***"$$~Happy~Married~Life~$$"***,,,, Ke Kuch Sunehri Usool !!!

[~KAYRA~]

Hello Friends,,,!!

"Shadi" Har Larke Or Har Larki Ka Aik Pyara Sa Khwab Hai,,,,
Parents Bhi Yahi Khwab Dekhte Hain Ke Un Ke Pyare Bache Parh-Likh Ker Kisi Qabil Hojaaen,,
Un Ko Accha Rishta Miljaaey Or Wo Shadi Kerke Khushgawar Zindagi Guzarein,,,!!

Kisi Shayar Ne Kaha,,,

Tamanna Hay Yahi Ke Ab Tujhe Roz Dekhoon Qareeb Se,,,,
Mangaa Hai Maine Tujhi Ko Bas Apne Rabb-e-Habeeb Se,,,,
Mere Sare Dukh Or Dard Ki Bas Aik Hi To Dawa Ho Tum,,,,,
Kahan Se Aram Paey Dill Mile Kya Sakoon Ab Tabeeb Se,,,,
Meri Zindagi Bhi Sanwar Gayi, Ruh Tak Meri Nikhar Gayi,,,
Khush Hoon Main Jorh Ker Naseeb Apnaa Tere Naseeb Se !!!




Kahte Han Ke Jorey Aasman Per Bante Hain,,,,,




Ha Ha Ha,,,,, Is Ka Matlab Ye Hai Ke Achha Rishta Talash Kerne Ke Lye
Or Phir Apne Rishte Ki Khushyo Ko Qayam Rakhne Ke Lye
Kuchh Kerna Bhi Parta Hai

"Love Marriage" Ho Ya "Arrange Marriage" Jorey Aasmano Main Hi Bante Hain,,,,,
Hamara Imaan Hai Ke Insaan Ke Dunya Me Aane Se Pahle Hi Us Ki Taqdeer Likh Di Gai Hai,,,,
Lekin
Ye Bhi Sach Hai Ke Apni Taqdeer Banane Ke Lye Haath Per Bhi Chalane Parte Hain,,,,,

Or Apni Khushyon Ko Qayam Rakhne Ke Lye Kuch Sochna Samajhna Or Kuch Kerna Bhi Parta Hai,,


Allah Ne Sab Se Pahle Jannat Me Hazrat Aadam Or Hazrat Hawwa Ko Banaya Or
Un Ko "Nikah" Yani "Shadi" Ke Pyare Or Muqadas Rishtey Se Jora ,,,,,

Me Sochti Hoon Insaan Ke Saare Rishte Zameen Per Hi Janam Letye Hain,,,,,
Lekin Ye Jo "Shadi Ka Rishta" Hai Ye "Aasmani Rishta" Hai,,,,,
Or Agar Bohat Achhe Se Nibhaya Jaaey To Ye Rishta Zindagi Ko Khushgawar Banaker "Jannat" Tak Lejata Hai ,,,,,



Mujhe Kahin Ye Article Mila ,
"Kamyaab Azdawaji Zindagi Ke Raaz"
Mene Socha Aap Ke Saath Share Karoon ,,,Ke Ye Baatein Sab Kelye Mufeed Ho Sakti Hain,,,,



Lets Start !!!



"Kamyaab Ajdawaji Zindagi Ke Das Raaz"



Aksre Log Maanenge Ke Khushgawar Zindagi Barson Ki Mehnat Or Lagan Ka Samar (Fal) Hoti Hai,
Lekin Bohat Se Jore Hatho Per Sarson Jamana Chahte Hain,
Lekin Azdawaji Umoor ki Do Mumtaaz Maherein (Experts) "Conell Cowan" Or "Melvyn Kinder" Ne
Apne Tajurbe Or Ilm Ki bina Per Da'wa Kya Hai Ke Khushgawar Or Misaali Azdawaji Zindagi
Guzarne Walo Ke Das Raaz Hain,,,,,

Similar Threads:

• """"لاحول ولاقوة الا بالله"""" ـــ كا مطلب
• "" How to Permanently Delate A pic ""
• ""Apni pic ko dyn old efect with paint shop""
• ""Search on Boys""
• ""Apni pic ko dyn old efect with paint shop""

[~KAYRA~]

(1) "Ye Sirf Sitaaron Ka Khail Nahi"


