Attention Guest, if you are not a member of Urdu Tehzeb, you have 1 new private message waiting, to view it you must fill out 
Mohabbaton main har aik lamhaa visaal ho ga yeh tehh hua tha,
Bicharr ke bhi aik duusre ka khayaal ho ga yeh tehh hua tha,
Wohi hua na, badalte mausam main tum ne hum ko bhulaa diya,
Koi bhi rut ho, na chahton ko zawaal ho ga yeh tehh hua tha,
Yeh kya ke saansain ukharr gayi hain safar ke aghaaz hi se yaro,
Koi bhi thhak kar na raaste me niddhaal ho ga yeh tehh hua tha,
Judaa huye hain to kya hua phir, yehi to dastoor-e-zindagi hai,
Judaaiyon main na qurbaton ka malaal ho ga yeh tehh hua tha,
Chalo ke ab kashtiyon ko jalaa dein gumnaan ke sahilon pr,
Ke ab yahan se na wapsi ka sawaal ho ga yeh tehh hua tha.
Similar Threads:
Reply With Quote
Bookmarks