جاتی امراء: دہلی سے براستہ کابل لاہور آنیوالے مہمان کیلئے پکائے گئے خاص پکوان



جاتی امراء کے میزبانوں نے دہلی سے براستہ کابل لاہور آنے والے خاص مہمان کیلئے خاص پکوان پکائے، بھارتی وزیر اعظم نریندر مودی کے لئے دیسی گھی میں پالک پنیر، مکس سبزی اور اسپیشل دال تیار کرائی گئی۔ مودی نے نواز شریف کی نواسی کے لئے ملبوسات کا تحفہ بھی دیا۔
لاہور: (دنیا نیوز) سرحد پار سے آئے مہمان کے لئے جاتی امراء میں بنے خاص پکوان پکائے گئے، بھارتی وزیر اعظم نریندر مودی کے لئے خاص دستر خوان سجایا گیا۔ رائیونڈ میں وزیر اعظم نواز شریف کی رہائشگاہ میں نریندر مودی کی خاطر مدارت دیسی گھی میں تیار کئے گئے کھانوں سے کی گئی۔ جاتی امرا میں خاص مہمان کیلئے پالک، پنیر، مکس سبزی اور اسپیشل دال بنوائی گئی۔ نریندر مودی نے وزیر اعظم نواز شریف کو سالگرہ کے ساتھ ساتھ ان کی نواسی کی شادی کی بھی مبارک باد دی۔ بھارتی وزیر اعظم نے دلہن کے لئے نیک تمناؤں کا اظہار بھی کیا اور بھارتی ملبوسات کا تحفہ بھی دیا۔