Ye Khayal Aam Hai Ke Jo Log Khush-Qismat Hain,Un Ko Achhe Jeevan-Sathi Miljaate Hain,,,
Or Jin Ki Qismat Kharab Ho, Un Ko Bure Sathi Se Pala Parta Hai,,,
Isi Tara Aik Aam Khayal Ye Bhi Hai Ke Mohabbat Hojati Hai,,Or Hume Be-Bus
Kerdeti Hai,,,,,Sachhai Is Khayl Se Bilkul Alag Hai,,,,!!!
Hame Mohabbat Ke Samarat (Asarat) Ko Barqarar Rakhna Ho To Phir Hum Ko Bhi
Hath Paon Maarne Parenge,,,,,,,, Is Silsiley Me Pahli Baat Ye Hai Ke Hame Apne Saathi Ko
Samajhne, Uski Aadatein Or Khwahishat Janne Per Gehri Tawajjo Deni Paregi,,,,
Kisi Ta'alluq Ki Quality Ka Daromadar Is Baat Per Hota Hai Ke Achhe Or Bure Waqton Me
Do Log Aik Doosre Ke Saath Kis Tara Paish Aate Hain,,,,???
Azdawaji (Shadi-Shuda) Zindagi Kabhi Aik Jaisi Nahi Rahti,,Wo Ya To Phal-Phool Rahi Hoti Hai
Ya Phir Bigar Rahi Hoti Hai,,,,,,!!!!!!

[~KAYRA~]

(3) Shadi Ka Matlab "Qabool Kerna Hai"

Ghalti Se Aksar Auqat Hum Ye Samajh Lete Hain,,Ke Shadi Hame Doosre Fard Ko Apni Marzi
Kemutabiq Dhaalne Ke Licence Dedeti Hai,,,,Yun Hum apne Saathi Ki "ISLAAH" Per Lag Jaate Hain,,,
Chahe Is Amal Me Wo Khoobyan Bhi Tabah Ho Jaaen Jin Ki Waja Se Wo Hame Accha Lagta Hai,,
Ye Tareeqa-e-Kar Ghalat Hai,, Jab Aap Doosre Ki Islaah Kerna Chahan Aur Bazahir Wo Aap Ke
Mutalbe poore Kerne Lage To Bhi Dill Ki Gahrayon Me Wo Tabdeeli Ki Mazahmet Zaroor Kerega,
Haan Agar Zindagi Ko Naqabil-e-Bardasht Banane Wale Masail Paida Hojaaen ,,
To Phir Doosre Per Apni Marzi Musalat Kerne Ke Bajaey, Mill Ker Baitthey,,,
Masail Ka Hul Talash Kejye,,

Magar Ye Kabhi Na Boolye Ke Hur Shukhs Me Koi Na Koi Khami Zaroor Hoti Hai,,,
Hum Farishtey Nahi Hain,,

Khushgawar Zindagi Sirf Un Jorhon Ko naseeb Hoti Hai,,Jo Jaante Hain Ke
Shadi Ka Matlab Aik Doosre ki Kamzoryon Aur Khamyon Ko Qabool Kerna Hai,,,
Shadi Khud-bakhud Hame Tabdeel Kerti Chali Jaati Hai,,,,,,!!!!!!!!

[~KAYRA~]

(4) "Shadi Asani Se Khatm Nahi Hoti,,!"

Akser Shadi-Shuda Jorhon Ke Dill Me Kahin Na Kahin Ye Darr Mojud Hota Hai Ke,
In Ka Tal'luq Kisi Roz Be-Jaan Hoker Tootjaiga,,,Magar Aisa Hota Nahi,,,
Shadi Bohat Kam Hi Khatam Hoti Hai,,,,,
Haan !! Ye Zaroor Hai Ke Doosrey Jazbe Or Zarooratein Insaan Per Haawi
Hojaati Hain,,,Or Aapas Ki Mohabbat Dub Jaati Hai,,,,,,,

Gharelu Muamlat Me Na-Gawari Paida Hone Lagti Hai,,,
Aisa Ho To Dono Ko Mil lKer Apne Rishte Ki Hifazat Kerni Chahye,,,
Jo Jorhey Mazboot Shadi-Shuda Zindagi Banaletey Hain,,,
Wo Zindagi Me Aane Wali Oonch-Neech Ka Zyada Himmat Or Jurrat Ke
Sath Muqabla Kerte Hain,,,
Jab Kabhi Aap Ki Azdawaji Zindagi Me Talatum (Kharab Halat) Paida Ho To,,
Tofaani Lahron Per Sawar Hone Ki Bajaey Chand Lamhon Ke Lye Ruk Jaaey,,,
Or Yaad Kijye,,,, Ke Ta'luq Ke Aghaz Per Apne Jeevan-Sathi Ke Baare Me
Aap Ke Ehsasaat Kya They ,,,,,,,

Isi Tara Waqti Manfi (Negative) Ehsasaat Per bhooli Hui Mohabbat Ko Ghalib Aane Ka Moqa Miljaiga,,,,,,!!!!!!

