Attention Guest, if you are not a member of Urdu Tehzeb, you have 1 new private message waiting, to view it you must fill out 
متحدہ کا بھارتی ہائی کمیشن کو لکھا گیا خط سامنے آ گیا،معمول کی کارروائی ہے:رابطہ کمیٹی
کراچی (دنیا نیوز)ایم کیو ایم کا کراچی میں کارکنوں کی گرفتاری پر بھارتی ہائی کمیشن کو لکھا گیا خط سامنے آ گیا جس میں کارکنوں کی گمشدگی اور گرفتاری کا نوٹس لینے کا مطالبہ کیا گیا ہے.
متحدہ قومی موومنٹ کی جانب سے کراچی میں کارکنوں کی گمشدگی اور گرفتاریوں کا نوٹس لینے کے لیے بھارتی ہائی کمیشن کو لکھا گیا خط منظر عام پر آ گیا ہے جس میں بھارت سے نوٹس لینے اور کارروائی کا مطالبہ کیا گیا ہے۔
ایم کیو ایم رابطہ کمیٹی کے اراکین کا کہنا ہے کہ کراچی میں ہونے والی انسانی حقوق کی خلاف ورزی کے حوالے سے صرف بھارت نہیں بلکہ کئی ممالک کے سفارتخانوں کو خط لکھنا معمول کی کارروائی ہے۔
ایم کیو ایم کے ترجمان کے مطابق بھارت سمیت تمام سفارتخانوں کو لکھے جانے والے خط کی کاپیاں وزیر اعظم پاکستان ، چیف جسٹس آف پاکستان اور چیف آف آرمی سٹاف کو بھیجی جاتی ہیں۔
ایم کیو ایم کوئی کام چھپ کر نہیں کرتی ، ان کا کہنا ہے کہ ایم کیو ایم نے اسی حوالے سے اقوام متحدہ ، یورپی یونین اور ایمنسٹی انٹرنیشنل کو بھی خطوط ارسال کیے ہیں۔
دنیا بھر کے مختلف ممالک کے سفارتخانوں کو خط لکھنا معمول کی کاروائی ہے۔دوسری جانب بھارتی ہائی کمیشن نے ایم کیو ایم کی جانب سے خط موصول ہونے کی تردید کی ہے۔ حکام کہتے ہیں کوئی خط بھیجا بھی گیا ہو تو کچھ نہیں کہہ سکتے۔
Similar Threads:
Reply With Quote
Originally Posted by Gorgeous Princess
Bookmarks