Attention Guest, if you are not a member of Urdu Tehzeb, you have 1 new private message waiting, to view it you must fill out 
مچھلی کا استعمال جوڑوں کے امراض سے بچائے
اگر تو آپ اپنی غذا میں مچھلی کا استعمال اکثر کرتے ہیں تو اچھی خبر یہ ہے کہ اس سے جوڑوں کے امراض کا خطرہ کافی حد تک کم ہوجاتا ہے ۔یہ دعویٰ امریکہ میں ہونے والی ایک طبی تحقیق میں سامنے آیا۔ تحقیق میں بتایا گیا ہے
لاہور(دنیا نیوز)اگر تو آپ اپنی غذا میں مچھلی کا استعمال اکثر کرتے ہیں تو اچھی خبر یہ ہے کہ اس سے جوڑوں کے امراض کا خطرہ کافی حد تک کم ہوجاتا ہے ۔یہ دعویٰ امریکہ میں ہونے والی ایک طبی تحقیق میں سامنے آیا۔ تحقیق میں بتایا گیا ہے کہ مچھلی اور اس کے تیل میں پائے جانے والے فیٹی ایسڈز جوڑوں کے امراض کا باعث بننے والے عناصر کی روک تھام کے لیے موثر ثابت ہوتے ہیں۔تحقیق میں بتایا گیا ہے کہ جسم میں کچھ عناصر جوڑوں کے اردگرد موجود ٹشوز کو نشانہ بناتے ہیں جس کے نتیجے میں وہ سوج جاتے ہیں اور درد اور اکڑن کا احساس ہونے لگتا ہے ۔تحقیق میں جوڑوں کے امراض کا باعث بننے والی اینٹی باڈیز کو دریافت کیا گیا جن کی سطح میں اومیگا تھری فیٹی ایسڈز کے استعمال سے نمایاں کمی دیکھنے میں آئی۔تحقیقی ٹیم نے فیٹی ایسڈز سے بھرپور مچھلی اور ایک سے تین گرام مچھلی کے تیل کا استعمال ایسے افراد کے لیے تجویز کیا ہے جن میں جوڑوں کے امراض کا خطرہ ہو۔انہوں نے یہ بھی کہا ہے کہ یہ فیٹی ایسڈز سوجن کے باعث ہونے والے دیگر امراض کی روک تھام میں بھی مددگار ثابت ہوسکتے ہیں۔اومیگا تھری فیٹی ایسڈز مچھلی کے علاوہ اخروٹ ، سویا بین اور گوبھی وغیرہ میں بھی وافر مقدار میں پائے جاتے ہیں۔
Reply With Quote
Originally Posted by Moona
Bookmarks