[~KAYRA~]

(5) Shadi Kerne Wale Nafsiyyat Ke Mahir Nahi Hote,


Shadi Ke Khwabon Mese Aik Ye Hai Ke Hamara Jeevan-Sathi Khud Ko Hamari Umangon
Or Tamannaon Ke Mutabiq Ddhaal Ley,,,!!!!!
Jab Aisa Nahi Hota To Hum Ko Mayoosi Hoti Hai,,,
Kabhi Kabhi Ye Ehsaas Hota Hai Ke Hamare Saath Faraib Dhoka Kya Gaya Hai,,,,
Asal Me Ye Tawaqqo (Umeed) Hi Ghair Haqeeqat Pasandana Hai,,,,
Ke Hamara Sathi Hi Zahn-o-Dill Ki Gahrayon Me Palne Wali Aarzuoon
Ko Khud-BaKhud Parh Lega,,,Or Phir In Ki Takmil (Poora Kerna)
Ke Lye Masroof Hojaiga,,,,,,,
Jo Log Ye Da'wa Kertey Hain Ke Unke Jeevan Sathi Un Ko Achhi Tarah Samajhte Hain,,
To Wo Ye Bhi Jaante Hain Ke Isme Khud Inki Koshishon Ka Dakhal Hai,,,
Seedhi Si Baat Hai Ke Jab Tak Hum Apne
Baatin (Andaruni Kafiyat) Ko Numaya (Zahir) Na Keren,,, Doosrey Isse Agah Nahi Hosaktey,,,,





Islye Jab Husband Wife Aik Doosrey Ko Apni Khwahishat Or Umangein Batatey Hain,,,
To Wo Aik Doosrey ko Samajhne Lagtey Hain
Isharo Isharo Me Inka Izhar Kerna Chahye,,,, Tab Hi Aap Ka Sathi Unko Jaan Sakega,,,,,,!!!!!!

[~KAYRA~]

(6) "Bahterein Ta'lluqat Bhi Badalte Rahte Hain"

Akser Logon Ne Soche Samjhe Baghair Ye Baat Pakar Rakhi Hai Ke
Mazboot Ta'lluq Hamesha Mazboot Hi Rahta Hai Or
Us Me Kabhi Koi Utaar-Charhao Ya Tabdeeli Nahi Aati,,,
Ye Such Nahi Hai,,,,Such Ye Hai Ke Waqt Ke Sath Sath JisTarah Insan
Me Tabdeelyan Aati Rahti Hain,,,,
IsiTarah Shadi-Shuda Zindagi Bhi Musalsal Badalti Rahti Hai,,,




Jo Husband Wife Is Haqeeqat Se Nazrein Churate Hain Or Is Khauf Se
Tabdeelyon Ko Qabool Nahi Kerte Ke Tabdeelyan Un Ki Shadi-Shuda Zindagi
Tabah Kerdengi,,, Unki Zindagi Waqai Masa'il Me Ulajh Jaati Hai,,,




Payaidar Or Khush-Gawar Shadi-Shuda Zindagi Sirf Un Jorhon Ko Naseeb Hoti Hai
Jo Apne Aap Me Lachak Paida Kerte Hain,,,,,Aik Doosre Ka Ehteram Kerte Hain,,
Yehi Aitmad Or Yehi Ehteram Unko Nai Haqeeqaton Ko
Qabool Kerne Ka Hosla Deta Rahta Hai,,,,,,,!!!!!!!!

[~KAYRA~]

7) Be-Wafaai Azdawaji Ta'lluq Ke Liye Zahr-e-Qatil Hai,

Kahi Kabhi Aisa Bhi Hota Hai Ke Koi Aik Ye Sochta Hai Ke Agar Me Koi Chakker
Chalaoon Or (Meri Wife Ya Mere Husband) Is Se Be-Khabar Rahen To Is Me Koi Harj Nahi,,
Is Ko Koi Nuqsan Ya Takleef Nahi Pohchegi,,,,,,

Magar Yaad Rakhye Ke Is Qism Ke Affairs Aapko Akhlaqi Taur Se Kamzor Kerdete Hain,,,
Isse Shadi-Shuda Zindagi Lazmi Muta'ssir Hoti Hai,,,!!!!
Talaq Tak Nobat Nahi Bhi Ponche To Bhi Aisa Affair Husband Wife Ki
Apas Ki Mohabbat Ke Bandhan Ko Tabah Kerdeta Hai,,,,!!

