Attention Guest, if you are not a member of Urdu Tehzeb, you have 1 new private message waiting, to view it you must fill out 
گرداس پور حملہ، بھارتی میڈیا نے پاکستان کے ملوث نہ ہونے کا اعتراف کر لیا
نئی دہلی: (دنیا نیوز) نہ ثبوت نہ تحقیق گرداس پور حملے کے فوری بعد ہی بھارتی میڈیا نے پاکستان کے خلاف زہر اگلنا شروع کر دیا۔ غیر واضح سی سی ٹی وی فوٹیج ہاتھ آئی تو ہرزہ سرائی اور بھی تیز ہو گئی۔ یہاں تک کہ بھارتی وزیر داخلہ راج ناتھ سنگھ بھی زہر افشانی میں پیش پیش رہے لیکن بھارتی میڈیا اور وزیر داخلہ کو منہ کی کھانا پڑی ہے۔ اب بھارتی میڈیا نے اعتراف کیا ہے کہ حملے میں پاکستان کے ملوث ہونے کے کوئی واضح ثبوت نہیں ملے۔ پاکستانی حکومت حملے سے بالکل بے خبر تھی۔ حملے کے فوری بعد بھارتی حکومت نے قومی سلامتی کے مشیروں کی ملاقات ہی منسوخ کر دی تھی۔ اب خبر یہ ہے کہ پاک بھارت حکام کی ملاقات اس ماہ کے آخر میں متوقع ہے۔ بھارتی اخبار انڈین ایکسپریس کے مطابق پاکستانی مشیر خارجہ اگست کے آخر میں نئی دلی پہنچیں گے۔ جہاں وہ بھارتی نیشنل سیکورٹی ایڈوائزر اجیت کے دیول سے ملاقات کریں گے۔ یوں ایک بار پھر بھارتی ڈرامہ اور شر انگیز پراپیگنڈہ اپنے انجام کو پہنچا۔ چھوٹی چھوٹی باتوں کو بنیاد بنا کر پاکستان کےخلاف پراپیگنڈہ کرنا بھارت کی پرانی عادت ہے۔ بھارتی سرکار کبھی کبوتر کو جاسوس بنا کر ڈھنڈورا پیٹتی رہی ہے تو کبھی بحیرہ ہند میں اسمگلروں کی کشتی کو آگ لگا کر ڈرامے کرتی رہی ہے۔
Similar Threads:
Reply With Quote
Bookmarks