عرضِ نیازِ عشق کے قابل نہیں رہا

**intelligent086** · 12-20-2015, 02:51 AM

عرضِ نیازِ عشق کے قابل نہیں رہا
جس دل پہ ناز تھا مجھے وہ دل نہیں رہا
جاتا ہوں داغِ حسرتِ ہستی لیے ہوئے
ہوں شمعِ کشتہ درخورِ محفل نہیں رہا
مرنے کی اے دل اور ہی تدبیر کر کہ میں
شایانِ دست و خنجرِ قاتل نہیں رہا
بر روۓ شش جہت درِ آئینہ باز ہے
یاں امتیازِ ناقص و کامل نہیں رہا
وا کر دیے ہیں شوق نے بندِ نقابِ حسن
غیر از نگاہ اب کوئی حائل نہیں رہا
گو میں رہا رہینِ ستم ہاے روزگار
لیکن ترے خیال سے غافل نہیں رہا
دل سے ہوائے کشتِ وفا مٹ گئی کہ واں
حاصل سواے حسرتِ حاصل نہیں رہا
بیدادِ عشق سے نہیں ڈرتا مگر اسدؔ
جس دل پہ ناز تھا مجھے وہ دل نہیں رہا

Arze niyaz ishq ke qabil nahin raha
Jis dil pe naaz tha mujhe woh dil nahin raha
Jata dage hasrate hasti liye huai
Hon shamae kushtah, der khore mahfil nahin rha
Merne ki ai dil ! aur hi tadbeer ker ki main
Shayane dast-o- bazuai qatil nahin raha
Brooe shash jihat dare aiena baz hai
Yan imtiyaze naqis-o-kamil nahin raha
Wa ker diye hain shauq ne bnde neqabe husn
Gair az nigah, ab koi hail nahin raha
Go main raha raheene sitamhaye rozgar
Laikin tere khayal se gafil nahin raha
Dil se hawa ki kishte waea mit gayee wahan
Hasil sewai hasrate hasil nahin raha
Baidade ishq se nahin darta magar Asad!
Jis dil pe naaz tha mujhe who dil nahi raha