صحت مند زندگی گزارنے کے چند طریقے!

**intelligent086** · 08-03-2015, 10:57 AM

ہر انسان خواہ وہ کسی بھی عمر کا ہو یا کسی بھی پیشے سے تعلق رکھتا ہو۔ وہ ایک صحتمند اور تندرست زندگی گزارنا چاہتا ہے۔ تندرستی ہزار نعمت ہے، کی کہاوت بہت پرانی ہے جو کہ ایک حقیقت ہے۔ تو صرف چند آسان چیزوں پر عمل کرکے آپ ایک صحت مند اور خوشگوار زندگی کا آغاز کرسکتے ہیں۔ صبح جلدی جاگیں دیکھا گیا ہے کہ جو لوگ جلدی جاگتے ہیں ان کا پورا دن چاق و چوبند گزرتا ہے بمقابلہ اس انسان کے جو دیر سے جاگتا ہے۔ یہ ایک ایسی بہترین عادت ہے جو آپ کی زندگی میں آسانیاں لے کر آ سکتی ہے۔ روزانہ ورزش کریں کچھ لوگوں کے لیے یہ بہت مشکل کام ہوتا ہے یا اس کام کے لیے ان کے پاس وقت نہیں ہوتا۔ اگر آپ پہلے اصول صبح جلدی اٹھنے پر عمل کریں گے تو آپ کے لیے روزانہ ورزش کے لیے وقت نکالنا آسان ہوجائے گا۔ ورزش کے لیے بہت سے طریقے ہیں آپ کو جو آسان لگیں آپ اس پر عمل کر سکتے ہیں۔ چلنا یا ٹہلنا آپ اگر کچھ اور نہیں کر سکتے تو صبح کی سیر کے لیے ضرور جائیے۔ یہ ناصرف آپ کو چاق و چابند کریں گی بلکہ آپ کی صحت پر خوشگوار اثر ڈالیں گی۔ جو لوگ جسمانی محنت سے کتراتے ہیں ان کے لیے یہ بہت آسان طریقہ ہے۔ یوگا یوگا ایک ایسی ورزش ہے جو آپ کے جسم اور دماغ دونوں کو سکون دیتی ہے۔ جمنازیم یہ صرف ان لوگوں کے لیے نہیں ہے جن کا وزن بڑھا ہوا ہو۔ جمنازیم جا کے آپ کو ایک گائیڈ کی مدد سے ورزش کرنے کے طریقے پتہ چلیں گے۔ دوسری ورزش کے مقابلے میں یہ ایک مہنگا طریقہ ہے مگر اس کا اثر بھی دوسری ورزشوں کے مقابلے میں زیاہ تیزی سے ہوتا ہے۔ اپنی خوراک کا خیال کیجیے اکثر لوگوں کو یہ پتہ ہی نہیں ہوتا کہ وہ کیا کھارہے ہیں۔ ہمارے یہاں زیادہ تر مرچ مصالحے والے اور زیادہ تیل والے کھانے کھائے جاتے ہیں۔ اور ہر کسی کے لیے ممکن نہیں کہ ان کھانوں کو چھوڑ کر بالکل الگ یا کوئی پھیکی چیز بنا کر کھائیں۔ تو اس کے چند طریقے یہاں بتائے جارہے ہیں جس پر عمل کرکے اپنی خوراک کو آپ اپنی صحت کے لیے خطرہ نہیں فائدہ بنائیں گے۔ ٭پہلا طریقہ یہ ہے کہ اپنے روزمرہ کے کھانوں میں توازن رکھیں۔ یعنی کہ گوشت، سبزی۔ دالیں ، پھل ور گندم اس طرح کی ہر چیز کو اپنی روزمرہ کی غذا میں تھوڑا تھوڑا شامل کر کے لیجیے. جس سے آپ کی مکمل غذائی ضرورت پوری ہوسکیں۔ ٭اپنے عام روزمرہ کے کھانوں سے مرچ مصالحے اور تیل کی مقدار کو کم کریں۔ صرف اتنا رکھیں جتنی ضرورت ہو۔٭ روزانہ دودھ پینے کی عادت ڈالیں۔٭ اپنے عام کھانے کے ساتھ سلا د اور رائتہ لینے کی عادت ڈالیں یہ آپ کے کھانے کو مکمل غذائیت دیں گی اور مزید ذائقہ بخشے گی۔ صفائی کا خیال کریں صحتمندی کے لیے آپ کا اور اور آپ کے آس پاس کے ماحول کا صاف ستھرا ہونا بہت ضروری ہے اس لیے اپنے گھر کو صاف رکھیں اور روزانہ غسل کی عادت ڈالیں۔ دھوپ لیجیے گرمیاں ہو یا سردیاں زیادہ نہیں مگر کم از کم دس منٹ سے آدھے گھنٹے تک دھوپ لیں۔ یہ آپ کو وٹامن ڈی دیتی ھے اور سا ئنس د انوں کا کہنا ہے کہ دھوپ لینے والوں پر بڑھاپا دیر سے آتا ہے۔ ہاں یہ دھوپ صبح کی ہو تو بہتر ہے۔یہ سب بالکل آسان طریقے ہیں جسے آپ اپنی روزمرہ کی زندگی میں شامل کرکے اپنی زندگی آسان اور صحت مند بناسکتے ہیں۔ ( انٹر نیٹ سے ماخوذ) ٭…٭…٭ - See