دل میرا سوز ِنہاں سے بے محابا جل گیا

[intelligent086]

دل میرا سوز ِنہاں سے بے محابا جل گیا
آتش خاموش کی مانند، گویا جل گیا
دل میں ذوقِ وصل و یادِ یار تک باقی نہیں
آگ اس گھر میں لگی ایسی کہ جو تھا جل گیا
میں عدم سے بھی پرے ہوں، ورنہ غافل! بارہا
میری آہِ آتشیں سے بالِ عنقا جل گیا
عرض کیجئے جوہرِ اندیشہ کی گرمی کہاں؟
کچھ خیال آیا تھا وحشت کا، کہ صحرا جل گیا
دل نہیں، تجھ کو دکھاتا ورنہ، داغوں کی بہار
اِس چراغاں کا کروں کیا، کارفرما جل گیا
میں ہوں اور افسردگی کی آرزو، غالبؔ! کہ دل
دیکھ کر طرزِ تپاکِ اہلِ دنیا جل گیا

Dil mera soze nihan se bai muha jal gaya
Atashe khamosh kai manind goya jal gaya
Dil mein zauqe wasle yar tak baqi nahin
Aag as ghar mein aisee lagi ki jo tha jal gaya
Mein adam se bhi parey hon' warna gafil!barha
Meiri aah astin se bal anqa jal gaya
Arz kijiai jo har andaishah ki garmi kahan
Kuch khayal aya tha wahshat ka ki sahra jal gaya
Dil nahin tugh ko dikhata warnah dagon ki bahar
Is chiragan ka, karon kya, farma jal gaya
Mein hon aur afsurdagi ki arzo Ghalib! Ki dil
Daikh kar tarze tapake ahle dunia jal gaya

[UmerAmer]

Bohat Khoob
Zabardast