ساگودانہ… غذا بھی ، شفا بھی

ڈاکٹر محمد رشید
عربی: سابودانہ ہندی: سابودانہ انگریزی: Sago یہ بہت مشہور چیز ہے۔ دراصل یہ دانے ہوتے ہیں جو درخت کے تنے سے حاصل ہوتے ہیں اس کا رنگ سفید ہوتا ہے اور ذائقہ پھیکا ہوتا ہے ۔ اس کی مقدار خوراک دو تولے تک ہوئی ہے اس کا مزاج گرم تر ہے۔ اس کے درج ذیل فوائد ہیں: 1۔ ساگودانہ سے جسم کو توانائی حاصل ہوتی ہے۔ 2۔ یہ کار بوہائیڈریٹ فراہم کرنے کا سب سے اہم ذریعہ ہے۔ 3۔ ساگودانہ میں پروٹین کی کچھ مقدار ہوتی ہے۔ جب اسے دودھ میں پکایا جاتا ہے تو اس کی غذائیت میں اضافہ ہوتا ہے۔ 4۔ ساگودانہ ایک زود ہضم اور مقوی غذا ہے۔ 5۔ اسہال ، پیچش اور بخار کے مریضوں کے لئے بہترین غذا ہے۔ 6۔ بدن کو فربہ کرتا ہے۔ 7۔ طبیعت کو نرم کرتا ہے۔ 8۔ باہ زیادہ کرتاہے اور تحریک باہ بھی اس کے استعمال سے خوب ہوتی ہے۔ 9۔ مقوی معدہ اور مقوی امعاء بھی ہے۔ اس کے لئے ایک تولہ ساگودانہ دودھ میں پکا کر کھانا چاہیے۔ نوٹ:اس کو استعمال کرنے سے پہلے اچھی طرح دھو لینا چاہیے تا کہ اس کے اندر کی مٹی وغیرہ دور ہو جائے۔ اس کے علاوہ اس کو پہلے پانی میں پکا کر پھر دودھ ڈالنا زیادہ مناسب ہے۔