vafaa ke bhes me.n ko_ii raqiib-e-shahar bhii hai

[intelligent086]

vafaa ke bhes me.n ko_ii raqiib-e-shahar bhii hai
hazar! ke shahar ke qaatil tabiib-e-shahar bhii hai

vahii sipaah-e-sitam Khemaazan hai chaaro.n taraf
jo mere baKht me.n thaa ab nasiib-e-shahar bhii hai

udhar kii aag idhar bhii pahu.Nch na jaaye kahii.n
havaa bhii tez hai jangal qariib-e-shahar bhii hai

ab us ke hijr me.n rote hai.n us ke ghaayal bhii
Khabar na thii ke vo zaalim habiib-e-shahar bhii hai

ye raaz naaraa-e-mansuur hii se ham pe Khulaa
ke chuub-e-mimbar-e-masjid saliib-e-shahar bhii hai

ka.Dii hai jang ke ab ke muqaabile pe 'Faraz'
amiir-e-shahar bhii hai aur khatiib-e-shahar bhii hai

Similar Threads:

• juz tere ko_ii bhii din raat na jaane mere
• dil bhii bujhaa ho shaam kii parachhaa_iyaa.N bhii ho.n
• lagaao dil pe ko_ii aisaa zaKhm-e-kaarii bhii
• Ghareeb-e-shahar ka sar hai ke shaharyaar ka hai
• jab bhii dekha mere kirdaar pe dhabba ko_ii

[UmerAmer]

Bohat Khoob
Zabardast