پانی نکلتا رہتا ہے۔ آدمی چنگا بھلا سوتا ہے اور صبح اٹھتا ہے تو اچھا بھلا چہرہ ٹیڑھا ہوتا ہے۔ اس بیماری کے علاج کے لیے مختلف دوائیں استعمال کی جاتی ہیں۔ جن میںسے کچھ درج ذیل ہیں: مختلف قسم کے انجکشن سٹیرائیڈ دوائیں مختلف قسم کی ہومیو پیتھک اور حکیمی دوائیں مضر اثرات:لقوہ کی بیماریوں میں استعمال ہونے والی مختلف قسم کی دوائوں کے مضر اثرات دوا کے استعمال کے انحصار پر ہیں۔ زیادہ تر سٹیرائیڈز دوائیں دی جاتی ہیں۔ سٹیرائیڈ دوائوں کے مضر اثرات پہلے بیان کئے جا چکے ہیں۔ احتیاط:٭دوا ہمیشہ ڈاکٹر کے مشورہ سے استعمال کریں۔ ٭ سٹیرائیڈز دوائوں کی مقدار ڈاکٹر کے مشورہ سے بتدریج کم کرنا پڑتی ہے اس لیے اس دوران ڈاکٹر سے رابطہ ضروری ہے۔ ٭ لقوہ کی بیماری کے دوران مختلف قسم کے مقویٔ صحت مشروبات اور ٹیکے استعمال کرنے کا کوئی فائدہ نہیں اس لئے ان کے استعمال سے پرہیز کریں۔ دوا کی نوعیت اور ضرورت کی اہمیت:گو کہ لقوہ میں مختلف قسم کی دوائیں استعمال کی جاتی ہیں لیکن اس دوران زیادہ تر دوائوں کا کوئی خاص اثر نہیں ہوتا کیونکہ یہ بیماری چہرے کی نسFacial Nerveکی سوجن یا انفیکشن کی وجہ سے ہوتی ہے۔ اس میں زیادہ تر سٹیرائیڈ کا استعمال ہوتا ہے۔ اس کے علاوہ استعمال ہونے والی مختلف قسم کی قیمتی دوائوں، جن میں مختلف قسم کے ٹیکے، گولیاں، شربت وغیرہ ہوتے ہیں، کا کوئی فائدہ نہیں ہوتا بلکہ الٹا ان کی وجہ سے نقصان ہو سکتا ہے۔ اس لیے ضروری ہے کہ لقوہ کی بیماری میں غیر ضروری دوائوں کا استعمال نہ کیا جائے۔ زیادہ تر مریضوں میں بیماری خودبخود ٹھیک ہو جاتی ہے۔ دوائوں سے زیادہ فزیوتھراپی کام آتی ہے۔ آسان اور متبادل علاج:٭ دیگر بیماریوں کی طرح لقوہ کی بیماری میں بھی بالکل پریشان نہ ہوں۔ بیماری کچھ دنوں بعد خود ہی ختم ہو جائے گی۔ دوائوں سے زیادہ فزیوتھراپی پہ انحصار کریں۔ ٭ بیماری کے دوران اچھی خوراک تازہ سبزیاں، تازہ پھل و سوپ وغیرہ استعمال کریں۔ ٭ لقوہ کی بیماری میں زیادہ پروٹین والی اشیاء استعمال کریں۔ ٭ کبوتر کا گوشت استعمال کرنا اور اس کا سوپ پینا فائدہ مند ہوتا ہے۔ ٭ چہرے کی مکمل صفائی رکھیں۔ آنکھوں کو گرد سے بچانے کے لیے چشمہ استعمال کریں۔ ٭ زیادہ حکیموں اور ویدوں کے چکر میں نہ پڑیں۔ ٭ اچھے فزیوتھراپسٹ سے مشورہ کریں۔ چہرہ کی ہلکی پھلکی ورزشیں جن میں منہ پھلانا، ماتھے پر بل ڈالنا، زور زور سے پھونک مارنا اور غبار پھیلانا بھی شامل ہیں کو بار بار کرنے سے بھی بیماری دور کرنے میں مدد ملتی ہے۔