ہونٹوں کو خوبصورت بنائیے اور دلکش نظر آئ&

**intelligent086** · 06-27-2015, 08:17 AM

ہونٹ ہمارے چہرے کا سب سے حساس، خوبصورت اور پر کشش حصہ ہیں اور چہرے کی خوبصورتی اور بشاشت اور تازگی میں جو کردار ہونٹ ادا کرتے ہیں وہ چہرے کا کوئی اور عضو نہیں کر سکتا۔ بعض خواتین کے قدرتی گلابی ہونٹ کالے پڑ جاتے ہیں اور ان پر بال نکل آتے ہیں جن سے ہونٹوں کی خوبصورتی ماند پڑ جاتی ہے،گر چہ ہونٹوں کو خوبصورت بنانے کیلئے لپ اسٹک استعمال کی جاتی ہے، لیکن ہونٹوں پر سے کالا پن دور کرنے اور بال ختم کرنے کے کئی طریقے بھی موجود ہیں۔ ہونٹوں پر بال نکل آنے سے ان کی خوبصورتی اور دلکشی یقینا متاثر ہوتی ہے لیکن ایسی صورت میں پریشان ہونے کی ضرورت نہیں کیونکہ ویکس یا تھریڈنگ کے ذریعے آسانی سے ہونٹوں پر سے بال دور کئے جا سکتے ہیں‘ اس کے علاوہ اگر آپ کے ہونٹوں پر کالا پن پیدا ہو گیا ہو تو انہیں دوبارہ گلابی بنانے کیلئے ناریل کے تیل میں لیموں ملا کر رکھ لیں اور دن میں کئی مرتبہ اسے ہونٹوں پر لگائیں اور روزانہ ایک قندھاری انار ضرورکھائیں لیکن معدے کو خراب نہ ہونے دیں۔ اگر آپ کے ہونٹ پھٹ گئے ہوں تو تھوڑا سا شہد لے کر چند قطرے لیموں کے ڈال کر پندرہ منٹ تک ہونٹوں پر لگائیں پھر دھو کر بالائی لگائیں ‘یہ شکایت معدے کی خرابی کی وجہ سے ہوتی ہے اس لئے معدے کو درست رکھیں یا دن میں دو تین بار سنگترے کے چھلکے کا رس ہونٹوں پر لگاتے رہیں۔ ایک گھنٹے کے بعد نیم گرم پانی سے منہ صاف کر لیں۔ ہونٹوں میں قدرتی سرخی پیدا کرنے کیلئے روزانہ رس دار پھلوں کا رس استعمال کریں اس کے علاوہ بالائی بھی پھٹے ہوئے ہونٹوں لئے مفیدرہتی ہے۔ ہونٹوں کو خوبصورت بنانے کیلئے چند مفید ٹپس ذیل میں دی جارہی ہیں: ہونٹوں کو دلآویز بنانے کیلئے لپ اسٹک استعمال کرنے سے پہلے تھوڑی سی فائونڈیشن ضرور لگا لینی چاہئے۔ اس سے وہ ناگوار لائنیں غائب ہو جائیں گی جو بڑھتی ہوئی عمر کی نشاندہی کرتی ہیں۔ لپ اسٹک ہمیشہ چہرے کی رنگت اور لباس کے رنگ سے میچ کرتی ہوئی لگائیں ورنہ لپ اسٹک کا مناسب شیڈ اچھے میک اپ کو بھی خراب کر دیگا جو کہ آپ کی خوبصورتی کو بے حد متاثر کریگا۔ ہونٹوںپر قدرتی لالی لانے کیلئے زعفران ذرا سا پیس کر بالائی میں ملا کر ہونٹوں پر لگائیں۔ چند منٹ کے بعد صاف کر لیں۔ اس طرح ہونٹ نرم رہیں گے۔ ہونٹوں کو پتلا اور خوبصورت بنانے کیلئے پسی ہوئی پھٹکری، عرقِ گلاب اور چار قطرے لیموں کا عرق لیں اور ان تینوں کو ملا کر دن میں دو تین مرتبہ اور رات کو سوتے وقت لگائیے۔ اس طرح سے ہونٹ نہ صرف پتلے اور خوبصورت ہوں گے بلکہ ان کا کالا پن بھی دور ہو جائیگا۔ ہونٹوں پرقدرتی لالی لانے کا ایک اور طریقہ یہ ہے: روزانہ رات کو ہونٹوں پر زعفران لگائیں اور پانچ منٹ کے بعد دھو ڈالیں۔ چند دنوں تک ایسا کرنے سے آپ کے ہونٹوں پر قدرتی لالی آجائے گی اور آپ کو لپ اسٹک لگانے کی ضرورت نہیں ہو گی۔کچھ خواتین کا اوپر کا ہونٹ موٹا ہوتا ہے اور نچلا ہونٹ بہت پتلا ، یا پھر یوں بھی ہوتا ہے کہ ہونٹ بہت ہی پتلے پتلے ہوتے ہیں یا اوپر کا ہونٹ نیچے کے ہونٹ کی نسبت بہت چھوٹا ہو، تو اس صورت میں لپ اسٹک لگاتے وقت بہت ماہرانہ انداز میں اگر لپ پنسل سے آئوٹ لائن بنا کر دونوں ہونٹوں میں یکسانیت پیدا کر لیں تو اس سے اچھا تاثر ابھرتا ہے لیکن یہ بات یاد رکھیں کہ آئوٹ لائن بنانے کیلئے جو لپ اسٹک یا لپ پنسل استعمال کریں اس کا رنگ آپ کے لپ اسٹک کے رنگ سے قدرے گہرا ہونا چاہئے۔ جسے آپ ہونٹوں پر لگائیں اور اس کے بعد کوشش کریں کہ کھانے پینے کے دوران میں لپ اسٹک اترنے نہ پائے۔ ورنہ ہونٹوں کی ساخت بھدی معلوم ہونے لگے گی۔ ہونٹوں کو خوبصورت اور جاذب نظر بنائے رکھنے کیلئے لپ اسٹک لگانا چاہئے یا نہیں اس کے بارے میں دو نظریات ہیں اور دونوں ہی انتہاء پسندی کی حدود کو چھوتے نظر آتے ہیں۔ایک نظریہ یہ اس بات پر متفق ہے کہ ہونٹ بالکل سادہ اور بغیر کسی قسم کی لپ اسٹک یا رنگ کے ہونے چاہئیں جبکہ دوسرا نظریہ اس بات کی تائید کرتا ہے کہ ہونٹوں پر لپ اسٹک کی تہہ انہیں خوب سے خوب تر بناتی ہے اس لئے لپ اسٹک کا استعمال ناگزیر ہے۔ ماہرین کے مطابق اگر نوجوانی میں ہونٹوں پر ہلکی سی لپ اسٹک لگائی جائے تو گلوز لگا کر گلابی پن کا تاثر دیا جا سکتا ہے۔ لپ اسٹک یا گلوز لگانے کا سب سے بڑا فائدہ یہ ہے کہ ان کی بدولت ہونٹوں کو موئسچرائزر مہیا ہو جاتا ہے، دوسرا فائدہ یہ ہے کہ ہونٹوں پر چمک پیدا ہو جاتی ہے۔اکثر دیکھا گیا ہے کہ میک اپ کے بعد اگر ہونٹوں پر لپ اسٹک نہ لگائی جائے تو چہرہ ادھورا اورنامکمل سا لگتا ہے، کچھ خواتین کا خیال ہوتا ہے کہ جب تک لپ اسٹک کی موٹی تہیں نہ جمائی جائیں اس وقت تک ہونٹ خوبصورت نظر نہیں آسکتے لیکن یہ خیال غلط ہے دراصل لپ اسٹک لگانا باقاعدہ ایک فن کا درجہ رکھتا ہے۔ آپ اپنے ہونٹوں کو اس وقت تک نمایاں نہیں کر سکتیں جب تک کہ آپ کو ہونٹوں پر لپ اسٹک لگانا نہ آجائے۔ ٭…٭…٭