پشاور: شہر اورگردونواح میں تیزآندھی اور م

[KhUsHi]

پشاور: شہر اورگردونواح میں تیزآندھی اور موسلادھار بارش سے کئی علاقوں میں چھتیں اور دیواریں گرنے کے نتیجے میں 30 افراد جاں بجق اور 200 سے زائد زخمی ہوگئے جب کہ شہر کا نظام درہم برہم ہوکر رہ گیا۔
ایکسپریس نیوز کے مطابق پشاور اور گردونواح میں تیز آندھی اور موسلا دھار بارش سے مختلف علاقوں میں دیواریں اور چھتیں منہدم ہوگئیں جس کے نتیجے میں بچوں اور خواتین سمیت 30 افراد جاں بجق اور 200 سے زائد زخمی ہوگئے جب کہ زخمیوں اورلاشوں کولیڈی ریڈنگ اسپتال منتقل کردیا گیا ہے۔ صوبے کے تین بڑے سرکاری اسپتالوں میں ایمرجنسی نافذ کرتے ہوئے عملے کو طلب کرلیا گیا ہے جب کہ پشاور کے لیڈی ریڈنگ اسپتال زخمیوں سے بھر گیا جس کے بعد انتظامیہ کا کہنا ہے کہ اسپتال میں مزید زخمیوں کو رکھنے کی گنجائش نہیں اس لئے انہیں دیگر اسپتالوں میں لے جایا جائے۔
موسلا دھار بارش اور آندھی کے باعث چھتیں گرنے کے واقعات چار سدہ روڈ، پخہ غلام ،بدھوثمرباغ ،شب قدراور بڈھنی میں پیش آئے جب کہ تیز ہواوؤں کے باعث بجلی کا نظام درہم برہم ہوکر رہ گیا اور مختلف سڑکوں پر درخت گر گئے جوامدادی کاموں میں رکاوٹ کا باعث بن رہے ہیں۔ شہر کے نواحی علاقے پخہ غلام کے علاقے میں بارش اور تیز آندھی سے کئی چھتیں اور درخت گرگئے جس سے کئی افراد جاں بحق اور زخمی ہوئے ،شب قدر کے علاقے میں مکان کی چھت گرنے سے میاں بیوی جاں بحق جب کہ ناصرباغ جی ٹی روڈ پر 2 مکانات کی چھتیں گرنے سے متعدد افراد جاں بحق اورزخمی ہوئے،تیز آندھی اور بارش کے باعث جاں بحق افراد میں بچے اور 2 بہنیں بھی شامل ہیں۔
دوسری جانب محکمہ موسمیات کے مطابق پشاور شہر میں تیز آندھی کی رفتار70 کلو میٹر فی گھنٹہ ریکارڈ کی گئی اور آئندہ 24 گھنٹوں میں پشاور، ہزارہ اور مالاکنڈ ڈویژن میں آندھی اور تیز بارش کا امکان ہے۔

Similar Threads:

• کرپشن اور دہشت گردی میں ملاپ ارشاد احمد عا
  
• پرویز رشید صاحب سے معذرت ھارون الرشید (نات
  
• آپ اپنی زندگی میں خوشیاں بھر سکتے ہیں
• زندگی کے مختلف رنگ اور رنگوں میں پوشیدہ سب
• وزیر اعظم محمد نواز شریف کی آج 65ویں سالگرہ &

[Moona]

Thanks 4 informative sharing