دلبرِ صد عشوہ زا مطلوب ہے

[intelligent086]

غزل
(حکیم آزاد انصاری)

دلبرِ صد عشوہ زا مطلوب ہے
خوبصورت تر بلا مطلوب ہے
​

اہلِ دل ہوں، دلربا مطلوب ہے​
بندہ بننا ہے خدا مطلوب ہے​

​

بے وفا! کیا کہئیے، کیا مطلوب ہے​
طاقتِ ترکِ وفا مطلوب ہے​

​

اذن ہو تو عرضِ حالِ دل کروں​
طبع ِ نازک کی رضا مطلوب ہے​

​

اے وفا کے خبط! لےکچھ اور سُن​
اب اُنہیں شکرِ جفا مطلوب ہے​

​

او ستمگر!کچھ خطا ہو یا نہ ہو​
اب بہر حالت سزا مطلوب ہے​

​

پھر گرفتارِ غمِ حاجات ہوں​
پھر کوئی حاجت رو ا مطلوب ہے​

​

مضطر آیا ہوں، سکوں درکار ہے​
درد لایا ہوں دوا مطلوب ہے​

​

کچھ بھی ہو، اب میں ہوں اور تیری تلاش​
کچھ بھی ہو، تیرا پتا مطلوب ہے​

​

واہ اُس طالب کی قسمت، جو مدام​
شاغِل تسبیح "یا مطلوب" ہے​

​

اے ترے قربان!اب اتنی سُدھ کہاں ​
تو مِرا طالب ہے یا مطلوب ہے​

​

شورِ فریادِ گدا ناحق نہیں​
التفاتِ بادشاہ مطلوب ہے​

​

شیخ! آپ اور حُبِّ زر سے یہ جہاد​
ہو نہ ہو، کچھ فائدہ مطلوب ہے​

​
رند ہیں اور بادہ و شاہد کا قحط​
حضرتِ زاہد!دعا مطلوب ہے​

​
پائے لنگِ فقر لے کر کیا کروں​
بازوئے کشور کشا مطلوب ہے​

Similar Threads:

• میں صدائے عشقِ رسولؐ ہوں، مرا رابطہ تو بحا
  
• غالبؔ اور شہزادے کے خطوط نسیم احمد باجوہ (ی&#
• اے تازہ واردانِ بساطِ ہوائے دل!
• وعدۂ سیرِ گلستاں ہے ، خوشا! طالعِ شوق
• گزرے ہوئے طویل زمانے کے بعد بھی