Shadi Ke Bandhan Ke Pur-Khulus Ehteram Se Dill Ko Itminan Milta Hai,,,
Hame Apna Raaz Chhupane Keliye Dauo-paich Nahi Khelne Parhte,,,
Nahi Kisi Na-Gawar Bhaid Ke Khuljane Ka Darr hota Hai,,,

Lekin Jab Hum Bud-Dyanati Se kaam Len,, Apne Sathi Se Dagha Keren,,
To Hum isse Agaah Hote Hain,,Zameer Hame Malamat Kerta (Bura Bhala Kahta) Hai,,
Gunaah Ka Ehsas Humper Chhaya Rahta Hai,,,,,,,!!!!!!!!

[~KAYRA~]

(8) "Shadi Ilzam Nahi Deti,,"

Shadi Se Pahle Apni Ghaltiyon Ki Saza Aamtaur Per Hum Hi Ko Bugatna Parti Hai,,,
Lekin Agar Shadi Ke Baad Hamara Ruwayya Theek Na Ho To,,,,
Hum Me akser Log Apne Saathi Ko Ilzam Dena Shuru Kerde Hain,,,
Wo Kehte Hain Ke "Main Khush Nahi Hoon Aur Is Ka Sabad TUM Ho,,!!!"

Khud Ko Halat Ka Zimmedar Samajhne Ki Bajaaey Hum Asani Se
Apne Sathi Ko Ilzaam De Detey Hain,,,,, Ye Andaaz Ghalat Hai,,,
Ilzam Aarai Ke Is Jaal Se Door Rahye,,,,,,



Apne Halat Ke Baare Me Jis-Qadar Zimmedari Aap Khud Qabool Kerenge
Usi Qadar Aap Or Aap Ka Sathi Mutma'in Or Masrur (khush) Rahega ,,,,,,,!!!!!!!!!

[~KAYRA~]

(9) "Shadi Be-Laus Hoti Hai,,"

B

Be-Sakhta Khulus Mohabbat Ka Raaz Hai,,,
Shadi Taqaza Kerti Hai Ke Hum Apni Zarooratein Rok Ker
Apne Sathi Ki Zarooratein Poori Keren,,,,,,
Har Haal Me Is Usul Per Amal Kerna Zaroori Nahi,,,,,Magar
Aamtaur Se Hamara Rowayya Yahi Hona Chahye,,,,



Jab Aap Kisi Ko Kuchh Dete Hain,,To Wo Bhi Aap Ka Daman
Bharne Per Amada Hota Hai,,,
Lekin Is Muamle Me Aik Ehtiyat Zaroori Hai Ke Kisi Ko Is Irade
Se Kuchh Na Dijiye Ke Wo Bhi Aap Ko Badle Me Kuchh Dega,,,,,





Sab Se Ziyada Khushgawar Shadiyan Wo Hoti Hain Jahan,
Husband Wife Khud-Gharzi Ke Kisi Ehsas Ke Baghair Aik Doosre
Ki Zarooraton Ka Khayal Rakhte Hain,,,,,,!!!!!!!!!

[~KAYRA~]

(10) "Mohabbat Muaf Kerdeti Hai,,!!"

Khushgawar Zindagi Basar Kerne Wale Husband Wife Ke Beech Bhi Kabhi Na Kabhi Talkhyan Paida Hojati Hain,,,,,.
Ye Koi Unhoni Baat Nahi Hai,, Jab Is Qisam Ki Soorat-e-Hal Paida Hojati
Hai, To Phir Hum Hi Dill Me Kaduratein (Nafratein) Ikatthi Kerte Rahte Hain,,
Lekin Mohabat Ka Taqaza Ye Hota Hai, Ke "DAR-GUZAR" Se Kam Liya Jaaey,,
Baat Dill Me Na Rakhi Jaaey,,,



Maaf Kerne Ka Matlab Ye Nahi Hai Ke Sirf Zahiri Bartav Theek Kerlya Jaaey,
Magar Dill Me Kadurat Rahne Di Jaaey,,,,
Muaaf Kerne Ka Matlab Ye Hai, Ke Doosre Ki Ghalti Ko Dill Ki Gahrayon Se
Faramosh Kerdiya Jaaey,,,,,,




Apas Ke Rishtey Ki Sehet-Mund
Nasho-Numa (Growth) Ke Lye Ye Tarz-e-Amal Nihayat Zaroori Hai,,,,
Akhri Baat Ye Ke,Mohabbat Ka Aham-Tareen Usul Ye Hai Ke
"Apne Jeevan Sathi Or Khud Apne Sath Aisa Saluk Kya Jaaey Ke Jisse
Aap Ki Apni Qadr-o-Qeemat Or Saakh Me Izafa Ho,,,,,,,!!!!!!!